ثلاثة شهور مع البوما الزيرو وثلاثة الاف كيلو وعذاااااااااااااااااااب

[محمد هاني]

انا عايز رأيكم ضروري وحل لمشكلتي وكل واحد يقول رأية بصراحه وبسرعة وينجدني من الهم اللي انا فيه ..

انا اشتريت لانسر بوما 2014 من 3 شهور كانت معقولة بالنسبة لي وانا نفسي شكرت فيها قبل كده رغم بعض العيوب اللي قلت انها هتتحل مع الوقت لكن الموضوع زاد عن حده فقلت استشيركم.

أولا: العفشة ناشفة جدا وبحالات وخصوصا في الخلف ودا تاعبني جدا
ثانيا: التكييف بيفصل بصوت مزعج وعالي جدا وكل دقيقة تقريبا
ثالثا: العربية كتير لما بضرب فرامل واهدي سواء على الطريق او جوه البلد العربية بتكلبش كده والار بي ام بينزل كانها مسكت في بعض يعني المكنة مش مضبوطه مش عارف دا فلتر بنزين ولا حساسات ولا ايه بالضبط

لو فيه حلول للمشاكل دي حد يقولي وينوبه ثواب لاني على وشك ابيعها واخسر فيها لانها تعباني فعلا .

ولكم جزيل الشكر وياريت محدش يجيبلي سيرة الضمان ولا الصيانة

[محمد هاني]

ونسيت اقول ان العزل اسوأ ما يكون وصوت الموتور عالي جدا

[corolladestroyer]

:o_stupid[1]:
انا عايز رأيكم ضروري وحل لمشكلتي وكل واحد يقول رأية بصراحه وبسرعة وينجدني من الهم اللي انا فيه ..

انا اشتريت لانسر بوما 2014 من 3 شهور كانت معقولة بالنسبة لي وانا نفسي شكرت فيها قبل كده رغم بعض العيوب اللي قلت انها هتتحل مع الوقت لكن الموضوع زاد عن حده فقلت استشيركم.

أولا: العفشة ناشفة جدا وبحالات وخصوصا في الخلف ودا تاعبني جدا
ثانيا: التكييف بيفصل بصوت مزعج وعالي جدا وكل دقيقة تقريبا
ثالثا: العربية كتير لما بضرب فرامل واهدي سواء على الطريق او جوه البلد العربية بتكلبش كده والار بي ام بينزل كانها مسكت في بعض يعني المكنة مش مضبوطه مش عارف دا فلتر بنزين ولا حساسات ولا ايه بالضبط

لو فيه حلول للمشاكل دي حد يقولي وينوبه ثواب لاني على وشك ابيعها واخسر فيها لانها تعباني فعلا .

ولكم جزيل الشكر وياريت محدش يجيبلي سيرة الضمان ولا الصيانة

بص حضرتك انا مش عايز احبطك هيا عربية اخويا بوما 2007 وكنا جايبينها زيرو اتبسطنا بالعربيه في الاول وبعد كده يوم والتاني تكتشف الخوازيق العفشه سيئه جدا وناشفه جدا ومع ذلك العربيه مثال يحتذى بيه في التعويم والانفلات..... قعدت الكرسي مش مظبوطه نهائي وتحس طول مانت سايق انك قاعد على طرف مرجيحه وضهرك وجعك وعمال تتنطط جوه العربيه وياريت العربيه كلها بتنط لا ده من وره بس على العموم انا مش عارف العربيه دي ازاي انتشرت كده في مصر ونجحت النجاح ده......انا والله مش حابب انكد عليك بس ده رايي الشخصي في العربيه وقلت انقلهولك. ...

