مميزات وعيوب الماروتى بالتفصيل

[meemo]

الله يسلمك ياباشا ومبروك الدوري للاهلي

[zooma783]

تجربة شهر

بص يا باشا العربية حندوقة و لذيذة ، سهلة التحكم و تشعر أنت تقودها أنك تحركها من الخارج (يعني تجيبها يمين تجيبها شمال مش حتحس أنها حاجة كبيرة) وذلك لصغر حجم العسيارة في الشارع المصري الوااااسع و النظام الجميل المتيبع في شوارع المحروسة الناعمة الخالية من المطبات (الطبيعية)، ثانيا مش هكلمك على أسعار قطع الغيار (فسمعتها سابقاها) الفانوس الأمامي واحد ابن حلال كسري الاشارة (الفانوس مقسم لجزئين فانوس أمامي أساسي + لمبة الاسارة) تمنها 35 جنيه (لكن التوكيل أخد فيه 500 جنيه (تركيب حلقة فانوس+ تركيب فانوس اشارة + تركيبات كهربائية + رد الفانوس من الداخل + .... ) طبعا لو عند ميكانيكي مش هياخد أكتر من 50 جنيه شامل الفانوس و هيبوس ايد وش وظهر.
نيجي للعربية نقسها (مميزاتها)
1- موفرة في البنزين وبالذات 90 (يعيش أكتر من 80 لو قارنتها بالكيلو مترات)
2- موديل 2010 فيها راديو كاسيت (أينعم مش هاي كلاس بس سغال معاك زي ما تحب)
و كمان فيها انذار و سنتر لوك.
3- التابلوه مش كبير لكن محترم.
4- ماعدتش معايا 125 (بس علشان العربية لسه زيرو)
5- في بداية التشغيل الصبح (العربية باردة) لازم تفتح الهواء (بيشد حبة بنزين) لمدة نص دقيقة وبعدين تقفله (علشان بيسحب بنزين وصوت المحرك بيبقى عالي جدا)
6- لازم تنتظر حوالي دقيقة قبل ما تتحرك علشان العربية تبقى ناعمة معاك، ولو مستعجل ممكن تمشي بيها كده لكن دوس شوية بنزين.
7- خد بالك من المطبات (العربية مش دبابة)
8- سيبك من 127 أو 128 وخليك مع الجديد (هتبسطك و القديم هيتعبك)
9- العربية من جوة مريح نسبيا.
نيجي للعيوب:
1- ماتحملهاش أكتر من 4 أفراد وزن متوسط.
2- لو حمل زيادة هتحس بيه بوضوح (العربية تقيلة)
3- النور فعلا مش جامد لكن بيوضحلك الطريق كويس.
4- عيب كبير و ممل (هناك بوش واضح جدا في الفتيس) عند الأول و عند المارشدير (ممكن الفتيس يركن تحس ان العربية عشقت و هو لسه ما عشقش) خد بالك.
5- صوت الموتور عالي نسبيا بس مش مزعج.
6- 800 سي سي فقط وفيها مميزات تلغي عيوبها

الخلاصة عربية جميلة للمشاوير داخل البلد (غير عملية في السفر أكتر من 100 كم يوميا "هتتهلك") بس جوة البلد عربية ممتازة لأسرة صغيرة (أب و أم و طفلين 3-4 سنين)

[kadrysayed]

اسمحوا لى بالانضمام معاكم
اناا أول عربية ركبتها ماروتى من 3 سنوات عربية ممتازة بجد بس عيبها لما تحمل أكثر من اتنين وعيبها برده التكييف...انا الحمد لله دلوقتى معايا التو1100 موديل2009 وعايز ابيعها عشان أجيب حاجة سيدان بشنطة يعنى

[Abdm]

اسمحوا لى بالانضمام معاكم
اناا أول عربية ركبتها ماروتى من 3 سنوات عربية ممتازة بجد بس عيبها لما تحمل أكثر من اتنين وعيبها برده التكييف...انا الحمد لله دلوقتى معايا التو1100 موديل2009 وعايز ابيعها عشان أجيب حاجة سيدان بشنطة يعنى

أولا أهلا وسهلا بالآعضاء الجدد

ثانيا : بالنسبة ليك يا أستاذ kadrysayed أنت لحقت تشترى الآلتو علشان تبيعها يا عم دى يدابك ما بقئلهاش سنة معاك ودية كدة مش تعتبر خسارة كبيرة فى الفلوس بالذات

