إعـــــــلان

Collapse

.

,
See more
See less

كل ما يخص مازدا 323 موديل 82 (اعطال.قطع غيار.كماليات)

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • السلام عليكم

    انا مازداوي جديد مع حضراتكم

    ودي اول عربية اركبها

    من ثاني يوم ظهرت مشكلة التبطيل والنتش والرجرجة في السرعات الهادية

    نظفت الكرابراتير وغيرت فلتر البنزين وربنا يسهل

    كل مرة لما اروح لعم نبيل موزة هو اللي بيشتغل

    بس واضح من تعليقات الناس ان موزة هو اقل واحد هناك

    بعد كده مش هاديله بقشيش علشان يبعد عني ومايقربش

    وربنا يسهل

    لو حد يعرف ميكانيكي امين وكفاءة في حلوان يكون بيفهم في المازدا ياريت يعرفنا به

    وجزاكم الله كل خير

    Comment


    • المشاركة الأصلية كتبت بواسطة alsad مشاهدة المشاركة
      السلام عليكم

      انا مازداوي جديد مع حضراتكم

      ودي اول عربية اركبها

      من ثاني يوم ظهرت مشكلة التبطيل والنتش والرجرجة في السرعات الهادية

      نظفت الكرابراتير وغيرت فلتر البنزين وربنا يسهل

      كل مرة لما اروح لعم نبيل موزة هو اللي بيشتغل

      بس واضح من تعليقات الناس ان موزة هو اقل واحد هناك

      بعد كده مش هاديله بقشيش علشان يبعد عني ومايقربش

      وربنا يسهل

      لو حد يعرف ميكانيكي امين وكفاءة في حلوان يكون بيفهم في المازدا ياريت يعرفنا به

      وجزاكم الله كل خير
      معلش كنت عاوز اسأل كمان على المرايات اللي في الجنب يمين وشمال يا ترى سعرهم كام ؟؟؟

      والكوتشات اللي في المساحات سعرهم كام ؟؟

      وشكرا

      Comment


      • المشاركة الأصلية كتبت بواسطة alsad مشاهدة المشاركة
        السلام عليكم

        انا مازداوي جديد مع حضراتكم

        ودي اول عربية اركبها

        من ثاني يوم ظهرت مشكلة التبطيل والنتش والرجرجة في السرعات الهادية

        نظفت الكرابراتير وغيرت فلتر البنزين وربنا يسهل

        كل مرة لما اروح لعم نبيل موزة هو اللي بيشتغل

        بس واضح من تعليقات الناس ان موزة هو اقل واحد هناك

        بعد كده مش هاديله بقشيش علشان يبعد عني ومايقربش

        وربنا يسهل

        لو حد يعرف ميكانيكي امين وكفاءة في حلوان يكون بيفهم في المازدا ياريت يعرفنا به

        وجزاكم الله كل خير
        أولا مرحبا بيك في عالم المازدا ، وإن شاء الله تكون عربية كويسة جدا معاك وربنا يباركلك فيها.

        بالنسبة لعم نبيل فبلاش منه خالص. مؤقتا فيه واحد جنبه اسمه عم ناصر مازدا بالظبط على بعد 10 متر قبل عم نبيل لو انت رايح القلعة. راجل محترم الصراحة وكويس جدا وكتييير قوي بيشتغل بإيده أو معاه واحد شكله كويس برضه.

        العضو agwaa من حلوان تقريبا بس مش عارف هو مابيظهرش خالص اليومين دول. أكيد هو بيتعامل مع ناس في حلوان وإن شاء الله هو هيفيدك لو فيه واحد جنبك.


        المشاركة الأصلية كتبت بواسطة alsad مشاهدة المشاركة
        معلش كنت عاوز اسأل كمان على المرايات اللي في الجنب يمين وشمال يا ترى سعرهم كام ؟؟؟

        والكوتشات اللي في المساحات سعرهم كام ؟؟

        وشكرا
        المراية الواحدة ب 40 جنيه تايواني.
        بالنسبة للمساحات فتقريبا الواحدة ب 10 جنيه.

