كل ما يخص مازدا 323 موديل 82 (اعطال.قطع غيار.كماليات)

[bika_2006]

[QUOTE=mado83;3874379889]

تمام
شكرا يا ابو حميد

وصحيح كنت عايز اسالك على حاجه عايز اجيبها ومش عارف الاقيها فين
الليمت سويتش بتاع الباب اللى ورا اللى هو بيبين الباب مفتوح ولا لأ فى واحد مش موجود عندى
قولى بس بتشتكى من ايه
ياعم ماتجيبش حاجه وروح للكهربائى هيجبلك كل حاجه
ههههههههههه
حسام لما كان عنده فكله الفرش بتاعه وحطله واحد بداله

طب ميه ميه
كده طمنتنى
ربنا يكرمك يارب
ان شاء الله نجيله
لاحسن العربيه عايز تظبيط كهرباء جامد
وكمان الانذار ده عايز اركبه لانى لما اروح اكتوبر هبقى راكن فى الشارع
-----------------------

وجبت انذار حلو قوى
اسمه spy 5000 m tow way
فيه امكانيات جامده
جبته ب 375 جنيه

[mado83]

انا بقه عندى مشكلتين
الاولى انى معايا ديفل وعاوز اركبه ومش عارف هل ينفع اعرف اذا كان سليم ولا لاقبل مايركب ولو ركب وضايقنى هينفع اشيله
التانيه ان فى زيت جامد على الفارغه بتاعت الفتيس اللى هيا فيها زيت الفتيس مش عارف مالها

[bika_2006]

انا كان فى واحد زميلى مركبه على عربيه زى بتاعتنا
وشاله بعد فتره عادى

بس بينى صوته مزعج جامد
بلاش منه

[mado83]

فى حد غير قواعد الماتور عنده قبل كده وياريت يقولنا لو فى منها جديد وبكام واتغيرت ازاى
لان عندى حاسس برجه شويه كده وقولت اغير القواعد دى يمكن المكنه تبقى ستيبل شويه

[ssssss]

فى حد غير قواعد الماتور عنده قبل كده وياريت يقولنا لو فى منها جديد وبكام واتغيرت ازاى
لان عندى حاسس برجه شويه كده وقولت اغير القواعد دى يمكن المكنه تبقى ستيبل شويه

القواعد كلها موجودة جديدة تايلاندي او مصري
بس لو القواعد عندك سليمة بلاش تغيرها ولو فيها مشكلة و مضطر تغيرها هاتها استيراد افضل و تأكد انها نفس اللي عندك وتأكد انها بتاعت سيارة دركسيون شمال عشان بتفرق

[mado83]

روحت امبارح عند قشطه بعد اما انته مشيت يامزاجانجى ب10 دقايق مافيش نصيب نتقابل

[bika_2006]

انا بردوا كلمته امبارح عشان كنت بساله على مشكله عندى
وبصرحه شكله شخصيه محترمه

اصل انا عندى حاجه بتحصل كده
انى اول ما ارفع رجلى من على البنزين احس بتنتيشه وساعات لو ماشى بسرعه شويه
احس بتنتيشه وكمان اسمع صوت كده من تحت زى كركره

بس لو رفعت رجلى سنه سنه براحه ممكن ما تحصلش

هو قالى عادى امشى بيها عادى لغاية ما تجيلى اظبهالك

الحكايه دى حصلت مع حد قبل كده

[mado83]

انا بردوا كلمته امبارح عشان كنت بساله على مشكله عندى
وبصرحه شكله شخصيه محترمه

اصل انا عندى حاجه بتحصل كده
انى اول ما ارفع رجلى من على البنزين احس بتنتيشه وساعات لو ماشى بسرعه شويه
احس بتنتيشه وكمان اسمع صوت كده من تحت زى كركره

بس لو رفعت رجلى سنه سنه براحه ممكن ما تحصلش

هو قالى عادى امشى بيها عادى لغاية ما تجيلى اظبهالك

الحكايه دى حصلت مع حد قبل كده

ياريت توضح اكتر يابيكا

[bika_2006]

