دعوة لمُقاطعة وكيل ميتسوبيشي (وائل عطية)

[وائل عطية]

بصراحة كده أنا حاسس إن الشركة بتتبع سياسة عشوائية في التسعير
يعني كل شوية نلاقيهم طالعين علينا بزيادة في الأسعار بدون سبب وجيه
رأيي الشخصي ، إن سياستهم التسعيرية غير مدروسة جيداً ولا ترعي البعد الإجتماعي
طبعاً الرد الطبيعي : بعد اجتماعي إيه ..فعلاً دا توكيل سيارات وعايز يكسب بأي شكل وخلاص ويستفيد من الزيادة المُبالغ فيها في مبيعاتهم في مصر (في مصر فقط) واحنا بنساعدهم على التمادي، لأنهم كل شوية يزودوا الأسعار براحتهم وكل شوية بسبب، وآخر الأسباب إن الين ارتفع والاعتماد مفتوح بالين !!!
ازاي يعني مفتوح بالين ؟؟ ماهو معروف في الدنيا كلها إن الدولار هو العملة الرسمية الدولية، أهو الدولار عمال ينزل في الأرض (ربنا ياخد أمريكا)، طيب هو بينزل وانتوا بترفعوا السعر ، إزاي يعني؟
دعوة لكل من يُفكر في شراء إحدي سيارات ميتسوبيشي من مصرية أن يُراجع نفسه وإن شاء الله سيجد بديل أفضل

[mido777]

والله يا وائل باشا انا كنت متوقع من متسوبيشى انها تنزل من اسعارها مش تعليها لأن فيه سيارات فى نفس الفئة وسعرها تنافسى بالنسبة للمتسوبيشى

فبكده ممكن متسوبيشى تفقد الميزة التنافسية على اساس ان سعرها عالى

[Islam_galal]

هوه الخسران في النهاية و بعدين الخليجي المفروض يظبط السعر لأن من منافسين للوكيل

[وائل عطية]

لو سمحتوا يا جماعة
أنا شايف 10 تصويتات بعدم الموافقة، ياريت اللي صوت يُدخل ويقول رأيه
مش كفاية التصويت بس..إحنا عايزين نوجه رسالة قوية للشركة دي

[boody2]

هوه الخسران في النهاية و بعدين الخليجي المفروض يظبط السعر لأن من منافسين للوكيل

مش كل الناس ممكن تثق انها تجيب خليجي بدون ضمان ..

[boody2]

والله يا وائل باشا انا كنت متوقع من متسوبيشى انها تنزل من اسعارها مش تعليها لأن فيه سيارات فى نفس الفئة وسعرها تنافسى بالنسبة للمتسوبيشى

فبكده ممكن متسوبيشى تفقد الميزة التنافسية على اساس ان سعرها عالى

انا فعلا مع القول ان الاسعار اصبح مبالغ فيها جدااااا ةو لكن ليس هناك زي ما حضرتك بتقول سيارات ياباني و باكرر ياباني في نفس الفئة باسعار تنافسية في السوقمع احترامي لكل انواع السيارات الاخري

[hamedo0]

هي اسعار كل التوكيلات مش متسوبيشى بس

[limo]

الاسعار كده فيها استهبال رسمى
ان السوق مليان عربيات يابانى وفى نفس الوقت مفيش زياده عليها
انتوا عارفين كده موديل 2008 زاد عن موديل 2007 كام ؟
10 الف جنيه مع عدم اختلاف فى الشكل او فى الكماليات
انا اول المقاطعين
انا كنت ناوى على 1600 اوتوماتيك ضمان وكيل المصريه بس كده خلاص صرفت نظر تماما
انا ايه الى يخلينى اركب عربيه شكل قديم ب112000 الف جنيه فى حين انى ممكن اركب حاجه احسن منها مع زياده بسيطه السعر

[محمد عز]