        ولو عايز أي حاجة احنا تحت أمرك.
        [CENTER][SIGPIC][/SIGPIC]
        [/CENTER]

        [CENTER] محمود ريان[/CENTER]

        Comment


        • المشاركة الأصلية كتبت بواسطة thedeveloper87 مشاهدة المشاركة
          أولا مرحبا بيك في عالم المازدا ، وإن شاء الله تكون عربية كويسة جدا معاك وربنا يباركلك فيها.

          بالنسبة لعم نبيل فبلاش منه خالص. مؤقتا فيه واحد جنبه اسمه عم ناصر مازدا بالظبط على بعد 10 متر قبل عم نبيل لو انت رايح القلعة. راجل محترم الصراحة وكويس جدا وكتييير قوي بيشتغل بإيده أو معاه واحد شكله كويس برضه.

          العضو agwaa من حلوان تقريبا بس مش عارف هو مابيظهرش خالص اليومين دول. أكيد هو بيتعامل مع ناس في حلوان وإن شاء الله هو هيفيدك لو فيه واحد جنبك.




          المراية الواحدة ب 40 جنيه تايواني.
          بالنسبة للمساحات فتقريبا الواحدة ب 10 جنيه.

          ولو عايز أي حاجة احنا تحت أمرك.

          الف شكر يا غالي

          وردك واهتمامك هو المتوقع من الناس التمام هنا

          Comment


          • المشاركة الأصلية كتبت بواسطة alsad مشاهدة المشاركة
            الف شكر يا غالي

            وردك واهتمامك هو المتوقع من الناس التمام هنا

            الله يخليك يا باشا
            [CENTER][SIGPIC][/SIGPIC]
            [/CENTER]

            [CENTER] محمود ريان[/CENTER]

            Comment


            • طيب معلش يا شباب انا هتابعكم بالتطورات ومستني نصائحكم

              واضح ان العربيات المستعملة دي بوقها واسع جدا


              امبارح كنت رايح انقل الملكية , لاحظت ان سرعة العربية ضايعه خالص ومفيش سحب اطلاقا مش بتعدي 40 مهما عملت

              المهم خلصت اجرءات المرور ( المملة ) ورحت مع واحد صاحبي عند ميكاني ( مش عارف مستواه ) قال الماكنه مش مظبوطة

              طلع البوجيهات لقاهم مهببين وقالي لازم يتغيروا ( موزة الصنايعي بتاع عم نبيل مازدا لسه مغيرهم مكاملش اسبوع )

              قعد يزود بنزين جامد كان بيطلع دخان ابيض واحيانا كانت تفرقع بس قليل .

              فك فلتر الهواء وحط ايده مكان سحب الهواء ( انا شايف بعيني ان كان كفه بيتسحب مش سايب )

              لكن هو قال لي الموتور ضايع وعايز عمرة

              قلت له من ساعة ماجبتها والكرابراتير فيه مشاكل

              قال لي الموتور مفوت خالص واللي باعلك العربية ضحك عليك

              وراح مركب بوجيهات سن قصير علشان ماتلقطش زيت وقال لي ما تقرصش بنزين .

              بعد ما مشيت من عنده كانت العربية معقوله في سحبها وسرعتها .

              ايه رايكم في الكلام ده ؟

              هل راي الميكانيكي صح مقارنة بوصفي للحالة ؟ ولا في احتمالات افضل من موضوع العمرة ده ؟

              وربنا يعوض عليا لو طلع الموتور تعبان فعلا

              مستني راي الشباب

              Comment


              • المشاركة الأصلية كتبت بواسطة alsad مشاهدة المشاركة
                واضح ان العربيات المستعملة دي بوقها واسع جدا
                معظم العربيات مستعملة بتبقى محتاجة مصاريف حتى لو صاحب العربية قال لك مش عايزة مصاريف.

