كل ما يخص مازدا 323 موديل 82 (اعطال.قطع غيار.كماليات)

[yasserzezo]

حضرتك غيرت الموبينة الكتروني ولا العادية أم زيت ... أنا كان عندي نفس المشكلة وبعد أما غيرت للموبينه الالكتروني ارتحت من موضوع الابلاتين ده خالص وبقيت اغيره كل شهر أو إتنين بالكتير قوي ... الموبينه الالكتروني ياباني 100% وبحوالي 65 جنيه .

انا غايرد مرة موبينه عادي
و بعديها بشهرين غيرد الكتروني و نفس المشكلة

[mohamed9999]

نصيحه اخويه كده يا جماعه هى المازدا 323 عربيه اعتماديه ولا زى الفيات كل يوم عند الميكانيكى

[emad6610]

عندي العربية بتكون ماشية زي الفل و اجي ااقف في اشارة او الطريق يتزحم شوية الاقي الار بي ام مش ثابت و بينزل جامد و أكن العربية هتبطل و ترجرج لكن لو دوست بنزين ومشيت شوية يرجع تاني زي الفل, ساعات برضة الموضوع دة بيحصل معايا لما ابطل العربية لدقايق و انزل اشتري حاجة و العربية بتكون لسة سخنة اجي ادور برضة احس ان العربية بترجرج و هتبطل و لازم ادوسلها بنزين.
جربت اظبط مسمار الهوا لكن تشتغل كام يوم زي الفل ويرجع تاني الموضوع دة. ياتري ايه ممكن يكون السبب فلتر الهوا مثلا ارجوا النصيحة و الحل النهائي

[moatazbunny]

انا غايرد مرة موبينه عادي
و بعديها بشهرين غيرد الكتروني و نفس المشكلة

تمام كده أنا معنديش إلا نصيحة واحدة بقى بعد كده .. روح ل كهربائي كويس غير اللي راكبلك الموبينا وقوله الابلاتين بيلداع مني كل يومين شوفلي الموبينة دي متركبة كويس ولا اللي ركبها حمار (طبعا ماتقولش كده .. )

نصيحه اخويه كده يا جماعه هى المازدا 323 عربيه اعتماديه ولا زى الفيات كل يوم عند الميكانيكى

بص يا باشا لو ناوي على عربية موديل التمانينات وكده المازدة احلاهم بصراحة
أنا بأنزل ادور وأطلع على طول الحمد لله ربنا كرمني فيها ... عيوبها الشائعة
1 الكاربراتير ... لو بتحط 80 هتتعبك وهتعمل معاك زي ماال أستاذ Emad6610 قايل فوق ... ولو بتحط 90 زي كده .. هتنضف الكاربراتير مرة كل شهرين تلاتة كده وعمرها ما هتبطل منك .. اقصى حاجة لو اتسد على بنزين 90 إنها تبقى مش مظبوطة بس.

2 البلي - معرفش العربية دي بتاكل بلي كتير ولا البلي اللي في السوق مضروب
أنا بغير بلية كل كام شهر كده.

عندي العربية بتكون ماشية زي الفل و اجي ااقف في اشارة او الطريق يتزحم شوية الاقي الار بي ام مش ثابت و بينزل جامد و أكن العربية هتبطل و ترجرج لكن لو دوست بنزين ومشيت شوية يرجع تاني زي الفل, ساعات برضة الموضوع دة بيحصل معايا لما ابطل العربية لدقايق و انزل اشتري حاجة و العربية بتكون لسة سخنة اجي ادور برضة احس ان العربية بترجرج و هتبطل و لازم ادوسلها بنزين.
جربت اظبط مسمار الهوا لكن تشتغل كام يوم زي الفل ويرجع تاني الموضوع دة. ياتري ايه ممكن يكون السبب فلتر الهوا مثلا ارجوا النصيحة و الحل النهائي

نصيحة من الآخر شوف واحد بتاع كاربرترات وبلاش الميكانيكي
عشان الميكانيكي كبيره قوي يفكه حتتين ولا تلاتة ويغسلوا ويقولك تمام كده وهو ولا عمل حاجة
أما بتاع الكاربراتر بيفكوا ميت حتة وبينضف مسمار مسمار وبيغيرلك الجوانات اللي جوَّه وبيسلكلك البيكات وبيحميه بشامبو كمان لو عايز
وبتطلع من عنده العربية بتسحب زي الفراري كده
ومن الآخر متحطش بنزين 80 عشان العربية دي عندها حساسية منه
إنت مركب RPM إزاي وبكام

[emad6610]

الف شكر لردك يا معتز انا بحط علي فكرة 90 و عمري ما حطيت 80
لو تعرف حد كويس بتاع كاربراتير يا ريت تدلني عليه
انا كانت شاري العربية متغير لها جزء العدادات القديم و العدادات الجديدة فيها ار بي ام و نوره قوي و بصراحة جميل
لو انت ناوي تعمل كدة هتكلفك حوالي 200 جنية و انا اعرف كهرباءي ممكن يعملهالك

