مميزات وعيوب الماروتى بالتفصيل

[bayoumisoft]

السياره ياجماعه ممتازه جدااااااااااااااااا انا شغال فى التوكيل بتاعها الحمد لله مفيش مشاكل منها تماما والسياره موجود كل قطع غيارها فى الدنيا كلها احنا عندنا الفانوس ب 50 جنيه والفلاشر 40 جنيه
دى اسعار التوكيل يعنى من الاخر مش هتجيب اى مسمار من بره كله من عندنا احسن وائمن بكتيييييير

على فكرة انت لو قرات كل المواضيع ها تلاقى العيب الوحيد فى العربية هو الوكيل مش العربية

[LORD.ADeL]

السلام عليكم للجميع والله لكم وحشه كبيرة كلكم
معلش لعدم تواجدى وماشاء الله اخويه عبد الحي قايم بالواجب وتسلم يا صحبي ع السؤال ظروف والله مش اكتر يا غالي
جبيت بس اقول لكم ان جربت زيت جديد للعربيه اسمه فسيكو 2000
حلو وخلي صوت مانور هادي وناعم بنسبه ملحوظه هوا بيقعد 5000 كيلو اول مرة وتانى مرة ممكن يقعد لحد 10000 ودة عن كلام مهندس دعم الفني للزيت دة هناا وكان لي سؤال ان عمال زيت هناك قالولي يتغير عند 5 فقط ومستنىمنه رد ممكن تتابعو معايا هنا انت تسال و مهندس محمد التازى يجيب - من خدمة الدعم الفنى لفيسكو -
واة سعرة 72 ل4 لتر
ومواضيع خاص برضو للزيت
زيت جديد من فيسكو
زيوت فيسكو....بالصور

لكم تحياتى

[Abdm]

حمد لله على السلامة يا أبو عادل ومنور
أنت جربت قبل كدة زيت موبيل 5000 أو 10000 ولو كنت جربتة هل يفرق عن زيت فيسكو.
والله المستعان

[LORD.ADeL]

حمد لله على السلامة يا أبو عادل ومنور
أنت جربت قبل كدة زيت موبيل 5000 أو 10000 ولو كنت جربتة هل يفرق عن زيت فيسكو.
والله المستعان

الله يسلمك يا عبدة تسلم وياغالي يارب نور نورك ونور كل
شوف كنت بتعامل مع موبيل عادي مش موبيل 1
وكان بيقعد 5000 وكنت بغيرة ب100

اما بعد ما غيرت لفسيكو دة بيقعد برضو 5000 وممكن يفضل معاك ل10
بس دي لسه منتظر منها تاكيد رسمي ومجرب لاكن الاساس 5
وسعرة 72 وبجد مخلي صوت العربيه هادي جداا وفرق معايا فى بنزين فرق بسيط والله المستعان واعلم ...

[marmar9680]

السلام عليكم
ازيكم يا ماريوتية , يارب تكونوا جميعا بخير
انا عملت صيانة 15000 فى التوكيل وفعلا العربية الحمدلله احسن بس فى سؤالين
1- لما اجى ادور بدور من ثالث مرة احيانا
2- لما اجى اهدى وادوس فرامل بحس ان فى صوت مش عارفة اميزة بالظبط
فهل ده طبعى والا لاء وياترى ايه ممكن يكون السبب

[LORD.ADeL]

السلام عليكم
ازيكم يا ماريوتية , يارب تكونوا جميعا بخير
انا عملت صيانة 15000 فى التوكيل وفعلا العربية الحمدلله احسن بس فى سؤالين
1- لما اجى ادور بدور من ثالث مرة احيانا
2- لما اجى اهدى وادوس فرامل بحس ان فى صوت مش عارفة اميزة بالظبط
فهل ده طبعى والا لاء وياترى ايه ممكن يكون السبب

وعليكم السلام يا مرمر اهلا بيكى
ومبروك صيانه واكيد دفعنت ملبغ حلو شوفى حكايه الدوران دي بتختلف من الصبح بدري او بعد الظهر؟ يعنى لو الصبح مثلا نتشدي الشفاط ع المستوى تانى مثلاا وتدوري مع سنه بنزين وتعلقي رجلك شوياا لحد ما تلقت ممكن مش من اول مرة من تانى مرة اكيد باذن الله بس تنتظر من كل تدوري والاخر حوالى 5 ثواني كدة.. لاكن بعد ظهر لازم تدور معاكى ع طول وبرضو تكون شدة شفاط مستوى واحد وتنظري 45 ثانيه كدة وتتطلعى براحه ..
==
اذا صفار جامدة تبقل تيل؟ او فيه تراب او زلطه خفيفه اذا استمر الحال روحى ليهم تانى ع طول لان بدال عملتى عندهم صيانه ليكي اعتقد كم يوم او اسبوع تقدرى ترجعى ليهم وتظبطيها بدون مقابل ؟
والله المستعان واعلم ...

