يا ترى الكلام الي بيتقال عن الشارك ده صح ولا لا..

[sey3a]

شباب ازيكم يارب تكونوا كويسين

حابب استفسر منكم لانكم ما شاء الله احسن مني وفاهمين ومجربين
وعرفين العيوب والمميزات للشارك عن تجربه

انا جهزت الفلوس تقريبا 105 الف وبفكر اشتري القرش او الشارك

بس انا سمعت ان عيوبها كتير وفي كتير فضلوا يحذروني وقوللولي انت كدا بتربي فلوسك في عربيه
متسواش مع اني والله حابب شكل العربيه اووي والاوبشن الي فيها بس كلام الناس
وبيقولوا انهم عارفين خباياها طبعا انا كنت بسئل الناس الي مثلا بتوع المعارض وبتوع مغاسل العربيات لانهم بيركبوا كل العربيات دي وفاهمين بس طبعا انتوا عندكوا خبره ومش ليكوا منفعه فحبيت اسئلكوا اشتري ولا لا
ياريت تنصحوني لاني محتار جدا

[mimohsen]

انا معايا شارك من يناير 2008 ولحد دلوقت مفيش اي عيب ظهر والحمدلله

في الاول العفشه كانت ناشفه ومضايقاني وبعد كام الف بقت تمام
الثبات على طريق السفر ... السرعه 180 كم وزي الفل
صالون واسع وتابلوه جميل
شكل خارجي دي اذواق واكيد عجبني
الصيانه في اوقاتها العاديه والحمدلله مفيش حاجه اتغيرت قبل معادها وانا عامل 93 الف كم
مش عارف اقول ايه تاني ... بس العيب الوحيد من وجهة نظري ضعف الاكصدامات ... ممكن كمان سحب العربيه ضعيف لحد سرعة 70 كم تقريبا بعد كده بتشد جامد وانا عربيتي اوتوماتيك

لو رجع بيا الوقت برضه هاشتريها

ياريت تقولنا ايه العيوب اللي الناس قالوهالك ... خلي بالك السوق المصري مالوش معايير وكله بيفتي من غير ما يجرب

[bogy123]

... خلي بالك السوق المصري مالوش معايير وكله بيفتي من غير ما يجرب

+1111111111111111111111111111111

[kholio]

شباب ازيكم يارب تكونوا كويسين

حابب استفسر منكم لانكم ما شاء الله احسن مني وفاهمين ومجربين
وعرفين العيوب والمميزات للشارك عن تجربه

انا جهزت الفلوس تقريبا 105 الف وبفكر اشتري القرش او الشارك

بس انا سمعت ان عيوبها كتير وفي كتير فضلوا يحذروني وقوللولي انت كدا بتربي فلوسك في عربيه
متسواش مع اني والله حابب شكل العربيه اووي والاوبشن الي فيها بس كلام الناس
وبيقولوا انهم عارفين خباياها طبعا انا كنت بسئل الناس الي مثلا بتوع المعارض وبتوع مغاسل العربيات لانهم بيركبوا كل العربيات دي وفاهمين بس طبعا انتوا عندكوا خبره ومش ليكوا منفعه فحبيت اسئلكوا اشتري ولا لا
ياريت تنصحوني لاني محتار جدا

انا يا باشا معايا الشارك عربية ممتازة في كل شيء ومعايا من 2008 ولله الحمد عربية خالية من العيوب تماما ووالله العظيم انا من يوم ما جبتها كيك داونات وجري بافترى و مغيرتلهاش فلتر الزيت بتاعها اللي جاية بيه الا بعد 30000 كيلو
يا باشا اللي بيتكلم عن الشارك وبيقولك عربية متسواش فلوسها ده مش مجربهاش ده مركبهاش اساسا لان اللي ركب العربية دي بس من غير مايسوقها احترمها

[freeman207]

شباب ازيكم يارب تكونوا كويسين

حابب استفسر منكم لانكم ما شاء الله احسن مني وفاهمين ومجربين
وعرفين العيوب والمميزات للشارك عن تجربه

انا جهزت الفلوس تقريبا 105 الف وبفكر اشتري القرش او الشارك

بس انا سمعت ان عيوبها كتير وفي كتير فضلوا يحذروني وقوللولي انت كدا بتربي فلوسك في عربيه
متسواش مع اني والله حابب شكل العربيه اووي والاوبشن الي فيها بس كلام الناس
وبيقولوا انهم عارفين خباياها طبعا انا كنت بسئل الناس الي مثلا بتوع المعارض وبتوع مغاسل العربيات لانهم بيركبوا كل العربيات دي وفاهمين بس طبعا انتوا عندكوا خبره ومش ليكوا منفعه فحبيت اسئلكوا اشتري ولا لا
ياريت تنصحوني لاني محتار جدا

.

