دعوة لمُقاطعة وكيل ميتسوبيشي (وائل عطية)

[وائل عطية]

هية الميتسوبيشي طلعت دنماركي هية كمان :d:d:d:d:d:d

طب احنا قولنا يالا شد حيلك بقى :D:D

هو للأسف الموضوع عرض وطلب ..وبعد متابعتي لأسعار العديد من الماركات لقيت إنهم مايتخيروش عن بعض وكل بيرفع في أسعاره بدون رقابة وكل واحد حر يعمل اللي هو عايزه
يبقى من الآخر مفيش حل والوضع قائم، وللأسف لو حد قريبي بيشتري عربية أكيد ضمن الترشيحات هاقوله على اللانسر برده لأن موضوع الأسعار دا أصبح على الكل..ياراجل دي زجاجة الزيت بقت بـ 12 جنيه

[goldberg_89]

بصراحة عندك حق lance classic 1600داوقتي ب 109.000 بدل 99.000

[goldberg_89]

half sport kant b 105.000 now b 114.000

[medo1970]

السوق عرض وطلب
ويبدو ان توكيل اللانسر وجد طلب لا بأس به على منتجاته من العربيات فقرر زيادة الأسعار طالما ان الطلب شديد على جميع انواع اللانسر وهذه سياسه خاطئه من المفروض ان احدد كام تكلفة السياره ثم اضع هامش الربح وعلى اساس هذا احدد سعر العربية وليس متطلبات السوق
وربنا يوفقنا لما هو ينفعنا

[url=http://www.m5zzn.com/upload/][/url]

ربنا اغفر لي ولوالدي وللمؤمنين يوم يقومالحسابسبحان الله والحمد لله ولا اله الا الله والله اكبرلا حولولا قوه الا بالله

[hani945]

الاسعار فى مصر نار
الأسعار فى السعودية حاجة تانية
افتح جوجل واكتب فى البحث
اسعار السيارات فى السعودية 2008
واتفرج على الاسعار وقولى

[som3aa]

معلش يا جماعة انا لسه شايف الموضوع دا انهرده و احب اعلق عليه (انا عارف انه قديم و لولا رد hani945 مكنتش شفته اساسا.

اولا تحية كبيرة جداااا ليك على الموضوع و انا معاك 1000000% توكيل ميتسوبيشى بالذات اكتر واحد لازم يتقاطع.

التوكيلات نزلت زيادات على أسعارها ... اشمعنى متسوبيشي اللي ها نقاطعها
الكورولا الشكل القديم بكام النهارده؟؟؟
الكيا زودت سعرت السيراتو عشان يكسر 100 الف و الريو ب 84500
هيونداي زودت الماتريكس 2008
والانترا غاليه اصلا

علشان توكيل ميتسوبيشى بيبيع عربية قديمة عنده نزل منها الشكل الجديد بسعر يبدا من 100 الف لل1300 مانيوال بدون كماليات (نزلوه تانى من كام يوم 97) و للعلم العربية دى من مدة كانت قربت من ال 80 الف و كان ناقص يوزعوها فى الجيش ببلاش اما بقية العربيات زادت صحي بس زيادة اقل كتيييير اوى من ميتسوبيشى و كمان ميتسوبيشى نزلت الشكل الجديد اللى هو من جوه قريب اوى من القديم و من بره تصميم مسروق من عربيتين بتبدا من 130 (نزلوها ل127) مانيوال 1500 فاضية.
أما الالنترا فبعد ال5000 جنيه الزيادة لسه ارخص من منافسينها بكتير (اللانسر و الكورولا ).

انا شايف ان الدعوه للمقاطعه عشان تكون منطقيه تبقى دعوه لمقاطعه جميع الوكلاء

لازم الكل يبدا بتوكيل واحد (اضرب المربوطيخاف السايب ) و هتلاقى لو نجحت حملة مقاطعة ميتسوبيشى كل التوكيلات هتنزل تالاسعار علطول

وبرضه في الاخر هتبقى غير منطقيه لان الموضوع عرض وطلب
وطول ما في طلب ........... البائع من حقه ان يحدد السعر

ايوه الكلام دا لو كان الشعب المصرى شعب محترم واعى عارف حقوقه و عارف ازاى يقاطع التوكيلات اللى بتغلى على الفاضى.

ولازلت اراها مشكلة سطحية، يعني الناس خلاص معندهاش مشاكل غير متسوبيشي غلى

انا رايى هى دى السلبية اللى جايبانا لوره مهو لازم يكون فى بداية و لا ايه؟؟؟

العربيات؟؟! طيب هو متسوبيشي لوحدة؟؟
واشمعنى نقاطع متسوبيشي ولية مش هيونداي مثلاً؟

علشان هيونداى زودوا 5000 جنيه ميتسوبيشى زودوا 13000 جنيه على الاقل.

