زيت الفتيس cvt

[nonnos5]

لو سمحتوا ياجماعة انا عندى لانسر 2007 1600 cc رياضية
وطبعا الفتيس cvt وعمرى ما غيرت زيت الفتيس خالص والعربية عامله 88000 كيلو
وهيا معايا من الزيرو وانا من المنصورة وكل ما اروح لحد علشان اغير الزيت عندنا يقولى زيت
الفتيس للبومه كله واحد مفيش حاجة اسمها اوتوماتيك عادى واتوماتيك cvt
ويقولى كل الاوتوماتيك بيغير زيت واحد وانا عارف ان ده غلط
وانا خايف احط اوتوماتيك عادى يبوظ الفتيس
رجاءا قولى نوع زيت الفتيس بتاع cvt ده اسمه ايه وممكن الاقيه فين فى المنصورة
وبتاخد كام كيلو زيت فتيس
رجاء سرعة الرد للاهمية

[fouaa]

انا واحد صحبى مهندس ومعاه لانسر بوما 1600 cvt وعارف موضوع الزيت ده بالتفصيل اول ماشوفو هاقولك كل الاجابات الى انت عاوزها دى لانو كان فالتوكيل قريب وعارف منهم التفاصيل

[nice_bird]

انا الفتيس اللي عندي cvt وقابلت نفس المشكلة محدش عارف ايه الcvt ولا نوع الزيت اللي بيتحطلو بس هما بيحطوا موبيل لاي اوتوماتيك وانا علشان مشواري بعيد عن التوكيل إضطريت اغير موبيل وخلاص بس انا مش راضي عن الفتيس بعد تغيير الزيت

[nonnos5]

شكرا للرد

بس هيا المشكلة ان فى التوكيل المفروض يبتغير على 40000 كيلو
وانا ما غيرتوش من يوم ما اشتريت العربية زيروا وفيه ناس قاليتلى طالما مش ناقص
اوعى تغيروا لانك مش هتلاقى زيت زيه ابدا
وانا خايف اغيره اندم وخايف ما غيروش الفتيس يحصله حاجة لاقدر الله
وفى نفس الوقت التوكيل بعيد عنى

[fouaa]

انا سالتلك صحبى وسالت مهندس ميكانيكا سيارات الراجل الى معاه لانسر قالى انو فالتوكيل قالولو انو الزيت بينزل كل 40000 ولما سالتو الزيت نوعو ايه قالى معرفش لانى مش بدخل معاهم فالصيانات بس اداء العربيه ماتغيرش لاسوؤ
المهندس قالى انو بيتغير من 40000 الى 60000 ولازم يتحط زيت كومباتابول مع زيت الجير الcvt وده طبعا غير زيت الجير الاتوماتيك العادى

[Ralliart]

التوكيل بيجيب زيت cvt بس لما بيخلص بيستعبط ويحط موبيل العادي خصوصاً لما تخلص فترة الضمان بيبقى نفسه يفجرلك العربية علشان تييجي تصلحها عنده
في صيانة الـ40 حطو cvt علشان الضمان وفي الـ80 اكتشفت بالصدفة انهم عايزين يحطو موبيل وخليتهم يحطو cvt وفي 120 قلتلهم الشركة محذرة مليون مررة من الزيت العادي وهما مكانش عندهم cvt ومرضيتش اغيره لحد ما ادور عليه
وهما حالياً مبيستوردوش حاجة لان التوكيل اتسحب وكمان الزيت ده بييجي من اليابان وهما عندهم اشعاع والدنيا خربانة

[fouaa]

التوكيل بيجيب زيت cvt بس لما بيخلص بيستعبط ويحط موبيل العادي خصوصاً لما تخلص فترة الضمان بيبقى نفسه يفجرلك العربية علشان تييجي تصلحها عنده
في صيانة الـ40 حطو cvt علشان الضمان وفي الـ80 اكتشفت بالصدفة انهم عايزين يحطو موبيل وخليتهم يحطو cvt وفي 120 قلتلهم الشركة محذرة مليون مررة من الزيت العادي وهما مكانش عندهم cvt ومرضيتش اغيره لحد ما ادور عليه
وهما حالياً مبيستوردوش حاجة لان التوكيل اتسحب وكمان الزيت ده بييجي من اليابان وهما عندهم اشعاع والدنيا خربانة

+111111111111111

[nonnos5]

شكرا لتعبك ياباشا

انا سالتلك صحبى وسالت مهندس ميكانيكا سيارات الراجل الى معاه لانسر قالى انو فالتوكيل قالولو انو الزيت بينزل كل 40000 ولما سالتو الزيت نوعو ايه قالى معرفش لانى مش بدخل معاهم فالصيانات بس اداء العربيه ماتغيرش لاسوؤ
المهندس قالى انو بيتغير من 40000 الى 60000 ولازم يتحط زيت كومباتابول مع زيت الجير الcvt وده طبعا غير زيت الجير الاتوماتيك العادى

انا متشكر جدا لردك وتعبك معايا
ومتشكر لكل من رد بس للاسف المشكلة دى كبيرة ومش عارف احلها ازاى
لو حد عنده فكره ايه الزيت اللى الواحد ممكن يجيبه ياريت يقول

[gta10]

طيب ياجماعة انا مسافر الكويت قريب و راجع بعد ثلاث اسابيع ياترى ممكن الاقيه هناك و لو لاقيته ينفع اجيبه معايا و لا ايه

[Ralliart]

انا ابويا لسة راجع من الكويت من اسبوع وملقاش هناك
بس ممكن يكونو جابو تاني

[limo]

انا انهارضه كملت ال40 الف كيلو وبرضو عايز اغير زيت ومش عارف اعمل ايه
طيب لو غيرت لموبيل هل فى مشكله ؟ كمان مش التووكيل الجديد المفروض انه كان هيفتح 1/5/ ولا ايه

[gta10]

طيب يا جماعة الناس اللى معاها اللانسر cvt بتغير الزيت فين و بتلاقيه فين طالما التوكيل بيشتغل بموبيل و موبيل مش مخصص للcvt و لا هو عادى لو حطيت موبيل

[nice_bird]

للاسف الحل الوحيد انك حد يجيبهولك معاه من الخليج او السعودية لحد ما ربنا يكرمنا بوكيل نضييف يريحنا

[Ralliart]

التوكيل كان بيجيبه زمان
ولو حد جاي من الخليج طيران مستحيل يشيلك 9 كيلو زيت لان وزنه محدود والمصريين بيبقو جايبين معاهم هدايا كتير والوزن بيبقى مشكلة كبيرة

طيب قولو انتو كام واحد محتاجه وهحاول اقنع مستورد في الحرفيين يجيبلنا كمية ان شاء الله

[hprima]

روح بنزينه موبيل او مصر امارات او شل واطلب غلبه زيت فتيس اوتوماتيك واقرى المكتوب عليها واتاكد انها atf3 لو كده غير وانتا مطمن لان ده اللى بتنصح بيه متسوبيشى والعربيه بتاخد حوالى 5 كيلو وكان لازم تغير على 40000