رابطة مالكي السويفت

[disload]

بسم الله الرحمن الرحيم
انا ناوي ان شاء الله انضم لملاك السويفت ..
ادامي عربية سويفت موديل 93 ياباني سيدان .. فيها تكييف وسنتر وهاف باور .. مطلوب فيها 27 ...
يا ترى تنصحوني بايه سواء في الكشف عالعربية قبل الشراء .. أو بعد ما اشتريها ...
ويا ترى ايه مشكلة صباع الحرارة دي..
وازاي اتأكد من جودة التكييف.

[kar!m]

مفيش حاجة اسمها هاف باور
روح اكشف على العربية فى بنزينة .. أو خد معاك سمكرى حوادث .. وخلى بالك من البارومة فى الحوض و السقف و ديول الرفارف.. لو فيها بارومة فى الحوض أو السقف متخدهاش
و سوقها و شوف الموتور والعفشة و جيب بيها 140 و شوفها عاملة ايه على الطريق و امشى بيها فى طرق مكسرة و شوف العفشة عاملة ايه .. و اخصم اى حاجه محتاجه تتعمل من تمنها
و ربنا يوفقك لما فيه الخير

[dentist811]

يا هلا برجالة السويفت
انا معاكو يا رجاله سويفت نبيتى 98
بس ايه .......حكاية

[exact]

لو عندك الكتالوج ممكن تبعتهولى على الميل
wlng76@hotmail.com

89 ميجا يا باشا
ممكن ادور لك عاللينك وابعتها لك بسه هو بتاع ال جي تي آي

[ayman_hosamy]

السلام عليكم ورحمة الله وبركاته
انا اشتريت سوزوكى سويفت من 4 شهور موديل 96 يابانى والحمد لله العربية كويسة بس لاحظت ان مؤشر الحرارة لا يزيد ابدا عن المنتصف .انا قولت عادى فى الشتاء لكن لم يزيد عن النص لما الحر بدأ يدخل.
فهل ده طبيعى؟

[exact]

السلام عليكم ورحمة الله وبركاته
انا اشتريت سوزوكى سويفت من 4 شهور موديل 96 يابانى والحمد لله العربية كويسة بس لاحظت ان مؤشر الحرارة لا يزيد ابدا عن المنتصف .انا قولت عادى فى الشتاء لكن لم يزيد عن النص لما الحر بدأ يدخل.
فهل ده طبيعى؟

بص يابرنس
اولا العربية اللي معاك غالبا مصري لأن آخر الياباني 1994 ودي معروفة
ثانيا انا عربيتي جاي فيها استيكر ملزوق فالتابلوه ان المؤشر المفروض دايما يبقى فالنص... ده طبعا بعد اما العربية تسخن
للعلم حرارة المياه يتم التحكم فيها بعدة طرق
اولا الرادياتير والمروحة ودي فيها ثيرموستات كهربائي راكب فالرادياتير من تحت اول مالحرارة تشخن يبدأ يشغل لمروحة
ثانيا تحكم ميكانيكي..وده ان دايما طلمبة المياه شغالة طول مالعربية دايرة زي مانت عارف...فده هيسبب صعوبة تسخين العربية فالجو البارد وعشان كده همه عاملين ثيرموستات ميكانيكي بيتحكم في سرعة مرور المياه في دورة التبريد وده بيكون مظبط انه يفتح مسار المياه اول اما توصل للحرارة المطلوبة وده غالبا مابيكون بالتزامن مع الثيرموستات الكهربائي...
وعشان كده بتلاقي مؤشر الحرارة ثبت فالنص لو النظام شغال كويس...

[ayman_hosamy]

ثانيا انا عربيتي جاي فيها استيكر ملزوق فالتابلوه ان المؤشر المفروض دايما يبقى فالنص... ده طبعا بعد اما العربية تسخن
للعلم حرارة المياه يتم التحكم فيها بعدة طرق
اولا الرادياتير والمروحة ودي فيها ثيرموستات كهربائي راكب فالرادياتير من تحت اول مالحرارة تشخن يبدأ يشغل لمروحة
ثانيا تحكم ميكانيكي..وده ان دايما طلمبة المياه شغالة طول مالعربية دايرة زي مانت عارف...فده هيسبب صعوبة تسخين العربية فالجو البارد وعشان كده همه عاملين ثيرموستات ميكانيكي بيتحكم في سرعة مرور المياه في دورة التبريد وده بيكون مظبط انه يفتح مسار المياه اول اما توصل للحرارة المطلوبة وده غالبا مابيكون بالتزامن مع الثيرموستات الكهربائي...
وعشان كده بتلاقي مؤشر الحرارة ثبت فالنص لو النظام شغال كويس...

أشرك على ردك وعلى المعلومات القيمة دى بجد انت طمنتنى

بص يابرنس
اولا العربية اللي معاك غالبا مصري لأن آخر الياباني 1994 ودي معروفة

العربية دى انا اشتريتها من واحد قريبى وهو اشتراها سنة 1996 زيرو و يابانى

[semsem_inside]

السلام عليكم
ايه يا جماعة انتم رحتم فين .........
كنت عايز أعرف فلتر الزيت بتاع السويفت بيتباع بكام وفين وايه انسب نوع

[exact]

الحق ادخل
هنا

[exact]

السلام عليكم
ايه يا جماعة انتم رحتم فين .........
كنت عايز أعرف فلتر الزيت بتاع السويفت بيتباع بكام وفين وايه انسب نوع

مش عارف الناس بتروح فين
الفلاتر انواعها كتير جدا...فيه نوع اسمه سوزوكي...وده بيعمل 10 جنيه ويتغير مع كل غيار 3000
انا باجيب نوع اسمه vic وده ياباني عامل حوالي 25 عشان انا باحط زيت 10000

[sewefy]

موقع جميل وكلام اجمل وعاوز مساعده

كونت جاى من الصحراوى وخبطت فى حجر الميكانيكى بيقول الشاسيه فتح منك هل ده لوه تاثير على العربيه
حديدلنى ارجوكم

[sewefy]

ايه مفيش حد يقولى ويدلنى اعمل ايه

[exact]

الله اعلم
بس لو عرفت الحل اكتبه عشان نستفيــــــــــــد

[kar!m]

كونت جاى من الصحراوى وخبطت فى حجر الميكانيكى بيقول الشاسيه فتح منك هل ده لوه تاثير على العربيه
حديدلنى ارجوكم

روح لسمكرى أو ارفع العربيه فى بنزينه و شوف ايه اللى حصل عندك تحت بالضبط
لو العربيه مش مضبوطه هتحدف منك و تاكل كاوتش

[semsem_inside]

السلا عليكم
يا جماعة حد يعرف سعر الحاجات الآتية للأهمية :
- طلمبة المياه الأصلية
- الترموستات
- صباع الحرارة والكتاوت بتاع المروحة
وشكرا