رابطة مالكي السويفت

[shams_alld]

نقدر نستخلص من كلام حضرتك ان الفليشيا احسن منها بخلاف النعومة وانخفض سعر قطع الغيار صح كلامى ولا غلط

[ahmed76]

نقدر نستخلص من كلام حضرتك ان الفليشيا احسن منها بخلاف النعومة وانخفض سعر قطع الغيار صح كلامى ولا غلط

اعتقد ان العربيتين نفس المستوى ونفس السعر
واللى بيفرق بينهم حاله كل عربيه
وانا عن نفسى بحب الفليشيا جدا على الرغم من ان معايا سويفت
وانا بشترى كنت هاجيب فليشيا فعلا لكن فيه حاجتين فى الفليشيا (فى بعض العربيات ومش كلها )
ممكن يكرهوك فى حياتك ( السخونه - العربيه ناشفه )

[exact]

السلام عليكم
أنا معايا عربية سويفت 94 من حوالي شهر جبت بطارية اي سي ديلكو جافة 55 أمبير
المهم البطارية ركبتها ومكتوب طبعا زي مانتو عارفين العدسة خضرا اوك لو سوده تشحن لو بيضا تبقى تتغير
المهم البطارية مبقلهاش شهر زي ما قلت لكم وكانت طول الشهر عدستها أخضر زرعي وبعدين كنت في مشوار ونزلت 5 دقايق من العربية وجاي بادور تاني العربية مبتنطقش أبص عالعدسة لقيتها بيضا!!!!!!!!!!! فجأة كده بدون سابق انذار قعدت احاول واحاول اسمع تكة الكتاوت بتاع المارش والاقي لمبات التابلوه بتطفي خالص وفجأه لقيت العربيه لقطت ودارت.... جيت رحت للكهربائي بنبص عالعدسه لقيتها اخضر زرعي قاسها لقاها مشحونة وزي الفل ...نسيناها الموضوع يومين ورجع نفس السيناريو بالمللي اتكرر تاني....
حد عنده فكرة ده من ايه؟؟؟؟؟؟؟؟؟؟

[hany_alawady]

عضو جديد فى الرابطة

سوزوكى سويفت 92 هاتشباك أوتوماتيك

[hany_alawady]

أفحص الدينامو جيداً ...أحيانا يشحن شوية و يقطع أو الكابل الخارج منه ناشف أو قديم

[kar!m]

البطارية

أنا برضه لسه جايب بطاريى ايه سى ديلكو 55 أمبير من حوالى شهر و نصف..و كذا محل وانا بشترى حذرونى منها..قالوا لى الجديدة مش فى جودة القديمة و اتغيرت و كدة..المهم أنا مسمعتش الكلام وقلت برضه هجيبها..ركنت العربية صف تانى و دخلت المحل أشتريها بخرج عشان الراجل يركبها لى لقيت المحفظة اتسرقت من العربية..كان اخر يوم فى رمضان..مع انها كانت تحت فرامل اليد و فوقيها فوطة..بس الحمد لله انى كنت واخد الموبايل معايا..بس اعتذرت للراجل و مشيت و الحمد لله واحد كلمنى بعديها و فال لى أنا لقيتها و رحت له بنها و أخدتها منه بس من غير الفلوس طبعا بس طبعا الحمد لله أنا كنت هلف لفة سودة عشان أطلع البطايق و الرخص والكارنيهات.
يا ريت يا جماعة لو حد ركن عربيتة ياخد باله كويس عشان بجد الحرامية كتروا جدا.
اه بالنسبة للبطارية هى لحد دلوقتى شغاله معايا كويس معملتش مشاكل الحمد لله.

[exact]

أفحص الدينامو جيداً ...أحيانا يشحن شوية و يقطع أو الكابل الخارج منه ناشف أو قديم

فحصت الدينامو كويس جدا
أنا كنت عملت صيانة فبل اما اشتري البطارية الجديد عشان ميعملش فيها حاجة ورجعت قيسته امبارح تاني وبصيت عالسيور لقيت العمليه زي الفل والفولت والامبير بتوعه كويسين سواء كان فيه حمل او مفيش وشغلت كل حاجة في العربية حتى الانتظار وكانت استجابته كويسة من غير مايحمل عالبطارية الحاجة الغريبة ان العدسة طول مالعربية دايرة او ماشية بتبقى خضرا واما تبات تلاقيها ابيضت واول اما تدور العربية تلاقي نقطة خضرا ظهرت وبعد كده بتوسع المهم انها ساعات مع الابيض ده بيبقى فيها شحن كويس وبتدور العربية ...انا والله ماعدتش فاهم حاجة...هما بيشتغلونا بموضوع العدسة ده وللا ايه...وايه طريقة عملها؟؟؟ وفيه واحد اقترح اني اغير القواطيش وانضف الاسلاك كويس واتاكد من وصلة الارضي من البطارية!!!!!!!!!!!!!
أنا احترت

[hegazyhany]

معايا سوزوكى سويفت 1993 زيتى - اول يد

[Ramy_asr]

سوزوكى سويفت

انا حشترى واحدة بكرة موديل 93 على 25 العربية حالتها مش بطالة اية رايكم

[exact]