انا قصدى لو رفعت رجلى مره واحده بسرعه
بحس بالكلام ده

لكن لو واحده واحده براحه رفعت رجلى
مش بحس بالكلام ده

يمكن انا مش قادر اوصف بالظبط لانى لسه فى بدايتى تعلمى للسواقه

[mazda3231984]

انا قصدى لو رفعت رجلى مره واحده بسرعه
بحس بالكلام ده

لكن لو واحده واحده براحه رفعت رجلى
مش بحس بالكلام ده

يمكن انا مش قادر اوصف بالظبط لانى لسه فى بدايتى تعلمى للسواقه

كده يبقي انت محتاج تنظف الكاربوراتير

[bika_2006]

كده يبقي انت محتاج تنظف الكاربوراتير

بس كده
انا قولت الحكايه اكبر من كده

انا كده كده معايا سبراي تنظيف كربراتير
وكان في واحد شارح طريقة التنظيف بالصور
ان شاء اعمله قريب

بس ممكن افهم الحكايه دي بتحصل ليه
كفهم فني لسبب العمليه دي

[mazda3231984]

بس كده
انا قولت الحكايه اكبر من كده

انا كده كده معايا سبراي تنظيف كربراتير
وكان في واحد شارح طريقة التنظيف بالصور
ان شاء اعمله قريب

بس ممكن افهم الحكايه دي بتحصل ليه
كفهم فني لسبب العمليه دي

اللي بيحصل كالاتي :
الموتور لكي يعمل لابد من توافر 3 اشياء اساسية بنزين -هواء-كهرباء
يتم تمرير كمية محسوبة بدقة بالغة من البنزين +الهواء بواسطة الكاربوراتير الي غرفة الاحتراق وفي نفس الوقت يتم ارسال شرارة من طاقم البوجيهات بطريقة منتظمة جدا بواسطة مجموعة الاسبيراتير الي غرفة الاحتراق فيتم الاشتعال ومن ثم دوران المحرك.
عندما يحدث خلل في توقيت خلط البنزين والهواء او ارسال الشرارة يحدث خلل في دوران الموتور بانتظام ولذلك يحدث اختناق للمحرك او تنتيش او غير ذالك.
اذا وظيفة الكاربوراتير هي خلط مقدار محسوب من الهواء والبنزين كل ما تضغط دواسة الوقود تزيد الكمية بالتساوي واي انسداد في بيكات الكاربوراتير يحدث اختلاف في كمية البنزين والهواء الذي يمر ولذلك تحدث الاضطرابات التي نراها ولكن نلاحظ ان المحرك يعمل.
ووظيفة البوجيهات والاسبراتير والكوندنسر والابلاتين هو تخليق وتنظيم شرارة كهربية منتظمة الي غرفة الاحتراق لحدوث الاشتعال اللازم لدوران المحرك واي خلل في هذه الدائرة يحدث ايضا اضطراب في عمل المحرك وغالبا ما ينتج عنه عدم القدرة علي دوران المحرك.

كيف نفرق بين حدوث خلل في دائرة الكهرباء او في دائرة البنزين؟
ان شاء ساشرح ذلك في موضوع منفصل.

[mazagngi2010]

انا قصدى لو رفعت رجلى مره واحده بسرعه
بحس بالكلام ده

لكن لو واحده واحده براحه رفعت رجلى
مش بحس بالكلام ده

يمكن انا مش قادر اوصف بالظبط لانى لسه فى بدايتى تعلمى للسواقه

لسه رجلك مخدتش على سواقه العربيه
انا حاسس من كلامك انك بتنقل الغيار بدرى

[mazagngi2010]

ازيكم يارجاله
الموضوع المره دى كبير شويه علشان عملت شغل فى العفشه محترم لان اخر شغل عملته فيها من حوالى 8 شهور (كنت مركب مساعدين استيراد)
المهم
العربيه كانت بعد ال80 بتتمرجح من ورا ولو جيبت 100 بقرا الشهادتين مفيش اى ثبات خالص لدرجه ان عين القطه كانت بتطوح العربيه يمين وشمال

