ملاحظاتي عن الشارك اللي اتظلمت بجد من الكل

[tigernet]

انا بحترم الشارك جدا بس انا حاسس ان صوت الماتور بتاعها فى الطلعة غريب شوية

[bassem_sams]

بالنسبه لأصحاب سيارة شارك كنت عايز اتأكد منهم على كام حاجه شغلين بالى

1-كان فى شارك كامله توكيل منزلين نظام عازل صوت هل جربتوة و فعلا فعال و لا لأ ن ناس كتيرة بتقولى صوتها عالى ففكرت لو جبت كامله هتختلف

2-جسم عربيه و اكصدامات ورق و لا قويه يعنى تستحمل و لا من اقل تريحه على اكصدام يفرق

3-انا قرأت و عايز ملاكها يأكدولى معلومه دى ان لما عربيه ماشيه على كوبرى 6 اكتوبر مثلا بسرعه و تعدى على مفصل تحس انها عامت حاجه بسيطه او ثباتها قل هل ده صحيح ام لا

4-بالنسبه لكراسى و عفشه عربيه هل مريحه فى قياده مسافه طويله او فى زحمه

5-موضوع الusb هل موجود او له حل لتشغيل فلاشه

6-طبعا انا قرأت هنا انها مبتحكش و هى محمله و دى كانت مقلقانى فشكرا انى اتأكدت منها

7-هل كامله فيها حساس ركن و طى مرايا بكهرباء و مرايا تعتيم

8-الأستبن جنط 16 زى اللى متركب و لا ايه و اخبار جنط 16 معاكم ايه فى شوارع مكسرة او مطبات حلو و لا 15 افضل

فى انتظاركم لأنى محتار مابينها و بين كورولا بسانا مايل ليها اكتر فعايز اتأكد من نقط دى علشان اقدر احدد

انا و لا هقول انا زعلان او مضايق لكنى مش هيأس و متأكد ان فى حد منكم هيفيدنى و يساعدنى على اسئلتى و هصبر و استناكم :)

[kholio]

بالنسبه لأصحاب سيارة شارك كنت عايز اتأكد منهم على كام حاجه شغلين بالى

1-كان فى شارك كامله توكيل منزلين نظام عازل صوت هل جربتوة و فعلا فعال و لا لأ ن ناس كتيرة بتقولى صوتها عالى ففكرت لو جبت كامله هتختلف

2-جسم عربيه و اكصدامات ورق و لا قويه يعنى تستحمل و لا من اقل تريحه على اكصدام يفرق

3-انا قرأت و عايز ملاكها يأكدولى معلومه دى ان لما عربيه ماشيه على كوبرى 6 اكتوبر مثلا بسرعه و تعدى على مفصل تحس انها عامت حاجه بسيطه او ثباتها قل هل ده صحيح ام لا

4-بالنسبه لكراسى و عفشه عربيه هل مريحه فى قياده مسافه طويله او فى زحمه

5-موضوع الusb هل موجود او له حل لتشغيل فلاشه

6-طبعا انا قرأت هنا انها مبتحكش و هى محمله و دى كانت مقلقانى فشكرا انى اتأكدت منها

7-هل كامله فيها حساس ركن و طى مرايا بكهرباء و مرايا تعتيم

8-الأستبن جنط 16 زى اللى متركب و لا ايه و اخبار جنط 16 معاكم ايه فى شوارع مكسرة او مطبات حلو و لا 15 افضل

فى انتظاركم لأنى محتار مابينها و بين كورولا بسانا مايل ليها اكتر فعايز اتأكد من نقط دى علشان اقدر احدد

1-انا معايا الشارك الكويتي وفيها عازل تحت ٣ ار بي ام صوتها غير مسموع فوق ٣ ار بي ام صوت الموتور مسموع لكن جميل جدا و رياضي
2-جسمها زي الجديد كله واكصداماتها قوية وبتستحمل الخبطات وبتاخد وتدي
3-العربية تابتة جدا ومبتعومش مهما كانت سرعتك وحتي لو على كوبري وفي مفصلات مبتعومش في الملفات
4-كراسيها مريحة جدا وصالونها يعتبر من اوسع الصالونات في الفئة دي اما عفشتها مع الوقت بتنعم وتبقى مريحة وفي نفس الوقت مدية ثبات عالي جدا ففعلا نظام التعليق في الشارك معمول بعبقرية ومحقق معادلة صعبة جدا
الراحة و الثبات العالى والارتفاع في نفس الوقت
5-مفيهاش يو اس بي لكن فيها سي دس تشانجر ٦ سيديهات ام بي ثري ووصلة اوكس
6-فعلا الشارك عالية جدا ومبتحكش في المطبات كلامك مضبوط
7-ببيقى في الشارك الكويتي زينون وصب ووفر و حساسات نور ومطر و تعتيم ذاتي للمرايا لاكن مفيهاش حساسات ركن و لا مرايات ضم
8-الاستبن ١٦ لاكن مش جنط سبور بيبقى عادي بنسبة للجنط ال ١٦ ممتاز جدا للمشي في الشوارع المكسرة وعموما اللانسر شارك مبتنزلش بجنوط 15 خالص واصغر مقاس اوريجينال نازلة بيه ال 15
انا في رأيي اتوكل على الله واشتري الشارك مادامت عجباك وانا زمان في سنة ٢٠٠٨ اتحطيت في المقارنة بين الشارك والكورولا والسيفيك واخترت الشارك لانها من رايي احسنهم تقريبا في كل شيء

[kholio]

بالنسبة للنقطة الثامنة اصغر مقاس جنوط اوريجينال نزلت بيه الشارك 16 مش 15اسف انا غلطت في الكتابة

[bassem_sams]

