زيت الفتيس cvt

[kokyrawan]

مساء الخير عليكم جميعا انا من فترة كنت بدور على عربية لانسر بومة و كنت متابع جميع المشاركات و كان اكتر حاجة الناس قلقانة بسبها نوع زيت الفيتيس و فى عربية كنت حشتريها و صاحبها حاطيت زيت موبيل atf 320 و سالت المهندس طارق على هذا النوع من الزيت فكانت الاجابة كويس و مفيش منة ضرر و رد على احد الاخوة المحترمين بدون ذكر اسماء ان الزيت دة مش كويس و بعد بحث على النت انا مقتنع انة فعلا مضر. و الحمد للة اشتريت عربية لانسر 2005 سبورت و عاملة 35000 كيلو و بردة نفس المشكلة على ال40000 حاعمل اية.

المهم الحمد لله النهاردة كنت بشترى تيل فرامل لعربية و الدى نوبيرا من عند ابو الحسن و هو بيشتغل فى الدايو و الاوكتافيا فقلت لة اية انواع زيت الفتيس الاتوماتيك للاوكتافيا قلى كهرباء و لا عادى قلت كهرباء جابلى نوعين منهم و احد اللى هو مكتوب عندى فى كتالوج العربية اسمة تقريبا dxrogn III f حاجة زى كدة ودة الاصلى المانى و اعتقد هو دة المناسب لينا و سعر التر 100 جنية و التانى ATF III حاجة كدة و سعرة 200 جنية و انا ان شاء الله لما اغير حجيب الزيت الاول و هاغيرة و اريح دماغى و يا رب اكون ضيفت حاجة جديدة

[Ralliart]

حط atf sp-III مش dexron
وبعدين هاته من التوكيل عادي هو بقى موجود عندهم حالياً

[theking_med]

[COLOR="Nav
الخوف من انه يكون مش شغال اصلاً وملعوب فيه علشان اللمبة تطفي وخلاص
[/COLOR]

مهو لما انت تحط المفاتاح في العربيه وقبل ما دور بتستني لمده 30 ثانيه ولا حاجه اللمبات بتعمل شيك على العربيه وبعدين تطفي ومنها لمبة ال srs

لو ركبت شريط الايرباج استيراد لو اللمبه ولعت وطفت يبقى تمام ........ مش تكون مطفيه على طول ولا ايه رايك في الكلام ده؟

[M_H]

زيت موبيل atf العلبه 45 جنيه هو الكويس الموجود في السوق في النوع ده - كمان انا بغيره كل 35 الف مش بستني لما يوصل لي 40 الف.

[Ralliart]

مهو لما انت تحط المفاتاح في العربيه وقبل ما دور بتستني لمده 30 ثانيه ولا حاجه اللمبات بتعمل شيك على العربيه وبعدين تطفي ومنها لمبة ال srs

لو ركبت شريط الايرباج استيراد لو اللمبه ولعت وطفت يبقى تمام ........ مش تكون مطفيه على طول ولا ايه رايك في الكلام ده؟

ما انا فاهم انا بتكلم على ان في ناس بتفتح الاسطوانة نفسها وتصلحها والعربية تحس انها سليمة وتنور في الاول وتطفي والله أعلم تصليحها ده شغال ولا لأ والشركة بتحذر من التصليح لان دي ممكن في اي وقت تضرب الايرباج في وشك لا قدر الله وساعتها التارة بالايرباج بـ5000 جنيه فليه ادخل نفسي في متاهات انا لو عايز ايرباج ادفع ودي تكنولوجيا مكلفة وكلنا عارفين كدة
ولو مش عايز ابطلها خالص ملهاش لازمة اعرض نفسي للخطر والمفاجئات

[nice_bird]

انا عندي الفتيس بدات احس او مش طبيعي لما اجي ادي ال p لما اكون ركنت خلاص بسمع صوت حاجة بتتحرك جوا الفتيس ولما بنقل من علي ال p بسمع نفس الصوت بس في المشي العادي مش حاحسس بفرق كدا العربية داخلة علي فتيس ولا ايه

[nice_bird]

انا احب اعمل كيك دون كثيرا علي الطريق .. هل هذا مضر لفتيس الـ cvt خصوصا انى غيرت الزيت بزيت موبينيل علي 450000كيلو ؟؟؟؟؟؟؟؟؟؟؟؟؟؟

[theking_med]

