التقرير المنتظر لسيارات سوزوكي 2015 المرتقبة

[aramzy]

ياباشا اتفضل ... ربنا يباركلك فيها :) :s_thum1[1]:

أنا بعت طلب انضمام للجروب ... بس معلش اعفيني من قصة الأدمن دي ماليش فيها ولا في دوشتها

أستاذ أيمن
مش مطلوب منك أى مجهود وجودك كأدمن إعتراف منى بفضلك من بعد توفيق الله سبحانه و تعالى فى إختيار تللك السيارة

[emad shata]

بسم الله الرحمن الرحيم ،،، الحمد لله رب العالمين والصلاة والسلام على أشرف المرسلين وعلى آله وأصحابه أجمعين

ده تقرير بسيط كده عن زيارة لفرع مودرن موتورز أبو رواش أول ما السيارات الجديدة بتاعة سوزوكي نزلت قلت أروح أتفرج عليها


نبدأ بإذن الله بالألتو 800 سي سي
===================

أولا من ملاحظاتي عليها إنهم للأسف خلوها أسوأ من الأول عشان يقدروا ينزلوا بسعرها لمستوى مش بعيد ... بس كان المفروض بالنسبة لي ينزل أكثر من فئة ... الأولى تبقى قليلة في المواصفات بسعر كويس والثانية تبقى بمواصفات أعلى بسعر أعلى للى عايزها ... ولكن هي دي سياسته في كل العربيات منزل فئة واحدة فقط من كل الموديلات اللى نازلة

الفئة اللى نازلة ... موتور 800 سي سي ، 12 صباب 3 سلندر ، 48 حصان (أيوة 48 حصان) ليه مش عارف مع إن موديل 2008 كان 58 حصان على ما أذكر ... إيه السبب في كدة مش عارف بصراحة لأن المفروض إنه نفس المحرك ... بس بتاع المبيعات بيقولي المحرك متغير ويمكن يكون أنا فاكر الرقم بتاع القديمة غلط لأني مش متأكد



للأسف العربية متنفضة من كل الكماليات اللى بتنزل بيها في بلدها ...

1- شال المرايات ذات التحكم الداخلي ... وحط المرايات بتاعة الماروتي - اللى عشان تضبطها لازم تفتح الشباك وتطلع إيدك بره تضبطها

2- شال الباور ستيرينج

3- شال الزجاج الكهرباء ... وبقت كلها يدوي

4- التابلوه بالنسبة لي تنظيمه أسوأ ... لأنه حط زرار الانتظار تحت شوية بعيد عن متناول اليد ... وخلى مكان أزرار التحكم في التكييف فوق مكان الكاسيت

5- شال درج الطفاية (كنت بحب أحط فيه الفلوس الفضة)

6- شال مخرج الولاعة (طبعا الاستخدام الأساسي ليه شاحن الموبايل) ومافيش مكان آخر للشاحن نهائيا في أي حتة وقعت عليها عيني

7- للأسف مكان الكاسيت لا يسمح سوى بتركيب كاسيت عادي وليس عريض بشاشة كبيرة مثلا أو جي بي إس ... لأن مكان زرار الانتظار قافل عليه من تحت

8- حامل الأكواب لا زال مكانه تحت التابلوه ويصعب الوصول إليه وكمان بدل ما كان إثنين بقى واحد فقط مع مساحة أظرف من الأول بصراحة لوضع أي حاجة صغيرة جنبيه

9- البابين اللى ورا لا زالوا مالهمش زرار لإضائة لمبة الصالون ولما يتفتحوا ما بينوروش لمبة الأبواب المفتوحة في لوحة العدادات ... يعني لو طفلك نسي الباب بتاعه اللى ورا مفتوح ولا هتاخد بالك ... وده عيب كان مضايقني قوي وعملتله تعديل عندي أول ما جبت العربية وشغلت الأبواب كلها على زرار لمبة باب السائق وركبت للبابين اللى ورا زرارين بتوع دايو لانوس تقريبا أو لانسر بوما مش فاكر بصراحة أنهي اللى ركب عندي



