يا ترى الكلام الي بيتقال عن الشارك ده صح ولا لا..

[mohamed_mohsen]

الله يبارك فيك
و انا اخترتها بصراحه بعد عناء و مقارنه بين المازدا 3 البيزك و السيراتو الهاي لاين جنط 16
ده غير انها احلي من كل اللي قلتهم
علي بركة الله
و ربنا يقدم اللي فيه الخير
و الف شكر علي مساعدتك و اهتمامك
تقبل تحياتي,,,,

[Hossambecks]

ياباشا
ربنا يباركلك فيها و يكفيك شرها
و متنساش تخدنا لفه

و اي حاجه محتاجه قولي على طول

تحياتي :)

[mohamed_mohsen]

ربنا يخليك يا باشا
و الف شكر لدعوتك الحلوه
و هي بس استلمها و هديهالك تلف بيها زي مانت عايز :)

[freeman207]

ربنا يخليك يا باشا
و الف شكر لدعوتك الحلوه
و هي بس استلمها و هديهالك تلف بيها زي مانت عايز :)

الف الف مبرووووووك ربنا يديك خيرها ويكفيك شرها طبعا بعد اذنك جبتها بكام ولونها ايه واى فئة وليه حجزتها بس انا بسمع ان الاستلام فورى وشكرا على الاجابة مقدما

[mohamed_mohsen]

الله يبارك فيك يا سيدي
انا هجيبها قسط بس كاش ب127 الف و نص من عند سمير ريان (هاي لاين) و ب128 من عند الرواس
الألوان الموجوده تركواز و فضي (عربيه واحده بس عند الوكيل) و ذهبي و2 كحلي (واحده عند ريان و التانيه في التوكيل)
هو انت ممكن تستلم فوري فعلاً بس لو دفعت كاش
لكن عشان تقسيط و استعلام البنك و كده فهستلم علي آخر الأسبوع إن شاء الله
انا كان نفسي في النبيتي بس مالاقيتوش
و الكحلي لونها بيج من جوه و معجبتنيش و مش مناسب لمصر (هيتبهدل من التراب بسرعه)
لكن الألوان الفاتحه من جوه سوده و شكلها اشيك في رأيي
و هجيبها دهبي إن شاء الله

[ma7oo]

بجد اختىار موفق جدااااااااااااااااا احسن من كل اللى قلتهم .....انامعاىا هاى لاين نبيتى وده احلى لون فيها بس بجد نصيحة منى الفضى ملوش حل بجد احسن من الدهبى بكتييييييييييييير هتزهق منه بسرعة .........الف مبروووووووك و كويس انك لحقتها لانها خلالالالالالالالالالالالالالالالالالاص بححححححححححححححححح واهلا بيك معانا ياشاركاوى

[mohamed_mohsen]

ربنا يخليك يا باشا
المشكله إني معايا already فيرنا لونها فضي و هبيعها
ففاكس بقي لون فضي تاني :)

[basemsaeed]

استاذ medoakef و استاذ kholio و استاذ ma7oo ممكن معلش يا جماعة تهدوا شوية
يا جماعة خافوا على نفسكو و على اهليكو بالجري اللي انتو بتجروه ده
بجد خافوا على نفسكو بجد
يا جماعة بش مهم مين طلع من مين ولا غيره,,المهم انتو كابني ادمين
حياتكو انتو اهم يا جماعة
و بعدين احنا هنا اخوات و بنفيد بعض و بش جيين نقول مين سبق مين و مين طلع من مين ولا جيين نشد مع بعض سواء بالكلام او غيره
بجد خليكو اعقل من كده,,انتو ما شاء الله عليكو,,كلكو ناس محترمة و بنت ناس

و تقبلوا مروري

[basemsaeed]

استاذ mohamed_mohsen الف الف مبروك على العربية مقدما
و ان شاء الله تستلمها على خير و ربنا يديك خيرها و يكفيك شرها
معلش عندي استفسار صغير بخصوص اعداد العربيات الهاي لاين اللي موجودة عند التوكيل او سمير ريان
ياريت بعض اذن حضرتك توضحها شوية عشان ان شاء الله ناوي على العربية دي و عاوز اعرف حلاقي منها الهاي لاين ولا لا و هل برده حلاقي لون كويس ولا لا؟؟؟؟

و تقبل مروري

[basemsaeed]

