كل ما يخص مازدا 323 موديل 82 (اعطال.قطع غيار.كماليات)

[mohamed777]

عربيتى فيها صوت كركبة بتظهر اكتر لما تكون ماشى مشوار طويل شوية وعند الوقوف اسمع صوت كركبة مش عارف اية السبب
ارجو الاجابة من اهل الخبرة المازداوية علما بان عربيتى مازدا 323 موديل 82

ياريت لو توصفلنا الصوت ده بيجي منين بالظبط واية ظروف حدوثة بدقة اكثر على شان نقدر نساعدك فى حل مشكلتة

[magdywadeh]

ياريت لو توصفلنا الصوت ده بيجي منين بالظبط واية ظروف حدوثة بدقة اكثر على شان نقدر نساعدك فى حل مشكلتة

انا سامع الصوت قدام فى الموتور مش بيبان اكتر غير لما العربية تسخن او بكون فى السرعة البطيئة شفت المروحة بتاعة الردياتير لقيها سليمة والصوت بيظهر وهى واقفة

[magdywadeh]

انا سامع الصوت قدام فى الموتور مش بيبان اكتر غير لما العربية تسخن او بكون فى السرعة البطيئة شفت المروحة بتاعة الردياتير لقيها سليمة والصوت بيظهر وهى واقفة

بعد تركيز شديد اعتقد ان الصوت من سير الدينامو فقد لاحظ معى زملائى ذلك

[amrhady2]

عندى العربيه بتعوم مع انى ظبط كل حاجه ماعدا الكاوتش كلو بيقولولى ان الجنوط فيها رفا ياترى ده صحيح ومنيين اجيب جنوط حديد اصليه وهل ارصصها ولا اركب على طول وشكرا لكل الزملاء

[agwaa]

ايه يا اوساخ ده

[hemalotfy]

ايه يا اوساخ ده

تقصد مين ؟!!

[emad6610]

العربية بتسخن معايا يا دوب امشي 5 دقايق ابص الاقي موشر الحرارة عند النص ياتري ليه
و لما ببطل العربيه العربية بتترجرج ؟؟؟؟؟
ياتري ايه العمل

[magdywadeh]

العربية بتسخن معايا يا دوب امشي 5 دقايق ابص الاقي موشر الحرارة عند النص ياتري ليه
و لما ببطل العربيه العربية بتترجرج ؟؟؟؟؟
ياتري ايه العمل

شوف مروحة الردياتير لانى دة حصل معايا

[emad6610]

المروحة بتشتغل بس برضة موشر الحرارة اوقات يوصل للنص

[agwaa]

ايه يا اوساخ ده

أعتذر بشدة عن هذا اللفظ ولكنه كان في سياق الرد على كليب مستفز جداً كان فيه إساءة للمصريين جميعاً ولكن للأسف الكليب لم يظهر ....
لذا وجب الإعتذار
وأرجو من الإدارة حذف المشاركة الأصلية ..
وشكراً

[alsad]

انا اقوم حاليا بصيانة الموتور عند الميكانيكي

للاسف لم اجد طقم شنبر ولا طقم صبابات بنفس المقاس المراد في حلوان وجدت مقاسات مختلفة لا تصلح

سأقوم غدا ان شاء الله بزيارة للتوفيقية

لو تمدوني ببعض النصائح والدعوات اكن لكم من الشاكرين

سأقوم بسرد القطع التي احتجت لها واسعارها في مشاركة لاحقة

[agwaa]

انا اقوم حاليا بصيانة الموتور عند الميكانيكي

للاسف لم اجد طقم شنبر ولا طقم صبابات بنفس المقاس المراد في حلوان وجدت مقاسات مختلفة لا تصلح

سأقوم غدا ان شاء الله بزيارة للتوفيقية

لو تمدوني ببعض النصائح والدعوات اكن لكم من الشاكرين

سأقوم بسرد القطع التي احتجت لها واسعارها في مشاركة لاحقة

السلام عليكم
إنت رحت عند مين في حلوان ولم تجد ما تريده
ومحتاج طقم شنبر زيرو كام
عموماً يوجد في التوفيقية _ الشارع المقابل لسنترال رمسيس وموش شارع التوفيقية إللي زحمة _ محل إسمه ملك الشنابر إسأل عليه ( المحل موش مكتوب عليه ملك الشنابر ولكن مكتوب علية شوية ماركات للشنابر ) وهو على الشمال وإنت داخل من ناحية شارع رمسيس و على ناصية بعد محل مكتوب عليه الدقاق
ولا تنسى طبعاً أن تؤكد على النوع الياباني