[marmar9680]

وعليكم السلام يا مرمر اهلا بيكى
ومبروك صيانه واكيد دفعنت ملبغ حلو شوفى حكايه الدوران دي بتختلف من الصبح بدري او بعد الظهر؟ يعنى لو الصبح مثلا نتشدي الشفاط ع المستوى تانى مثلاا وتدوري مع سنه بنزين وتعلقي رجلك شوياا لحد ما تلقت ممكن مش من اول مرة من تانى مرة اكيد باذن الله بس تنتظر من كل تدوري والاخر حوالى 5 ثواني كدة.. لاكن بعد ظهر لازم تدور معاكى ع طول وبرضو تكون شدة شفاط مستوى واحد وتنظري 45 ثانيه كدة وتتطلعى براحه ..
==
اذا صفار جامدة تبقل تيل؟ او فيه تراب او زلطه خفيفه اذا استمر الحال روحى ليهم تانى ع طول لان بدال عملتى عندهم صيانه ليكي اعتقد كم يوم او اسبوع تقدرى ترجعى ليهم وتظبطيها بدون مقابل ؟
والله المستعان واعلم ...

شكرا يا لورد على الرد
يعنى انا اشد الشفاط قبل ما ادور خالص ويعنى ايه المستوى الاول او التانى فى الشفاط
والصوت مش صفارة هو عامل زى متكون ماشى على طريق مش مسفلت بيكون العجل مش بيمشى كويس

[marmar9680]

السلام عليكم
فى حد يا جماعة ركب جنوط للعجل وركب مقاس كام ويساوى كام واجيبه من اى مكان؟؟؟؟؟؟؟؟

[LORD.ADeL]

الشكرلله يا مرمر
ايوة قبل ما تدوري العربيه الصبح وبعد ظهر و
شوفى بخصوص شفاط المقصود بالمستوى الاول وتاني
هوا ان لما تشدي شفاط هتلقيه اتشد لسنة ووقف وتشدي تانى زي
الهندبريك فرامل اليد كدة مش بتتشد ع كذا مستوى دة مقصود بيه
---
بخصوص صوت دة كدة لا تروحى تانى ليهم ع طول وتقوليهم ع اللى بنسمعيه دة وخاليهم يشيكو تانى ع كل تيل خلفى وامامي تاني لان كدة مش طبيعي والله اعلم

[LORD.ADeL]

السلام عليكم
فى حد يا جماعة ركب جنوط للعجل وركب مقاس كام ويساوى كام واجيبه من اى مكان؟؟؟؟؟؟؟؟

وعليكم السلام
نصيحه بلاش لان اولا جنط العربيه نفسها 12 ع نفس الكاوتش
قليله جدااااااا ومش هتزود شي غير الوك بس يعنى منظر
واذا عايزة تغيري هتجيبي جونط 13 وكاوتش جديد 13
ودول هيتكلفو 1000 وزيادة
وسمعت من كتير انها غلط ع العفشه بتاعت العربية
والله اعلم وانتى ورحتيك...

[meemo]

يا الله بقلي حولي شهر ونص مدخلتش المنتدي من ساعات مخلصت الاجازة ورجعت الغربة تاني وحشنتمي ياماروتي كتير وسلامي للجميع معلش التيرم التاني شغلوه مقرف
انا بس في حاة لافتت نظري
اولا الاستاذ اللي بيقول انه شغال في التوكيل وانا كل حاجة تمام وزي الفل انا مقدرش اجزم بده علشان انا متعملتش مع التوكيل الافي صيانة الالف الاولي وكمان المدام اللي عملتها علشان سفري ودي طبعا مفهاش اي مشاكل بس هما طلعوا عيني علشان اركب كاست ومصممين اني اجيبه من عندهم وراكبه من عندهم وانا راسي والف سيف اني اجيبوا من بره واركبوا عندهم كنت ناوي في اجازة نص السنة اشتغلهم في الازرق بس معلش اجازة الصيف قربت
كمان بقول ان الحاجة في التوكيل رخيصة انا اول يوم استلمت العربية اتخبط الفانوس الامامي الشمال وطبعا علشان كنت خام روحت التوكيل ركبت افانوس والاشارة بحوالي علي ما اتذكر150 بس مش متاكد بس العربية بصراحة المدام بتشكر فيها انا مركبتهاش الا3 اسابيع بتوع الاجازة وشهر لما اشترتها

