عملتها معايا البومه منها لله

[medociv]

بص يا باشا
انا هنصحك وياريت كل اللى شاركوا ييقروا كلامى ده كويس
انا تاجر قطع غيار لانسر بومة وبحذرك تحذير شديييييييييييييييد من التعامل مع التجار اللى فى الحرفيين وخصوصا لما بتكون بتشترى موتور او فتيس
أولا الفتيس اللى انت اشتريته ده مايسواش 2000 جنيه لأن ده بيجيبوه ازااى بقى
انت واحد فتيسك بايظ بيجيلك التاجر يقوللك هديك فتيشس سليم وتدينى بتاعك وادفعلى فرق قد كده
ولما بياخد بتاعك بيبيعه لزبون ميعرفش أى حاجة وأحيانا تيجى ترجعه يقوللك لا مينفعش
تانى حاجة ان احيانا بتيجى فتايس استيراد من بره محلولة جاهزة ودى مش بتبقى مضمونة لانها بتكون تعباانة وانا واحد من الناس عمرى ما بشترى النوعية ددى من التايس
الفتيس المحترم دلوقت سعره فعلا على بس مش لدرجة 3800 يعنى
أغلى فتيس ممكن تشتريه فى الوقت الحالى 3500 جنيه .. ده النضيف اوى اوى اوى بقى
نصيحة تالتة فى موضوع الفتايس
طبعا العربيات البومة فى مصر يا اما 1300 أو 1600 تمام؟؟؟
العربيات الاستيراد اللى بتيجى من اليابان موتوها 1500 يا جماعه بس التجار بيضحكوا ع الناس ويقولولهم 1600 وبالتالى بيبعلك الفتيس ال 1500 على انه 1600 وطبعا بتركبه فبيطلع اضعف من القديم
عشان تشترى فتيس لازم يكون محلول من موتور استيراد قدااااااااااااااااااااام عنيك ويكون الموتور ده راكب فى نص أمامى عند التاجر تمام؟
لما تيجى تحل فتيس او موتور من نص امامى عند اى تاجر لازم تاخد بالك من 3 حاجات
انا تاجر وومتأكد من الى بقوله
العربيات البومة الاستيراد بتيجى من اماكن كتيييييرة اوى بس هتكلم عن اكتر 3 اماكن
اليابان / سنغافورة / الامارات
لو النص الأمامى شمال على ابوه و 1600 يبقى جاى من الامارات وهتلاقى المكنة حالتها مش 100% على فكرة
لو يمين يبقى يا اما جاى من اليابان او سنغافورة تمام؟
لو م اليابان متفرحش وتقول بسسسسسسس العربية يابانى ودى من عربية جاية من اليابان يعنى اوعى وشك
هههههههه لالالالا اوعى تقول كده لان عربيات اليابان 1500 زى ماوضخت قبل كده وفتيسها بيعمل حوالى 2500 جنيه لأن بيبقى زيه زى فتيس ال 1300 مفيش فرق شاسع يعنى لما تيجى تركبه تمام؟
لو سألت التاجر وقولتله العربية دى جاية منين وقاللك سنغافورة
اول ماتسمع كلمة سنغافورة دى قولله اتفضل حل الفتيس
اول حاجة هيبقى 1600 مش 1500 زى بتاع اليابان
تانى حاجة ان انضف قطع غيار استيراد واغلاها بتبقى اللى جاية من سنغافورة ودى مش بيجيبها غير التجار الكبار لأنها بتبقى واقفة عليهم اغلى من العربية اللى جاية من اليابان بس التاجر اللى بيفهم بيجيبها لأنه عارف انه هيبيع أنضف قطع غيار فى السوق
وطبعا فتيس زى ده لو 1600 ماتاخدوش اكتر من 3500 جنيه الا لو انت دورت عند ناس كتيرة ومفيش غير الراجل ده اللى عنده ومتمسك بالسعر
فى الحالة دى تاخده بال 3800 لأن ده لو روحتله بعد يومين بالظبط ممكن متلاقيش الفتيس لأنه بيتخطف خطف كده
وم الاخر؟؟
اى حاجة ليها علاقة بالموتور او الكهرباء تفكر أول حاجة فى شغل سنغافورة
تانى حاجة فى شغل اليابان
تمام؟
بالنسبة لموتور اليابان بيبقى مختلف عن السنغافورة فى ايه بقى
موتور السنغافورة زى بتاعنا فى مصر بالظبببببببط ولو فى اختلاف بيبقى الوش لونه فضى بدل الأسود ودى مابتفرقش يعنى
موتور اليابان بيبقى المنافو بتاعه مختلف الفرن بتاعه مختلفه وفيه خرم من النص كده مش مقفول زى بتاعنا
فتيس ال 1500 بيبقى شبه ال 1300 بالظبببببط
وبتعفه ازاى بقى
الكارتيرة بتاعته اللى بتبقى فى الجنب اللى لونها اسود فى ال 1300 وال 1500 بتبقى أكبر من بتاعت ال 1600
لو انت مش عارف كاتيرتك شكلها ايه
تعمل حاجة بسيطة جدااا
تررفع مقاس الزيت بتاع الفتيس اللى بتشتريه
وترفع مقاس الزيت بتاعك ال 1600
لو لقيت مقاس الزيت بتاع الفتيس اللى بتشتريه أطول من مقاس الزيت بتاع فتيسك
يبقى كده التاجر نصاب وبيبعلك فتيس 1500 تمام؟؟؟
أتمنى اكون قدرت اقدم كل اللى اقدر عليه عشان محدش يقع تحت ايد تجار نصابين فعلاااااااا وما اكترهم فى السوق اليومين دول
ملحوووووووووووووووووظة
مش كل التجار ها؟؟؟؟ ههههههههه