                المشاركة الأصلية كتبت بواسطة alsad مشاهدة المشاركة
                طلع البوجيهات لقاهم مهببين وقالي لازم يتغيروا ( موزة الصنايعي بتاع عم نبيل مازدا لسه مغيرهم مكاملش اسبوع )
                اكشف على الكاربيراتير من أي عند أي واحد ثقة بتاع كاربيراتير. أنا سمعت عن مركز الصفا إنه نظيف بس أسعاره غالية شوية. لو مش عارف فين عنوانه ابحث هنا في المنتدى هتلاقيه إن شاء الله.
                ولما تجيب بوجيهات جديدة ابقى جيب ngk الكود بتاعه bpr6es ولو جبتها من توكيل ngk يبقى انت كده في السليم (عنوانه في السيدة زينب قدام رشيدي الميزان).

                صلح الكاربيراتير الأول و بعد كده ابقى غير البوجيهات والأبلاتين والكوندنسر.

                المشاركة الأصلية كتبت بواسطة alsad مشاهدة المشاركة
                قعد يزود بنزين جامد كان بيطلع دخان ابيض واحيانا كانت تفرقع بس قليل .

                فك فلتر الهواء وحط ايده مكان سحب الهواء ( انا شايف بعيني ان كان كفه بيتسحب مش سايب )

                لكن هو قال لي الموتور ضايع وعايز عمرة

                قلت له من ساعة ماجبتها والكرابراتير فيه مشاكل

                قال لي الموتور مفوت خالص واللي باعلك العربية ضحك عليك
                تقريبا كلامه صح.
                صحيح عندي سؤال؟ حضرتك غيرت الزيت لما اشتريت العربية؟ لو الإجابة بلا ، غير الزيت اللي عندك بزيت شل هيليكس الأحمر وابقى غيره كل 2000 كيلو. وخد بالك من الزيت لو بينقص عندك. وخليك ماشي بيها كده لحد ما ربنا يكرمك بمبلغ حوال من 2500 ل 4000 ، ابقى ساعتها اشتري موتور تاني. لكن انت ممكن تمشي بيها كده عادي بس تخلي بالك من الزيت.

                المشاركة الأصلية كتبت بواسطة alsad مشاهدة المشاركة
                قال لي الموتور مفوت خالص واللي باعلك العربية ضحك عليك

                وراح مركب بوجيهات سن قصير علشان ماتلقطش زيت وقال لي ما تقرصش بنزين .
                بص ياباشا ، عمر ماكان الموتور يعيب العربية. اللي بيعيب العربية فعلا لو فيه عيوب في الشاسيه. لكن بالنسبة للموتور طبيعي عربية بقالها 28 سنة ، لازم يتعملها عمرة واتنين وثلاثة. عادي ما ضحكش عليك ولا حاجة، تقريبا معظم اللي اشتروا المازدا اشتروها بمواتير مفوتة.
                امشي بالعربية عادي خالص وخلي بالك من المياه والزيت دائما ، وخلي بالك من مؤشر الحرارة اوعى يعدي النص. وسوق على مهلك وماتقرصش على الموتور علشان يعيش معاك أكبر قدر ممكن إن شاء الله.

                ولما تصلح الكاربيراتير ابقى غير البوجيهات بالنوع اللي قلت لك عليه واشتري أبلاتين وكوندنسر ياباني جداد (ياريت ماتشتريش من عند الميكانيكي)
                [CENTER][SIGPIC][/SIGPIC]
                [/CENTER]

                [CENTER] محمود ريان[/CENTER]

                Comment


                • السلام عليكم ورحمة الله وبركاته
                  أنا كنت مسافر وإتقطع سير الدينامو وبعدين البطاريه نامت ركبت بطاريه جديده بس جافه وبرضه نامت بعد يومين بس والكهربائى قال إن شحن الدينامو كويس بس كان لازم أركب بطاريه سايله ده صح ولا المشكله فين .. وشكراً

                  Comment


                  • المشاركة الأصلية كتبت بواسطة abohazem_new مشاهدة المشاركة
                    السلام عليكم ورحمة الله وبركاته
                    أنا كنت مسافر وإتقطع سير الدينامو وبعدين البطاريه نامت ركبت بطاريه جديده بس جافه وبرضه نامت بعد يومين بس والكهربائى قال إن شحن الدينامو كويس بس كان لازم أركب بطاريه سايله ده صح ولا المشكله فين .. وشكراً
                    وعليكم السلام ورحمة الله وبركاته
                    كلامه خاظئ 100%. روح لكهربائي تاني وخليه يكشف على الدينامو ،،، لو الدينامو سليم والبطارية فيها مشكلة ، رجع البطارية علطول
                    [CENTER][SIGPIC][/SIGPIC]
                    [/CENTER]