الإيجابيات
========

1- تصميم هوايات التكييف أفضل وتسمح بغلقها عكس الموديل القديم

2- مكان السماعات بقى في البابين اللى قدام ... الموديل القديم كان فوق في التابلوه

3- عجلة القيادة تصميمها أحلى بمراحل عن القديمة (بصراحة كانت مش عاجباني خالص)

4- وضع الفتيس وشكله أفضل بكتير من الأول بالكسوة الجلد والعصاية القصيرة ومكانه أسهل بالنسبة لإمساكه باليد بسهولة ويسر

5- درج التابلوه والجزء المفتوح اللى فوقه شكله أحلى من القديم




ودي شوية صور ليها
============


















































لينك مباشر لفولدرات الصور على الفوتوبوكيت نفسه حسب كل عربية علشان لو حد عايز يشوف الصور ومش ظاهرة عنده
alto 800 2015 slideshow by nysma | photobucket

في النهاية سعرها .. 57900 جنيه مصري
=======================


وده لينك لمواصفات وصور أكتر للسيارة على موقع ماروتي سوزوكي

alto 800 features, price ,specs, review, mileage, colors and pictures

...
...
...

يتبع

تم إضافة لينك مباشر لفولدرات الصور
م ب 3

ممكن إستشارة يا غالى عن كيفية رفع الصور حيث أنه عندما أحاول رفع الصور لا تظهر على الصفحة ... و أشكر لك الإهتمام و الرد

[D . a .\ AYMAN]

ممكن إستشارة يا غالى عن كيفية رفع الصور حيث أنه عندما أحاول رفع الصور لا تظهر على الصفحة ... و أشكر لك الإهتمام و الرد

بتدخل على أي موقع من مواقع تحميل ورفع الصور سواء مجانية أو بفلوس

زي نايل أب وده موقع مجاني تابع لنايل موتورز

مركز تحميل نايل موتورز


أو فوتو بوكيت ... وده ليه لميت مجاني وليه أكونت بفلوس

Photo and image hosting, free photo galleries, photo editing


...............

هاتعمل عليه أكونت وبعد كدة تبتدي ترفع أي صور عايزها عليه وبعد ما ترفع الصور هاتاخد اللينك المباشر أو اللينك بتاع المنتديات اللى المقوع بيحطه للصورة اللى انت رفعتها كوبي ... وتدوس على زرار إضافة صورة في المنتدى وتعمله بيست في الصندوق اللى هايظهر أثناء كتابة الموضوع بتاعك على المنتدى

وأعمل معاينة للمشاركة وشوف الصورة ظهرت ولا لأ

أنا عامة باخد اللينك المباشر وبيشتغل في نايل موتورز عادي مش غير مشاكل

[saedelghamry]

الف شكر على المعلومات القيمه دى

[sharkawy85]

يا ريت رأى حضرتك فى سياز الجديدة من سوزوكى ولك منى جزيل الشكر على تقريرك الرائع

[D . a .\ AYMAN]

يا ريت رأى حضرتك فى سياز الجديدة من سوزوكى ولك منى جزيل الشكر على تقريرك الرائع

بإذن الله هاحاول أنزل أبص عليها لأني لسة ماشفتهاش وجها لوجه :)

[sharkawy85]

بإذن الله هاحاول أنزل أبص عليها لأني لسة ماشفتهاش وجها لوجه :)

فى انتظار التقرير ان شاء الله, مشكور جدا يا دكتور

[Amr Axel]

تسلم ايديك ع التقرير الرائع

[nono112255]

