عملتها معايا البومه منها لله

[darkangel007]

بص يا سيدى
روح التوكيل بتاع قليوب هوا اينعم توكيل معفن بس الصنايعية الى فيه حافظين العربية بالملى بدون مبالغة و انا مجرب والله
روح و خليهوم يكشفو على العربية و اعرف فيها اية
عرفت فيها اية قلهم تتكلف كام عجبك عجبك معجبكش صلحها برة عند حد تثق فية و هتبقى جبت من الاخر بدل دوشة الميكانيكية الله يحرق اللى بيفتى منهم
ربنا معاك!

[kareembelal]

ليه ميتاكدش من الريداتير الاول لانه بيبرد زيت الفتيس واحتمال يكون هو السبب

رأيك وجيه ويؤيده فعلا ان سحب العربية بالليل افضل أضعاف سحبها بالنهار انا فعلا حاسس بكده

واليوم بعد فاصل زمني سافر الحرفيين وهناك صمم صاحب الفتيس والميكانيكي ان الفتيس ال cvt مش ممكن يكون فيه تفويت وشد الهاند بريك وداس العربيه سحفت وفضلت ماشيه والعجل الخلفي بيجر

وقاللي لو الفتيس بيفوت كانت العربيه ما اتحركتش

وقاللي حطها علي جهاز عند كهربائي اسمه سكر في الحرفيين لقيت عنده عربيات كتير وشكله ولا عارف حاجه اصلا قرر ان الفتيس الموتور تمام التمام واقترح ان علبة البيئة كاتمة العربيه اكشف عليها

روحت لبتاع الشكمانات فك الشكمان كله ولغي علبة البيئة وحط مكانها علبة استيراد بمسامير ومصنعيات تكلفة 300 جنيه

والعربيه زاد سحبها بشكل ملحوظ لكن مش طبيعي

وغيرت علبة فلتر الهواء كمان لان اللي فيها كان فيها ثقب صغير ودلوقتي العربية طول ما هي بارده او في اول الدوارة سحبها كويس لكن في النهار سحبها تعبان

فهل يكون فيه شئ بيسخن مثلا حساس او اي حاجه بتأثر علي السحب

او يكون زيت الفتيس زي ما بتقول ؟؟؟

[HeMa_LanCeR]

علي فكره اسمه عسكر مش سكر :)
وهو فعلا مالهوش في حاجه خاااااااااااااااالص
واللي ماسك الجهاز عامل نفسه بيل جيتس وهو اصلا مش فاهم حاجه فيه

[alaasalama]

ياريت ياباشا نعرف اسم الميكانيكى دة لو هو كويس علشات انا معاية لانسر وعايز اظبط الموتور وتبقى مشكور لو جبتلنا تليفونة

[kareembelal]

علي فكره اسمه عسكر مش سكر :)
وهو فعلا مالهوش في حاجه خاااااااااااااااالص
واللي ماسك الجهاز عامل نفسه بيل جيتس وهو اصلا مش فاهم حاجه فيه

تمام عسكر واللي ماسك الجهاز عيل صغير بيتعلم فينا وعامل زي اللي شايل نوكيا 3310 وخمسن جنيه مش مسامحه فيهم وقولتله لمبة التشيك بتنور وانت بتقول العربيه سليمه قال لي نورها علشان الجهاز يقرا العطل

قولتله مش المفروض سيادتك العطل مسجل علي الكارته اصلا ؟؟ هو لازم اللمبه تكون منوره علشان يقراها ؟؟ قال لي لازم طبعا

من هنا عرفت انه اي كلام

[kareembelal]

ياريت ياباشا نعرف اسم الميكانيكى دة لو هو كويس علشات انا معاية لانسر وعايز اظبط الموتور وتبقى مشكور لو جبتلنا تليفونة

اسمه ميلاد رزق الله شارع خلوصي شبرا تدخل شارع خلوصي من ناحية شارع الترعه واول دخله شمال في شارع خلوصي 0121447185

وانا كلمته ورايح له بكره الاثنين بعد الظهر ان شاء الله علشان يغير الفتيس تاني

[koke_lancer]

اسمه ميلاد رزق الله شارع خلوصي شبرا تدخل شارع خلوصي من ناحية شارع الترعه واول دخله شمال في شارع خلوصي 0121447185

وانا كلمته ورايح له بكره الاثنين بعد الظهر ان شاء الله علشان يناك غير الفتيس تاني

معلش يا جماعة انا من شبرا اصلا و الميكانيكى دا اول مرة اسمع عنوا انا اصلا كنت ساكن فى شارع شيكولانى و مدرستى رمسيس الخاصة الى هيا فى اول خلوصى انا اعرف ميكانبكى فى شارع موازى لشارع شيكولانى هما اتنين اخوات سعيد وحسام
حسام دة راجل كبير و شغال فة توكيل تويوتا حتى الان و كان فى اليابان بياخد كورسات هناك و هو فى التوكيل رئيس قسم تقريبا
سعيد دة الصغير و هو شغال فى توكيل دايو ودلوقتى شيفروليه و الاتنين جامدين جدا انا شوفتهم وهما بيغروا فتيس سيفك 2009
ولانسرات بومة
وكمان سعيد فى واحد صاحبوا كهربائى شغال فى توكيل متسوبيشى ممكن يجبهولك الاتنين بصراحة جامدين جدا و مفيشش شغل بيتم الا لما يكونوا عنيهم على الصنيعية و هما الى لازم يقفلوا و بيشتغلوا باديهم