                    [CENTER] محمود ريان[/CENTER]

                    Comment


                    • [QUOTE=thedeveloper87;3872926579]معظم العربيات مستعملة بتبقى محتاجة مصاريف حتى لو صاحب العربية قال لك مش عايزة مصاريف.

                      كلامك صح 100 %

                      اكشف على الكاربيراتير من أي عند أي واحد ثقة بتاع كاربيراتير. أنا سمعت عن مركز الصفا إنه نظيف بس أسعاره غالية شوية. لو مش عارف فين عنوانه ابحث هنا في المنتدى هتلاقيه إن شاء الله.

                      انا من اخر مرة نظفت كربراتير وغيرت فلتر بنزين مشكلة التبطيل دي خلاص الحمد لله (بس ظهرت مشاكل الموتور ,, هل ممكن يكون الكربراتير هو سبب مشاكل الموتور ؟؟؟ )

                      ولما تجيب بوجيهات جديدة ابقى جيب ngk الكود بتاعه bpr6es ولو جبتها من توكيل ngk يبقى انت كده في السليم (عنوانه في السيدة زينب قدام رشيدي الميزان).

                      صلح الكاربيراتير الأول و بعد كده ابقى غير البوجيهات والأبلاتين والكوندنسر.

                      طيب دلوقتي كده كده الموتور محتاج طقم شنبر يعني كده كده بوجيهات نظيفة او تعبانة هتبوظ . صح ولا رايك ايه ؟



                      صحيح عندي سؤال؟ حضرتك غيرت الزيت لما اشتريت العربية؟ لو الإجابة بلا ، غير الزيت اللي عندك بزيت شل هيليكس الأحمر وابقى غيره كل 2000 كيلو.

                      انا غيرت زيت وفلتر اول ما اشتريت العربية بس الراجل حط زيت كالتكس


                      وخد بالك من الزيت لو بينقص عندك.

                      انا مش ملاحظ ان الزيت بينقص خالص بالعكس دايما الاقيه فوق العلامة العلوية حاجة بسيطة .

                      الميه بس هي اللي بزودها كل يوم حوالي 1/2 لتر

                      وخليك ماشي بيها كده لحد ما ربنا يكرمك بمبلغ حوال من 2500 ل 4000 ، ابقى ساعتها اشتري موتور تاني. لكن انت ممكن تمشي بيها كده عادي بس تخلي بالك من الزيت.

                      انا كنت عند عم نبيل امبارح ( على اساس ان العربية شاريها من عنده من اسبوع واحد يعني وكان بيقول زي الفل وعلى مسئوليتي ) وقال انها محتاجة طقم شنبر لكن قال لي اصبر ودوس شوية لحد ماتتعلم كويس وتظبط رجلك علشان لو رجلك مش مظبوطة ممكن تتطير طقم الشنبر في يومين .

                      هل ممكن فعلا تكون عدم ظبطة رجلي هي سبب تدهور حالة الموتور ؟

                      وهل كلامه صح ان طقم الشنبر ممكن يبوظ فعلا بسبب عدم حساسية الرجل على البنزين ؟

                      وهل لو مشيت بيها كده مش ممكن ابوظ حاجة تانية وتكبر المشكلة ؟



                      بص ياباشا ، عمر ماكان الموتور يعيب العربية. اللي بيعيب العربية فعلا لو فيه عيوب في الشاسيه. لكن بالنسبة للموتور طبيعي عربية بقالها 28 سنة ، لازم يتعملها عمرة واتنين وثلاثة. عادي ما ضحكش عليك ولا حاجة، تقريبا معظم اللي اشتروا المازدا اشتروها بمواتير مفوتة.
                      امشي بالعربية عادي خالص وخلي بالك من المياه والزيت دائما ، وخلي بالك من مؤشر الحرارة اوعى يعدي النص. وسوق على مهلك وماتقرصش على الموتور علشان يعيش معاك أكبر قدر ممكن إن شاء الله.