مشكور على المجهود الرائع تقرير ممتاز و مفصل
و لكن لى بعض الاستفسارات لو امكن
اود شراء الاورتيجا و لكنى افاضل بينها و بين السياز
اولا : حضرتك لم تذكر السياز فى التقرير فهل لديك اى معلومات عنها
ثانيا : ايهما افضل من من وجهة نظرك الاورتيجا ام السياز
ثالثا : هل الموتور 1400 سى سى 98 حصان كافى لحجم العربية الاورتيجا ام سيكون ضعيف على هذا الحجم
رابعا : بالنسبة للاورتيجا هل اعادة البيع سهلة ام صعبة و هل سعر اعادة البيع يقل كثيرا ام لا لانها من فئة الفان 7 راكب و هل هذه الفئة مطلوبة فى مصر ام انها غير مفضلة
خامسا : قطع الغيار بالنسبة لوكيل سوزوكى هل هى متوفرة بسهولة ام ان التوكيل ضعيف و هل قطع الغيار متوفرة عند التجار بسهولة ام فى التوكيل فقط
فى النهاية اسف على الاطالة و ارجو الرد فى اقرب وقت ان امكن
شكرا لك مرة اخرى

[D . a .\ AYMAN]

مشكور على المجهود الرائع تقرير ممتاز و مفصل
و لكن لى بعض الاستفسارات لو امكن
اود شراء الاورتيجا و لكنى افاضل بينها و بين السياز
اولا : حضرتك لم تذكر السياز فى التقرير فهل لديك اى معلومات عنها
ثانيا : ايهما افضل من من وجهة نظرك الاورتيجا ام السياز
ثالثا : هل الموتور 1400 سى سى 98 حصان كافى لحجم العربية الاورتيجا ام سيكون ضعيف على هذا الحجم
رابعا : بالنسبة للاورتيجا هل اعادة البيع سهلة ام صعبة و هل سعر اعادة البيع يقل كثيرا ام لا لانها من فئة الفان 7 راكب و هل هذه الفئة مطلوبة فى مصر ام انها غير مفضلة
خامسا : قطع الغيار بالنسبة لوكيل سوزوكى هل هى متوفرة بسهولة ام ان التوكيل ضعيف و هل قطع الغيار متوفرة عند التجار بسهولة ام فى التوكيل فقط
فى النهاية اسف على الاطالة و ارجو الرد فى اقرب وقت ان امكن
شكرا لك مرة اخرى

أولا : لما عملت التقرير ده ما كانتش السياز لسة نزلت ... ولما نزلت في ناس كثير اتكلمت عليها وحطت صورها كلها

ثانيا : سواء الإرتيجا أو السياز ... كل عربية بتخدم فئة مختلفة من المستخدمين ... يعني لو عائلة كبيرة يبقى الإرتيجا ...لو عائلة مكونة من أربع أو خمس أفراد يبقى السياز ... وبرضه الشكل مهم في الموضوع ده حسب ذوقك انت

ثالثا : الموتور الـ 1400 سي سي بيطلع قوة حصانية 95 حصان يعني كافية جدا لوزن العربية اللى لا يزيد عن 1040 كيلوجرام سواء الإرتيجا أو السياز برضه ... وغن كان الإرتيجا هاتحس إنها أثقل شوية لأن وزنها أكثر وبتشيل أكثر

رابعا : إعادة البيع دي حاجة لسة الناس ما جربتهاش أساسا لان العربيات لسة جديدة ... وعموما أنا مش خبير قوي في أسعار المستعمل

خامسا : قطع الغيار المستهلة كلها موجودة موجودة زي الفلاتر والزيوت والتيل وما إلى ذلك ... لكن قطع الغيار الغير استهلاكية (زي الأبواب الشنطة الكبوت والكلام ده) الوكيل مش موفر منها كثير ولسة مش منتشرة في السوق برة على اعتبار إن الموديل لسة جديد ... لكن في ناس كثير ابتدت تجيب حاجتها سواء في التوفيقة أو مصر القديمة أو شبرا في كذا واحد كمان ... وقريبا أعتقد إنها هاتكون منتشرة بصورة أكثر من كافية لأن العربية في انتشار يوم بعد يوم

[amir193]

ممتاز
ممتاز
ممتاز
ممتازممتاز

[menna777]

