السرعة القصوى للمازدا 3

[mohamed777]

ان شاء الله بغير الشكمان بالكامل وحبقى اقولكم على اللي حصل
بس بتاع الشكمان قالى انه هيتكلف 240 جنية كلة بدون المشترك لانه قالى انه كويس ومش هيحتاج يتغير
اية رأيكم فى السعر ده؟؟؟؟؟؟؟

[x_gomgom]

بص العموله كامل مكمل م بيعديش ال 200 اما الجاهز بكبيره 250 دا المصري بتاع الاسكندريه او مصنع الشيخ و دا بالفعل اسعار الحرفيين...

[x_gomgom]

الكلام دا بالمشترك طبعاً

[mohamed777]

لا من غيرالمشترك
بس انا لسة مافاصلتش معاة

[mohamed777]

بس هو عمولة والراجل ده بتعامل معاة من زمان اوى وبيقولى انه بيجيب خامات نظيفة
وكمان الشكمان اللي راكب فيها حالياً هو اللي عاملة وفعلا كويس وعمرة ما طلع صوت بالرغم ان العلبة اللي ورا واخدة كام خبطة محترمة ومبعجرة اوى ومع ذلك ما اتخرمتش

ادعولى بظهر الغيب ربنا يسترها معايا

[x_gomgom]

ربنا يسترها عليك و يعينك و ان شاء الله هتتظبط و هتبقي تمام معالك ابقي بس طمنا عليك و قولنا و صلت لفين..

[mohamed777]

بفضل الله غيرت الشكمان كلة وفعلاً كان مليان زيت وكربون

بس الفرق مش كبير اوى ........الحمد لله على كل حال

سحب العربية بقى احسن و صوت المتور مش بيعلى مهما قرصت على غيار

بس برضة حكاية انى اشوف اخرها كام......جربتها على الطريق بتوصل لسرعة 100 الى 110 مستريح

انا خفت اقرص اكتر من كده خصوصاً ان صوت الموتور وطى بعد الشكمان على السرعات العالية ومافيهاش عداد rpm


ناقص بقى حكاية الدسك ناوى علية برضة على شان ما يكونش للموتور حجة...والا هزحلق العربية فى الابراهيمية واخلص منها

على فكرة الابراهيمية دى ترعة فى الصعيد

[khaled_rafea]

مبروك يا باشا على الشكمان ربنا يباركلك فى العربية و يكفيك شرها

[mohamed777]

مبروك يا باشا على الشكمان ربنا يباركلك فى العربية و يكفيك شرها

الله يبارك فيك ياباشا

[x_gomgom]

الف مبروك على الشكمان و ان شاء الله لما تغير الدسك هتفرق معالك جامد

[mohamed777]

الف مبروك على الشكمان و ان شاء الله لما تغير الدسك هتفرق معالك جامد

الله يبارك فيك ياباشا

فعلا الديسك عندى تقريباً الاصلى بتاعها ينى شغال من سنة 83
او لو اتغير قبل كده هيبق من سة 97 لان العربية ما اتعملهاش عمرة غير مرة واحده سنة 97 ودى التانية

[x_gomgom]

ربنا يوفقك وو تغيره ان شاء الله و ابقا طمنا عملت ايه؟

[mohamed777]

ربنا يوفقك وو تغيره ان شاء الله و ابقا طمنا عملت ايه؟

بس انا بفكر انى اكنسل تغيير الدسك خصواً انها بتجيب 120كم\ساعة بس بحس ا الموتور على اخرة
وكمان بجبها بالعافية

[x_gomgom]

بص الاسطوانه وظيفتها نقل الحركه من الموتور الي الجيربوكس و بالتالي للعجلات عن طريق الاحتكاك بين سطحي السطوانه و الدسك و الفرام ...
لما الاسطوانه بنكون تعبانه بيقل معدل الاحتكاك (او بيقولوا ببتزحلق على الفاضي) و بالتالي ينتج عنه ضعف القدره الواصله للجيربوكس و بالتالي للعجلات.. فتلاقي الموتور عمال بيعلي على الفاضي و العربيه مبتجريش مثلا لو عندك rpm تلاقي العداد بيعلي و العربيه مبتجريش او ال rpm داخل علي 5000 لفه و انت جايب 100 بالعافيه...
و في كلا الحالات بتجري ولا لا دا له اثار سلبيه على الموتور و مع الوقت هتلاقي الاسطوانه اتفرمت وهيبقي تعشيق الغيارات متعب و طبعا الاسطوانه بتأثر بالسلب على مجموعه الدبرياج كلها...
انت المفرض حفاظا على العربيه تغيره في اقرب وقت ممكن و صدقني هتفرق جداً معاك
و ربنا يوفقك

[mohamed777]

بس انا غيرت الاسطوانه وماغيرتش الدسك