الناس اللي بتسأل عن ضعف موتور مازدا

[mim555]

الناس اللي بتسأل عن ضعف موتور مازدا 3
اللي بيحدد قوة اي عربية.
وزن العربية ، سعة الموتور، الموتور كام حصان وعزم الموتور
لو وحدنا سعة الموتور عند 1،6 لتر
ووزن العربية المازدا 3 والتويوتا والهوندا سيفيك هنلاقيهم زي بعض تقريبا
السيتي تزيد حوالي 200 كيلو
نيجي بقي لعربيات 2015.
الهوندا سيفيك 123 حصان عند 6500 rpm والعزم 115 نيوتن عند 4300 rpm
السيتي 118 حصان عند 6600 rpm والعزم 145 نيوتن عند 4600 rpm
التويوتا 121 حصان عند 6000 rpm والعزم نيوتن 154 عند 4500 rpm
المازدا 3 105 حصان عند 6000 rpm والعزم 145 نيوتن عند 4000 rpm

الترجمة
القوة الحصانية هي المسئولة عن اقصي سرعة توصلها العربية.
يعني التويوتا اقصي سرعة توصلها 189 كيلو في الساعة وعشان تاخد اعلي قوة من الموتور لازم rpm يوصل حوالي 6000 rpm
العزم بقي مسئول عن التسارع او بمعني تاني تحريك العربية من الثبات للحركة وده في التويوتا توصله كويس لما تجيب rpm عند 4500 وهي من 0 الي 100 في 12 ثانية
اما المازدا 3 فاقصي سرعة من 175 ل 180 والتسارع من 0 الي 100 12 ثانية و2 من عشرة
في معلومة ناس كتير قوي متعرفهاش ان ليه مازدا ما زودتش قوة الموتور عن كده
فيه حاجة اسمها نسبة الانضغاط داخل اسطوانة الموتور.
في موتور مازدا 1600 النسبة دي 1: 10 وكل ما زادت نسبة الانضغاط كل ما الاداء بقي احسن لان الاستفادة من حرق الوقود هتبقي احسن ونسبة 1 : 10 دي هي اخر نسبة ينفع معاها بنزين 92 لكن في الكورولا النسبة دي 1 :11.5 ودي معناها انها محتاجة بنزين 95 عشان تديك القوة المطلوبة والا قوة الموتور والعزم هيقل لو حطيت 92

لو حابين تعرفوا اكتر
اكتبوا عن النت
القوة الحصانية للموتور
عزم الموتور
نسبة الانضغاط داخل الموتور ونسبة الاوكتان في الوقود المستخدم
المقارنات ممكن تجيبوها من علي المواقع
مثال
Honda egypt
وعلي google compare cars

[hmotors]

.

شكراً على التوضيح، دى فعلاً نقاط مهمة جداً.

[mim555]

لا شكر علي واجب
اللي انا قصدت اقوله ان كل السيارات 1600 في مصر متقاربة من حيث العزم اللي مسئول مع وزن العربية عن التسارع واللي بيدور حوالين 10 الي 12 ثانية من صفر الي 100 والفرق في القوة الحصانية م هيفرق كتير قوي لانه مسئول عن السرعة القصوي والفرق برضه مش كبير واقل عربية سرعتها القصوي بتوصل 170 كيلو اللي انت يدوب في مصر عمرك ما تعديها ولا في الاحلام حتي
من الاخر كده السيارات دي عائلية مش رياضية يعني توديك وتجيبك مش هتدخل بيها سباق

نقطة تانية العربية مازدا 3 ارتفاعها من الارض الخلوص يعني 16 اقل من التويوتا بنص سم لكن بصراحة العفشة بتاعتها جميلة جدا وناعمة والعربية من تحت متبطنة اخر حلاوة

[Fawzy.Abdelnour]

تقرير رائع و شكر واجب.
بس الفيتيس فعلا مشكله علي الطرق السريعه.
الrpm بيكون عالى كتير عن الفيتيس ال6 سرعات.

[mim555]

الفرق بين الجير. 6.سرعات.اماميه وواحده خلفيه والجير 4 سرعات امامية وواحدة خلفية

ان الجير 6 وظيفته انه بيحسن استهلاك البنزين والاداء والتسارع
مقارنة بالجير ال 4 نقلات
تحسن فى الوقود بنسبة 8 %
0 - 100 اسرع بنسبة 15 %
60 - 100 اسرع بنسبة 17 % ده بالنسبة للسيراتو مثلا
نسب.الجير.فى النقله الأولى زادت 11 % ودا اللى هايحسن طلعة العربيه خصوصا لو على مطلع , والنقله السادسه قلت بنسبة 2.5 % ودا اللى بيعمل على تقليل استهلاك البنزين
لو قارنت السيراتو جير 6 بالمازدا 3 جير 4
استهلاك الوقود 6.5 لتر لكل 100 كيلو في السيراتو
6.9 لتر لكل 100 كيلو في المازدا 3
التسارع
المازدا 3 12.2 ثانية من 0 الي 100
السيراتو 12 ثانية
اعتقد الارقام متقاربة جدا
وفي الاخر العربية بتتاخد ككل
يعني المازدا امان 6 اير باجس رفاهية فيها عيوب اه طبعا لكن انا رأيي في المجمل عربية تستاهل