معلش انا مشتركة في المنتدي ده دلوقتي عشان عايزة اجيب عربية اقصاها 120.000.نانا كنت حاجيب البيكانتو بس الكل بيقول الفلوس كتير عليها ونصحوني بالسويفت بس في ناس بتقولي مش منتشرة والتوكيل مش اوي..انا بسال اجيب سويفت ديزاينر ولا بيكانتو ولا افيو ولا رينو سانديرو او نيسان صني او اوبترا؟؟ انا م عارفة انزل السؤال فين في المنتدي

[D . a .\ AYMAN]

معلش انا مشتركة في المنتدي ده دلوقتي عشان عايزة اجيب عربية اقصاها 120.000.نانا كنت حاجيب البيكانتو بس الكل بيقول الفلوس كتير عليها ونصحوني بالسويفت بس في ناس بتقولي مش منتشرة والتوكيل مش اوي..انا بسال اجيب سويفت ديزاينر ولا بيكانتو ولا افيو ولا رينو سانديرو او نيسان صني او اوبترا؟؟ انا م عارفة انزل السؤال فين في المنتدي

لو هاتعرفي تجيبي سويفت ... أنا لازلت شايفها أفضل الخيارات المتاحة في السعر اللى انتي عاملة حسابك عليه ... وأفضل الخيارات من بين البيكانتو والأفيو والرينو

الرينو فيها ميزة وحيدة إن شنطتها أكبر من السويفت بكثير ... غير كدة السويفت أفضل في استهلاك الوقود وفي قوة الموتور بالنسبة لحجم ووزن العربية ومساحتها الداخلية كويسة لكنها مش في وسع الرينو

الأفيو من رأيي تشيليها من حساباتك تماما ... عربية قديمة وتكنولوجي قديم وموتور ضعيف واستهلاك وقود عالي وضيقة من جوة ... هي أسوأ الخيارات المطروحة على الإطلاق

مشكلة السويفت إنها مش موجودة زيرو أصلا في السوق ... الوكيل عنده بالحجز اللى وصل لغاية دلوقتي أكثر من 8 أو 10 شهور ... وكمان قافل الحجز بقاله فترة لغاية ما يعرف يسلم الناس اللى حجزت

وفي المعارض بتتباع بـ 140 ألف جنيه حاليا ... برغم إن سعرها في الوكيل 117 ألف ونص

عشان كدة بقولك لو هاتعرفي تجيبيها هاتيها على طول ... هي حاليا منتشرة إلى حد ما زيها زي غيرها من المنافسين وقطع غيارها متوفرة برة التوكيل كمان عند كذا مستورد في القاهرة

غير كدة يبقى الجراند آي 10 الهيونداي الخليجي سمعت إن في منها نسخة فيها abs وواحدة إير باج ... ودي نقطة مهمة جدا

في كمان الميتسوبيشي أتراج عربية كويسة ... وفيها abs وواحدة إيرباج برضه للسائق ... ده لوانتي متقبلة شكلها ... لأن شكلها غبي قوي بالنسبة لي بصراحة :)

الرينو السانديرو الأوتو فقط هي اللى ممكن تبصي لها لأن الموتور بتاعها 110 حصان يقدر يعادل وزن العربية الثقيل نوعا ... غير المانيوال اللى موتورها ضعيف عليها نوعا ما برضه ... بس عيبها بالنسبة لي إنها عربية خشنة شوية وعزلها سيء إلى حد ما أكثر من منافسيها اللى اتكلمنا عليهم دول

ولو مش عاجبينك كل دول ممكن بعد كدة تبصي للبيكانتو أو الجراند آي 10 الوكيل ... عموما الإثنين دول خاليين من أي عوامل أمان ... ما عدا الإيموبيلايزر وده الحاجة الوحيدة الموجودة فيهم من عوامل الأمان

أنا للأسف حاليا مش متابع أسعار عشان كدة مش هاقدر أفيدك حتى أنه أفضل من أنهي من ناحية السعر