التقرير المنتظر لسيارات سوزوكي 2015 المرتقبة

[D . a .\ AYMAN]

يا ريت يا د/ ايمن تقولنا انطباعاتك الاوليه عن العربية عامة و ادائها و التكييف فى الزحمة و الشد فى الطوالى و الاتزان و الاستهلاك و نظام الصيانات
وسؤال بالنسبة للترخيص تفصيليا و هل رخصتها طلعت 2015 ؟

عذرا للاطالة
اصل انا حجزت الديزاير و عاوز اطمن :)

و شكرا ,,,

هي فعلا موديل 2015 في الرخصة

الموضوع ده كمان فيه انطباعاتي الأولية منذ تسلمتها

http://www.nilemotors.net/Nile/434488-2015.html

ولو فيه أي استفسارات تانية محددة أنا تحت أمرك

[Mohamed Razik]

العربية امكانياتها فوق الممتاز

[sa7fy]

ألف سلامة على حضرتك وعلى العربية والحمد لله على كل شىء وربنا يرزقك خيرها ويكفيك شرها يارب، انا كنت رايح اشترى لانوس لحد ما قريت تقرير حضرتك من يومين بالشرح الرائع حضرتك انا رايح النهاردة إن شاء الله احجز العربية بس محتاج أعرف بعض التفاصيل من حضرتك عشان اعرف اخد الخطوة ولا لا
عايز اعرف سحب العربية ايه اخباره خصوصا انها اوتوماتيك 1200 سى سى بس
والحمد لله انا لسه متجوز فهل موضوع الهاتش باك هيفرق معايا؟ يعنى الشنطة اكبر من الالتو ولا لا والكنبه اللى ورا تاخد تلاته مستريحين ولا صغيرة ؟
وبعد استعمالها حضرتك بكل امانه تنصحنى اشتريها ولا لا خصوصا انى هحط فيها شقى عمرى
وفى النهاية والله انا ما عارف اقولك ايه غير الله يجزيك خير عن المعلومات دى لانك نشرت علم ومبخلتش على حد باى معلومة وربنا يجعله فى ميزان حسناتك، واتمنى يكون الرد فى اسرع وقت لانى عايز اروح احجزها النهاردة

[D . a .\ AYMAN]

ألف سلامة على حضرتك وعلى العربية والحمد لله على كل شىء وربنا يرزقك خيرها ويكفيك شرها يارب، انا كنت رايح اشترى لانوس لحد ما قريت تقرير حضرتك من يومين بالشرح الرائع حضرتك انا رايح النهاردة إن شاء الله احجز العربية بس محتاج أعرف بعض التفاصيل من حضرتك عشان اعرف اخد الخطوة ولا لا
عايز اعرف سحب العربية ايه اخباره خصوصا انها اوتوماتيك 1200 سى سى بس
والحمد لله انا لسه متجوز فهل موضوع الهاتش باك هيفرق معايا؟ يعنى الشنطة اكبر من الالتو ولا لا والكنبه اللى ورا تاخد تلاته مستريحين ولا صغيرة ؟
وبعد استعمالها حضرتك بكل امانه تنصحنى اشتريها ولا لا خصوصا انى هحط فيها شقى عمرى
وفى النهاية والله انا ما عارف اقولك ايه غير الله يجزيك خير عن المعلومات دى لانك نشرت علم ومبخلتش على حد باى معلومة وربنا يجعله فى ميزان حسناتك، واتمنى يكون الرد فى اسرع وقت لانى عايز اروح احجزها النهاردة

هي شنطتها أكبر من الألتو طبعا ... بس لا زالت صغيرة نسبيا بطبيعة الحال لكونها هاتش باك

أنا كان معايا الألتو وكنت معايا الأولاد لسة في كي جي وما كانش فيه مشاكل بالنسبة لي وسافرت بيها كذا مرة بشنطنا كمان ... بس كان كل حاجة على قدها بالمللي وكانت مناسبة لوقتها ... قبل ما أبيعها كانت ضيقة والأولاد ما كانوش بيعرفوا يقعدوا ورا

السويفت مساحتها من جوة زي أي عربية سيدان عادية على فكرة ... مش ضيقة أبداً ... وبتاخد 2 ورا براحتهم على الآخر ... وثلاثة بس مش مرتاحين قوي يعني ولكن مش مزنوقين