على فكره ياجماعه السيارات هنا فى الامارات غليت برده وبالذات متسوبيشي وتويوتا وبيقولوا برده موضوع الين ده
مش عارف ان كان الكلام ده صح ولا لا
بس نسبة التضخم هنا فظيعه جدا يعنى كل خمس دقايق الحاجة بتغلي

[mido777]

انا فعلا مع القول ان الاسعار اصبح مبالغ فيها جدااااا ةو لكن ليس هناك زي ما حضرتك بتقول سيارات ياباني و باكرر ياباني في نفس الفئة باسعار تنافسية في السوقمع احترامي لكل انواع السيارات الاخري

لو حضرتك قصدك تستبعد التويوتا- الجنوب افريقى- مفيش مشكلة مع ان المصنع ده بيصدر لأكثر من 100 دولة ومنهم دول اوربية كتير
بس المازدا3 يابانى 100% واعلى فئة سعرية فيها 156.000
والمتسوبيشى لانسر اعلى فئة سعرية فيها 150.000

انا لو ح اختار ما بين الأثنين حجيب مازدا 3

[Migo123]

الاخ وائل / مش عارف ايه سبب الدعوه للمقاطعه
كل التوكيلات نزلت زيادات على أسعارها ... اشمعنى متسوبيشي اللي ها نقاطعها
الكورولا الشكل القديم بكام النهارده؟؟؟
الكيا زودت سعرت السيراتو عشان يكسر 100 الف و الريو ب 84500
هيونداي زودت الماتريكس 2008
والانترا غاليه اصلا

انا شايف ان الدعوه للمقاطعه عشان تكون منطقيه تبقى دعوه لمقاطعه جميع الوكلاء
وبرضه في الاخر هتبقى غير منطقيه لان الموضوع عرض وطلب
وطول ما في طلب ........... البائع من حقه ان يحدد السعر

[Migo123]

إن سياستهم التسعيرية غير مدروسة جيداً ولا ترعي البعد الإجتماعي

الكلام في البعد الاجتماعي ده لا يصح ان يقال هنا
لانه انه ممكن تجاوزا نسمعه في الكلام عن تسعير رغيف العيش .. تسعير السلع الاساسيه والطاقه والادويه
انا لما نيجي نتكلم عن سلعه ممكن تعتبرها سلع تندرج تحت بند الرفهيات فلا أعتقد ان هذا الكلام مناسب

[Nader]

هو خلاص احنا مبقاش في حاجة شغلانا في حياتنا غير ان متسوبيشي غليت الاسعار؟؟!

طيب الناس الغلبانة اللي مش قادرة تاكل من الغلاء المستمر دي تعمل اية؟؟!

كل حاجة بتغلى واحنا بنطيع وبناخد على قفانا وساكتين يبقى يوم ما هنيجي نعترض ونقاطع

هنقاطع توكيل سيارات؟؟! انتوا مش حاسين بالبلد وشايفين هي رايحة فين ولا اية؟!!!

[Nader]

وياريت يا استاذ وائل متعتبرش ان دة هجوم شخصي ولا حاجة انت اخ محترم وتمتاز

بخلق رفيع ..... بس بلاش نشغل الناس بالفرعيات ونسيب الاساسيات.

[mada121977]

ياجماعه كل العربيات اسعارها غليت مش بس ميتسوبيشى وباسعار مبالغ فيها جداااا يعنى على سبيل المثال هيونداى اتوس ب 70 الف جنيه !!!!!!!!!!!!!!!!!!!
ودالسعر ده من على كونتكت واول ماشوفته اتخضيت واستغربت جداااا والافيو اللى هيا اللانوس ب 75 الف ... المشكله ان مفيش متابعه للتوكيلات او التجار من جهه رقابيه تحكم الاسعار وتمنعها من الزيادات العشوائيه مش فى مجال السيارات بس ولكن فى كل المتطلبات الاساسيه من الاكل والشرب والمتطلبات اليوميه للناس