اقسم بالله انا فى نفس حيرتك بالظبط انا اصلا معايا نيو اكسنت 2008 مانيوال ماشية 38000 بس وعايز اغيرها واجيب اتوماتك لانسر شارك الكاملة فتحة سقف اللى هيا الكاملة والناس مخوفانى منها برضه مع انى هموت عليا بجد ياريت باقى الاعضاء يقولونا كل الاراء بتاعتهم لوجه الله

[islam_audi]

انا طول عمري بكره العربيه دي من الكلام اللي بسمعوا عنها و للأسف من ناس ماركبوهاش بس ركبتها مره عجبتني جدا و كل اللي راكبنها بيشكروا فيها بس هي سعرها كام دلوقتي الكامله فتحة سقف انا عارف انها خليجى بس

[ramy01011]

العريية عيبها الوحيد صوت الماتور عالي شوية و سحبتها بطيئة في الطلعة بس لاكن بعد كدة طيارة غير كدة العربية ما فيهاش غلطة لو حضرتك هتستحمل العيبين طول و انا شايفهم عن نفسي عادي يبقي توكل علي الله و هاتها

[MASERATI]

السلام عليكم و رحمة الله و بركاته

طاب, أنا كان ليا سؤال يا باشوات بعد اذنكم:

هى الشارك أحسن و لا الmazda 3 ؟؟؟؟

شكرا و جزاكم الله كل خير

[Ralliart]

متسألش حد غير لما يكون مالك للعربية لان اغلبية الناس بيفتو عن طريق الاشاعات

[ma7oo]

ياباشا انا معايا شارك 2009 هاى لاين والله الناس متعرفش قيمة العربية دى وكله بيفتى وخلاص ......العربية دى مفيهاش عيب بجد هى العفشة ناشفه شوية وكل مدى بتنعم وبتتحسن ....السحب انا شايفه حلو جدا ومش حاسس انه بطي ولا حاجة .....بجد والله توكل على اللع عمرك ماهتندم و متسمعش كلام حد انا كنت زيك كده وكله كان بىؤلى سيراتو والحمدلله انى مجبتهاش وهى عربية حلوة برضه مش قصدى حاجةهههههههههه

[alzelafy]

بص يا باشا انا طول عمرى ما بحترمش اللانسر مع ان كان معايا كريستاله و بعتها بس بعترف ان افضل عربيه يابانى فى السوق هى القرش و دى اول لانسر تثبت وجودها بجد و اركبها عن التويوتا و المازدا بجد بحترمها جدا جدا جدا جدا و عموما الشعب المصرى كدة اول ما الموديل بينزل بيخافو منو و بقولو عليه مليان مشاكل و قطع غيار غاليه و خلافه من اول الكريستاله قعدو بقولو واطيه على الارض و قطع غيارها غاليه و حققت بعد كدة اعلى نيبه مبيعات و تداول فى السوق بعد كدة البومه قالو انجكشن و الميتسوبيشى ملهاش فى الانجكشن و النهاردة اعلى نسبه تداول كذلك القرش هتكون نمرة 1 فى مصر كمان سنه .... بص هى الناس خايفه منها بس عشان هى شكلها بخض زى القرش .... و معظم اللى قالك وحشه مركبهاش اصلا ..... يكفيك من الجهل انهم بيقارنوها بالشئ اللى اسمو سيراتو

[szaalouk]

شوف يا سيدي... انا شخصيا راكب لانسر بومه و اخويا راكب قرش من حوالي سنه و العربيه بسم الله ماشاء الله
تحفه في كل شيء ..... وسع و ثبات خرافي
هي زي باقي الأخوه ما قالو عيبها بس ان صوتها عالي شويه و سحبها في الأول مش قد كده لكن
غير كده فتوكل علي الله و اشتريها و الف مبروك مقدما .

[VTC]

اتوكل على الله وسيبك من الفتايين , عربيه مفيهاش غلطه

انا معايا من سنه ونص تقريبا وماشيه 19 الف وميه ميه

بس لو هتفكر فيها يبقى تاخد الفل اوبش

[sey3a]

بجد مش عارف اقولكم ايه بجد شكرا شكرا انتوا قويتوا قلبي وخلتوا حديد طيب ليه استفسار تاني معلش وانا اسف
انا اخويه قاعد في قطر الدوحه - هو قالي انا ممكن ابعتها من هناك محدش يعرف يقولي هيا الجمارك بتاخد كام
او النسبه بتتحسب ازاي وهتكلفني كام لو جبتها من بره والف شكر مره تانيه

[asorour]

بجد مش عارف اقولكم ايه بجد شكرا شكرا انتوا قويتوا قلبي وخلتوا حديد طيب ليه استفسار تاني معلش وانا اسف
انا اخويه قاعد في قطر الدوحه - هو قالي انا ممكن ابعتها من هناك محدش يعرف يقولي هيا الجمارك بتاخد كام
او النسبه بتتحسب ازاي وهتكلفني كام لو جبتها من بره والف شكر مره تانيه

The one which in Qatar is 2000 cc There is no way you can get 1500 cc, i was trying with the agency here but i couldn't get one