مميزات وعيوب الماروتى بالتفصيل

[dr.hazem]

ابن خالتي معاه 99 والحمد لله زي الفل

وعلى فكره اتأكد الاول ان اللي اشتكو من كل المشاكل دي هل كانو بيعملو للعربية صياناتها ومهتمين بيها ولا الموضوع عالبركه؟


تحياتي

[ihabchina]

أنا سمعت كلام حلو كتير عن العربية دى من توفير بنزين و غملية بس بردة لقيت أن فى ناس كتير من اللى بيمدحو فيها باعوها بعد سنه أو اتنين ( مدة صغيرة أوى بالنسبة لعمر العربيات ) و لو قولتولى عادى بيحصل فى كل العربيات أفول لأ موش بنفس السرعة و العدد و الصورة اللى فى الماروتى ومش معقول كل ده بسبب التكيف أو الحجم بس لأن الى بيشتريها عارف الغيوب دى عن ظهر قلب و ما كانتش فارقة معاه يقوم يخسرله فى سنتين بس (7 أ 8 ألاف .. كتير أوى ) .. كمان لاحظت أن معظم الى معاهم الماروتى اشتكو من أن العربية بتعلى خرارتها جامد لدرجة أن كتير غير لها الموبينة بسبب الحرارة أ:ثر من مرة .. و كتير عدلو المروحة اما أنها تفضل شغالة على طول أو بمفتاح .. كتير برده اشتكو من كهربة العربية الى بتكون دايما موش مظبوطة و بتعمل مشاكل و تنتيشة غبية أحيانا .. الكل بالاجماع اشتكى من تدوير العربية و هى سخنة على عكس كل العربيات ..دى كلها حاجات عادية فى العربيات بس مش اللى عمرها مجرد سنة أو اتنين يعنى لسة زيرو كمان كتير بيتكلمو على أن قدرات العربية بتقل بصورة ملحوظة فى وقت قليل لأن كتير أول ما جابو العربية كانو بيجيبو ال130 بسهولة و بعد سنة أصبح الموضوع صعب و أخيانا ما بتجبش بعد سنة أو اتنين دى تبقى عربية ورق يعنى أشتريها النهاردة و تفابلنى كل المشاكل دى بعد سنة أو اتنين أفوم بيعها على طول خوفا من أنها بعد 5 سنين حتقرفنى أخر أرف زى المستعمل التعبان و بعد 10 سنين تبقى خرده؟؟.. .أنا موش بهاجم العربية لا سمح الله و لكن أنا بفكر أجيبها بس نتيجة كل الى سمعته من خبرات أصحابها خوفتنى و خصوصا أن سعرها فعلا مبالغ فيه جدا بالنسبة للمستعمل ( النضيف يعنى موديلات حديثة 2003 /2004 /2005 /2006 ) زى الأكسنت و الأتوس و خلافة

اكثر موديلات بالاحظها في الاعلانات

2002 و2008

استاذى الافضل احب ارد عليك على شوية حاجات كتير فى السريع كده

1- موضوع بيع العربية ده امر وارد فى كل العربيات بس كل الموضوع كل الناس مركزة مع الماروتى شوية عشان عربية كويسة وفعلا ناس بتبيع عشان ربنا كرمها بفلوس زيادة ونفسها تركب عربية بتكييف

2- مين معظم الناس اللى بتشتكى ان العربية بتسخن !! يمكن اكون انا راكب عربية تانية ولا حاجة هههه
استاذى العربية مش بتسخن فى الحر ولا حاجة ده انا ببقى بموت جوها من الحر وهى زى الفل كل الحكاية ان مروحة التبريد بتشتغل اكتر من العادى ده لو واقف فى اشارة او ماشى فى طريق على مهلى انما لو بجرى فى اى طريق تانى صدقنى حرارة العربية بتبقى عادية جدا (موضوع الموبينة ده)مسمعتوش غير فى موضوع هنا عن عربية سخنت ومتخدش ده مقياس خالص

3- بلاش صيغة الكل بأجماع اشتكى ده عشان ده كلام غلط مش مظبوط التدوير عادى جدا فى العربية

4- الحاجة الوحيدة الصح ان سعرها مبالغ فية واديك انت قولتها من نفسك بالنسبة للمستعمل مش الجديد!!

متقارنش عربية موديل السنة بعربية مستعمل ابداااااااااااااااااااااااااا

الخلاصة

انا ملاحظ انك قارى فى مواضيع الماروتى كلها .. عندك حق وتمام بس خلينى اقولك على سبب اللى ممكن يفيدك فى كل اللى فات ده

انا لما اشتريت ماروتى سنة 2008 واحد ابن حلال نصحنى وقالى يا ابنى طالما ربنا كرمك بعربية جديدة حافظ على صيانها اول بأول هتلاقيها معاك زى الفل

وفعلا عنده كل الحق انا بصين عربيتى فى مواعدها لانها عزيزة عليها عشان كده لما بشوف حد قايل بتسخن وبيقول مروحة ولا كهربة ولا بيقول تدوير العربية او اى مشاكل فيها انا بستغرب جدا وعادا مش بعلق

