كل ما يخص مازدا 323 موديل 82 (اعطال.قطع غيار.كماليات)

[agwaa]

باشا ، شكرا جزيلا على ردك. إن شاء الله هكلمك ونتقابل بس المشكلة إن العملية ضايعة معايا اليومين دول ، وربنا يفرجها قريب وساعتها هكلم حضرتك إن شاء الله.


ومين سمعك يا د / محمود
ربنا يفرجها على الجميع أللهم آمين

فيه سائل بيتباع في البنزينة اسمه complete fuel system cleaner على ما أتذكر ،حضرتك تشتريه وتحطه قبل التفويلة (على حسب ما واحد صاحبي شغال في العربيات قال لي كده ، لأنه في مرة جه ينظف تانك لعربية جيب شيروكي تخيل لقى ايه؟ طين وتراب وازاز!!!!)

شكراً جزيلاً على المعلومة

[agwaa]

أنا نضافة تنك المازدا 2 مرة وكل مرة افك التنك في البنزينة وكنت بطلع بلاوي من جوه , وجربت حوار السواءل ده بس ولا ليه أي لازمة فلوس في الارض

ربنا يبارك لنا فيك ..
وكفاية ذوقك ومشاركتك

[agwaa]

طيب حد يدلنا على بلد تانية الواحد يحس فياه بآدميته ...!!!!؟
الواحد جاب آخره خلاص ...
موش عارف نلاقيها من الحفر .. ولا من المطبات العشوائية إللي بيعملوها الأهالي من غير رقيب .. ولا من المطبات إللي بتزيد كل يوم في شوارع المحروسة .. ولا من ال cat eyes إللي هرت العفشة وأتلفت الكاوتش ..ولا من المطبات العرضية ( أحدث صيحة في عالم المطبات )
لأ .. والتقليعة الجديدة بقي .... المسرحيات الهزلية كالآتي :
مرور مشاة عشوائي --> حادث مشاة --> تظاهر أهالي المنطقة --> توقف الحركة المرورية بسبب متاريس الأهالي ( أحجار وكاوتش مولع ) --> وصول الجهات الأمنية والتي تطبطب وتتحايل على الأهالي بإلتزام الهدوء -------------->>>> ترضية الأهالي بمطبات جديدة ...
و.....
بس خلاص
وآدي جزاء إللي ما يسمعش كلمة ماما تقولها ..
كانت دايماً تقول بلاش تركبوا عربيات .. المشي أحسن

[adelh]

من فضلكم سعر السيارة م 83 او 84 خليجى كام

[mohamed777]

إزاياك يا متر
ربنا يبارك لنا فيك ..
وشكراً على النصيحة .. وكويس إنك طمنتني بخصوص الزيت الشل الأصفر

you welcome

[dr_hani]

السلام عليكم .. أنا عاوز اسأل ايه الموتور اللى ينفع اسقطه فى عربيه مازدا 323 موديل 80 علما انى أعرف ان مازدا 323 نزل منها موديلات لغاية عام 2003 بس بانجيكشن طبعا و تكييف و باور فهل ممكن الاقى موتور زى ده و لو لاقيته هل قواعد موديل 80 حتبقى زى 2003 و لو مش هى ايه احدث موتور ممكن ينفع مع العربيه دى و سعره حيبقى فى حدود كام؟ .. علما ان السعه مش مهم يعنى ممكن 1300 زى الموتور الحالى او 1500 او حتى 1600 علما بأن العربية موتورها بالطول يعنى دفع خلفى فاياريت الموتور الجديد يبقى نفس النظام .. انا حاولت أسال فى قسم تعديلات و اضافات السيارات فى المنتدى بس محدش عبرنى :) و شكرا جزيلا لكم

[mohamed777]

هو انا كنت بحاول اعمل كده بدل العمرة واسقط موتور حتى ولو ماركة تانى بس كبرت دماغى وعمرت الموتور
بس الميكانيكى قالى حاجه غريبة
ان موتور التويوتا يارس ممكن يركب عليها قواعده زى قواعد موتور المازدا
انا ماحاولتش حتى اتأكد لانه حتى ولو كان ينفع هيكون تمنه غالى وكمان مش عارف هعمل اية مع المرور

[dr_hani]

يا باشا شكرا على المعلومه الجميله دى بس للاسف مش حتنفع علشان 3 أسباب: اولا المرور مش حيوافق لان نوع الموتور حيبقى مختلف رغم ان كل حاجه تمشى بالفلوس بس ليه تحط نفسك تحت رحمة حد يغلس عليك؟ ثانيا زى ما حضرتك قلت سعره حيبقى غالى جدا، ثالثا: ليه نخسر مزايا موتور المازدا من سحب و سلاسه فى الاداء مع سعر ارخص من أقرانه لو يابانى برضه، يا ريت لو نقدر نعرف هل موتور مازدا 323 انتاج 2002 او 2003 ليه نفس القواعد بتاعت 1982 و 80 و للا لاء و سعره يكون كام.

[mstool]

هل الاقى مازدا هتشباك 323 تمانينات فابريكة دواخل حاجة موتور ممتازة ب 15 الف او 16 الف ؟؟؟؟؟
هيا بتبقى بردة 1300 زى السيدان ولا ؟؟؟؟؟

[waleedelkamah]

السلام عليكم
قدامي مازدا 323 موديل 82 فبريكة دواخل و خوارج مترشتش الفرش الاصلي
جنوط اسبور زجاج كهرباء حالة ممتازة صاحبها طالب فيها 26000 كده معقول ولا
مبالغ فيها

[kae]

سعر المازدا في أحسن احوالها مش بيعدي 22,0000

[thedeveloper87]

السلام عليكم
قدامي مازدا 323 موديل 82 فبريكة دواخل و خوارج مترشتش الفرش الاصلي
جنوط اسبور زجاج كهرباء حالة ممتازة صاحبها طالب فيها 26000 كده معقول ولا
مبالغ فيها

هي مكيفة؟؟ لو مكيفة وحالة الموتور والعفشة ممتازة يبقى كده معقول وابقى اكشف عليها

[thedeveloper87]

هل الاقى مازدا هتشباك 323 تمانينات فابريكة دواخل حاجة موتور ممتازة ب 15 الف او 16 الف ؟؟؟؟؟
هيا بتبقى بردة 1300 زى السيدان ولا ؟؟؟؟؟

صعب جدا ولو لقيت هتلاقيها راشة دواخل وحالتها في الضياع خالص

[waleedelkamah]

هي مكيفة؟؟ لو مكيفة وحالة الموتور والعفشة ممتازة يبقى كده معقول وابقى اكشف عليها

لا مش مكيفة

[thedeveloper87]

لا مش مكيفة

كده المبلغ ده مبالغ فيه جدا ، آخرها 22,000