مميزات وعيوب الماروتى بالتفصيل

[Abdm]

معلش يا Noni67 أنا أسف على التأخير كنت بحسب محدش رد أنا ساكن فى الطالبية -فيصل-الهرم وشكرا على اهتمامك بالرد

ولو حد عارف الاجابة ميتأخرش علينا يا أحلى شباب .

[Abdm]

أولا : يا ريت يا شباب المنتدى الكرام حد يجاوب على السؤال السابق عن الفتيس اللى بيعض فى النقل و عدم توافر بعض قطع الغيار مثل المارش لانة سؤال مهم جدا وسوف يتوقف علية قرار شراء هذة السيارة من عدمة لان انتوا عارفين ان أهم حاجة هى توافر قطع الغيار وعدم وجود مشاكل متكررة بستمرار للاقبال على شراء أى سيارة .
ثانيا : فى أحد الاخوة الاعضاء بيقول أيضا ان الكبالن بتبوظ على طول هل هذا صحيح وشكرا

يا ريت حد يقولنا المشاكل دية حقيقية وأهم حاجة هل هى متكررة يعنى حتى لو رحت التوكيل علشان يصلحوها هل بعد كدة المشاكل دية حتحصل تانى بسرعة أو بصورة متكررة ومعليش أنا بتقل عليكم وشكرا .

[Abdm]

شكرا يا جماعة أوى على الاجابة اللى ما شفتهاش

[noni67]

شوف الهرم اقرب توكيل ليه بتاع بين السريات بالدقى جنب مطافى بين السريات وهما فاتحين من 9 الى 5 كل يوم وناس محترمين جدا

[Abdm]

يا شباب يا ترى فى حد عندة أى update تانى عن الماروتى يا ريت من فضلكم اللى معاة الماروتى يفضل يتابع معانا الموضوع مع ذكر كل الاشياء الجديدة التى تحدث
ولا تبخلو علينا بأى جديد . وشكرا

[Abdm]

يا شباب يا ترى فى حد عندة أى update تانى عن الماروتى يا ريت من فضلكم اللى معاة الماروتى يفضل يتابع معانا الموضوع مع ذكر كل الاشياء الجديدة التى تحدث
ولا تبخلو علينا بأى جديد . وشكرا

[alessandronesta13]

bos ana gbt el 3rbia de mn 7waly 6 shhoor heya 7agtha r7eesa w mabtsthlksh banzene w sa7bha kowis l7d 90 b3d kda el 3rbia hatgeeb m3ak l7d 130 bas btb2a 7'afefa 2wy w shantttha so3'ra gdn

[casper2010]

اخويا معهاة الماروتي من سنة
هي عربية موتورها كويس علي حجمها و سحبها حلو تاخد 4 اشخاص متوسطين بس مش طوال - سرعتها ثابتة لحد ال 90 و هي عربية حديثة اقدم حاجة موديل 94 - و عيبها الحوض الضيق لما بتتصلح لان اليكانيكية بيضايقوا من الشغل فيها بعض الشيئ - العربية هندي علي ياباني و ناعمة
و دي بعض اسعار قطع الغيار
مساعدين امامي ياباني 470
طنابير خلفي 200
طقم مقصلت هندي 150 بالجلب
مساعدين خلي الهندي 150 الياباني 170
الكبالن كلها داخلي و خارجي و اكسات 650
و هي متوفرة في محلات وسط البلد - و حذار من الشراء من اي حد علشان فرق الأسعار اقل بس قطع مضروبة

[yasserayad]

[quote=Abdm;192595]

يا شباب يا ترى فى حد عندة أى update تانى عن الماروتى يا ريت من فضلكم اللى معاة الماروتى يفضل يتابع معانا الموضوع مع ذكر كل الاشياء الجديدة التى تحدث
ولا تبخلو علينا بأى جديد . وشكرا

[/quote

اقوللك نصيحه اخويه
انا قريت كل الموضوع وكل الردود
شكللك متردد حدا جدا جدا
وكمان مش مقتنع بيها (الماروتى)
خليك فى الادا بقى احسن
كل الاخوه قالولك كل المعلومات الممكنه ولكنك متردد
لانك غير مقتنع
ابدا لا تشترى شى انت مش مقتنع بيه
ربنا يوفقك

[Abdm]

ألف شكر يا أحلى شباب على كل ردودكم وتعاونكم معانا جميعا وجزاكم الله خيرا

[خالد]

أنا معايا ماروتى 2007
عربية جميلة جداً فى سحبها وأقتصادية فى البنزين جدأً وقطع غيار متوفرة ورخيصة وتوكيل محترمومش هاأقولك مميزات أكتر من اللى الأخوة قالوه
ولكن عيوبها: عربية خشنة شوية فى سواقتها الفتيس والدركسيون ، وفيها عيب لاحظته دلوقتى وناس معاهم قالوا نفس العيب وهو أنها لما بتكون سخنة بتبقى صعبة الدوارة تانى ألا لما تبرد ( تابع الموضوع فى ورشة نايل موتورز)
بالمقارنة مع اللادا ومش هاتغيرها قبل 10سنين يبقى طبعاً اللادا تكسب بدون تفكير وتوكل على الله وربنا يوفقك

[alessandronesta13]

ana m3aya marotti 2007 bas lma bts7'n bdwrha tany 3ady mafhash el moshkla de

[engahmed29]

انا معايا ماروتى موديل 96 و مفيش مشكلة فى الدوران و هى سخنة خالص

[Abdm]

أنا سمعت انى فى ماروتى 2008 زيرو 1000cc هل يا شباب دة صحيح ولا مش صحيح ويا ريت مزيد من التفاصيل وشكرا

[wessampo]

مش عارف يا اخى رد على سؤالك لاننى لسة بتعرف عليها بس نفسى اعرف هى الماروتىلو انا اشتريتها ومش هسافر بيها لكن داخل القاهرة ممكن تعملى مشاكل كتير يعنى تعطل معايا كتيير بالطريق وعلى فكرة معايا22000 تجيب ماروتى موديل كام وحالتها اية