                      ولما تصلح الكاربيراتير ابقى غير البوجيهات بالنوع اللي قلت لك عليه واشتري أبلاتين وكوندنسر ياباني جداد (ياريت ماتشتريش من عند الميكانيكي)

                      ملعش علشان افهم

                      هو اللي بيبوظ البوجيهات تفويت الموتور ؟؟

                      ولا الكربارتير ؟

                      الف شكر يا غالي

                      Comment


                      • المشاركة الأصلية كتبت بواسطة thedeveloper87 مشاهدة المشاركة
                        أولا مرحبا بيك في عالم المازدا ، وإن شاء الله تكون عربية كويسة جدا معاك وربنا يباركلك فيها.

                        بالنسبة لعم نبيل فبلاش منه خالص. مؤقتا فيه واحد جنبه اسمه عم ناصر مازدا بالظبط على بعد 10 متر قبل عم نبيل لو انت رايح القلعة. راجل محترم الصراحة وكويس جدا وكتييير قوي بيشتغل بإيده أو معاه واحد شكله كويس برضه.

                        العضو agwaa من حلوان تقريبا بس مش عارف هو مابيظهرش خالص اليومين دول. أكيد هو بيتعامل مع ناس في حلوان وإن شاء الله هو هيفيدك لو فيه واحد جنبك.




                        المراية الواحدة ب 40 جنيه تايواني.
                        بالنسبة للمساحات فتقريبا الواحدة ب 10 جنيه.

                        ولو عايز أي حاجة احنا تحت أمرك.

                        السلام عليكم أخواني الكرام
                        محمود بك ريان .. إزاي حضرتك يا دكتور
                        كل عام وأنتم جميعاً بخير ومبروك علينا رمضان
                        أعاده الله عليكم وعلينا وعلى الأمة الإسلامية بالخير واليمن والرحمات
                        وأعتذر عن تقصيري معكم لظروف مرضية
                        أنا فعلاً ساكن في حلوان
                        و بالنسبة للأخ العضو الجديد alsad
                        أولاً ألف مبروك عليك المازدا وهي خير ما إخترت وربنا يبارك لك فيها ويملاها لك بركة
                        و أنا تحت أمرك وياريت نتقابل وهساعدك إن شاء الله ( رقم موبايلي 0103315099 )
                        Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

                        Comment


                        • .[/quote]

                          المشاركة الأصلية كتبت بواسطة abdelaziz-waleed مشاهدة المشاركة
                          تم حساب استهلاك الوقود من القاهرة للاسكندرية رايح جاي
                          السرعة 100 كم/س
                          الاستهلاك 300 كيلو في الصفيحة (30 لتر مشيت بيهم 450 كيلو)
                          اقصى سرعة وصلت ليها 145 كم/س وكان ممكن ازود بس ما حبتشي علشان الثبات بدأ يقل
                          ما شاء الله
                          عم وليد إمسك الخشب
                          Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

                          Comment


                          • المشاركة الأصلية كتبت بواسطة alsad مشاهدة المشاركة

                            انا من اخر مرة نظفت كربراتير وغيرت فلتر بنزين مشكلة التبطيل دي خلاص الحمد لله (بس ظهرت مشاكل الموتور ,, هل ممكن يكون الكربراتير هو سبب مشاكل الموتور ؟؟؟ )
                            معلش هي ايه مشاكل الموتور؟ الدخان الأبيض؟ الدخان الأبيض سببه حاجتين يا إما الزيت بيخش في غرفة الحريق جوه الموتور فبيتحرق مع البنزين فيطلع في شكل دخان أبيض يا إما المياه بتخش جوه غرفة الحريق فتطلع دخان برضه.
                            طب ايه علامات تفويت الموتور:
                            1. البوجيهات معرقة زيت.
                            2. بص على خرطوم الفايظ (الخرطوم اللي طالع من الموتور وداخل العمة) شيله من العمة واكبس بنزين شوية ، لو بيطلع دخنة يبقى الموتور مفوت ، أما لو طلع دخنة خفيفة شوية مع الكبس العالي للبنزين فمش مشكلة.
                            3. الدخان من الشكمان.
                            4. نقصان الزيت بكمية رهيبة (ممكن توصل 1/2 لتر لل ألف كيلو).

