كل ما يخص مازدا 323 موديل 82 (اعطال.قطع غيار.كماليات)

[mohamed777]

أخ mohamed777
فيه السرساوي في الدقي و دة تليفونة 0123459927 , هتلاقي عندة من الابرة للصاروح لانه موزع مش تاجر عادي
و فيه في مجلس الامة رامي بوني برضه قطع غيار مازدا بس 0101956943
و ربنا يوفقك و يباركلك في اللي هتجيبه و يا ريت تقولنا علي الاخبار

جزاك الله خيرا
حاجاتهم يابانى ولا تايوانى؟ ولا عندهم كده وكده؟

[emad6610]

اسف لتأخر الرد يا استاذ محمد
اعتقد انه عنده ياباني و تايواني
و ان كان معظم السوق تايواني قليل اوي الياباني
حاول تتصل او تروح و قولنا ايه الاخبار
بالتوفيق بأمر الله,

[mazagngi2010]

تجربتى النهارده مع بلبل مازدا
مكنتش عايز اروحله ونويت اطلع على قشطه بس صاحبى اللى اشتريت منه العربيه الله يسامحه زن على ودانى علشان اروحله وقاللى هو حافظ العربيه وبتاع
المشكله اللى روحت بسببها :
-لو سيبت رجلك من البنزين على الاولانى العربيه بتنتش جامد اكنك بتدوس فرامل
-ساعات السحب بيبقى ميت جدا وساعات بتطير
-شد فرامل اليد

وصلت عند الترب اللى جنب القلعه واستنصحت لما لاقيت واحد عنده مازدا كتير قلتله حضرتك الاسطى بلبل؟ قاللى لا بلبل الشارع اللى قبلى وطبعا اخوكم كان محرج جدا والغريبه ان كان عنده مازدا اكتر من اللى عند بلبل
وصلت لبلبل ووقعت فى موزه اللى كلكوا بتلعنوا فيه ف
فك الكربراتير ونضفه وكان متنيل ب60 نيله بصراحه لانها كانت بتاخد 80 على طول وغير فلتر البنزين وجوان الكربراتير
وخد 20 جنيه شامله الفيلتر والجوان
اداء العربيه اتحسن جدا وجابت 150 وانا مروح !!! وكان ممكن تجيب تانى بس هديت

ملاحظاتى ان موزه ده شغله مقبول بس مش ناوى اكمل معاهم وهجرب قشطه او الراجل اللى رحت له بالغلط لانى حاسس ان العربيه مخدتش حقها فى السيرفس وردوده كانت اى تثبيت والسلام
وغير كده اتشائمت منه لانه قاللى العربيه 1300 مش 1500 زى مامكتوب فى الرخصه
==============
وعلشان انجز نفسي لانى اتخنقت دلنى على كهربائى بعد كده علشان دراع النور وفكله ونضفه ولصمه بتيربات(الافيز البلاستيك) وخد 20 برضه
============
الخلاصه الواحد يمشى ورا تجارب الاعضاء هنا احسن ولو مزنوق فى الوقت فكر فى بلبل

[emad6610]

افهم من كلامك ان بلبل معدش بيشتغل بايده
تقريبا اللي قبل بلبل دة ناصر ميكانيكي مازدا برضه
المهم انت حاسس باي فرق بعد الكاربراتير و ايه اخبار دراع النور
ياتري سالتة علي موضوع البوجيهات؟؟؟؟؟

[mazagngi2010]

افهم من كلامك ان بلبل معدش بيشتغل بايده
تقريبا اللي قبل بلبل دة ناصر ميكانيكي مازدا برضه
المهم انت حاسس باي فرق بعد الكاربراتير و ايه اخبار دراع النور
ياتري سالتة علي موضوع البوجيهات؟؟؟؟؟

بالظبط بلبل كان قاعد زى البيه وممدش ايده على اى عربيه من اللى كانوا موجودين وكان 3 صبيان شغالين على 3 عربيات وقتها (تقريبا هو دوره اشرافى بس)

وناصر ده كان عنده 323 كتير

بالنسبه للكربرتير العربيه فاقت جدا فى السحب بصراحه والتنتيشه خفت خالص
دراع النور شغال كويس لحد دلوقتى بس مش هحكم عليه الا بعد شهر على الاقل لانه متلصم وحاسس انه هيعلق تانى
نسيت موضوع البوجيهات :b4_556:
ميزه بلبل ان عنده معظم قطع الغيار اللى هتحتاجها معرفش الباقيين نظامهم ايه

[emad6610]

جرب قشطة برضة هيعجبك
و برضة عندة تقريبا معظم قطع الغيار
بس انا اسمع عن ناصر و مجربتوش ياريت لو حد جربه يقول حتي تعم الفائدة

[mazagngi2010]

جرب قشطة برضة هيعجبك
و برضة عندة تقريبا معظم قطع الغيار
بس انا اسمع عن ناصر و مجربتوش ياريت لو حد جربه يقول حتي تعم الفائدة

هجربه وياريت يكون بيشتغل بايده وعنده ضمير
متعرفش مكان بيبيع وشوش الفوانيس اللى ورا؟
----------
حاجه نسيت اقولكم عليها لما سالت بلبل على التكييف قاللى فى واحد فى الجيزه عند ش المحطه ومعندوش اى تفاصيل تانيه
وغيار الزيت قاللى تعاون كالتكس اى حاجه(متخدش منه عقاد نافع)
ومتسيبوش اكتر من 2500 والفلتر كل 4 غيارات
انا حاطط تعاون الازرق sj من يومين ب 71 شامله الغيار ومش عارف الموتور مرتاح مع الزيت ده ولا لا لانى لسه مبتدىء فى العربيه وفى السواقه وخبرتى على قدها

