Tweet
الارتيجا موجودة عند سمير ريان ب 135 ألف .. للي مهتم بها
-
من أعظم الحسرات يوم القيامة..أن ترى حسناتك الصحيحة المقبولة في ميزان غيرك وغالبًا يكون ممن تكرهه -
المشاركة الأصلية كتبت بواسطة timtim مشاهدة المشاركة
افتراء والله لما يضرب في جيبه 10000 جنيه لوحده كدة من غير ضرائب ولا حاجة
[CENTER][U][FONT=Courier New]D . a . \ A Y M A N[/FONT][/U][/CENTER]
[CENTER][U][FONT=Courier New]A . S . Y[/FONT][/U][/CENTER]
N.Y.S.M.A سابقاًComment
-
لو سمحت بما ان حضرتك خبير فى العربيات السوزوكى انا كنت عايزة اجيب سوزوكى التو 2014 .2015
ولقيتها ب 59000 عند اباظة فى اسكندرية و ب 60000 عند الطارق
بس انا للاسف مش بفهم فى العربيات ودى اول عربية ليا فلقيت ان دى انسب حاجة لفلوسى لانى مش عايزة حاجة زياده عن 60000 وكمان مش بفهم فى المستعمل خالص ...ف ايه راى حضرتك فى سعرها وكمان ممكن اسوف مستعمل احسن ولا خلينى فى الجديدهComment
-
المشاركة الأصلية كتبت بواسطة a.hamed مشاهدة المشاركة
بصراحة أنا مش بحب المستعمل برضه ... وبعدين المستعمل عايز حد يلف معاه على الميكانيكية لو طلع نصيب الواحد في عربية فيها مشاكل .. حتى لو كانت موديل حديث وارد الواحد يضحك عليه في عربية عاملة حادثة ولا حالتها وحشة
ده غير إنك بتقولي مابتفهميش في المستعمل
وبالذات إن حضرتك مش هاتعرفي تقفي مع صنايعية ولا تتابعي إصلاح حاجة عشان كدة الزيرو أفضل بالنسبة لك
ميزة الجديد إنك هاتشيلي من دماغك بإذن الله طبعا أي مشاكل مستقبلية لمدة من الزمن طول ما انتي بتتابعي الصيانة في التوكيل ومش بتهيني العربية ... ده غير إنك هاتكوني عارفة تاريخ العربية وكل مسمار فيها اتحط ليه ومين اللى حطه
بالنسبة للسعر ... أنا شايف إنها أفضل حاجة في السعر ده ومش صيني[CENTER][U][FONT=Courier New]D . a . \ A Y M A N[/FONT][/U][/CENTER]
[CENTER][U][FONT=Courier New]A . S . Y[/FONT][/U][/CENTER]
N.Y.S.M.A سابقاًComment
-
[QUOTE=D . a .\ AYMAN;3875747111]بصراحة أنا مش بحب المستعمل برضه ... وبعدين المستعمل عايز حد يلف معاه على الميكانيكية لو طلع نصيب الواحد في عربية فيها مشاكل .. حتى لو كانت موديل حديث وارد الواحد يضحك عليه في عربية عاملة حادثة ولا حالتها وحشة
ده غير إنك بتقولي مابتفهميش في المستعمل
وبالذات إن حضرتك مش هاتعرفي تقفي مع صنايعية ولا تتابعي إصلاح حاجة عشان كدة الزيرو أفضل بالنسبة لك
ميزة الجديد إنك هاتشيلي من دماغك بإذن الله طبعا أي مشاكل مستقبلية لمدة من الزمن طول ما انتي بتتابعي الصيانة في التوكيل ومش بتهيني العربية ... ده غير إنك هاتكوني عارفة تاريخ العربية وكل مسمار فيها اتحط ليه ومين اللى حطه