أنا معايا ألتو بردة هى مش وحشة بس بصراحة فعلا الواحد نفسة فى عربية سيدان بس بصراحة حاسس أن الواحد لو فكر يبيع دلوقتى هيخسر جامد قوى فعلشان كدة الواحد مفروض يستنى مش أقل من 3 : 5 سنين علشان يفكر فى البيع علشان الخسارة تكون مبلوعة وربنا يسترها معانا جميعا يا رب

تقدر حضرتك تقولى أشترتها بكام بالضبط ولو هتفكر تبيع هتبيع بكام

متنساش ترد عليا

والله الموفق والمستعان

[Abdm]

بسم الله الرحمن الرحيم
السيارة زى الفل والحمد لله فابريقة برة وجوة لون احمر بس عليها اقساط بنكية اللى هايخدها يكمل...

دلوقتى سؤال تانى حضرتك أية نظام الدفع يعنى أنت عايز كام . . والمبلغ المقدمة للعربية اللى أنت دفعتة كان فى الآساس كام ... وباقى الآقساط كام

والله الموفق والمستعان

[kadrysayed]

والله العربية أساسا ب 55000 جنية وانا جايبها من بنك أبو ظبى الاسلامى دفعت مقدم 10000 جنيه والبنك مول لى 45000 جنية ونسبة المرابحة السنوية 9% والحمد لله السداد فى الميعاد ودفعت منها 11 شهر فى 1090 ده قيمة القسط الشهرى يعنى باقى عليها 49 شهر يعنى دافع لغاية دلوقتى 22000 ده غير التأمين والمصاريف الادارية والترخيص و...و.. المهم عشان ماطولش عليكم أنا لو جالى 12000 هابيع عشان ادفع القسط ده فى سيارة سيدان افضل لاسرتى فأنا لدية والحمد لله طفلين.... واللى ناوى أهم حاجة القدرة على السداد وانا عارف انى البايع خسران بس معلش.. لازم أسأل ع المشترى واطمنله طبعا..مع جزيل الشكر للأعضاء المحترمين ..سبحانك اللهم وبحمدك ، أشهد أن لا إله إلا أنت أستغفرك وأتوب إليك

[ihabchina]

كل كبيرة و كل صغيرة عن الماروتى فى اللينك ده

http://www.nilemotors.net/Nile/92754-a-3.html

ويا ربت تركزوا مع اجمل تعليق على الماروتى من الاستاذ سبعاوى استشارى المنتدى (تعليق رقم 28)

هى عربية تحطها فى الشارع تجرى تنزلها فى الترعة تعوم ترميها فى حفرة تقب تطلعها على الحيطة تطلع وتحايلها بقرش بنزين تقوللك شكرا

[soda_542001]

السيارة الجميلة سوزوكي ماروتي

اشكر كل من أضاف تلك المعلومات عن هذه السيارة الجميلة فقد أفادتني جداً لأنني اشتريت أول أمس سيارة ماروتي 2010 بها كاسيت وإنذار وريموت وسنتر لوك وحقيقي من واقع ما قرأته في هذا الموقع فضلتها عن اللادا رغم أنني أعلم أن الادا أوسع وأمتن ولاكن موضوع استهلاك البنزين أرجو من السادة مجربي هذه السيارة أن يفيدونا باستهلاك السيارة الحقيقي من واقع قيامهم بتفويل السيارة ثم أخذ رقم العداد والسير بها لأى مسافة ثم إعادة تفويلها مرة أخري وكتابة رقم العداد ثم طرح قرائة العداد الثانية من الأولي ثم قسمة هذا الرقم علي كمية البزين الي تم التفويل بها في المرة الثانية الناتج سيكون هو نسبة استهلاكها في اللتر الواحد يضرب في عشرين سيكون الناتج هو نسبة استهلاك السيارة في صفيحة البنزين ولتقريب ذلك سوف أعطي المثال الأتي :-
مثلاًفولت السيارة وكان عدادها يقرأ 155 كيلو ثم مشيت بيها حتي وصلت قرائة العداد إلي 305 كيلو يتم طرح 305 من 155 الناتج يساوي 150 كيلو مشيتهم ثم فولت وجدت أن كمية البنزين التي تم استهلاكها في ال 150 كيلو 10 لتر نقسمهم عي بعض الناتج سيكون 15 كيلو نضربهم في 20 لتر ( هو حجم صفيحة البنزين ) وناتج الضرب سيكون 300 كيلو يعني السيارة بتستهلك 300 كيلو في الصفيحة أل 20 لتر وأرجو أن العملية تكون مفهومه كما أرجو من الأخوة الأفاضل أصحاب تلك السيارة الجميلة تجربة استهلاكها للبنزين علي هذا النحو وإفادتنا وبارك الله فيكم أخوكم مستشار محمد