                            أما بالنسبة لو البوجيهات مهببة (مسودة وعليها كربون كتير) ده يبقى العيب من خليط الهواء والبنزين بيبقى النسبة مش مظبوطة وده بيبقى غالبا من الكاربيراتير.

                            المشاركة الأصلية كتبت بواسطة alsad مشاهدة المشاركة
                            طيب دلوقتي كده كده الموتور محتاج طقم شنبر يعني كده كده بوجيهات نظيفة او تعبانة هتبوظ . صح ولا رايك ايه ؟
                            على حسب حالة الموتور ، لو في بداية التفويت ممكن البوجيهات مايجيش عليها زيت خالص ، أما لو الموتور بيسلم نمر يبقى البوجيهات هتبوظ. لكن زي ماقلتلك ممكن عندك اللي بيبوظ البوجيهات الكاربيراتير.

                            المشاركة الأصلية كتبت بواسطة alsad مشاهدة المشاركة
                            انا غيرت زيت وفلتر اول ما اشتريت العربية بس الراجل حط زيت كالتكس
                            تمام كده. زيت كالتكس كويس برضه على ما أسمع.

                            المشاركة الأصلية كتبت بواسطة alsad مشاهدة المشاركة
                            انا مش ملاحظ ان الزيت بينقص خالص بالعكس دايما الاقيه فوق العلامة العلوية حاجة بسيطة .
                            ما بتبانش علطول. بتبان بعد ألف أو ألفين كيلو ، بتشوف الزيت نقص أد ايه.

                            المشاركة الأصلية كتبت بواسطة alsad مشاهدة المشاركة
                            الميه بس هي اللي بزودها كل يوم حوالي 1/2 لتر
                            كده عندك خلل في دورة التبريد. وقف العربية في حتة ناشفة وبص على الخراطيم اللي رايحة واللي جاية من الرادياتير وشوف في أي تنقيط. لو معرفتش روح لبتاع رادياتير وخليه يبصلك عليه لو فيه أي تسريب وهو هيظبطولك.
                            أنا لما جبت رادياتير جديد (مع عمرة الموتور) بزود مياه كل 7 شهور.

                            المشاركة الأصلية كتبت بواسطة alsad مشاهدة المشاركة
                            انا كنت عند عم نبيل امبارح ( على اساس ان العربية شاريها من عنده من اسبوع واحد يعني وكان بيقول زي الفل وعلى مسئوليتي ) وقال انها محتاجة طقم شنبر لكن قال لي اصبر ودوس شوية لحد ماتتعلم كويس وتظبط رجلك علشان لو رجلك مش مظبوطة ممكن تتطير طقم الشنبر في يومين .


                            هل ممكن فعلا تكون عدم ظبطة رجلي هي سبب تدهور حالة الموتور ؟
                            على فكرة نفس البوقين قالهم لي لما اشتريت عربيتي، وربنا يسامحه بقى، العربية واخدها جايبة موتور وجايبة عفشة والصالون متبهدل والشنطة متبهدلة بس بأمانة كأساسيات ممتازة.
                            على العموم سوق بهداوة، ماتخليش صوت الموتور يعلى (ماتنقلش متأخر قوي). يعني
                            الأول آخره 20 والتاني آخره 40 والثالث آخره 60 ولو عندك خمس سرعات يبقى الرابع آخره 80