[medociv]

ربنا يفرج همك وكربك باذن الله ويعينك
معلش اهو ابتلاء
قدر الله وماشاء فعل

[kareembelal]

معلش يا جماعة انا من شبرا اصلا و الميكانيكى دا اول مرة اسمع عنوا انا اصلا كنت ساكن فى شارع شيكولانى و مدرستى رمسيس الخاصة الى هيا فى اول خلوصى انا اعرف ميكانبكى فى شارع موازى لشارع شيكولانى هما اتنين اخوات سعيد وحسام
حسام دة راجل كبير و شغال فة توكيل تويوتا حتى الان و كان فى اليابان بياخد كورسات هناك و هو فى التوكيل رئيس قسم تقريبا
سعيد دة الصغير و هو شغال فى توكيل دايو ودلوقتى شيفروليه و الاتنين جامدين جدا انا شوفتهم وهما بيغروا فتيس سيفك 2009
ولانسرات بومة
وكمان سعيد فى واحد صاحبوا كهربائى شغال فى توكيل متسوبيشى ممكن يجبهولك الاتنين بصراحة جامدين جدا و مفيشش شغل بيتم الا لما يكونوا عنيهم على الصنيعية و هما الى لازم يقفلوا و بيشتغلوا باديهم

طيب يا ريت يا باشا توصفلي العنوان ورقم التليفون لاني بصراحة زهقت ومش لاقي كمان ضفيرة الحوض الشمال كل الموجود يمين وركبت واحده يمين مع تعديل فيها وما نفعتش العربيه ما اشتغلتش اصلا وعطلانه حاليا والدنيا اغمقت في وجهي

هاتلي العنوان وانا اروح لهم يمكن ربنا يسهل الحال

[rompo10]

والله انا تعبتلك ربنا يكرمك وتصلحها

[lord_of_egypt22]

انا معايا هوندا دلوقتي
وقبلها جين تو
لكن كان معايا لانسر بطة 92 مانيوال
والله هي عندي احسن من الزيرو
ومستغرب من اللي حصل

[koke_lancer]

0168866741
دة رقم سعيد

[exact]

يلا...الطيبات لله...مع اني اتاخرت
كتالوج صيانة فتيس ميتسوبيشي لانسر 2007 اوتوماتيك مع اكواد الاعطال

Transmission Automatic.pdf

Transmission Automatic (2).pdf

[kareembelal]

الحمد لله اتحلت المشكلة

عارفين ازاي ؟؟

والله ما هاتصدقوا

وهاتقولولي ازاي يعني ما ظهرش اعراض علي العربيه في السلانسيه او اي ميكانيكي لمؤاخذه مش عايز اغلط فيهم منهم لله

العيب طلع في سير التقسيمة او الكاتينه فيه سنتين تقديم

بمعني ان فيه 8 صبابات مش بيقفلوا صح

ومع ذلك السلانسيه كان ناعم جدا

والشكمان بيجيب مايه

والعربيه مظبوطه جدا

ازاي ؟؟؟ ماعرفش

والاخ الميكانيكي اللي كان مصمم يفك الفتيس وقاللي انه متأكد من النتيجه وان مصنعيته 1000 جنيه قاللي ان السير فيه سنه قدام لكن ما تأثرش وطلبت منه تعديلها رفض وقال خليه كله مع بعضه افضل

وسعادته كان عارف السبب لكن ضميره صمم انه يطيب الالف جنيه الاول

ونسيت احكيلكوا آخر افتكاسه في عالم الميكانيكا

عرضت العربيه علي متخصص فتيس اتوماتيك وقرر ان العربيه محتاجه فتيس تاني

ليه يا عم ؟؟

لأن العربيه دي بينزل فيها فتيس 1300 مع انها 1600

طيب ازاي يا عم اقنعني هي اليابان عاتنزل موتور 1600 ومعاه فتيس 1300 ازاي بس ؟؟

المهم صمم علي كده قولتله ماشي هافوت عليك بكره ان شاء الله ولسان حالي يقول ربنا ياخد امثالك

وبعد عناء شديد وقرف ومصاريف تعدت ال 8360 جنيه ما بين فتيس وكارته وضفيره وغيره طلع سنتين تقسيمه

الحمد لله علي كل حال

بس نصيحه للجميع

اعرض العربيه علي الف ميكانيكي قبل ما تدفع مليم ولا تفعل الا ما تقتنع به شخصيا ويرتاح له عقلك وتفكيرك

لأنهم بقوا مسعورين كل همهم الفلوس ومنهم لله ينتقم منهم

واحب ان انوه لشئ مهم

أسحب كا ما قولته من تمجيد وشكر في ميكانيكي القاهرة المسمي ميلاد رزق الله

[Ralliart]

مبروووك
الحمد لله انك عرفت المشكلة في ايه ربنا ما يورينا جهل الميكانيكية