[tom_gr]

عندى العربيه بتعوم مع انى ظبط كل حاجه ماعدا الكاوتش كلو بيقولولى ان الجنوط فيها رفا ياترى ده صحيح ومنيين اجيب جنوط حديد اصليه وهل ارصصها ولا اركب على طول وشكرا لكل الزملاء

حبيب قلبى فكرتنى بنفسى والله

كنت نفس مشكلتك بالظبط

وروحت لاكتر من عبقرى واغلبهم اختار الحل السهل وقالى غير اسكاترا كامله وشدادات ودخلونى فى حسبه 900جنيه كده

انما الميكانيكى بتاعى ربنا يباركله كشفلى عليها حته حته وقالى كله سليم زى الفل روح اظبط زوايا بس عند واحد بيفهم

رحت ظبط الزوايا بالشعرة لقيت العومان خف كتيررررررررررر والحدف يمين وشمال قل درجه كبيرة انما ما رحش

الراجل قالى يبقى مافيش كللام الجنوط والكاوتش

روح اعمل كروس او غير الى بايظ واكشف عند بتاع كاوتش

المهم ربنا وفقنى واخترت يوم كان تللللللللللللللللللللللللللللللج والناس كلها مقفلة والى شغال منهم فاضى

المهم رحت لبتاع الكاوتش لقيته قاعد بيعد النجوم ولما شافنى سخن وقالى كنت هاقفل مافيش شغل

خليته فك الاربع فرد وكشف عليهم واحده واحده ولقى فعلا جنط مكسور


المهم عملى كروس للجنوط والكاوتش


انا زهلت والله وماكنتش مصدق النتيجة

بقى كل المعاناه دى من الجنوط والكاوتش

[alsad]

السلام عليكم
إنت رحت عند مين في حلوان ولم تجد ما تريده
ومحتاج طقم شنبر زيرو كام
عموماً يوجد في التوفيقية _ الشارع المقابل لسنترال رمسيس وموش شارع التوفيقية إللي زحمة _ محل إسمه ملك الشنابر إسأل عليه ( المحل موش مكتوب عليه ملك الشنابر ولكن مكتوب علية شوية ماركات للشنابر ) وهو على الشمال وإنت داخل من ناحية شارع رمسيس و على ناصية بعد محل مكتوب عليه الدقاق
ولا تنسى طبعاً أن تؤكد على النوع الياباني

عليكم السلام

ازيك يا باشمهندس

انا سألت عند 3 اماكن ( نصار - محمد ابراهيم - سيد ابو رحاب ) الثلاثو عندهم لكن مش متوافق معي البساتم عندي.

انا مش عارف تفاصيل بالظبط لكن هو صاحب المحل كان بيجرب ويقول مش هاينفع

شغل الخراطة عندي كان تنظيف مجاري للبساتم بس ( 15 جنيه خراطة )

البستم 77 مللي ( تقريبا ده الاستاندارد ) لكن احتمال ان المشلكة في عرض المجرى

المهم لاقيت الطقم عند مجدي رمزي في التوفيقية وطلع مظبوط الحمد لله . ( نفس اسعار حلوان تقريبا )

المشكلة بقى في طقم الصبابات !!!

كلهم في حلوان عندهم تيله قصيرة ( كان ناقص يحلفوا على المصحف اني مش هلاقي غيرها )

الميكانيكي قال ما ينفاعش ورجعني 3مرات علشان الموضوع ده .

وفي التوفيقية قالوا المازدا صبابتها قصيرة مش هتلاقي زي دي ( مع انه موتور العربية مش جاي من بره )

المهم الميكانيكي قال لي انه هايتصرف وجاب طقم مستعمل نظيف وبيعمله رودية .

وربنا يسهل وتحلص الشغلانه على خير

عشلان لسه هاظبط العفشة

[agwaa]

ربنا معاك يا زعيم وأنا تحت تصرفك لو إحتجت أي مساعدة