يا ترى الكلام الي بيتقال عن الشارك ده صح ولا لا..

[kholio]

بجد مش عارف اقولكم ايه بجد شكرا شكرا انتوا قويتوا قلبي وخلتوا حديد طيب ليه استفسار تاني معلش وانا اسف
انا اخويه قاعد في قطر الدوحه - هو قالي انا ممكن ابعتها من هناك محدش يعرف يقولي هيا الجمارك بتاخد كام
او النسبه بتتحسب ازاي وهتكلفني كام لو جبتها من بره والف شكر مره تانيه

بالنسبة للشارك 1500 سي سي موديل 2011 جمركها 70000 جنيه وده انشاء الله كلام اكيد
سعر الجمرك ده عرفته من الأسئلة الجمركية اللي في جرنال الاهرام ملحق الجمعة

[sey3a]

بالنسبة للشارك 1500 سي سي موديل 2011 جمركها 70000 جنيه وده ان شاء الله كلام اكيد
سعر الجمرك ده عرفته من الأسئلة الجمركية اللي في جرنال الاهرام ملحق الجمعة

مش عارف اقولك ايه اخويه خوليوا بس انت كدا تنصحني اشتري من هنا ولا اجيب من هناك وبجد متشكر

[sayed911]

انا نصحتي خليك مع الي هنا لأني شفتها من كذى حتة هنا بذات الخليجي الكويتي والزينون الإستاندرد ده وهمي فيها ... + الانسر الكملة بتنزل في دول الخليج 2000 سي سي صعب جدا جمركها ها يبقى حاجة غريبة ورقم كبير جدا فأنا رأيي خليك هنا ومع الناس افضلك بكتير ..

[koke_lancer]

انا عندى كرستالة و والدى معاه بومة و ركبت الشارك مع اصحابى كتير
اقسم بالله انها فعلا تحفة و سيارة عملية جدا من وجهة نظرى ان قطع غيارها غالية حبتين
انا لو معايا فلوس اجيبها
بس المشكلة انى محتاج تمنها كلوا لانى لا يمكن ابيع كرستالتى الى معايا من على الزيرو و شافت احلى ايام العمر

[Hossambecks]

السلام عليكم
انا معايا لانسر شارك ex موديل 2009, و جبتها زيرو في شهر ديسمبر 2010
هي عامله معايا دلوقتي 6000 كيلومتر
و كان معايا قبلها لانسر بومه 2007 , 1300cc
يا جماعه الفرق كبير قوي , و تكنولوجيا الموتور ممتازه من حيث التسارع و عدم الآحساس بنقل الغيارات
اما بالنسبه للكيك داون, بجد حدث ولا حرج, ما شاء الله عليها قوه رهيبه
ناهيك عن الشكل و الثبات العالي جدا بالرغم من ارتفاعه الكبير عن الأرض مقارنة بالشكل اللي قبليها ( بومه )
يجماعه بالنسبه للصوت العالي في الأول دا نتيجة علبة الشكمان الأخير اللي في الديل و اللي معاه لانسر بومه هيفهم الفرق دا كويس
العلبه القديمه كانت بتحكم الموتور في قوته
لكن مع الشارك الفرق كبير جدا
فعلا العربيه ثابته جدا لحد 170 او 180 بعد كده تقلق شويه
اما البنزين فهي اوفر من البومه 1300 رغم انها 1500 و دا نتيجة التكنولوجيا الجديده للموتور
انا فعلا بنصح اي حد بيها لأنها مقارنة بإمكانياتها و التكنولوجيا اللي فيها سعرها ممتاز سواء المانيوال او الكامله

[BassamHafez]

يا جماعه حد شاف الاعلان بتاع تصفيه الانسر شارك من الوكيل القديم

العربيه اعلى فئه ب 128 الف موديل 2009

http://www.nilemotors.net/Nile/203860-2009.html

هل السعر ده كتير ولا كويس

وهل في امكانيه نكلم مهندس طارق زويل ينزل فيها شويه

مستني ارائكم

[BassamHafez]

سؤال كمان

يا ترى الكنبه الورانيه واسعه ولا ضيقه

يعني زي النيسان تيدا كده ولا ايه

[Hossambecks]

سؤال كمان

يا ترى الكنبه الورانيه واسعه ولا ضيقه

يعني زي النيسان تيدا كده ولا ايه

انا ركبت التيدا و معايا شارك
الشارك اوسع و اعرض بفرق واضح

[BassamHafez]

انا ركبت التيدا و معايا شارك
الشارك اوسع و اعرض بفرق واضح

طب والسعر المطلوب فيها كويس ولا كتير

[Hossambecks]

طب والسعر المطلوب فيها كويس ولا كتير

شوف يا بسام
انا جبتها في ديسمبر اللي فات و هي EX
اوتوماتيك, باور, تكيف كيماترونيك, زجاج , مرايات , جنوط 16 , ABS + EBD, CD Radio, بس الطاره عاديه مش مالتي
كانت عامله 115 الف
بيتهايالي انها اقل شويه دلوقتي , و سمعت ان في تخفيضات من الرواس على موديلات 2009
بس خلي بالك انا لما جبتها كانت 2009 و كانت زيرو علشان مفيش زيرو 2010
بس سمعت انها هتنزل تاني بنفس الشكل و الكماليات و نفس الموتور في يوليو اللي جاي انشاء الله

[BassamHafez]

انا ركبت التيدا و معايا شارك
الشارك اوسع و اعرض بفرق واضح

على فكرة انا معايا تيدا حاليا وروحت اتفرجت على الشارك عند سمير ريان

الشارك اعرض من التيدا بس الكنيه اللي ورا اضيق بكتير من التيدا

[freeman207]

على فكرة انا معايا تيدا حاليا وروحت اتفرجت على الشارك عند سمير ريان

الشارك اعرض من التيدا بس الكنيه اللي ورا اضيق بكتير من التيدا

طيب معندوش الخليجى الكويتى اللى فيها زينون يااستاذ باسم

[BassamHafez]

طيب معندوش الخليجى الكويتى اللى فيها زينون يااستاذ باسم

انا بصراحه ما سالتوش بس اكيد لو كانت عنده كان هايقولي لاني لم ابدي اعجابي بسيارة الوكيل وسعرها

فاكيد كان هايقوللي انا عندي الخليجي وبسعر تاني مثلا

وعلى فكرة سيارة الوكيل كانت 2009

[fineart607]

الصراحة انا مش معى بس بحترمها جدا العربيه دى وفعلا هى مميزه
بس الى اعرفه انها قربت تنزل تابعة لشركة بروتون بس والله هى عربيه ممتازه من وجهة نظرى وليس عن تجربه
اما بالنسبة للمازدا3 دى حلمى ان شاء الله وبحبها جداجدا
واستخير وتوكل على الله وهات الى نفسك فيه

[hossamsmsm]

طيب يا جماعه مفيش حد ابن حلال بيبيع واحده بنت حلال لاخوكم ابن الحلال بسعر ابن حلال ؟؟؟؟؟
على فكرة انا جاد جدا فى الشرااااء