بالنسبة للسعر ... أنا شايف إنها أفضل حاجة في السعر ده ومش صيني
لو سمحت سؤال كمان...الالتو الجديده احسن ولا الفيات بونتو 2012 جديده ولا جيلى باندينو الجديدهComment
-
[QUOTE=a.hamed;3875747187]المشاركة الأصلية كتبت بواسطة D . a .\ AYMAN مشاهدة المشاركة
هو في بونتو جديدة 2012
ولو فيه لغاية دلوقتي بونتو جديدة 2012 إيه اللى يضمن لي إنها كانت متخزنة صح والمدة الزمنية دي كلها ما أثرتش فيها
عموما لو العربية دي موجودة يبقى أكيد هاتحتاج صيانة وتغيير كل السيور بتاعتها والزيوت بلا استثناء قبل ما تتركب
من ناحية هل هي افضل ولا الألتو 2015 ... بصرحة مش عارف .. مش قادر أدي رأي لأن ما شفتش البونتو دي حالتها عاملة إزاي
أما من ناحية الباندينو .. لما روحت اتفرجت عليها في المرعض صرفت نظر عنها لما ركبتها برغم إنها متخمة بالكماليات بالنسبة للألتو اللى تعتبر فاضية تماما .. الباندينو تقفيلها وخاماتها المستخدمة فيها قمة في السوء وشكلها من جوة مش عاطفي بالمرة وما ارتاحتش في قعدتها ... وبصراحة كنت مبسوط ومرتاح إني طلعتها من حساباتي ساعتها لأني ما كنتش مش بحب للصيني أصلا ولا زلت[CENTER][U][FONT=Courier New]D . a . \ A Y M A N[/FONT][/U][/CENTER]
[CENTER][U][FONT=Courier New]A . S . Y[/FONT][/U][/CENTER]
N.Y.S.M.A سابقاًComment
-
تقرير هاااااااااااااااااااااااااااااايل ..... شكرا على مجهودك ....
ولكن كان عندي سؤال بعد اذن حضرتك .... موديل 2014 الالتو خلص ومعادتش موجود والا ممكن الاقيه واحجز ؟؟؟؟
اصل كدا امكانيات موديل 2014 تبقا احسن وارخص من الموديل الجديد 2015 ... والا ايه رأى حضرتك ؟؟؟؟
شكراComment
-
المشاركة الأصلية كتبت بواسطة nivinne مشاهدة المشاركة
بصراحة أنا مش عارف الفروق بين 2014 وبين 2015 التفصيلية ... بس عموما مش هاتلاقي 2014 عند التوكيل لأنها خلصانة من عنده
الاحتمال الوحيد إن يكون في منها عند معرض من المعارض .. وده احتمال قليل نظرا لأن العربية بتتباع على طول ومش بتقعد[CENTER][U][FONT=Courier New]D . a . \ A Y M A N[/FONT][/U][/CENTER]
[CENTER][U][FONT=Courier New]A . S . Y[/FONT][/U][/CENTER]
N.Y.S.M.A سابقاًComment
-
شكرا لحضرتك على الرد السريع .... انا لسة جاية من المعرض وشفتها
الـ Swift dzire ..... واكتشفت ان مفتاح البنزين والشنطة تحت كرسي السائق ... والاستبن نفس مقاس الجنوط اللي راكبة فيها مش زى السويفت اصغر من الجنوط بتاعتها .....
سحرتني بانسابيتها ولونها من جوه ومن بره ...
بس حاساها كبيرة عليا اووووووووووووووووووووووي ... يعني .... ربنا يسهل واعرف اخد قرار ....
ادعو لي ربنا يرشدني ....
