كل ما يخص مازدا 323 موديل 82 (اعطال.قطع غيار.كماليات)

[agwaa]

كده المبلغ ده مبالغ فيه جدا ، آخرها 22,000

+1111111111111111111
:b4_388:

[thedeveloper87]

السلام عليكم أخواني الكرام
محمود بك ريان .. إزاي حضرتك يا دكتور
كل عام وأنتم جميعاً بخير ومبروك علينا رمضان
أعاده الله عليكم وعلينا وعلى الأمة الإسلامية بالخير واليمن والرحمات
وأعتذر عن تقصيري معكم لظروف مرضية
أنا فعلاً ساكن في حلوان
و بالنسبة للأخ العضو الجديد alsad
أولاً ألف مبروك عليك المازدا وهي خير ما إخترت وربنا يبارك لك فيها ويملاها لك بركة
و أنا تحت أمرك وياريت نتقابل وهساعدك إن شاء الله ( رقم موبايلي 0103315099 )

وعليكم السلام ورحمة الله وبركاته
أخويا م/ أحمد. ألف حمدلله على سلامتك وشفاك الله وعافاك.
ربنا يجازيك خير على ذوقك وعلى فكرة أنا مش دكتور.
وكل سنة وانت وجميع الأمة الإسلامية طيبين.

[alsad]

شكر ا يا استاذ thedeveloper87 على النصايح الغالية ( انا كده فعلا احتمال اغير كاربراتير لاني شاكك فيه وهو اصلا اول المشاكل اللي قابلتني . صحيح هو مابقاش يبطل العربية لكن احتمال يكون بيهبب البوجيهات وطبعا لما البوجيهات تبوظ العربية مش بتمشي بتزحف بس !!!

وشكرا يا استاذ agwaa على مباردتك الطيبة وذوقك

يا ترى لو حبيت اقابلك يبقى فين بالظبط

ومواعيدك ايه في رمضان كل سنة وانت طيب

[x100]

كل سنة وانتم طيبين

[thedeveloper87]

شكر ا يا استاذ thedeveloper87 على النصايح الغالية ( انا كده فعلا احتمال اغير كاربراتير لاني شاكك فيه وهو اصلا اول المشاكل اللي قابلتني . صحيح هو مابقاش يبطل العربية لكن احتمال يكون بيهبب البوجيهات وطبعا لما البوجيهات تبوظ العربية مش بتمشي بتزحف بس !!!

وشكرا يا استاذ agwaa على مباردتك الطيبة وذوقك

يا ترى لو حبيت اقابلك يبقى فين بالظبط

ومواعيدك ايه في رمضان كل سنة وانت طيب

بص ياباشا عندك 3 حلول للكاربيراتير:
1. تصيلحه عند أي ورشة كاربيراتير (وتكلفته من 70 ل 100 جنيه)
2. تجيب كاربيراتير استيراد (وتكلفته 250 ل 300 جنيه)
3. تجيب كاربيراتير جديد (وتكلفته 1100 جنيه)

كل سنة وانتم طيبين

وانت بالصحة والسلامة

[amrhady2]

السلام عليكم ياجماعه انا بعد نصايحكم ابتديت احب العربيه انا بس تعبت من العفشجيه ولا واحد عندو ضمير بحس ان العربيه بتدقدق بتكون ناشفه اوى قالولى من الكاوتش انا عندى النسر روحت انهارده اشتريت فردتين جى تى بس العفشه خفت كتير ولكن فى تخبيط ايضا اعمل ايه تانى والدريكسيون العلبه حشيتها مرتين اخر مرة من اسبوين حشو تيفلون بعد مجيب ال ميه بحس ان الدريكسيون بيرقص بجد انصحونى اروح فيين ولميين واعمل ايه بالظبط العربيه احيانا بتعوم بطريقه مخيفه مع انى بعد محشيت العلبه ظبطت زوايا

[thedeveloper87]

ياباشا أنا قلتلك قبل كده إن الحشو مابينفعش ، أحسن لك تغير العلبة خالص ، وغير معاها البارات.
واكشف على الجلب.
ماينفعش تظبط زوايا إلا لما تكون العفشة تمااااام وإلا هيبقى كأنك ولا عملت حاجة.
لو عايز عفشجي كويس فيه واحد اسمه عم سعد في الأربعة ونص (مش معايا رقم موبايله للأسف)
لو عايز تروحله ابقى اتصل بيا ونشوف لو هنتقابل ونروح مع بعض ليه.