[saddam]

صديقي المواطن
من سنوات طويلة وأنا أنادي وبقول يا إخواننا الميتسوبيشي لانسر إحنه نافخينها بما لا بستحق وهي مش عربية عليها العين يعني وشكلها مش حلو يمكن الطبلوه بس حلو غير كده لا أمان ولا إتزان ولا أي حاجة غير إنها بتتباع بسرعة وفشلت في كل الدول اللي راحتها كل الدول العربية
أما عن مشاكلك فبسيطة وممكن حلها
العزل ب 1000 جنيه تحل الصالون والبيبان وتعزلها بالكامل
التكييف يا إما عندك فيه نقصان يا فيه زيادة الفريون فكل شوية بيفصل
نشوفية العفشة تنزل ظغط الهواء ل 30 وتحط نتروجين ولو لزمت تجيب كاوتش طري زي لاسسا أو يوكوهاما ولو مرتحتش غير نظام المساعدين لنوع زيت فقط
كل مشاكلك بسيطة ولكن الغلط من عندك وحرام وإزاي طاوعك قلبك تجيب عربية بقالها 10 سنين بنفس الشكل وتدفع فيها فلوس عشان كده مش مطاوعني قلبي أقلك إصرف عليها ولكن مشاكلك بسيطة فحلها
ومن غير زعل من ملاك لانسر لكن العربية دي إنتشرت في مصر بسبب مثل عربي قديم بيقول
من قلة الخيل ركبوا للكلاب سروج
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Dawns_Mist]

:o_stupid[1]:
انا عايز رأيكم ضروري وحل لمشكلتي وكل واحد يقول رأية بصراحه وبسرعة وينجدني من الهم اللي انا فيه ..

انا اشتريت لانسر بوما 2014 من 3 شهور كانت معقولة بالنسبة لي وانا نفسي شكرت فيها قبل كده رغم بعض العيوب اللي قلت انها هتتحل مع الوقت لكن الموضوع زاد عن حده فقلت استشيركم.

أولا: العفشة ناشفة جدا وبحالات وخصوصا في الخلف ودا تاعبني جدا
ثانيا: التكييف بيفصل بصوت مزعج وعالي جدا وكل دقيقة تقريبا
ثالثا: العربية كتير لما بضرب فرامل واهدي سواء على الطريق او جوه البلد العربية بتكلبش كده والار بي ام بينزل كانها مسكت في بعض يعني المكنة مش مضبوطه مش عارف دا فلتر بنزين ولا حساسات ولا ايه بالضبط

لو فيه حلول للمشاكل دي حد يقولي وينوبه ثواب لاني على وشك ابيعها واخسر فيها لانها تعباني فعلا .

ولكم جزيل الشكر وياريت محدش يجيبلي سيرة الضمان ولا الصيانة

الأول أنا عايز أعرف حضرتك كنت راكب إيه قبل اللانسر علشان نوضوع العفشة ناشفه أوي ده غريب شوية .. هي عفشة اللانسر فعلا مش طرية .. بس مش ناشفة للدرجة دي .. لو حضرتك كنت راكب ماتريكس فعلا هتحس إن عفشة لانسر ناشفة .......... المشكلة إنك دلوقتي معاك عربية زيرو فماينفعش أقولك تغير لا جنط ولا كاوتش ولا تلعب في المساعدين حتى .. بس شيك على العفشة كويس ولو مافيهاش أي عيوب و الكاوتش مظبوط يبقى للأسف هقول لحضرتك استحمل و اتعود عليها كده ... عفشة لانسر أنشف من الإلنترا و الماتريكس و الكورولا و ده الطبيعي بتاعها ..

كل العيوب اللي حضرتك بتشتكي منها دي أنا متوقع إنها مش عيوب لكن للأسف حضرتك ممكن تكون نازل من عربية ناعمه أوي و اللانسر للأسف مش ناعمة ... التكييف طبيعي يفصل و يشتغل و هو أصلا في الطبيعي بتاعه صوته عالي شوية لإن عزل العربية الطبيعي بتاعه إنه مش قد كده و صوت الموتور برضه الطبيعي بتاعه عالي .......... في النهاية هقولك انت معاك عربية زيرو ماتلعبش فيها .. تابع مع التوكيل كل مشاكلك دي بس لو فضلت زي ماهي بالنسبة ليك يبقى هي دي فبريكة العربية ... لكن كل ده ليه حلول بس خارج التوكيل و غالبا هتخرج عربيتك من الضمان كمان لو لعبت في المساعدين أو فكيت التابلوه و الصالون أو غيره ...