[mim555]

معلومة تانية عن rpm
المازدا 3 عشان توصل لافضل عزم محتاج 4000 rpm بس اقل من كل عربيات فئتها
وعشان توصل لاقصي قوة حصانية محتاج 6000 rpm زي التويوتا واقل من ال الهوندا السيفيك والسيتي

[Fawzy.Abdelnour]

الصراحه انا كنت بتكلم على التوليدو, جابها لمراتى.
6 امامى و واحد خلفى, الفرق كبير.
بس عايز اجيب المازدا عشان الكماليات عاجبانى جداً.

[hmotors]

تقرير رائع و شكر واجب.
بس الفيتيس فعلا مشكله علي الطرق السريعه.
الrpm بيكون عالى كتير عن الفيتيس ال6 سرعات.

عن تجربة عملية فى المازدا 3 على الطرق السريعة

السرعة 100 كم/س ال rpm بيكون 2.5
السرعة 120 كم/س ال rpm بيكون 3 وأقل حاجة بسيطة

اذا ماشي بسرعة 100 وحالة الطريق كويسة إستهلاك البنزين بيقل جداً فعلاً بيوصل اقل من 6 لتر لكل 100 كم

وحضرتك شايف فى الصور السرعة 120 ال rpm على 3 تقريباً والإستهلاك 6.4 و 6.1 طبعاً بيقل ويزيد مع المطالع او النزلات فى الطريق

بس العربية دى فوق ال 120 والقيادة الرياضية متفكرش فى البنزين إستهلاك بمعدلات كبيرة جداً






تحياتى،

[mim555]

شكرا للمرور
كل السيارات 1.6 لتر مع السواقة الرياضية استهلاك البنزين هيزيد جدا
كمان فيه حاجة الناس ما بتديهاش انتباهها خالص معرفش ليه
عنصر الامان
المازدا 3 ربنا يسلم الجميع هي اعلي معدل امان في فئتها
6 اير باجز
تقوية الابواب بعواميد فولاذ من الداخل
2 كراش بوينت امامية وخلفية
الموتور في حالة التصادم بينزل لتحت والدركسيون ما بيردش لورا
بصراحة من اعلي معدلات الامان عن اي عربية في فئتها

[Fawzy.Abdelnour]

فالتوليدو علي سرعة 110 كم الrpm بيكون 2400.
فرق كبير.
بس انا ناوي جايبها، بس الصراحه معايا عربيه تانيه بسافر بيها، مش هركز قوي فموضوع الفيتيس.

[mim555]

التوليدو 105 حصان عند 5600 rpm
والعزم 153 عند 3800 rpm
وزنها غير محملة 1175
تسارعها من 0 الي 100 كيلو 11.9 ث
السرعة القصوي 193
والنقل الاتوماتيك 5 سرعات
لكن استهالكها للوقود 7.5 لتر لكل 100 كيلو وده اعلي من المازدا 3

[Fawzy.Abdelnour]

التوليدو 105 حصان عند 5600 rpm
والعزم 153 عند 3800 rpm
وزنها غير محملة 1175
تسارعها من 0 الي 100 كيلو 11.9 ث
السرعة القصوي 193
والنقل الاتوماتيك 5 سرعات
لكن استهالكها للوقود 7.5 لتر لكل 100 كيلو وده اعلي من المازدا 3

يا باشا العربيه معايا, 6 غيار امامى تيبترونيك.
موديل 2015
انا مش بعيب فالمازدا, ده انا عايز اجيبها, بس الفيتيس ده فارق كتير, الموتور مرتاح جداً.

[monamize4]

الهوندا سيفيك 123 حصان عند 6500 rpm والعزم 115 نيوتن عند 4300 rpm

مش حقيقى طبعا ,, اذا كانت البيكانتو بالموتور ال 1.2L بتطلع torque 120N.m
السيفيك بتطلع 152N·m @ 4,300 rpm

المازدا 3 ربنا يسلم الجميع هي اعلي معدل امان في فئتها

مش حقيقى برضه ,, المازدا مافيهاش ESP
عكس السيفيك و الاسترا و الكورولا و الفوكس و الجيتا و الكروز كمان




نقطة اخيرة ,,
الفتيس ال4 سرعات دا حاجة زفت خصوصا لو عربية 2015 ,, دا الالنترا بتنزل 6 سرعات

[Fawzy.Abdelnour]

عزم الهوندا فعلا 115، من علي موقع هوندا مصر، بس وحدة القياس كيلوجرام / متر.
المازدا نيوتن / متر.
تتحول ازاي مش عارف.
جربت كل طرق التحويل بتطلع ارقام عجيبه.

[monamize4]

كود الموتور r16a دور و شوف بنفسك