[mohamed777]

بصوا يا مزداوية
العربية دى قديمة يعنى مشيت كتير اوى
هى فعلا مستحملة اوى وناعمة بالنسبة للموديل القديم بتاعها بس ماتنسوش حاجة اسمها (فتحت بؤها)
انا فعلا كنت بشتكى من كل اللى انتوا بتقولوا علية وعملت معايا حاجات اكتر من اللي بتقولوا علية بس شدتها من حوالى خمس سنين والحمد لله ماشتكتش من حاجة حتى لان خصوصاً العفشة
كانت مكركبة على الاخر بشكل ماتتخيلهوش
جبت اربع مساعدين جداد يابانى بالبطحات بتعاعتهم والحمد لله لسة بصوت الفسفسة حتى الان وغيرت بارات الدركسيون وبيض وجلب مقصات ومش عارف اوصفلكوا الفرق بعد الكلام ده خصوصاً جلب المقصات فرقت جامد فى الدبدبة بفضل الله
والثبات بقى حاجه تانية خالص (ماشاء الله لا قوة إلا بالله)
وحشو الاسكترا مالقتش منه وناس قالولى بيتخرط بس مابيكونش مظبوط فامرضتش اعملة وهى مش عاملة حاجة غير صوت بسيط بس
ومن سنة عملت عمرة كاملة كلفت 3000 جنية وكربيراتير جديد والحمد لله مظبوطه زى الساعه (اللهم لا حسد)
اللي عاوز اوصلة ليكم ان العربية دى ممتازة طول مانت بتعاملها باحترام يعنى نحاسب عليها فى المطبات واللي يعطل فيها نصلحة او يتغير لو محتاج تغير ومانسكتش على حاجه بايظة ابداً مهما كنت صغيرة
ولازم تكون قطع الغياراصلية بتفرق كتييييييييير اووووى عن غير الاصلية وعن تجربة والله
الاصلى بيعيش جداً جداً

وربنا يباركلكم فى عربياتكم وكل سنة وانتم طيبين

[mohamed777]

السلام عليكم ياجماعه انا بعد نصايحكم ابتديت احب العربيه انا بس تعبت من العفشجيه ولا واحد عندو ضمير بحس ان العربيه بتدقدق بتكون ناشفه اوى قالولى من الكاوتش انا عندى النسر روحت انهارده اشتريت فردتين جى تى بس العفشه خفت كتير ولكن فى تخبيط ايضا اعمل ايه تانى والدريكسيون العلبه حشيتها مرتين اخر مرة من اسبوين حشو تيفلون بعد مجيب ال ميه بحس ان الدريكسيون بيرقص بجد انصحونى اروح فيين ولميين واعمل ايه بالظبط العربيه احيانا بتعوم بطريقه مخيفه مع انى بعد محشيت العلبه ظبطت زوايا

اكشف عند عفشجى عنده ضميرعلى جلب المقصات امامى وخلفى وغيرهم لو لزم الامر
بتفرق اوى فى الدبدبة والثبات
وللأسف بلاش النسر نهائى الجى تى معقول ولو عاوز حاجه احسن بس غالية الميشلان
إن شاء الله ناوى اجيب فردتين قريب منه
وحكاية رقص الدركسيون ممكن تكون محتاجه ترصيص

[ABOHAZEM_NEW]

السلام عليكم ورحمة الله وبركاته
وكل عام وأنتم بخير وصحة وسعاده\
ممكن أعرف سعر المساعدين الخلفى جديد أو إستيراد وأيهم أحسن وهل هناك ماركة معينه أسأل عليها وأجيبهم منين ولكم كل الشكر

[thedeveloper87]

السلام عليكم ورحمة الله وبركاته
وكل عام وأنتم بخير وصحة وسعاده\
ممكن أعرف سعر المساعدين الخلفى جديد أو إستيراد وأيهم أحسن وهل هناك ماركة معينه أسأل عليها وأجيبهم منين ولكم كل الشكر

وعليكم السلام ورحمة الله وبركاته
وحضرتك بخير

نصيحة بلاش المساعدين الاستيراد خاااالص وخليك دايما في الجديد
المساعدين الخلفي جديد kyb ياباني ب 550.
المساعد الواحد استيراد ب 150 جنيه.

[amrhady2]

والله انا بشكركم جدا جدا وفعلا انا اكتشفت انى فعلا محتاج لعفشجى عندو ضمير وربنا يباركلكم والسلام عليكم ورحمة الله

[nayrous]

السلام عليكم
شكرا ليكم يا جماعة على الافادة والمعلومات القيمة
معلش كنت عاوزة اسال حد لسة شارى العربية الماذدا 323 موديل 82 يا ترى سعرها فى حدود كام

[thedeveloper87]

السلام عليكم
شكرا ليكم يا جماعة على الافادة والمعلومات القيمة
معلش كنت عاوزة اسال حد لسة شارى العربية الماذدا 323 موديل 82 يا ترى سعرها فى حدود كام

حسب الحالة ....والسعر غالبا بيترواح من 18 ل 22 ألف جنيه

[nayrous]

شكرا على الاهتمام و سرعة الرد
وياريت لو فى حد عنده المازدا فى اسكندرية يقدر يفيدنى ويدلنى على ميكانيكى وكهربائى وسروجى وبوهيجى كويسين وعندهم ضمير عشان اتعامل معاهم