انا حشترى واحدة بكرة موديل 93 على 25 العربية حالتها مش بطالة اية رايكم

شوف ياباشا هو السعر يخوف شويهمن رخصها لان النضيف ممكن يعمل 30
بس بالاضافة للتاكد من الاساسيات عاوزك تتأكد من سمكرة الشنطة وبالذات من على الاجناب من جوه لأن دي نقطة ضعفها فلو كانت بالاضافة للاساسيات كويسة تبقى اوك...لاحظ ان العربية دي الحرارة بتاعها بتبقى في النص او اعلى حاجة بسيطة بس لو كانت نازلة لحرف (سي) يبقى لازم اول ماتدور تلاقي العربية صوتها عالي شوية عشان بتسخن وفيها شفاط اوتوماتيك بيفصل اول مالحرارة تبدا تعلى ومع اول ضغطة بنزين جامدة
لاحظ برضة الفرش الاصلي والتقفيل بتاع الأكر بتاع الابواب لانها بتتكسر بسهوله لو فيه فك وتركيب كتير...وبص كويس على صدر العربية وبالذات الجزء اللي مربوط فيه الردياتير من فوق لان اي خبطة في العربية من قدام بتضرب هناك..
متنساش تشغل التكييف والعربية مقفوله لمدة 5 دقايق وشوف ايه اللي هيحصل هل بتحفظ البرودة ولا شوية وهتروح..
لو افتكرت حاجة هاكتب لك

[samirpop2]

انا عندي شيفورليه سبرنت 91 وهي نفس السويفت بلضبط

[DELL]

نقدر نستخلص من كلام حضرتك ان الفليشيا احسن منها بخلاف النعومة وانخفض سعر قطع الغيار صح كلامى ولا غلط

لا طبعا السوفت احسن من الفليشيا كتير لعدة اسباب
1ـ قطع غيار ارخص فيما يخص الميكانيكا والماكينة مع تقارب اسعارهم في العفشة
2 ـ صالون اوسع كثير
3ـ نعومة واداء افضل علي الطريق
4ـ سهولة البيع نسبيا عن الفليشيا
دة راي الشخصي وعن تجربة وفي بعض الناس مبتعجبهمش السو فت وتعجبهم الفليشيا بس الفليشيا تنفع شباب مش متزوج لكن مش عائلية زي السوفت

[DELL]

السلام عليكم
أنا معايا عربية سويفت 94 من حوالي شهر جبت بطارية اي سي ديلكو جافة 55 أمبير
المهم البطارية ركبتها ومكتوب طبعا زي مانتو عارفين العدسة خضرا اوك لو سوده تشحن لو بيضا تبقى تتغير
المهم البطارية مبقلهاش شهر زي ما قلت لكم وكانت طول الشهر عدستها أخضر زرعي وبعدين كنت في مشوار ونزلت 5 دقايق من العربية وجاي بادور تاني العربية مبتنطقش أبص عالعدسة لقيتها بيضا!!!!!!!!!!! فجأة كده بدون سابق انذار قعدت احاول واحاول اسمع تكة الكتاوت بتاع المارش والاقي لمبات التابلوه بتطفي خالص وفجأه لقيت العربيه لقطت ودارت.... جيت رحت للكهربائي بنبص عالعدسه لقيتها اخضر زرعي قاسها لقاها مشحونة وزي الفل ...نسيناها الموضوع يومين ورجع نفس السيناريو بالمللي اتكرر تاني....
حد عنده فكرة ده من ايه؟؟؟؟؟؟؟؟؟؟

بص يا باشا انت هتروح لكهربائي بيفهم وركز اوي علي موضوع بيفهم دة مش يكون صنيعي كويس وخلاص لازم يكون عندة مخ بيفهم يعني
وتقولة شوف كتاوت الشحن عندي ولو قالك هنجرب واحد مستعمل من عندي اوعي تعمل كدة لتضرب البطارية اشتري واحد جديد هتلاقية بحوالي 35 جنية وجرب البطارية لو لسة بتهرب شحن يبقي رجعها الضمان البطارية دي بايظة وفي طريقة اوفر من الكلام دة انك تاخد بطارية حد من صحابك يكون مشية بالعربية زيك وفي نفس المسافات وتعطية بطاريتك وتجرب يومين تشوف البطارية عندة بتعمل كدة ولا اية وكدة هتعرف عيب في العربية ولا في البطارية
ا

[DELL]

انا حشترى واحدة بكرة موديل 93 على 25 العربية حالتها مش بطالة اية رايكم

بص يا باشا لو العربية دي اساسيتها سليمة يبقي سعرها كويس حتي لو هتصرف عليها الف او الفين جنية يبقي كويس بس اهم حاجة اساسيات العربية يعني تجيب ماكنيكي يبص علي الماكينة كويس ويجربها ويقولك حالتها كام % وتاني حاجة السمكرة ومهم جدا تشوف البارومة وخصوصا في السقف وفي جوانب الشنطة وفي العتاب وطبعا عفشة العربية الاساسيات والباقي بقي الفرش دة ب1000 جنية تعمل فرش جلد محترم والكاوتش وكدة ممكن تعدية عشان السعر كويس

[exact]

ايه رأيكم؟؟؟

عربيتي لونها اخضر زيتي ميتاليك ومحتاجة رش
ياترى ايه احسن انواع البوية؟؟
واسعارها ايه ؟؟
ومنين ممكن نشتريها في الدلتا سواء المنصورة - المحلة - طنطا؟؟
ولو فيه ورشه حلوة في سمنود أو المحلة للرش؟؟