الناس اللي بتسأل عن ضعف موتور مازدا

[Omar Sarray]

الى بيلعب فى دور قوه العربيه مش بس سعه او قوه الحصان وانما عز النيوتن الكتير للعربيه

[sfi]

الناس اللي بتسأل عن ضعف موتور مازدا 3
اللي بيحدد قوة اي عربية.
وزن العربية ، سعة الموتور، الموتور كام حصان وعزم الموتور
لو وحدنا سعة الموتور عند 1،6 لتر
ووزن العربية المازدا 3 والتويوتا والهوندا سيفيك هنلاقيهم زي بعض تقريبا
السيتي تزيد حوالي 200 كيلو
نيجي بقي لعربيات 2015.
الهوندا سيفيك 123 حصان عند 6500 rpm والعزم 115 نيوتن عند 4300 rpm
السيتي 118 حصان عند 6600 rpm والعزم 145 نيوتن عند 4600 rpm
التويوتا 121 حصان عند 6000 rpm والعزم نيوتن 154 عند 4500 rpm
المازدا 3 105 حصان عند 6000 rpm والعزم 145 نيوتن عند 4000 rpm

الترجمة
القوة الحصانية هي المسئولة عن اقصي سرعة توصلها العربية.
يعني التويوتا اقصي سرعة توصلها 189 كيلو في الساعة وعشان تاخد اعلي قوة من الموتور لازم rpm يوصل حوالي 6000 rpm
العزم بقي مسئول عن التسارع او بمعني تاني تحريك العربية من الثبات للحركة وده في التويوتا توصله كويس لما تجيب rpm عند 4500 وهي من 0 الي 100 في 12 ثانية
اما المازدا 3 فاقصي سرعة من 175 ل 180 والتسارع من 0 الي 100 12 ثانية و2 من عشرة
في معلومة ناس كتير قوي متعرفهاش ان ليه مازدا ما زودتش قوة الموتور عن كده
فيه حاجة اسمها نسبة الانضغاط داخل اسطوانة الموتور.
في موتور مازدا 1600 النسبة دي 1: 10 وكل ما زادت نسبة الانضغاط كل ما الاداء بقي احسن لان الاستفادة من حرق الوقود هتبقي احسن ونسبة 1 : 10 دي هي اخر نسبة ينفع معاها بنزين 92 لكن في الكورولا النسبة دي 1 :11.5 ودي معناها انها محتاجة بنزين 95 عشان تديك القوة المطلوبة والا قوة الموتور والعزم هيقل لو حطيت 92

لو حابين تعرفوا اكتر
اكتبوا عن النت
القوة الحصانية للموتور
عزم الموتور
نسبة الانضغاط داخل الموتور ونسبة الاوكتان في الوقود المستخدم
المقارنات ممكن تجيبوها من علي المواقع
مثال
honda egypt
وعلي google compare cars

حبيت اوضح حاجات مغلوطة عن التويوتا التسارع الي مكتوب ده القديمة مش الكورولا 2014 وفوق الشكل الجديد الي التسارع فيها احسن بكثير بفضل الفتيس
+ التويوتا بتاخد 92 عادي جدا ومفيش حاجه اسمها مازدا مقدرتش تزود الاحصنة عشان نسبة الانظغاط وبنزين 95 دا كلام فاضي الماتور ده تكنولوجيا قديمة اوي وفتيس عقيم ميليقش بعربية 2015 و 2016@@
النترا كورولا معظم العربيات الحديثة +120 حصان وطالع وكلها بتاخد 92

[Omar Sarray]

مع احترامى لكل الجميع فى نقاش الموضوع انتو حولتو النقاش من جميل الى نقاش اختلافات وعداء يا اخوانى الاعزاء مازدا 3 افقر موتور بيجيو غبور لمصر مع احترامى للجميع فى مليار سياره احسن واحسن من كذا موجيل يعنى سيراتو اقوى من مازدا تخيل نيسان سنترا اقوى من مازدا خامه وتقفيل لصالح مازدا غير كذا محدش يقولى ان مازدا تجى مصر مرسيدس تقارن كلو ملعبو على المكشوف الرق على الى يجيب السيارات لمصر من جوده وخامه وشكل وقوه حتى لو لادا مع احترامى للجميع مافى واحد كامل والكمال لله وحدو الى مجمع فلوس خليه يجمع شويه كتير فى اشكال جديده من كل الموديلات راح تظهر 2016 فى مصر وانا بقول محدش يستعجل ويشترى من دلوقتى مع احترامى للجميع تحياتى