                            المشاركة الأصلية كتبت بواسطة alsad مشاهدة المشاركة
                            وهل كلامه صح ان طقم الشنبر ممكن يبوظ فعلا بسبب عدم حساسية الرجل على البنزين ؟
                            هقول لحضرتك على حاجة. انسى مصطلح طقم الشنبر وخلينا في مصطلح الموتور. الموتور عبارة عن أجزاء معدنية متحركة وفيه أجزاء ملتصقة ببعضها. وعلشان مايتاكلش بسرعة بيبقى فيه زيت علشان يحمي من التآكل. لكن المشكلة إن الزيت مابيحميش من التآكل 100%، فمع الزمن الموتور نفسه بيتآكل ويفوت بعد عمر طويل (طبعا على حسب السواقة وعلى حسب الاهتمام بالزيت والتبريد) طول مالواحد سواقته هادية ومهتم بتغيير الزيت في ميعاده وتبريد الموتور كويس الموتور هيعيش معاك فترة أطول (لكن مش بيعيش طول العمر).


                            المشاركة الأصلية كتبت بواسطة alsad مشاهدة المشاركة
                            وهل لو مشيت بيها كده مش ممكن ابوظ حاجة تانية وتكبر المشكلة ؟
                            لأ مافيش حاجة هتبوظ إن شاء الله. طالما الموتور مفوت يا هتعمره يا إما تشتري موتور جديد ، وطالما الموتور بيمشي ومش بيدخن جامد يبقى امشي بيه لحد مايموت خالص.

                            ملعش علشان افهم

                            المشاركة الأصلية كتبت بواسطة alsad مشاهدة المشاركة
                            هو اللي بيبوظ البوجيهات تفويت الموتور ؟؟

                            ولا الكربارتير ؟
                            زي ماقلت لحضرتك البوجيهات بتبوظ من حاجتين ، الزيت والهباب (مخلوط الهواء والبنزين اللي مش مظبوط) ، لو
                            البوجيهات عندك معرقة زيت يبقى حط بوجيهات سن قصير. لو البوجيهات مهببة يبقى صلح الكاربيراتير.


                            نصيحة أخيرة ماتفكرش تعمل حاجة في الموتور دلوقتي وركز على الحاجات التانية (صلح الكاربيراتير وبعدين غير البوجيهات والأبلاتين والكوندنسر وغير فلتر الهواء واكشف على البطارية ، اكشف على العفشة ولو عايز عفشجي كويس أنا اعرف واحد في الأربعة ونص، ظبط الصالون)

                            أما الموتور خليه بعدين.
                            [CENTER][SIGPIC][/SIGPIC]
                            [/CENTER]

                            [CENTER] محمود ريان[/CENTER]

                            Comment


                            • المشاركة الأصلية كتبت بواسطة abohazem_new مشاهدة المشاركة
                              السلام عليكم ورحمة الله وبركاته
                              أنا كنت مسافر وإتقطع سير الدينامو وبعدين البطاريه نامت ركبت بطاريه جديده بس جافه وبرضه نامت بعد يومين بس والكهربائى قال إن شحن الدينامو كويس بس كان لازم أركب بطاريه سايله ده صح ولا المشكله فين .. وشكراً
                              نصيحة
                              خلي دايماً معاك سير دينامو إحتياطي في شنطة العربية حتي ولو كانت العربية زيرو وإتعلم إزاي تركبه بنفسك
                              Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

                              Comment


                              • المشاركة الأصلية كتبت بواسطة fawzy8 مشاهدة المشاركة
                                انا عندى 128 مو 88 عاوز ابعها واشترى مازدا 323
                                ايهما افضل بينهما
                                ومنين اجيب قطع غيار المازدا حيث انا من الاسكندرية
                                ولو حد يعرف ميكانيكى كويس فى الاسكندرية
                                وسعرها كام اليومين دول


                                ولكم الشكر
                                السلام عليكم
                                يا حبيب قلبي ما ينفعش تقارن 128 بالمازدا 323
                                ( لأنك ما ينفعش تربط عربيتك جنب عربية العمدة هههههههههههه )
                                بجد وبصراحة أنا لا أقبل أبادل عربيتي المازدا 323 بشاهين زيرو أما عن أسعارها أدخل على الموقع الاشهر والاكثر انتشارا للسيارات فى مصر - The most famous site for cars in Egypt وشوف أسعارها ( إضغط على used car ثم إضغط على لوجو المازدا
                                Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

                                Comment

                                Working...
                                X