ولو تفتكر يامادو العربيه البرتقالى اللى انا سوقتها عند قشطه كنت مبهور بثباتها ونفسي اوصل بتاعتى ليها

رحت لقشطه

بالنظر -كانو غرقانين زيت- ادانى الصدمه الاولى جوز مساعدين وبلاش استيراد هات جوز صينى جديد ب 350 شغال زى الاكس او kyb ب 700
والمقصات اللى ورا عندى كانت ضايعه وجلبها بايظه كلها (بمشى فى حتت مكسره كتير)
غيرت المقصات من عنده (تايوانى جديده) جوز المقصات لكل فرده ب 150 ولما سالت عندنا فى الزقازيق كانو ب 130 :( بس كنت ركبتهم للاسف
ادى اول 300 جنيه للمقصات
وقلت افكر فى موضوع المساعدين ده براحتى
---------------
قلبت فى المنتدى لاقيت الناس مبتشكرش فى ال kyb وان فيه منه مضروب كتير وبيشكروا فى ال توكيكو ايه رايك ياقشطه فى التوكيكو قاللى هات ال kyb احسن !!!
نزلت على الزقازيق لاقيت ال kyb تايلندى ب 650 والتوكيكو ب730 نهائى يابانى محفور عليه
جيبت التوكيكو ده وعلى العفشجى ايه رايك فيه ياعم قاللى مساعد حاتى ابن كلب
شاف السوست قاللى ارتفاع العربيه عامل معاك ايه لان السوست طريه شويه
قلت له بتحك لو حد ركب معايا وواطيه المهم الله يكرمك انا عايز العربيه تبقى راسخه على الارض ومكلبشه فيها ومش مهم النعومه والراحه
قاللى عينيا هجيبلك سوست ناشفه وركبت جوز سوست بتوع فيات 124 بعد ماقص منهم حلقه
وركب جلد عامله زى الاوكرديون وجلبه كده معرفش ليه فى المساعد ودق دقتين على المقصات الجديده :( علشان العجل كان مضموم شويه وكان فيه علايات قديمه صغيره شالها وقاللى ركب 10 ورا وملكش دعوه الاحلى ان العربيه شكلها لسه واطى زى ماهو مش عليت كتير
سوست +جلب +قص السوست+مصنعيه عفشجى 160 جنيه :(
طلعت ظبطت زوايا عند شيبوب ب 25
واخبط المشوار المتين للقاهره تانى
باختصار مفيش كلام يتقال جيبت 160 ولا الهوا الكتكوته بتقول دوس كمان بس كشيت
وكنت متعمد اروح على مطبات الهوا والفوارق اللى فى الاسفلت على الدايرى بسم الله ماشاء الله ثابته جدا لايمين ولاشمال وعملت كام حركه غشيمه فى 4 ملفات ولا الهوا
فعلا السوست دى لها دور فظيع بس الراحه قلت شويه ومدلوقتى مش حامل هم الثبات خالص
بس عندى صوت تخبيط اهبل كده فى الناحيه اليمين هبقى اشوف بتاع ايه واقولكم
للعلم الجنط عندى 14 مش 13


من الاخر هى منظومه كامله لازم تكون كلها تمام علشان تحس بالثبات ده
ربنا يستر بقى وميجيبش زيت

[mazagngi2010]

الجانب المظلم من الموضوع
طبعا كلكوا عارفين موضوع النتشه وفصل العربيه اللى عندى
على فكره رجع تانى بعد ماغيرت فلتر البنزين بيومين :(
غيرت الموبينه بواحد كهربا ماليزى ب 75 مفيش 5 دقايق وقطعت تانى :((((((((((
اللى فيها كانت يابانى :((((((((((((((((((((((((((((((
بس فيه حاجه غريبه حصلت
وانا ماشي 160 عملتها معايا بس مطفتش الار بى ام بقى على 1000 مش 0
هتجنن ياجدعان من الحركه دى