طب يعني الين زاد علي الاتنين دول بس و ما زادش علي الموديلين التانيين ليه ...
من الاخر الموضوع نصب في نصب ولا متاثر بالين و لا بتاع

خد عندك الدليل كل العربيات اللى اسعارها بتعتمد على اليورو زى الاوبل و الفولكس و البيجو و السيتروين مازادتش (ماعدا حاجة بسيطة اوى للبيجو) طيب ليييييه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع ان اليورو اكتر حاجة اتاثرت!!!!!!!

[Ramy.Gamal]

كل التوكيلات غلت الاسعار يعنى هوندا فى 31/5 فى معرض شوفتها ب 155 الف و الكورولا الجنوب افريقى ام عيوب والتوكيل بدل ما يشوف حل لعيب الفيتيس يفضل يغلى كل يوم فى سعر العربيه لحد ما بقت اعلى من اى عربيه يابانى مصنوعه فى اليابان والمازدا اللى غبور مش معترف بيها اصلا. هى التوكيلات اليابانى عرفوا ان السوق المصرى رقم واحد فيه اليابانى زى الخليج وامريكا فبيعملوا اللى على مزاجهم

[ahmed1975]

الاسعار نزلت 7000 جنيه واتأكدوا بنفسكم......من الوكيل طبعا

[banboty]

نأسف على الخروج على الموضوع الاصلي

ممكن نعرف انهى موديلات اسعارها اللى نزلت ؟؟

[banboty]

تم التوصل للموضوع الخاص بتخفيض الاسعار للمهندس طارق

شكرا

[ahmedae]

اسمحوا لي بالمشاركة المتواضعة في موضوع الاسعار دي , حاجة غريبة جدا ان العربية دي تحديدا سعرها متغير بصورة كبيرة , لدرجة ان في واحد صحبي اشتري عربية 1300 اتوماتيك ب 90 الف وبعد ما اشتراها بأقل من شهر زادت 8 الاف جنية , وانا شخصيا كنت بفكر اشتري 1600 اتوماتيك ولما دخلت علي النت اشوف السعر لقيتها غليت 11 الف جنية , والاعجب ان في نفس اليوم باليل لما دخلت تاني علي النت اتأكد من السعر لقيتها غليت 3 الف تاني لحد ما وصلت ل 115 الف.

ممكن حد يفهمني دي يبقي ايه؟

ايه هيا المواصفات الوهمية اللي تخلي توكيل اي عربية يعمل كدة
علي العموم انا بطلت اتعجب من اي حاجة في البلد دي لان اي حاجة ممكنة فيها

شكرا واسف علي الاطالة

[ahmed1975]

كل الكلاسيك 1300 و 1600 نزلت ما بين 6000 : 7000 ج واسألوا التوكيل على فكره مصري وخليجي الاثنين نزلوا.......هيصوا بأه...وان كان ده سعر قديم وكان موجود قبل كده واقل كمان مثلا 1300 خليجي 89000

[Bubbles]

كل الكلاسيك 1300 و 1600 نزلت ما بين 6000 : 7000 ج واسألوا التوكيل على فكره مصري وخليجي الاثنين نزلوا.......هيصوا بأه...وان كان ده سعر قديم وكان موجود قبل كده واقل كمان مثلا 1300 خليجي 89000

عند حضرتك فكره عن سعر الأتوماتيك 1300 خليجي بدون ضمان و صل كام؟؟
شكرا

[OldVic]

علشان توكيل ميتسوبيشى بيبيع عربية قديمة عنده نزل منها الشكل الجديد بسعر يبدا من 100 الف لل1300 مانيوال بدون كماليات (نزلوه تانى من كام يوم 97) ...و كمان ميتسوبيشى نزلت الشكل الجديد اللى هو من جوه قريب اوى من القديم و من بره تصميم مسروق من عربيتين بتبدا من 130 (نزلوها ل127) مانيوال 1500 فاضية.
...و السيتروين مازادتش

مساء الخير،

أريد أن أعلق على ما جاء بعاليه، اللانسر الشكل القديم ليست بدعة أتى بها الرواس، فهى مازالت موجودة بجانب الشكل الجديد فى أسواق أكبر من مصر بكثير، ففى المملكة المتحدة يباع الشكلين تحت اسم Lancer and New Lancer و فارق السعر بينهم حوالى 4000 استرلينى أو أكثر! فبالفعل شركة ميتشوبيشى رفعت سعر هذا الموديل و ليس الوكيل.

أيضا، تقول ان سيتروين أسعارها لم تزيد، ألم تزيد السى ثرى 20 ألف مرة واحدة؟

[noon_eg]

على فكره ياجماعه السيارات هنا فى الامارات غليت برده وبالذات متسوبيشي وتويوتا وبيقولوا برده موضوع الين ده
مش عارف ان كان الكلام ده صح ولا لا
بس نسبة التضخم هنا فظيعه جدا يعنى كل خمس دقايق الحاجة بتغلي

ضحكتنى يا راجل

لما الامارات التضخم فيها فظيع والحاجه بتغلى كل 5 دقائق امال مصر تبقى ايه !!