بص ياباشا

قطع الغيار بجد غاليه زياده عن اللزوم

لكن, تسارع العربيه بجد فوق الممتاز, الموتور الجديد MIVEC , هحاول اجيبلك لينك علشان تقرا عن قدرته

اما البنزين فدا يعتمد على طريقة سواقتك و التكيف و مقاومة الهوا , قصدي ان ليه عوامل كتير

بس المتوسط معايا 300 : 320 KM في الصفيحه من غير تاكييف

انا لما كنت بشتري كنت بفكر في الشارك و السيراتو و المازدا

بس السيراتو خرجت من دماغي بسبب العفشه و ال Gear Box بتاعها مش مناسب قوة الموتور
بس اسمع ان الفتيس الجديد اداؤ احسن
المازدا جميله بس أغلب قطع غيار الحاجات الأساسيه في السما, و اعادة بعها سيء جدا

انا اذا رجع بيا الزمن تاني هجيب شارك باردو

تحياتي

استاذ حسام,,كيف حالك يا فندم؟؟؟

انا مستني من حضرتك اللينك الخاص بالماتور,,لاني مشتاق اني اقرأ عنه و عن قدراته

بالنسبة لنقطة استهلاك حضرتك ما بين 300 ال 320 km في الصفيحة,,هل ده جوه البلد ولا على طريق سريع؟؟؟
و ياريت توضيح اكتر للاستهلاك جوه البلد بالتكييف و من غير و برده على طريق سريع بالتكييف و من غيره؟؟؟؟؟

و حضرتك عامل كام كيلو دلوقتي؟؟؟و ايه الحاجات اللي اتغيرت في التوكيل في الصيانات اللي حضرتك مريت بيها؟؟؟؟

و تقبل مروري

[mohamed_mohsen]

الله يبارك فيك يا باشا
بص يا سيدي
الهاي لاين اللي شفته حالياً
فضي (اللي عند الوكيل)
2 كحلي (شفت واحده عند معرض الرواس اللي في رمسيس و التانيه عند سمير ريان)
اللون التركواز في منه كتير
و الدهبي (شفت 2 عند سمير ريان و هاخد واحده منهم)(خللي بالك التانيه فيها نقره في جريدة الباب اليمين) و كنت شفت برضه عند الوكيل كام واحده
بس هما دول اللي موجودين
لما سألت علي الهاف اسبورت لقيت فيها كل الألوان متوفره

[basemsaeed]

الله يبارك فيك يا باشا
بص يا سيدي
الهاي لاين اللي شفته حالياً
فضي (اللي عند الوكيل)
2 كحلي (شفت واحده عند معرض الرواس اللي في رمسيس و التانيه عند سمير ريان)
اللون التركواز في منه كتير
و الدهبي (شفت 2 عند سمير ريان و هاخد واحده منهم)(خللي بالك التانيه فيها نقره في جريدة الباب اليمين) و كنت شفت برضه عند الوكيل كام واحده
بس هما دول اللي موجودين
لما سألت علي الهاف اسبورت لقيت فيها كل الألوان متوفره

شكرا يا استاذ محمد على التوضيح

طب معلش مفيش الوان تانية عند التوكيل غير الفضي و الدهبي و التركواز و الكحلي؟؟؟مفيش اللون النبيتي ده او السماوي؟؟؟
هو النبيتي او الاحمر هو اللي لايق عليها اكتر,,انت رأيك اني لون لايق برده و يكون حلو عليها و لايق كده؟؟؟؟؟

[mohamed_mohsen]

النبيتي و الكحلي و الفيراني و الأسود وهم بصراحه
ماعرفش انت ممكن تلاقي الوان تانيه و إلا لا
انا مادورتش الحقيقه

[freeman207]

النبيتي و الكحلي و الفيراني و الأسود وهم بصراحه
ماعرفش انت ممكن تلاقي الوان تانيه و إلا لا
انا مادورتش الحقيقه

شكرا على الاجابة لكن مقولتش جبتها بكام وماستلمتش على طول ليه

[basemsaeed]

النبيتي و الكحلي و الفيراني و الأسود وهم بصراحه
ماعرفش انت ممكن تلاقي الوان تانيه و إلا لا
انا مادورتش الحقيقه

شكرا يا محمد على الرد

و ان شاء الله تستلم على خير