دعوة لمُقاطعة وكيل ميتسوبيشي (وائل عطية)

[hazem_khidr]

ايه ده الكورولا زادت تانى ؟؟؟

من اسبوعين

[SEATLOVER]

يا جماعة الموضوع بسيط المقاطعة او غير المقاطعة بتيجى لوحدها ..(اتوماتيك)
يعنى اللى بيسأل على عربية معينة و احنا شايفين ان من ضمن عواملها السلبية
سعر عالى بدون لازمة

بنقول لا و هانقول لا لأى عربية بيضحك فى سعرها او فى اى حاجة فيها علينا

ولو كان منطقهم هما (السوق عرض وطلب )
احنا منطقنا (الترشيح و الاختيار و الشراء و البقاء .....
.........................................للأفضل (سعر-جودة-اداء-توكيل) )

حتى لو ركبنا عربيات عمولة استعمال الخارج ..ويبقوا يركبوا هما عربياتهم و يلفوا بيها ادام توكيلاتهم .

[وائل عطية]

يا جماعة الموضوع بسيط المقاطعة او غير المقاطعة بتيجى لوحدها ..(اتوماتيك)
يعنى اللى بيسأل على عربية معينة و احنا شايفين ان من ضمن عواملها السلبية
سعر عالى بدون لازمة

بنقول لا و هانقول لا لأى عربية بيضحك فى سعرها او فى اى حاجة فيها علينا

ولو كان منطقهم هما (السوق عرض وطلب )
احنا منطقنا (الترشيح و الاختيار و الشراء و البقاء .....
.........................................للأفضل (سعر-جودة-اداء-توكيل) )

حتى لو ركبنا عربيات عمولة استعمال الخارج ..ويبقوا يركبوا هما عربياتهم و يلفوا بيها ادام توكيلاتهم .

والله برافوا عليك ..ماهو دا اللي قولته في أول الموضوع إن أكيد إن شاء الله في بدايل تانية وفي أفكار كويسة ممكن نوصل ليها ..إحنا مش شوية وأفكارنا ممكن يبقى لها تأثير حيوي على الأسعار لو آمنا واعتقدنا فيها بجد

[hamedo0]

والله برافوا عليك ..ماهو دا اللي قولته في أول الموضوع إن أكيد إن شاء الله في بدايل تانية وفي أفكار كويسة ممكن نوصل ليها ..إحنا مش شوية وأفكارنا ممكن يبقى لها تأثير حيوي على الأسعار لو آمنا واعتقدنا فيها بجد

ازاى مش فاهم ايه هي البدايل التانيه

[SEATLOVER]

ازاى مش فاهم ايه هي البدايل التانيه

1-وضع سعر العربية (اللى سعرها مبالغ فية ) فى ترتيب اقل فى ترشيحات الشراء
2-وضع العربية كسر الزيرو احد الخيارات لهذة النوعية ..و بالتالى قتل سعر الزيرو
3-اعادة النظر فى الخليجى اذا توافرت فية شروط خدمة ما بعد البيع
4-اعادة هيكلة التركيبة الثقافية التى تلعب عليها هذة النوعية من عدد احصنة و خلافة الى مفاهيم جديدة فعالة ذى موضوع (العزم ولا القدرة ) اللى كان فاتحة زميلنا HRH_sameh

واخيراً ليس مقصود بهذة الاقتراحات شركة بعينها ..ولكن دة واجبنا نحو ابداء الرأى و المشورى لمن يريدها و يجد فينا الثقة لذلك .

[johnyweb]

ايه بديل للانسر في مستوي الكفائة
حد يقولي ايهما احسن

عربيه بي ام دبليو فئة 3 موديل 99 عاملة 110000
ولا نسر جديدة

[3mr Farrag]

هو طبعا في نسبه في ارتفاع الاسعار....
بس انا شايف ان الموضوع المفروض يكون علي معظم السيارات اللي في السوق مش متسوبيشي بس
شوف مثلا الكورولا الشكل القديم و الياريس غليوا قد ايه
يبقا الموضوع الفروض يكون عليالسوق المصري اللي بيتبع اسلوب الفهلوه في الاسعار...
يعني بدل ما يكون الموديل بقي قديم و المفروض سعره ينزل يروح يعلي ...علشان يعلي الموديل الجديد منه

[Ahmed Anwer]

من الآخر من حق التاجر أن يكسب ما يراه مناسبا ،،

و من حق العميل أن لا يشتري او يشتري ،،

المشكلة الوحيدة في الإحتكار

اقترح لحل هذه المشكلة ،،

اسلوب ظريف متبع في بعض البلاد ،،

نفس الماركة موجودة عند اكثر من توكيل في نفس البلد ،،

يقينا أنا عارف ان هيونداي ليها تلات توكيلات في السعودية ،،

و في المنتديات السعودية ،،

دائما المناقشة اشتري العربية الفلانية من أنه وكيل فيهم ،،

و ده يتوقف علي المواصفات اللي بتختلف من وكيل لآخ و السعر و خدمات ما بعد البيع ،،

و طبعا ده حل قابل للتنفيذ في مصر

في المشمش

فكرة المقاطعة كويسة ،، بس اعتقد غير مجدية ،،

لأن السيارة سلعة معمرة ،،

فبالتالي أي حد بيقولك دي هيه مرة في العمر اللي هاشتري عربية

مش مشكلة ادفع ازيد بس اجيب العربية و الماركة اللي بحبها ،،

[مصراوي جدا]