[meemo]

تصحيح

معلش تصحيح للموضوع اللي لسه كتبه
كلمة وحشتوني
كلمة في حاجة لافتت نظري
المبلغ دفعته لتركيب الفانوس مش 150 وادي المبلغ من الفاتورة
فانوس اشارة 35
كشاف ب110
لمبة زئبق45
لمبة 3
معاينة او مصنيعة مش عارفين يقروها صح 25
الاجمالي 239
الفانوس بره سالت عليه بعد كده ب50 والاشارة ب25
لسه جايب الاشعار علي الهواء مباشرة من الفاتورة من الاهل في مصر وانا قاعد معاكوا علي النت علشان الاستاذ بيقول الفانوس مش عارف بكام

[ihabchina]

انت كمان وحشتنا .. ربنا يجيبك بالف سلامة.. ويبارك فى عربيتك

فانوس الاشارة اتكسر عندى برضة وجبتة من عند محمد حسنى اللى فى الساحل ب 15 جنية وانا اللى ركبتة كمان واللمة لقتها ب جنية ونص ههههه

[jarto2003]

العربية الماروتى دى أسطوره : إستهلاكها فى البنزين قليل جداً - نادراً ما تتعطل - جسمها قوى إلى حد كبير - موتورها شديد - سعرها مناسب - ضيقه حبتين - قطع غيارها متوفرة أوى ورخيصه - ماسكة نفسها فى المستعمل - بتجرى و ده بالنسبة لأول 7 سنين فيها

[jarto2003]

يا جماعه أحسن حاجه الواحد يعملها علشان العربية دى تعيش معاه فى أمان و متعملش مشاكل نهائى أنه يعمل اللى هقول عليه ده بالظبط وهيلاقى العربية معاه رهوان و مش هتحتاج أى مصاريف غير اللى هقولها دى و ده عن تجربة فى 12 عربية ماروتى باخدهم متبهدلين و ببيعهم مرتاحين على الآخر و اللى بيسمع كلامى بيدعيلى بعد كده و أنتوا هتدعولى بإذن الله ...... :)

- زيت الموتور يبقى موبيل 1 اللى بيتغير كل 10000 كيلو (مش تقيل على العربية).
- فلتر الزيت يتغير كل 20000 كيلو (يعنى كل تغييرتين زيت)
- العربية يتحطلها بنزين 92 مش 90 (فرق 3 جنية بس فى التفويله).
- البوجيهات تتغير كل 5000 كيلو ببوجيهات ngk شمعتين مش شمعه واحده.
- تشتريلها منظف كربراتير بـ 25 جنيه و تنظف الكربراتير كل 5000 كيلو.
- طقم السيور بالكامل يتغير بعد أول 50000 كيلو وبعد كده يتغير كل 30000 كيلو (لأن الأصلى أصلى).
- فى حالة أن العربية تبطل لوحدها وهيا ماشية يبقى ده معناه أن باب من أبواب البنزين بتاع العربية علق نتيجة حرق بالعربية زياده عن اللذوم و يتم ظبطه عند أى ميكانيكى بـ 5 جنيه.
- تيل الفرامل بيتغير حسب الإستعمال بس التيل الخلفى بيتغير فى حالات نادرة جداً.
- فلتر الهواء يتغير كل 40000 و يتنظف على الأقل كل 5000 كيلو.
- فلتر البنزين يتغير كل 15000 كيلو بالكتير.

- لو العربية مكتومه تبقى محتاكه تنظف الكربراتير أو تغير بوجيهات أو تغير فلتر بنزين أو تنظف فلتر الهواء أو كلاهما معاً.

أتمنى أن أكون ساعدتكم فى معرفة الدواعى اللازمه للحفاظ على السياره

أنا مصطفى عماد صبحى
0182261173

معى الآن سيارة ماروتى موديل 2009 - لون شامبين - عامله 40000 كم - و ربنا يكرمن فيها علشان أنا حبيت العربية دى أوى
و لو حد عنده أى أستفسار انا جاهز و فى الخدمه :)