[بنت مصر]

شكرا لكل من شارك فى هذا الموضوع الرائع ..
انا كنت بقارن بي الماروتى وكذا عربيه تانيه بس بصراحة بعد الموضوع دة بقيت مياله قوى للماروتى
ان شاء الله انضم للحزب الماروتى قريب ادعولى الاقى حاجة استعمال نضيف لانى لسه بتعلم السواقة ومش عايزة حاجة تتعبتى

[meemo]

اشكر كل من أضاف تلك المعلومات عن هذه السيارة الجميلة فقد أفادتني جداً لأنني اشتريت أول أمس سيارة ماروتي 2010 بها كاسيت وإنذار وريموت وسنتر لوك وحقيقي من واقع ما قرأته في هذا الموقع فضلتها عن اللادا رغم أنني أعلم أن الادا أوسع وأمتن ولاكن موضوع استهلاك البنزين أرجو من السادة مجربي هذه السيارة أن يفيدونا باستهلاك السيارة الحقيقي من واقع قيامهم بتفويل السيارة ثم أخذ رقم العداد والسير بها لأى مسافة ثم إعادة تفويلها مرة أخري وكتابة رقم العداد ثم طرح قرائة العداد الثانية من الأولي ثم قسمة هذا الرقم علي كمية البزين الي تم التفويل بها في المرة الثانية الناتج سيكون هو نسبة استهلاكها في اللتر الواحد يضرب في عشرين سيكون الناتج هو نسبة استهلاك السيارة في صفيحة البنزين ولتقريب ذلك سوف أعطي المثال الأتي :-
مثلاًفولت السيارة وكان عدادها يقرأ 155 كيلو ثم مشيت بيها حتي وصلت قرائة العداد إلي 305 كيلو يتم طرح 305 من 155 الناتج يساوي 150 كيلو مشيتهم ثم فولت وجدت أن كمية البنزين التي تم استهلاكها في ال 150 كيلو 10 لتر نقسمهم عي بعض الناتج سيكون 15 كيلو نضربهم في 20 لتر ( هو حجم صفيحة البنزين ) وناتج الضرب سيكون 300 كيلو يعني السيارة بتستهلك 300 كيلو في الصفيحة أل 20 لتر وأرجو أن العملية تكون مفهومه كما أرجو من الأخوة الأفاضل أصحاب تلك السيارة الجميلة تجربة استهلاكها للبنزين علي هذا النحو وإفادتنا وبارك الله فيكم أخوكم مستشار محمد

الف مبروك علي السيارة الجديدة وربنا يكتبلك خيرها ويبعد عنك شرها
بس بصراحة انا مش فاهم اوي انا راجل كنت ادبي ومش قادر افهم الحسبة
وشكرااااااااااااا

[meemo]

استشارة عاجلة

كل سنة وانتوا طيبين بمناسبة قرب موسم الصيف والمصايف والاجازات سؤال مباشرة مكن اسافر بالماروتي مرسي مطروح مع العلم سيارتي موديل 2009 اشترتها شهر 8 اللي فات ماشي 3500كم صيانة الالف الاولي في التوكيل الاستخدام خفيف جدا نظرا لظروف السفر
اول مرخصت السنة اللي فاتت طلعت بيها راس البر بصراحة مكسفتش الواحد وبيضت وشه بس مرسي مطروح؟؟؟؟
العيالة انا وزوجتي وطفلين 8 سنين و5 سنين الاحجام صغيرة وليست متوسطة الاسرة كلها حجم صغير
اتوكل علي الله واحجز للعيال مرسي مطروح ونسافر ولا العربية متستحملش وخصوصا في حر الصيف؟؟؟؟