جزاك الله خيرا ومتشكرين على النصائح الغالية

[eng_audi2002]

لكن ما لاحظته علي الميكانيكي ده انه عنده ضمير جدا وعنده أذن سماعه فعلا لأنه ظبط الموتور مبدأيا ظبطه عمري ما شوفتها وكانت الدوسه مخنوقه كأن الشكمان مسدود واتمنع الكلام ده بعد ما ظبطه والدوسه سلكت خالص

انا عندى بحس بالاحساس ده على فكرة ان الصوت مكتوم وان الشكمان مخنوق مش عارف هل عشان بحط بنزين 80 ولا عاوز اروح لميكايكى يظبطلى الماتور
مع انى كل مروح لمياكنيكى اقله اظبط الماتور يقلى انت صوت الماتور بتاعك زى الفل فاقله انا بحط بنزين 80 بحس انه عاوز يقولى خد عربيتك من هنا وامشى هههههههههههههههه.
بيقلولى العربية دى عمرها ميتحط فيها 80 بس بصراحه لما بحط 90 الصوت بيختلف

[hpxp]

انا عندى بحس بالاحساس ده على فكرة ان الصوت مكتوم وان الشكمان مخنوق مش عارف هل عشان بحط بنزين 80 ولا عاوز اروح لميكايكى يظبطلى الماتور
مع انى كل مروح لمياكنيكى اقله اظبط الماتور يقلى انت صوت الماتور بتاعك زى الفل فاقله انا بحط بنزين 80 بحس انه عاوز يقولى خد عربيتك من هنا وامشى هههههههههههههههه.
بيقلولى العربية دى عمرها ميتحط فيها 80 بس بصراحه لما بحط 90 الصوت بيختلف

يا مفتري:-) ايام ما كان معايا عربيه عمي لانسر قعدت نعايا سنه لما بحط 90 العربيه بتهنح وفي مرة حطيت بنزين مغشوش ما ادراك ما حصل جابت طلمبه بنزين
حاليا معايا اوبتر كان بقلها فرة مكتومه والسحب ضعيف
حطبت منظف بنزين ب15 جنيه دل بينضف الدورة كامله بالرشاشات فرق جااااااااااااامد في السحب وفاقت
وفي الstp الماني دا ب75 جندي امتر اعتماديه
جرب حط 92 مع منضف الرشاشات والاهم تحرق البنزبن دا بسرعه لحد اما اللمبه تنور فول بقي

[zazaza20002000]

يا جماعه ارجوكم حد يساعدني عشان انا خلاص هتجنن من يومين اشتريت عربيه لانسر سوبر اكشن وانهارده بدورها واديتها الدي مش راضيه تمشي والإن عماله تنور وتطفي مشيت بها شويه كده ومفيش عزم خالص بعدين طفيتها وشغلتها تاني اشتغلت كويس وكل يوم الصبح تعمل معايا كده رحت لميكانيكي قالي عاوزه حساس هل الكلام ده مظبوط وايه الحساس ده رحت لواحد تاني قالي فيوزات المشكله التانيه ان وانا ماشي بسمع صوت نقر خفيف مستمر بيزيد مع السرعه زي ميكون فيه حاجه لزقت في الكوتش وبتحف في الرفرف الصوت ده بيظهر وانا ماشي على الدي ويروح لو مورتها رحت لميكانكي قالي عاوزه بلي فتيس فانا محتار وزعلان جدا وياريت لو حد حصلت معاه المشكله دي يقولي اعمل ايه أويدلني علي ميكاني موثوق فيه لو حتى في الصعيد وااااااااسف على خروجي عن الموضوع بس غصب عني

[ahmedharon]

اولا السلام عليكم
ثانيا انا امتلك لانسر مكواه 2001 اوتوماتيك 1300 وبجد انا استفدت من الموضوع هنا بشكل ملحوظ جدا والاهم انى مبسوط جدا جدا جدا جدا لصاحب الموضوع وربنا يكفيه شرها

[stay_away]

كان عندي نفس الموضوع والمبه بتاعت ال n شغاله مع ال d 1 2 3 كشفت عليها بالكمبيوتر وجاب سبراي منظف نضف الفيش بتاعت الفتيس واتظبطت