المشكلة الوحيدة في الإحتكار



،،

فين الاحتكار ده يا استاذ أحمد ، من كام سنة كان ممنوع حد يستورد عربية الا من بلد المنشأ وبالتالي كان لازم الوكيل فقط هو اللي يدخل العربية

انما القانون اتغير منعا للاحتكار واصبح دلوقتي مسموح لأي تاجر صغير (صاحب معرض عادي جدا) يسافر الخليج يجيب في ايده عربيتين ويرجع يبيعهم رغم وجود وكيل للعربية في مصر وده سبب انتشار العربيات الخليجي في مصر ومن جميع الماركات تقريبا

يعني مفيش احتكار

[د.أحمد سمير]

يا إخوتي المسألة لها شقين .. كلي وجزئي ..
على المستوى الكلي : لو ارتفاع أسعار السيارات عام وشامل على كل النوعيات والموديلات أو أغلبها ، ده هيغير تركيبة سوق السيارات نحو الارتفاع .. يعني أي شخص من ملاك لانسر اشتراها من سنة هيبقى سعر إعادة بيعها عال جداً دلوقتي بعد رفع أسعار الجديد ، وبكدة منظومة العرض والطلب هتستقر .. واحنا بصفتنا ملاك سيارات وضعنا مستقر في كل حالة ، فلو انخفض سعر السيارات هتنخفض أسعار سياراتنا المستعملة ، ومع ذلك هامش النسبة المدفوعة لتغيير السيارة للموديل الأحدث هيكون هو هو لو ارتفعت أسعار السيارات الجديدة وبالتالي المستعملة والهامش سيظل كما هو دون تغيير .
المشكلة في من لم يمتلك سيارة بعد ، فرفع أسعار السيارات يخرج شريحة من المستهلكين المتوقعين من السوق ويقلص الطلب ، فإما أن يستقر الطلب المتقلص مع قدرات السوق ومكاسب الوكيل فيظل الارتفاع أو يتناقص الطلب عن الحدود الموضوعة من قبل الوكيل فيكون مضطراً لتقليل السعر لزيادة المبيعات والوصول إلى المكسب المرجو .
وفي هذه الحالة الكلية لا مجال للحديث عن المقاطعة إطلاقاً .

أما على مستوى البعد الجزئي ، وهو جشع وكيل معين في استغلال ارتفاع الطلب على سيارته فقط دون غيرها ، فأمامنا أمران :
الأول : أن يكون هذا الارتفاع في الطلب ناتج عن مقاييس جودة عالية للسيارة ، وبالتالي فمن حقه أن يرفع السعر نظراً لتميز سيارته عن غيرها من المنافسين ، ولا نستطيع أن نحرم وكيلاً محترماً من ن يكسب من سيارته المحترمة .

الثاني : أن يكون الارتفاع في الطلب ناتجاً عن حالة من الاستهواء والتقليد الأعمى ، دون أن يقوم على أسس موضوعية لرفع السعر ، وهنا يأتي دورنا كمنتدى سيارات متخصص لتوعية الناس بالمستوى الحقيقي للسيارة ، ومدى اتساق سعرها مع جودتها ، وتوعية الناس بأفضل موديل وماركة مقابل السعر وخدمات ما بعد البيع .

تقبلوا خالص مودتي وحبي

[وائل عطية]

الثاني : أن يكون الارتفاع في الطلب ناتجاً عن حالة من الاستهواء والتقليد الأعمى ، دون أن يقوم على أسس موضوعية لرفع السعر ، وهنا يأتي دورنا كمنتدى سيارات متخصص لتوعية الناس بالمستوى الحقيقي للسيارة ، ومدى اتساق سعرها مع جودتها ، وتوعية الناس بأفضل موديل وماركة مقابل السعر وخدمات ما بعد البيع .

أنا أميل إلى هذا الطرح، ومن أجله فتحت موضوعي

[Ahmed Anwer]

فين الاحتكار ده يا استاذ أحمد ، من كام سنة كان ممنوع حد يستورد عربية الا من بلد المنشأ وبالتالي كان لازم الوكيل فقط هو اللي يدخل العربية

انما القانون اتغير منعا للاحتكار واصبح دلوقتي مسموح لأي تاجر صغير (صاحب معرض عادي جدا) يسافر الخليج يجيب في ايده عربيتين ويرجع يبيعهم رغم وجود وكيل للعربية في مصر وده سبب انتشار العربيات الخليجي في مصر ومن جميع الماركات تقريبا

يعني مفيش احتكار

ما هوا ده بالنسبة ليا احتكار ،،،

أنا شخصيا استحالة اشتري عربية بدون ضمان مهما كان نوعها ،،

يعني دلوقتي لو اشتريت عربية خليجي ،،

و حصل فيها مشكلة و بعت لشركة ميتسوبيشي الأم ،،

هتقولي اخبط دماغك في الحيط ،،

أنا أقصد وكيل متكامل بكافة الخدمات ،،

[salehgharib]

يجب توضيح الأسعار قبل وبعد الزيادة إن أمكن لتوضيح الصورة كما يجب على الأقل على لانسر القديم

وشكرا

[segsauer]

انا شايف ان الدعوه للمقاطعه عشان تكون منطقيه تبقى دعوه لمقاطعه جميع الوكلاء

[ahmedateya]

طب مش تقولو؟

هية الميتسوبيشي طلعت دنماركي هية كمان :d:d:d:d:d:d