[moatazbunny]

الف شكر لردك يا معتز انا بحط علي فكرة 90 و عمري ما حطيت 80
لو تعرف حد كويس بتاع كاربراتير يا ريت تدلني عليه
انا كانت شاري العربية متغير لها جزء العدادات القديم و العدادات الجديدة فيها ار بي ام و نوره قوي و بصراحة جميل
لو انت ناوي تعمل كدة هتكلفك حوالي 200 جنية و انا اعرف كهرباءي ممكن يعملهالك

حضرتك ساكن فين أصلا يا أستاذ عماد
أنا بروح ل واحد في شارع العشرين اللي في فيصل ... وفي ناس كويسة أسمع عنهم في شبرا بس مش فاكر المنطقة بصراحة
بس اعمل حسابك نص يوم على الاقل جنب العربية

[yasserzezo]

يا جماعة ممكن حد يرفع المانيول و كتالوج المازدا انا عمال ادور عليه علي النت و مش عارف اجيبوا الا بفلوس !!!!!!!!!

[emad6610]

انا في القطامية يعني مشوار بعيد علسا بس ممكن استحمل و كله يهون علشان خاطر عزيزة ...يا مسهل
و ياريت تقولي مين في العشريني و تتكلف حوالي كام
و في سوائل تنظيف كاربراتير يا تري دي تنفع و لا اي كلام

[ahosny]

معندكش فكره يعمله كام؟

[mohamed777]

السلام عليكم ورحمة الله وبركاته

نصيحه عامة لكل مالكى المازدا من هذا الموديل الجميل من خبرة سنين فى هذة السيارة

العربية دى على شان تبقى مظبوطة وماشية زى الساعه بتحتاج ان كل حاجه فيها تبقى مظبوطه كويس ولو حاجه صغيرة مش مظبوطة بتبرجل العربية على الاخر وتحس انك كاره نفسك

وبقدر الامكان بلاش قطع الغيار الغير اصلية ...اليابانى بيعيش جداً وبيحافظ على كل حاجه تانية وبلاش موبينة الكترونى ولا ابلتين وكوندنسر الكترونى سيبوا كل حاجه فيها اصلية زى ماجات من بلدها ولو قطعه بايظة غيروا باللي زييها بالظبط وتكون يابانى اصلى

انا عامل كده فى عربيتى ومش بغير الابلاتين والكوندنسر غير كل سنه ونص سنتين

اما الكربيراتير فطول ما هو لم يفك فهو من اطول قطع السيارة عمراً فى التشغيل ...بالكتير خالص يتفط كلة قطعه واحده ويتضرب بكومبريسور الهواء فى بنزينة من غير ما يتفك

انا من حوالى 3 سنين عملت عمرة كاملة والحمد لله حتى الان مش بتاخد غير بنزين وزين

ما شاء الله لا قوة إلا بالله

ومن اهم الحاجات اللي بتحافظ على الموتور من التأكل تغيير الفلتر مع الزيت على طول كل 5000 كم او 4000 كم مع شل الاصفر من افضل الزيوت اللي استخدمتها فى العربية دى

وبعتذر عن الانقطاع هذة المده عن المشاركه واى استفسار فانا معاكم إن شاء الله

[emad6610]

الف شكر ليك يا استاذ محمد

[yasserzezo]

الف شكر يا استاذ محمد

[mohamed777]

لا شكر على واجب
ولو فى اى استفسار او مشكله قابلتكم فى هذة السيارة فانا فى الخدمةونحلها مع بعض

[emad6610]

استاذي شكرا لردكم و سعة صدركم
عندي العربية ابطلها ترجرج لحد ما تبطل ااقول عالية
و افتج الهوا تدور و تاخد وقت كبير اوي لحد ما تسخن و تبقي مبرجلة ايه الحل؟؟؟؟؟؟؟؟
علما اني لسة غاسل كاربراتير و مغير فلتر الهوا و مغير طقم كهربا

[mohamed777]

استاذي شكرا لردكم و سعة صدركم
عندي العربية ابطلها ترجرج لحد ما تبطل ااقول عالية
و افتج الهوا تدور و تاخد وقت كبير اوي لحد ما تسخن و تبقي مبرجلة ايه الحل؟؟؟؟؟؟؟؟
علما اني لسة غاسل كاربراتير و مغير فلتر الهوا و مغير طقم كهربا

الموضوع ده بيحصل من حاجتين اما ان الكهربة مش مظبوطة او العربية بتسخن زياده او المية قليلة بتعمل كده برضة

اتأكد ان المية مظبوطه ومش بتنقص باستمرار وان الحرارة ثابتة على العلامة البيضة الثانية ومابتعلاش عنها
لو تمام كده ولسة المشكلة موجوده يبقى شوف الكهرباء وعيد على ظبتة الهواء والبنزين فى الكربيراتير