[mahmoudsmh]

معلش مع احترامي لكل الي شكر في العربيه وقالك خدت احسن عربيه في العالم
كلامك صحيح خبيبي بس المازدا ٣ نازله في العالم كله بموتور جديد مع الشكل الجديد اسمه
skyactive
وده عامل طفره جامده
مصر الدوله الوحيده في العالم الي منزله الشكل الجديد بالموتور والفتيس القديم الي اتلغوا من العالم كله
وشكرا لازم التوضيح ده للكل

[hmotors]

معلش مع احترامي لكل الي شكر في العربيه وقالك خدت احسن عربيه في العالم
كلامك صحيح خبيبي بس المازدا ٣ نازله في العالم كله بموتور جديد مع الشكل الجديد اسمه
skyactive
وده عامل طفره جامده
مصر الدوله الوحيده في العالم الي منزله الشكل الجديد بالموتور والفتيس القديم الي اتلغوا من العالم كله
وشكرا لازم التوضيح ده للكل

توضيح بسيط العربية مش واخده احسن عربية فى العالم ، العربية تم تقييمها انها من اعلى معدلات الأمان والسلامة ولكن ليست الوحيدة او الأولى

المازدا 3 كلها الهيكل و الشاسيه SkyActive حتى الى فى مصر وده الفكرة الأساسية منه توفير الوقود والثبات

النقطة الأخيرة ده مش اقل متور فى المازدا 3 فى متور SkyActive 1500 و 100 حصان فقط ,

كل مواتير المازدا 3 ال SKYACTIVE لازم بنزين 95+ وخالى من الرصاص موضح فى الصورة الى تحت
high compression ratio of 14.0:1

تخيل أوبل انسيجنيا نسبة الأنضاغط كانت 10:5:1 والناس كان البنزين عامل مشاكل مع المتور.

شوف حضرتك كل الموتير التربو الحديثة بيحصل فيها ايه عندنا بسبب البنزين وعربيات كتير مش قادر تاخد قوتها بالكامل

ده مش معناه ان مواتير المازدا ليها قدرات قوية بالمقارنة مع العربيات فى نفس الفئة، لأ حتى المتور ال 2000 لو قارنته بعربيات تانيه هتلاقى فرق ملحوظ



بس الفكرة انت شارى العربية تعمل بيها ايه ، والقيمة توافق كل الى انت خدته فى العربية او لأ.

دى تفاصيل UK المتور 1500 و 2000 وكمان ديزل 2200


هذه الصورة تم اعادة تحجيمها . الحجم الافتراضي لها هو 906x334.







تحياتى لحضرتك،

[Thebutcherr]

الموضوع بسيط اوي
ابسط من كدة
العربية و قرار الشراء باكيدج
يعني انا بقيم العربية كاملة مش موتور و لا شكل و لا اوبشنز لوحدها
حسب احتياجاتي
و في الاخرر بقرر اشتري ايه
مثلا كرولا تتميز عن المازدا موتور و فتيس و وسع خلفي بسيط
لكن شكل و اوبشنز وخامات داخلية
طب انا مش محتاج موتور وهم مش بعدي 190 اصلا فمش هيفرق معايا و علي فكرة المازدا لا هي كلبة و لا بطة براس قطة زي ما في ناس كتير بتقول و هما مجربوش
و في ناس اعرفهم كتير جابوها لسبب تاني نسبة اعطال موتور و فتيس صفر !! انا اوجع دماغي بقي ببنزين 95 و بنزيننا وحش و لا حلو و مشكلة تربو و مشاكل فتيس زي dsg مثلا دي وجهة نظره
لا حد فينا غبور و لا واخد توكيل مازدا و لا تويوتا فيا ريت نرتقي بتعليقاتنا و نقاشنا

[Fawzy.Abdelnour]

كلام من الاخر.