ارجوا ان اكون افادك بأى معلومة من واحد ماروتاوى قديم ههههه

[pharonicking]

دى عربية عملية جدا جدا

[hazem_hiza]

شكرا يا جماعة على كل الردود المفيدة دى يا و زى ما قولت ليكو أنا موش بهاجم العربية بالعكس بس دى ملاحظات لحظتها على موقعنا الجميل ده .. وأنا على فكرة بحبز العربية الزيرو لأن أنا جربت المستعمل فى تجربتى الأولى ( سويفت 94 )و اتبهدلت معاها يمكن قلة خبرة بردوه و بعت من شهر بخسارة محترمة .. فلما أنوى أجيب أكيد طبعا أول ما أفكر حيكون الزيرو و أرخص الزيرو الماروتى طبعا و أنا مبسوط من كلام الناس عنها ولما بقرأ عن أى مشكلة فيها بزعل و أقلق و كمان المقارنة صعبة بين الماروتى الزيرو و مثلا أكسنت 2001 .. تجيب عربية زيرو بدون أى رفاهية وحجم صغير وموتور ضعيف بس المفروض برده بدون مشاكل لفترة ولا عربية أوسع بكتير و تكييف و شنطه و كذا وكذا .. بس الله أعلم بالمشاكل الى بعد كده بختك يابو بخيت !!؟ حيرة كبيره

[meemo]

شكرا يا جماعة على كل الردود المفيدة دى يا و زى ما قولت ليكو أنا موش بهاجم العربية بالعكس بس دى ملاحظات لحظتها على موقعنا الجميل ده .. وأنا على فكرة بحبز العربية الزيرو لأن أنا جربت المستعمل فى تجربتى الأولى ( سويفت 94 )و اتبهدلت معاها يمكن قلة خبرة بردوه و بعت من شهر بخسارة محترمة .. فلما أنوى أجيب أكيد طبعا أول ما أفكر حيكون الزيرو و أرخص الزيرو الماروتى طبعا و أنا مبسوط من كلام الناس عنها ولما بقرأ عن أى مشكلة فيها بزعل و أقلق و كمان المقارنة صعبة بين الماروتى الزيرو و مثلا أكسنت 2001 .. تجيب عربية زيرو بدون أى رفاهية وحجم صغير وموتور ضعيف بس المفروض برده بدون مشاكل لفترة ولا عربية أوسع بكتير و تكييف و شنطه و كذا وكذا .. بس الله أعلم بالمشاكل الى بعد كده بختك يابو بخيت !!؟ حيرة كبيره

بس ياسيدي انا هقول علي تجربتي مع الماروتي خلال سنة الا شهر بالظبط انا اشتريت موديل 2009 زيرو شهر 8 اللي فات بعد مادخت السبع دخات انا مش هحكي علي الامور الفنية علشان انا لا افقه شئ فيها بس هاقول علي العربية كمجمل انا كنت عايز اشتري عربية للمدام والناس نصحوني اني اجيب مستعمل وبعت ملفت ودخلت علي مواقع واتصلت فككرت طب انا مسافر بره وزوجتي لو جبت مستعمل وعطلت منها علي كوبري ولا كل شوية هتروح للميكانيكية لوحدها ازاي مش هينفع قلت اجيب زيرو اشوف الاسبرنزا الناس خوفوني من الصيني اشوف السيابا الايراني طب دي محدش يعرفها ياراجل هو حد يركب عربية ايراني لغاية مقلت خلاص والله مانا جايب حاجة
طب شوف اللوجان وفعلا روحت واتفرجت وعجبتي وناويت بس التسليم في شهر 12 لقيت زوجتي هي اللي بتقترح الماروتي وشفتها وعاجبتها واشتريتها ودلوقتي مش عايز اقولك عاملة معها ايه اولا مدفعتش فلوس باص المدرسة علشان هي هتوصلهم
كل مشاويرها بتعمملها بالماروتي لدرجة انها قلتي لما ربنا يسهل امورنا وننوي نجيب حاجة احدث مش هنبيع الماروتي يارجل انا بقيت اغير من الماروتي
الخلاصة بجد بالنسبة لو حد ديه اول عربية يسوقها يبقي هي الافضل علشان لا قدر الله لو حصل خبطة وهي يحصل طبعا تصليحها خفيف
بنزين علي الاد وطبعا انت سامع حورات رفع الدعم عن البنزين
برضه لو عربية لغاية ربنا يسهل الامور ويفتحها في وش الواحد احسن الف مرة من المستعمل
للسيدات وطلبة الجامعة زي الفل وعلي اد الميزانية بتاعتهم وترحمهم من ذل المواصلات

[SunSet]

هل الماروتي ينفع يركب لها تكييف؟

[dr.hazem]

ناس ركبته وقالو تمام والحقيقه انا بفكر اركبه بس لسا مش اكيد لكن فعلا لو تيسرلي الفلوس قريب باذن الله هركبه

تحياتي

[SunSet]

ده على كل الموديلات والا الجديد بس؟

[mohamed_kta]

فى ناس كتير بتقول تمام و ناس كتير بتخوفك ، أنا شخصياً مركبتوش !!