سحبها ممتاز .. وإن كان لسة مجربتهاش في الشد عاملة إيه

لو قلتلك أرشحهالك ... هل هاتسمع كلامي بدون تفكير ... لازم تنزل تقعد في العربية وتشوفها وتطمن عليها وتقارن لو في حاجة تانية في دماغك ... أنا مجرد بقولك رأيي في العربية بعد استخدامها لفترة معينة من الزمن وقبلها كان معايا ألتو وعارف إن عربيات سوزوكي اليابانية عربيات ممتازة في المجمل ويعتمد عليها بإذن الله ... ومتنساش إني جبتها في الآخر بعد لف وتدوير لمدة ست شهور تقريبا وعرفت إيه في السوق في الفئة دي كلها وأسعاره وعملت مقارنات كتير .. ولي شروطي اللى كنت حاططها ... زي مثلا إني مش عايز صيني .. أو ... أو ... إلخ ... عشان كدة في الآخر طبيعي أنا هارشحالك من غير مواربة ... بس لازم انت تقارن بنفسك

أنا بقول الكلمتين دول لأني عارف إنك حاطط شقى عمرك فيها ... لأن كلنا هذا الرجل ... عشان كدة لازم اقتناعك يكون نابع من داخلك

الموضوع ده فيه انطباعاتي عن العربية وبسجل فيه كل حاجة أول بأول

http://www.nilemotors.net/Nile/434488-2015.html

[wawamoha]

طيب يا شباب عاوز استشيركم في حاجه و لا خاب من استشار

معروض عليا سوزوكي جيمني موديل 2008 اوتوماتيك
انا عاوز اجيبها للمدام اساسا

ايه رايكم في العربيه و اعتماديتها و قطع غيارها متوفره و للا لا ؟؟

[bassemali]

طيب يا شباب عاوز استشيركم في حاجه و لا خاب من استشار

معروض عليا سوزوكي جيمني موديل 2008 اوتوماتيك
انا عاوز اجيبها للمدام اساسا

ايه رايكم في العربيه و اعتماديتها و قطع غيارها متوفره و للا لا ؟؟

عربيه ماباعتش بجنيه وقطع غيارها مش متوفره ومش هتلاقيها غير ف التوكيل وغاليه جداااااااااااااااااااا بلاش منها أحسن ... في سوزوكي سيلاريو أوتوماتيك وفي شيفروليه سبارك أوتوماتيك ودول سعرهم قريب جدا وقد يكون أرخص كتير من سعر الجيمني وقطع غيارهم متوفره ومنتشرين ..

[lord2010]

ايه رأيكم فى التو 2015 ؟؟؟

[El Prince]

ايه رأيكم فى التو 2015 ؟؟؟

http://www.nilemotors.net/Nile/435598-2015.html

[ibrahimahmed]

9- البابين اللى ورا لا زالوا مالهمش زرار لإضائة لمبة الصالون ولما يتفتحوا ما بينوروش لمبة الأبواب المفتوحة في لوحة العدادات ... يعني لو طفلك نسي الباب بتاعه اللى ورا مفتوح ولا هتاخد بالك ... وده عيب كان مضايقني قوي وعملتله تعديل عندي أول ما جبت العربية وشغلت الأبواب كلها على زرار لمبة باب السائق وركبت للبابين اللى ورا زرارين بتوع دايو لانوس تقريبا أو لانسر بوما مش فاكر بصراحة أنهي اللى ركب عندي

السلام عليكم
ممكن اعرف تفاصيل اكتر عن الموضوع ده لانى وانا بعمل صيانة الالف سالتهم على امكانية التركيب عندهم ريحو دماغهم وقالو مابنركبش زراير فى العربية ... فانا كنت عاوز اركب ال3 زراير ( لان موديل 2015 مفيش غير زرار السواق بس اللى راكب ) فكنت عاوز اعرف انهو عربية اللى زرايرها تشبة الالتو ولو عنوان الكهربائى اللى عملك الموضوع ده ابقى شاكر لانى مش عاوز حد يفتى ويلعب فى حاجة فى الكهرباء
شكرا

[D . a .\ AYMAN]

السلام عليكم
ممكن اعرف تفاصيل اكتر عن الموضوع ده لانى وانا بعمل صيانة الالف سالتهم على امكانية التركيب عندهم ريحو دماغهم وقالو مابنركبش زراير فى العربية ... فانا كنت عاوز اركب ال3 زراير ( لان موديل 2015 مفيش غير زرار السواق بس اللى راكب ) فكنت عاوز اعرف انهو عربية اللى زرايرها تشبة الالتو ولو عنوان الكهربائى اللى عملك الموضوع ده ابقى شاكر لانى مش عاوز حد يفتى ويلعب فى حاجة فى الكهرباء
شكرا