هههههههههههههههه و الله انا فرحان جدا رينا يكرمك انك ردت عليا و اجابتك وافيه

انا بشكرك kholio على افادتك واضحه و كامله

سؤال اخير ايه اللى مضايقك فيها و كنت تتمنى انه يكون موجود

[ma7oo]

انا معايا شارك 2009 هاى لاين وبتفق مع خوليو فى كل اللى قاله وفعلا انا كنت خايف منها ومن كلام الناس عليها ابل مجيبها ولما جبتها عرفت انها اكتر عربية اتظلمت فى تاريخ مصر بجد....وكان ليا ليك سؤال للاخ خوليو بما انك ليك خبرة يعنى انا عندى حتة كده مقشرة فى السبويلر خرجت من المشحمة لقتها منه لله اللى عملها بقعه كده البوهيه واقعه من عليها عاوز اعالجها اعرف رقم اللون منين هى لونها نبيتى ياريت لو تعرف تجبلى رقم اللون؟

[dramir1]

انا رايي ان العربيه دي ممتازه ناقصها مثبت سرعه وعزل افضل لصوت الموتور

[kholio]

هههههههههههههههه و الله انا فرحان جدا رينا يكرمك انك ردت عليا و اجابتك وافيه

انا بشكرك kholio على افادتك واضحه و كامله

سؤال اخير ايه اللى مضايقك فيها و كنت تتمنى انه يكون موجود

انا الحمد لله مش شايف فيها اي حاجة ناقصة ولو على حاجة كنت احب انها تكون فيها جي بي اس وبالنسبة لمثبت السرعة مش هحتاجه في مصر اصلا علشان مفيش طرق هنا تساعد على استعماله

[kholio]

انا معايا شارك 2009 هاى لاين وبتفق مع خوليو فى كل اللى قاله وفعلا انا كنت خايف منها ومن كلام الناس عليها ابل مجيبها ولما جبتها عرفت انها اكتر عربية اتظلمت فى تاريخ مصر بجد....وكان ليا ليك سؤال للاخ خوليو بما انك ليك خبرة يعنى انا عندى حتة كده مقشرة فى السبويلر خرجت من المشحمة لقتها منه لله اللى عملها بقعه كده البوهيه واقعه من عليها عاوز اعالجها اعرف رقم اللون منين هى لونها نبيتى ياريت لو تعرف تجبلى رقم اللون؟

حضرتك بتعرف كود الدهان من على شاسيه العربية في حتة حديد كدة في شاسيه بيبقى عليها الكود بتاع الدهان بس انا رأيي لو مش باينة اوي البقعة دي سبها ومترشهاش

[M.Akef]

الشارك عربيه قمه في الاحترام و الجمال لا يعيبها الا التسارع البطئ فقد و كلام التجار الي بيبوظو الدنيا ديما
ربنا يبارك لك فيها يا مان و يديك خرها و يكفيك شرها

[Xander2010_Evo]

الـ speed sensitive power steering دى device بتبقى integrated فى الباور الكهرباء, وبتاخد معلوماتها من عداد السرعة عشان تقدر كمية الـassistance اللازمة للدركسيون حسب السرعة
دى موجودة من زمان فى عربيات كتيييييييييير (باور كهرباء) زى البونتو الـ بـ 70 ألف..!!!

هههههههه أومال أنا مش حاسس بيها ولا مش عندي ليييييييييه؟؟؟
أنا معايا بوما 1600 2007

[bassem_sams]

هههههههه أومال أنا مش حاسس بيها ولا مش عندي ليييييييييه؟؟؟
أنا معايا بوما 1600 2007

هههههههههههههههههههههههههههه
بص على حسب فهمى لانسر بومه1300 او 1600 باور هيدروليك
انما باور كهرباء لانسر شارك 1500 سىسى

[Formulator]

هههههههههههههههههههههههههههه
بص على حسب فهمى لانسر بومه1300 او 1600 باور هيدروليك
انما باور كهرباء لانسر شارك 1500 سىسى

أنا برضه أعتقد كده... ممكن الـ لانسراويه يصححولنا...!
الباور الهيدروليك بيتقل برده مع السرعة ... بس أعتقد بيفصل مرة واحدة (عند سرعة معينة)
الباور الكهرباء بيبقى more controllable يعنى بيقل تدريجيا مع السرعة.. وفى الآخر بيفصل برده...!!! (الهيدروليك مفيهوش التحكم ده)
والله أعلم...

[bero0o0o0]

انا الحمد لله مش شايف فيها اي حاجة ناقصة ولو على حاجة كنت احب انها تكون فيها جي بي اس وبالنسبة لمثبت السرعة مش هحتاجه في مصر اصلا علشان مفيش طرق هنا تساعد على استعماله

بصراحة انا بحب الشارك اكتر من عربيات كتير احيانا بتبقى اعلى منها في الفئة
بس بجد يعني
ماكانش نفس حضرتك يكون سحبها اعلى من كده شوية
الحاجة الوحيدة اللي مخوفاني منها الموتور

[kholio]

بصراحة انا بحب الشارك اكتر من عربيات كتير احيانا بتبقى اعلى منها في الفئة
بس بجد يعني
ماكانش نفس حضرتك يكون سحبها اعلى من كده شوية
الحاجة الوحيدة اللي مخوفاني منها الموتور

العربية دي جريها مرعب لو فايقة وموتورها مفتح محدش هيلحقك الا السيفيك و بصعوبة كمان
يا باشا الشارك موتورها قوي جدا جدا جدا قبل المية قوي مش ضعيف خالص بعد المية قوي جدا جدا جدا وبتوصل 220 عادي جدا
فلو موقفك عن شراها موتورها انا بقولك موتورها جبار وتوكل على الله واشتريها ومش هتندم