ما انا فاهم انا بتكلم على ان في ناس بتفتح الاسطوانة نفسها وتصلحها والعربية تحس انها سليمة وتنور في الاول وتطفي والله أعلم تصليحها ده شغال ولا لأ والشركة بتحذر من التصليح لان دي ممكن في اي وقت تضرب الايرباج في وشك لا قدر الله وساعتها التارة بالايرباج بـ5000 جنيه فليه ادخل نفسي في متاهات انا لو عايز ايرباج ادفع ودي تكنولوجيا مكلفة وكلنا عارفين كدة
ولو مش عايز ابطلها خالص ملهاش لازمة اعرض نفسي للخطر والمفاجئات

لا انا مقلتش هفتح الاسطوانه واغيرها انا قلت اني اهجيبها استيراد وهغيرها كلها زي ما حضرتك عملت بس بدل ما التوكيل الي ضاربين اسعار في السما استيراد بسعر كويس

[basemsaeed]

انا احب اعمل كيك دون كثيرا علي الطريق .. هل هذا مضر لفتيس الـ cvt خصوصا انى غيرت الزيت بزيت موبينيل علي 450000كيلو ؟؟؟؟؟؟؟؟؟؟؟؟؟؟

هو الكيك داون مضر بالفتيس الاتوماتيك عامة
يعني اعمله وقت اللزوم بش كل شوية يعني
و الاحسن لك انك تغير زيت الفتيس بزيت ال cvt في التوكيل
دلوقتي بقى الزيت متاح في التوكيل

[nice_bird]

هو الكيك داون مضر بالفتيس الاتوماتيك عامة
يعني اعمله وقت اللزوم بش كل شوية يعني
و الاحسن لك انك تغير زيت الفتيس بزيت ال cvt في التوكيل
دلوقتي بقى الزيت متاح في التوكيل

هو انا مش بعمل كيك داون بالمعني اني اجيب الدواسة لاخرها بس بقرص شوية فالصوت يعلي والعربية تسحب ومبتعديش 3- 4 rpm

[basemsaeed]

هو انا مش بعمل كيك داون بالمعني اني اجيب الدواسة لاخرها بس بقرص شوية فالصوت يعلي والعربية تسحب ومبتعديش 3- 4 rpm

في الفتيس الاتوماتيك فيه دوستين كده
فيه واحدة بتسقط نقلة
اما لما تدوس للاخر فبتسقط نقلتين
بس انت على كلامك بدوس نص دوسة كده اللي هي تسقط نقلة واحدة

انا بتكلم على التانية انك تدوس للاخر دي تعملها وقت اللزوم

عموما روح غير زيت الفتيس عشان تبقى مطمن اكتر

[Ralliart]

لا انا مقلتش هفتح الاسطوانه واغيرها انا قلت اني اهجيبها استيراد وهغيرها كلها زي ما حضرتك عملت بس بدل ما التوكيل الي ضاربين اسعار في السما استيراد بسعر كويس

ولو هو واخد واحدة قديمة وفاتحها وصلحها وباعهالك على انها استيراد هتعرف منين؟؟

[theking_med]

ولو هو واخد واحدة قديمة وفاتحها وصلحها وباعهالك على انها استيراد هتعرف منين؟؟

انا هجيبها اصلا من قطع غيار استيراد من الحرفين معتقدش انهم بيفتحوا ويصلحوا هناك

[darkangel007]

توضيح بس لزيت فتيس البومة ال cvt

اولا الزيت بتاع الفتيس دة هوا هوا زيت الباور ( لونة احمر )
2: الفتيس بياخد 8 لتر
3:الزيت بيتغير عن طريق جهاز معين بيشفط الزيت القديم و بيحط الجديد بميكانيزم معينة
انا غيرت الفتيس و الباور فى التوكيل و خدو 400 جنية
انا شايف انة معقول تقريبا!
و اى خدمة انا موجود

[basemsaeed]

توضيح بس لزيت فتيس البومة ال cvt

اولا الزيت بتاع الفتيس دة هوا هوا زيت الباور ( لونة احمر )
2: الفتيس بياخد 8 لتر
3:الزيت بيتغير عن طريق جهاز معين بيشفط الزيت القديم و بيحط الجديد بميكانيزم معينة
انا غيرت الفتيس و الباور فى التوكيل و خدو 400 جنية
انا شايف انة معقول تقريبا!
و اى خدمة انا موجود

هو الصراحة انا بش متاكد من اللي حضرتك قولته
بس ازاي زيت الفتيس هو زيت الباور؟؟؟؟!!!!!
ده ليه مهام و ده ليه مهام و كل واحد اكيد ليه تركيبة غير التانية ولا ايه؟؟؟
بش شرط عشان اللون واحد يبقى المضمون برده واحد
كمان سؤال بعد اذنك
حضرتك غيرت زيت الباور ليه؟؟