[dr.hazem]

ده على كل الموديلات والا الجديد بس؟

لا والله اللي ركبوه وحكو كان في عربيات من 2008

لكن العربية من اول منزلت لغاية تقريبا 94 كانت بتنزل بيه وحتى بعد الموديل ده كانت بتنزل مجهزه بالفتحات الخاصه بالتكييف وهكذا

عموما
في الهند لحد الآن بتنزل بالتكييف

فاعتقد ان كل الموديلات ممكن يركبلها


تحياتي

[mstool]

عربية حلوة اوى قريت لحد صفحة 38 و دخلت دماغى بس انا حياتى كلها شد و معايا كرولا بخدها من اهلى مش خدمانى اوى قصاد العربيات اللى اكبر منها بس بجيبهم ساعات امال الماروتى بقى هيبقى اية الكلام معتقدش هتنفعنى خالص بس اهلى عايزين يجبوهالى علشان اهدى شوية من سرعتى يعنى اعتقد هيجبهوهالى غصب عنى هههههه
عالعموم افادة لاصحاب الماروتى و تزبيط العربيات و الناس اللى عايزة تزبط هحط لينكات فيها صور هتجننكوا ان شاء الله تزبيط صح :
اول عربية هو غير منظرها و عمل تعديل جامد اوى هيا منظرها مش ماروتى بس هيا ماروتى بس شبة مغيرها كلها :
Modified Suzuki Maruti 800 1993 Pictures | Med Res Photo #30038
تانى عربية اكتر عربية شغلها عجبنى :
Modified Suzuki Maruti 800 1998 Pictures | #24697 » Modified Cars
تالت عربية تحس انها 4x4 بس مش داخلة دماغى تزبيط وحشى ههه:
Modified Suzuki Maruti 800 1996 Pictures | Med Res Photo #141991
التزبيط الرابع اللى هيعملة هيسمع تعليقات مش ظريفة لان ممكن يعملة لو هيقلب العربية تاكسى اللى هو شعل المكروباصات و فرح العمدة و مبروك دبنا عربية يا والة اتفرجوا اتفرجوا :
Modified Suzuki Maruti 800 1998 Pictures | Med Res Photo #112720

[mstool]

فى دماغى حاجات تانية اكتر من كدة بكتير تتعمل للعربية بس علشان تروح لواحد يفهمك و يقدر ذوقك مفيش غير بتوع الحرفين هما موهبين فى الموضوع دة ممكن يطلعلك العربية من هناك مينى كوبر لو عايز انا شفت واحد فى نادى عاملها زى عربيات السبق و مركب كراسى ريكارو جوا منظرها رائع و مكبرة العربية و موسعاها كمان و داهن التابلوة احمر غامق دم غزال و عربيتة سوداء و الكراسى حمرا روعة مع سنة تفييم خفيف اوى احمر العربية فظيعة جدا بيتعملها كمان ببان طيارة

[hanyrefaat79]

السلام عليكم يا ملاك الماروتى

انا ليه استفسار حيث اننى اريد شراء تلك السيارة وانا ساكن فى 6 اكتوبر وشغلى فى مصر الجديدة يعنى مشوار بتاع 140 كم يوميا لمدة 5 ايام فى الاسبوع فيا ترى العربية دى تبقى كويسة ليا ولا لأ ؟ وايه اخبار قطع الغيار غالية ولا رخيصة متوفرة ولا لأ ؟ وايه اخبار استهلاك البنزين ؟ ولو حد من الاخوة يريد بيع سيارته يا ريت يقولى مواصفاتها وعايز كام بس تكون ابتداء من موديل 2007 وتكون عملة كيلو مترات قليلة

ولكم جزيل الشكر

[hanyrefaat79]

هما ناموا ولا ايه!!!!!!!!!!!!!!!!!!!!!!!!1

[meemo]

هما ناموا ولا ايه!!!!!!!!!!!!!!!!!!!!!!!!1

صباح الفل ياباشا
بالنسبة لاستهلاك البنزين والكلام اللي بتقال عن رفع الدعم عن البنزين تبقي هي افضل عربية لاستهلاك البنزين
بالنسبة قطع الغيار بصراحة انا معاي موديل السنة اللي فاتت 2009 كنت جايبها زيرو الحمد لله لغاية دلوقتي ماستخدمتش قطع غيار كتير بس ركبت فانوس امامي كان رخيص جدا يعني مثلا فلتر الزيت في التوكيل 45 جنيه مثلا يعني
بالنسبة باه لمشوراك اليومي ده الافضل حد من الماروتية اللي بستخدمها كتير يفيدك فيه علشان انا استخدامي ليها محدود والمدام بتستخدمها في توصيل الاولاد للمدرسة مسافة مش كبيرة وافر 3000 جنيه مصاريف باص في السنة رغم اني قرات ان ناس كتير بتسافر بيها شبه يومي وانا انشا الله مسافر بيها مطروح يوم الجمعة