أنا عملت الموضوع بإيدي هو سهل جدا ومش مستاهل كهربائي

هاتفك الزرار بتاع باب السائق (هو مربوط بمسمار واحد من برة تحت الجلدة بتاعته) وتخليه معاك وتنزل التوفيقية أو أي حد بتاع قطع غيار كوري أو ياباني (أنا جبته من عند واحد بتاع دايو وقالي إنه ده بتاع اللانوس - وعلى فكرة هو هو برضه بتاع اللانسر) عشان تدور على زيه

خد بالك من السكلتين بتوع الزرار نفسه اللى كانوا راكبين فيه هاتاخد سلكتين تانيين منهم ويكون طولهم مناسب إنك تلف بيهم العربية كلها من تحت الفرش بتاع عتب البيبان لغاية الطبة اللى مكان الزرار اللى متغطية في البيبان التاية وتنزل تاني منها عشان تروح للباب اللى بعده ... كل ده بنفس السلك اللى انت واخده من عند بابا السائق

وتركبه في الزراير اللى انت جايبها وتركبها مكانها في البيبان وخلص الموضوع

لو دماغك مش في الكلام ده ... يبقى اشتري الزراير وروح لأي كهربائي هايعملهالك بسهولة (الموشوع مش محتاج كهربائي محترف

[ibrahimahmed]

شكرا يا باشا وان شاء الله هاركبها بنفسى .... هى كيميا يعنى ... نسترجع بقى ذكريات الكلية

[Abo_Mazen]

هي العربية دي فيها باور ..عشان في واحد بيقولي إن فيها باور ومتأكد ..وأنا بقوله لأ

[D . a .\ AYMAN]

هي العربية دي فيها باور ..عشان في واحد بيقولي إن فيها باور ومتأكد ..وأنا بقوله لأ

أنهي واحدة فيهم ... الألتو ولا السويفت ولا الإرتيجا ولا الإس كروس

لو كلامك على الألتو 2015 هي الوحيدة اللى فيهم مافيهاش باور .. لكن كان منها نسخ موديلات قبل 2013 فيها باور .. وأنا كان معايا واحدة باور وزجاج كهرباء موديل 2008

لكن بقية العربيات كلها طبعا فيها باور

[Abo_Mazen]

أنهي واحدة فيهم ... الألتو ولا السويفت ولا الإرتيجا ولا الإس كروس

لو كلامك على الألتو 2015 هي الوحيدة اللى فيهم مافيهاش باور .. لكن كان منها نسخ موديلات قبل 2013 فيها باور .. وأنا كان معايا واحدة باور وزجاج كهرباء موديل 2008

لكن بقية العربيات كلها طبعا فيها باور

شكرا يا باشا على تفاعلك مع سؤالي ..وآسف لإن واضح إن السؤال مكانش واضح ..أنا أقصد الألتو 2015 فعلا ..وحضرتك دلوقتي أكدلي معلومة إن مفيهاش باور ..أومال السيلس إبن التيت في أحمد مرعي قالي لقريبي إن فيها باور ..وقريبي قرر يشتريها عشان خاطر المعلومه دي بالذات ..طيب ما كده نصب ..يعني قريبي رايح بكره يدفع عربون ..وييجي يوم الإستلام يلاقي العربيه بدون باور

[D . a .\ AYMAN]

شكرا يا باشا على تفاعلك مع سؤالي ..وآسف لإن واضح إن السؤال مكانش واضح ..أنا أقصد الألتو 2015 فعلا ..وحضرتك دلوقتي أكدلي معلومة إن مفيهاش باور ..أومال السيلس إبن التيت في أحمد مرعي قالي لقريبي إن فيها باور ..وقريبي قرر يشتريها عشان خاطر المعلومه دي بالذات ..طيب ما كده نصب ..يعني قريبي رايح بكره يدفع عربون ..وييجي يوم الإستلام يلاقي العربيه بدون باور

خليه يشغلها قدام السيلز ابن الـ ..... ده ويجربها وهو هايتأكد ... لأن دركسيونها من خبرات أصحابها هنا في المنتدى تقيل شوية حلوين وهي واقفة على الأرض من غير ما تتحرك