الموضوع فعلا محير جدااااااااااااااااااااااااااااااا ....Comment
-
المشاركة الأصلية كتبت بواسطة Nivinne مشاهدة المشاركة
إيه ده حضرتك كنتي بتسألي عن الألتو .. وفجأة لاقيتك بتتكلمي عن السويفت الديزاير .. أنا قعدت شوية عقبال ما جمعت البوست
عموما الديزاير والهاتش باك الإثنين نفس مقاس الجنوط حتى الاستبن جنط رياضي برضه نفس المقاس
لو الديزاير حساها كبيرة شوية خليكي في الهاتش باك هاتكون مناسبة أكثر
ربنا يوفقك للأفضل ليكي[CENTER][U][FONT=Courier New]D . a . \ A Y M A N[/FONT][/U][/CENTER]
[CENTER][U][FONT=Courier New]A . S . Y[/FONT][/U][/CENTER]
N.Y.S.M.A سابقاًComment
-
انا برضو كنت رايح أحجز الهاتش باك اتوهمت بالديزاير بصراحة مش عارف ليه عموما هى اذواق طبعاComment
-
المشاركة الأصلية كتبت بواسطة m.m.mohsen مشاهدة المشاركة
أنا كمان عاجبني شكل الديزاير أكثر على فكرة ... ومن جوة الديزاير أحلى بكثير من الهاتش باك بلون الفرش والتابلوه البيج الفاتح شكله عليها تحفة بصراحة وكمان قعدة الكنبة ورا أريح وأوسع من الهاتش باك
صرفت نظر عنها لصالح الهاتش باك لسببين
1- قفل الشنطة بتاعها لازم يتفتح من الذراع جوة تحت كرسي السائق أو بالفتاح من برة ... مالهاش زرار من برة أفتحها بلمسة واحدة زي الهاتش باك ... والنقطة أحلى في الهاتش باك اللى بتتفتح بلمسة واحدة لزرار كهرومغناطيسي في الشنطة نفسها من برة وبيفتح ويقفل مع السنتر
2- الديزاير أغلى بـ 8 آلاف تقريبا وأنا في نفس الوقت مش محتاج الشنطة الكبيرة دي أصلا لأني غالبا سايق لوحدي وشنطي مش كثيرة ... يبقى أدفع فلوس أكثر في حاجة أنا مش عايزها ... ده لو كانت الهاتش باك أغلى كنت هاجيب الهاتش باك
وده طبعا لا ينفي إن الديزاير تحفة فنية بألوان التابلوه والفرش بتاعها من جوة وعاجبني أكثر بكثير من اللون الأسود التقليدي في كل أو معظم العربيات المعتادة
وزي ما انت قلت في النهاية هي أذواق عشان الدنيا تمشي
[CENTER][U][FONT=Courier New]D . a . \ A Y M A N[/FONT][/U][/CENTER]
[CENTER][U][FONT=Courier New]A . S . Y[/FONT][/U][/CENTER]
N.Y.S.M.A سابقاًComment
-
كلامك عاقل وعجبنى جدا فى حتة أن ليه تدفع فلوس أكتر فى حاجة مش محتاجها يمكن انا عجبتنى الديزاير لان كتير بيكون معايا اهلى وعموما الله يوفقك ويحميلك عربتيك يا ربComment
-
المشاركة الأصلية كتبت بواسطة D . a .\ AYMAN مشاهدة المشاركةما شاء الله العربية معايا بقالها حوالى شهر بروح بيها لشغل كل يوم و شوارعنا الجميلة زحمة و مطبات و سافرت بيها مرتين و راضى عنها من كل الاوجه و الحمد للهالمشاركة الأصلية كتبت بواسطة m.m.mohsen مشاهدة المشاركة
و ممكن حضرتك تخلى موضوع د / ايمن و موضوعى ده عن الديزاير مرجع ليك و مرحبا بأى تساؤل :
[SIGPIC][/SIGPIC]
https://www.facebook.com/groups/SWIFTCLUBINEGYPT/Comment
-
عايز اركب 4 مكن زجاج كهرباء في عربيتي النيو التو
فين وبكام...
في ناس قالت لي مكن استيراد ياباني بكل مشتملاته وشامل والتركيب كمان ب 800 ج
وفي ناس بتقول دور علي جديد احسن ... فين وبكام وانتاج ايه صيني تايواني مثلا
...
وناس بتقول الالتو ملهاش مكن زجاج بالسوق مفيش قدامك الا المكن الاستيراد ؟!!!
وكمان السنتر اخبارة ايه
..
مش عارف كنت عايز اركب وحدة رفع بس هل العربية تستحمل كل ده....Comment
Comment