[dede]

السلام عليكم انا لسة ماروتية جديدة المنتدى ممتاز واستفدت كتير من خبرات الاعضاء شايفة ان العربية ممتازة وما فيهاش اي عيب وفرحانة بيها يمكن لانها اول عربية اسوقها

[m_ramadan]

نا معايا عربيه ماروتى جبتها زيرو وبقالها معايا سنتين عيوبها:

* ضيقه 4 أفراد بالسواق
* لا يوجد بها تكييف
* قطع غيار غاليه بالنسبه لعربيه إقتصاديه
* توكيل زفت كالعاده

مميزاتها:
حموله جدا وبتاعت جرى وشغل ومن وجهة نظرى خلال السنتين دول إن قطع غيار العربيه معمره جدا ما شاء الله لا قوة إلا بالله (بس ده يمكن لأنها زيرو) لأنى بجرى بيها وبغرز وبعمل كل حاجه ومقلتش بم + إنى سافرت بيها 7 مرات أو أكتر لبنى سويف أكتر من 140 كيلو وبتكون محمله 5 أشخاص مزنوقين جدا طبعا + الشنط + أنى كل مره بجيب بيها على الطريق السريع 120 و 130

[omaroof]

اخوتى الاعزاء انا مبسوط اوى انكم ماروتيه
وبصراحه انا حبى الاول والاخير لانسر
لكنى فى الاجازه الاخيره فى مصر اشتريت سوزوكى ماروتى للمدام عشان تستعملها وقضيت بيها الاجازة وبصراحه عربيه حلوه ومحندقه وخفيفه وفيها مميزات حلوه كتير اوى
رغم انى فى اول اسبوعين كما ذكرت فى موضوع سابق السنتر علق وانكسرت قاعدة الموتور الاماميه وكمان نزلت فى يوم لقيت ابن حلال خابط الباب الامامى اللى جنب السائق لكنها حاجه بسيطه فى طرق المحروسه اللى بتخلى العربيات تئن وهى ماشيه
ورغم ان العربيه كانت فى فترة التليين الاانى سحبت بيها من اسكندريه الى القاهره مرتين فى يومين والطريق اخده 120-130 بس رغم كدا العربيه ادائها جميل اوى وخفيفه جدا وبصراحه الوحيده اللى تجبها وانته مطمئن ان اى حاجه حاتحصل حاتعرف تصرف عليها(حاجتها كلها رخيصه ومعمره)

[Abdm]

كل سنة وانتوا طيبين بمناسبة قرب موسم الصيف والمصايف والاجازات سؤال مباشرة مكن اسافر بالماروتي مرسي مطروح مع العلم سيارتي موديل 2009 اشترتها شهر 8 اللي فات ماشي 3500كم صيانة الالف الاولي في التوكيل الاستخدام خفيف جدا نظرا لظروف السفر
اول مرخصت السنة اللي فاتت طلعت بيها راس البر بصراحة مكسفتش الواحد وبيضت وشه بس مرسي مطروح؟؟؟؟
العيالة انا وزوجتي وطفلين 8 سنين و5 سنين الاحجام صغيرة وليست متوسطة الاسرة كلها حجم صغير
اتوكل علي الله واحجز للعيال مرسي مطروح ونسافر ولا العربية متستحملش وخصوصا في حر الصيف؟؟؟؟

فى موضوع لآحد الآخوة الآعضاء بأسم سفر مرسى مطروح بالماروتى وأكد فية أنها تسافر عادى جدا بس ذى أى عربية محتاجة تأخذ أستراحة كل ساعة أو ساعة ونصف يعنى طريق ذى أسكندرية دة هى مرة واحدة أستراحة فقط منها بتريح العربية حتى لو العربية تقدر تأخذ الطريق كلة على مرة واحدة يفضل بردة تريحها شوية وتشوف البنزين وتزودة من أى بنزينة والناس كمان اللى معاك اللى عايز يريح رجلة شوية واللى عايز يدخل الحمام وتراجع على مياة الريداتير وتذودها لو محتاجة
دة الآنسان ذات نفسة بيتعب لو خد المشوار كلة مرة واحدة لازم الواحد يريح شوية فى أى فرصة هو والناس اللى معاة وكمان العربية
والله الموفق والمستعان