[near4sdug]

بعد ازنكوا سؤال بالنسبة للانسر 2011 ممكن و انا ماشى على الd اقدر انقل لليستبترونيك و هيا ماشية علشان اسقط نقلة مثلا ولا الفتيس ممكن يبوظ

[M!SHO]

بعد ازنكوا سؤال بالنسبة للانسر 2011 ممكن و انا ماشى على الd اقدر انقل لليستبترونيك و هيا ماشية علشان اسقط نقلة مثلا ولا الفتيس ممكن يبوظ

مفيش مشكلة خالص

[houseiny]

يا جماعه ارجوكم حد يساعدني عشان انا خلاص هتجنن من يومين اشتريت عربيه لانسر سوبر اكشن وانهارده بدورها واديتها الدي مش راضيه تمشي والإن عماله تنور وتطفي مشيت بها شويه كده ومفيش عزم خالص بعدين طفيتها وشغلتها تاني اشتغلت كويس وكل يوم الصبح تعمل معايا كده رحت لميكانيكي قالي عاوزه حساس هل الكلام ده مظبوط وايه الحساس ده رحت لواحد تاني قالي فيوزات المشكله التانيه ان وانا ماشي بسمع صوت نقر خفيف مستمر بيزيد مع السرعه زي ميكون فيه حاجه لزقت في الكوتش وبتحف في الرفرف الصوت ده بيظهر وانا ماشي على الدي ويروح لو مورتها رحت لميكانكي قالي عاوزه بلي فتيس فانا محتار وزعلان جدا وياريت لو حد حصلت معاه المشكله دي يقولي اعمل ايه أويدلني علي ميكاني موثوق فيه لو حتى في الصعيد وااااااااسف على خروجي عن الموضوع بس غصب عني

في واحد بتاع فتيس متخصص في الأوتوماتيك الراجل ده في شارع أحمد سعيد (مش فاكر اسمه مجدي إيه كده) فاتح في سور الكنيسة اللي في أحمد سعيد بعد متخش من جنب كوبري أحمد سعيد يمين ، كنت اشتريت موتور لهوندا سيفيك إس أي والفتيس طلع مفوت وسحب العربية كان هباب روحتله ، قالي هاعمله عمرة واركبله طقم إصلاح جديد وأتكلفت ساعتها 1000 جنيه وطبعاً رضيت الرجالة ، بس فعلاً بعدها العربية كانت بتأمرك في طلعتها وهي أوتوماتيك ، خليه يكشفلك عليه لأن ممكن يكون الحل حاجة هبلة جداً وان شاء الله تلاقي عنده الحل وربنا يفرج كربك وكرب كل الناس

[emad1973]

يا جماعه ارجوكم حد يساعدني عشان انا خلاص هتجنن من يومين اشتريت عربيه لانسر سوبر اكشن وانهارده بدورها واديتها الدي مش راضيه تمشي والإن عماله تنور وتطفي مشيت بها شويه كده ومفيش عزم خالص بعدين طفيتها وشغلتها تاني اشتغلت كويس وكل يوم الصبح تعمل معايا كده رحت لميكانيكي قالي عاوزه حساس هل الكلام ده مظبوط وايه الحساس ده رحت لواحد تاني قالي فيوزات المشكله التانيه ان وانا ماشي بسمع صوت نقر خفيف مستمر بيزيد مع السرعه زي ميكون فيه حاجه لزقت في الكوتش وبتحف في الرفرف الصوت ده بيظهر وانا ماشي على الدي ويروح لو مورتها رحت لميكانكي قالي عاوزه بلي فتيس فانا محتار وزعلان جدا وياريت لو حد حصلت معاه المشكله دي يقولي اعمل ايه أويدلني علي ميكاني موثوق فيه لو حتى في الصعيد وااااااااسف على خروجي عن الموضوع بس غصب عني

حساسات مية في المية كان عندي اكسنت 1999 1500 سي سي كاملة اتوماتيك وكان العيب ده فيها اول ما تغير الحساسات الوضع هيختلف خالص
خلي باللك العربية دي انت شاريها علي عيبها منه لله الي باع ليك ومقلش ليك علي العيب

[mr_sameh]

بالتوفيق في اصلاحها

[matrix2008]

فعلا فتيس البوما زى الزفت لانة بردو خرب منى قبل كدة ومشكلة الفتيس دة انة على كتينة وهى اهم حاجة فى الفتيس يعنى لو فكت الكاتينة خلاص الموتور بالسلامة وبلاش حكاية فتيس يتعملو طقم اصلاح ولا بتاع لازم يتغير لان الكاتينة لوحدها 1200-1500 غير الفك والتركيب وفلتر وحوارات كتير اوى وممكن يبوظ تانى ربنا معاك انا جربت الموضوع دة قبل كدة ويارب يكون الميكانيكى بتاعك صنايعى كويس ويتقى ربنا