[emad6610]

فيه السرساوي في الدقي و دة تليفونة 0123459927 , هتلاقي عندة من الابرة للصاروح لانه موزع مش تاجر

و فيه في مجلس الامة رامي بوني برضه قطع غيار مازدا بس 0101956943

انا كنت جايب الفانوسيين الخلفيين علي بعض ب 90 جنية يعني الواحد 45 من عند رامي اتصل اساله بس فانوس محترم و شكله قيم
ممكن تلاقي ب20 جنيه بس تلزقهم ب سيليكون الاحمر لوحده و اصفر و الابيض بس بيبقي زباله و بيفك تاني

انا بحط نفس نوع الزيت التعاون الازرق معايا ممتاز و مش وحش خالص و بكمل بيه فوق ال 3000 كمان

البوجيهات انا بستعمل ngk بصراحة امتياز مالهومش حل روعة بس معرفش نظام الشمعات

ياريت لو فيه احسن حد يفيدنا

[mazagngi2010]

تم الترصيص وظبط الزوايا النهارده عند فخر الشراقوه (شيبوب) ب 50 جنيه
اهم حاجه طلعت بيها ان ترصيص بيومى زباله ولا يعتمد عليه لان العجل كان بيغربل على 110
الكاوتش جديد ورصصت بالمره عند بيومى من اسبوع
دلوقتى بسم الله ماشاء الله العربيه تماااااام

[emad6610]

فخر الشراقوه (شيبوب)!!!!!!!!!!!!!!!!!!!
دة فين يا ريس؟؟؟؟؟؟؟؟؟؟؟؟؟؟؟

[mazagngi2010]

فخر الشراقوه (شيبوب)!!!!!!!!!!!!!!!!!!!
دة فين يا ريس؟؟؟؟؟؟؟؟؟؟؟؟؟؟؟

اشهر واحد ترصيص وظبط زوايا فى مصر كلها
وانت فى الزقازيق هتوصل عند الزراعه واسال اى سواق مكروباص او تاكس على شيبوب هتلاقيه فى اول طريق ابو حماد على اليمين

[ahosny]

الموتور خفيف

السلام عليكم
يا جماعه انا عندي الزيت بينقص و في دخنه بيضا مش كتيره من الشكمان....الميكانيكي اتاكد ان الزيت بيتاكل مش بيتصرب... وشكلي شويه وحدخل في عمره.. السؤال بقي هل الافضل ابدل المكنه بواحده استيراد ولا ادخل في العمره وانا وحظي و هي تقريبا تتكلف كام لو نص او عمره كامله.. كمان في حد بتاع ياباني بيفهم يعملهالي...

[mazagngi2010]

السلام عليكم
يا جماعه انا عندي الزيت بينقص و في دخنه بيضا مش كتيره من الشكمان....الميكانيكي اتاكد ان الزيت بيتاكل مش بيتصرب... وشكلي شويه وحدخل في عمره.. السؤال بقي هل الافضل ابدل المكنه بواحده استيراد ولا ادخل في العمره وانا وحظي و هي تقريبا تتكلف كام لو نص او عمره كامله.. كمان في حد بتاع ياباني بيفهم يعملهالي...

اقرا الردود اللى فوق هتلاقى اشهل 3 ميكانيكيه مازدا 323 عربيتى كان صاحبها عامل لها عمره عند واحد بتاع عربيات قديمه مش متخصص مازدا وجابت صباب بعدها لحد ماظبطها عند بلبل

[mazagngi2010]

تجربتى النهارده للافاده
العربيه بحمد الله قفلت امبارح 800 كم فى 4 ايام
مره واحده وانا بدوس فرامل العربيه حدفت جامد شمال ولما وقفت العربيه وشيلت المفتاح ودست فرامل لقيتها مبتحجرش وبتنزل عادى!!!
والجنط الشمال سخن جدا والطنبوره سخنه لكن اليمين بارد وساعه الفرمله الشمال هو اللى بيمسك
قلت شكرا التيل قفش والمساعد مبيردش
رحت لميكانيكى جنبنا لقى زيت الفرامل مش موجود اصلا ورفع العربيه ولقى ان الشمال قدام كويسه ومش قافشه زى مافتكرت ومفيهاش الهوا
بص على الجنط اللى ورا شمال لقاه غرقان زيت من جوه
بعد الحل طلع العيب :خرم فى الماسوره الحديد ولا النحاس-مش عارف معموله من ايه- اللى ورا وواخده الزيت من الخرطوم على الفرده
فكها ولحمت الخرم بالنحاس وطبعا اشتريت عليه زيت فرامل ب 12 جنيه
وبعد فاصل طويل من كارك كارك دووووووووس لحد مارجلى علقت
العربيه رجعت كويسه تانى والطنبوره اليمين قدام رجعت تسخن تانى !!
وربنا يستر طريقنا كلنا

[magdywadeh]

عندى مشكلة
العربية عندى بتبطل اثناء السير بالضبط عندما اقوم بالضغط على الدبرياج ثم الفرامل فى اثناء ذلك تفصل السيارة تماما ويتكرر ذلك كثيرا غلبت فيها والميكانيكى طلعت عينة عليت الدبرياج مفيش فايدة نظفت الفلتر علما باننى لسة شارى موتور استيراد 1500 سى سى السيارة 323 موديل 1982 بدون تكييف