[Fawzy.Abdelnour]

للامانه سمعت ان فيتيس المازدا 2015 الجير راشيو بتاعه مختلف.
يعني علي 2500rpm السرعه بتكون 110-120كم.
و ده كويس جداً.

[Thebutcherr]

دي حقيقة و ده مسبب بظىء بسيط في التجميع بس علها كيك دوان ساااااااااااااااافل

[mif]

الناس اللي بتسأل عن ضعف موتور مازدا 3
اللي بيحدد قوة اي عربية.
وزن العربية ، سعة الموتور، الموتور كام حصان وعزم الموتور
لو وحدنا سعة الموتور عند 1،6 لتر
ووزن العربية المازدا 3 والتويوتا والهوندا سيفيك هنلاقيهم زي بعض تقريبا
السيتي تزيد حوالي 200 كيلو
نيجي بقي لعربيات 2015.
الهوندا سيفيك 123 حصان عند 6500 rpm والعزم 115 نيوتن عند 4300 rpm
السيتي 118 حصان عند 6600 rpm والعزم 145 نيوتن عند 4600 rpm
التويوتا 121 حصان عند 6000 rpm والعزم نيوتن 154 عند 4500 rpm
المازدا 3 105 حصان عند 6000 rpm والعزم 145 نيوتن عند 4000 rpm

الترجمة
القوة الحصانية هي المسئولة عن اقصي سرعة توصلها العربية.
يعني التويوتا اقصي سرعة توصلها 189 كيلو في الساعة وعشان تاخد اعلي قوة من الموتور لازم rpm يوصل حوالي 6000 rpm
العزم بقي مسئول عن التسارع او بمعني تاني تحريك العربية من الثبات للحركة
و و من سرعة لاخرى ... العزم مسؤل عن تقليص المدة الزمنة للوصول لسرعة معينة
من 0-100
و من 100-120
و هكذا
و العزم بيقى فى شكل curve يعنى بيبقى قليل على rpm قليل و يزيد لحد rpm معين و يرجع يقل تانى و دا بيبقى اسمه اقصى عزم دوران دى القاعدة العامة
وده في التويوتا توصله كويس لما تجيب rpm عند 4500 وهي من 0 الي 100 في 12 ثانية
اما المازدا 3 فاقصي سرعة من 175 ل 180 والتسارع من 0 الي 100 12 ثانية و2 من عشرة
في معلومة ناس كتير قوي متعرفهاش ان ليه مازدا ما زودتش قوة الموتور عن كده
فيه حاجة اسمها نسبة الانضغاط داخل اسطوانة الموتور.
في موتور مازدا 1600 النسبة دي 1: 10 وكل ما زادت نسبة الانضغاط كل ما الاداء بقي احسن لان الاستفادة من حرق الوقود هتبقي احسن ونسبة 1 : 10 دي هي اخر نسبة ينفع معاها بنزين 92 لكن في الكورولا النسبة دي 1 :11.5 ودي معناها انها محتاجة بنزين 95 عشان تديك القوة المطلوبة والا قوة الموتور والعزم هيقل لو حطيت 92

لو حابين تعرفوا اكتر
اكتبوا عن النت
القوة الحصانية للموتور
عزم الموتور
نسبة الانضغاط داخل الموتور ونسبة الاوكتان في الوقود المستخدم
المقارنات ممكن تجيبوها من علي المواقع
مثال
Honda egypt
وعلي google compare cars

احي حضرتك على المعلومات الراءعة
و احب اضيف ان عزم الدوران (torque( اللى بيوصل للعجل اللى بيحرك العربية بيكون نتاج مشترك ما بين المحرك و الفتيس
بمعنى اننا ممكن نزود عزم الدوران باستخدام نفس المحرك و بفتيس له اداء اعلى
فالعزم مش عزم المحرك فقط .


بشكرك على المعلومات دى جدا لان ناس كتير بتجهل عزم الدوران فى المقارانات