أنا عربيتي 2005 عفشتها أنشف نسبيا من الكورولا لكن مش سيئة زي ماحضرتك بتحكي ، و العزل صحيح مش قد كده بس برضه مش للدرجة دي ، و الآر بي إم كان بيلعب لكن مع تنضيف الإنجكشن كامل و تغير البوجيهات و عمل سيرفس محترمه بقى أفضل !!!

[Ahmed_Mega]

والله البومة 2014 ماتتركب وكلها عيوب ومشاكل لا تحصى انا شايف احلى بومة هي 2007 و 2008 و 2009 بعد كده مفيش انا مش عايز انكد عليك والله ومش قصدي بس ليه مفكرتش ف الشارك ركوبة اجمل واحلى وتقريبا هي هي نفس اسعار قطع الغيار
ع العموم التكييف وصوت المكنة لازم يروح التوكيل عشان لو في مشكلة يتحملها الضمان
اما بالنسبة للعفشة الناشفة هي دي الانسر من زمان

[mody112]

اطلع على التوكيل ورخم لغاية ما تحل كل مشاكلك

[NaderNabil]

:o_stupid[1]:
انا عايز رأيكم ضروري وحل لمشكلتي وكل واحد يقول رأية بصراحه وبسرعة وينجدني من الهم اللي انا فيه ..

انا اشتريت لانسر بوما 2014 من 3 شهور كانت معقولة بالنسبة لي وانا نفسي شكرت فيها قبل كده رغم بعض العيوب اللي قلت انها هتتحل مع الوقت لكن الموضوع زاد عن حده فقلت استشيركم.

أولا: العفشة ناشفة جدا وبحالات وخصوصا في الخلف ودا تاعبني جدا
ثانيا: التكييف بيفصل بصوت مزعج وعالي جدا وكل دقيقة تقريبا
ثالثا: العربية كتير لما بضرب فرامل واهدي سواء على الطريق او جوه البلد العربية بتكلبش كده والار بي ام بينزل كانها مسكت في بعض يعني المكنة مش مضبوطه مش عارف دا فلتر بنزين ولا حساسات ولا ايه بالضبط

لو فيه حلول للمشاكل دي حد يقولي وينوبه ثواب لاني على وشك ابيعها واخسر فيها لانها تعباني فعلا .

ولكم جزيل الشكر وياريت محدش يجيبلي سيرة الضمان ولا الصيانة

انا عايز أطمنك و أقولك ماتقلقش...دي مش مشاكل في العربية...اللي حضرتك كاتبه ده توصيف للبومة في حالتها الطبيعية...

[محمد هاني]

الأخ الفاضل اللي بيسألني كنت راكب ايه قبل البوما

انا كنت راكب لانوس زيرو
وبعدين فيرنا زيرو
وبعدين ماتركس زيرو
وكلهم كانوا افضل بكتييييييييييييييييييييييييييييييييييير من النيلة اللي اسمها لانسر
انا ندمااااااااااااان على بيع الماتركس ندم رهيب لاتقارن باللانسر نهائي
وسلمولي ع الياباني
حسبي الله ونعم الوكيل في الذوق المصري اللي يودي ف داهية
انا هبيع خلاص وهخسر بس استريح ده المهم
عربية رديئة بمعنى الكلمة وياريت ما تضحكوش على نفسكم العربية وحشه جدا

[madman2002]

لو اتقفلت نفسيا منها بعها عشان متبقاش ماشى قرفان .. ودور على المانى بقى

[mk3]

الأول أنا عايز أعرف حضرتك كنت راكب إيه قبل اللانسر علشان نوضوع العفشة ناشفه أوي ده غريب شوية .. هي عفشة اللانسر فعلا مش طرية .. بس مش ناشفة للدرجة دي .. لو حضرتك كنت راكب ماتريكس فعلا هتحس إن عفشة لانسر ناشفة .......... المشكلة إنك دلوقتي معاك عربية زيرو فماينفعش أقولك تغير لا جنط ولا كاوتش ولا تلعب في المساعدين حتى .. بس شيك على العفشة كويس ولو مافيهاش أي عيوب و الكاوتش مظبوط يبقى للأسف هقول لحضرتك استحمل و اتعود عليها كده ... عفشة لانسر أنشف من الإلنترا و الماتريكس و الكورولا و ده الطبيعي بتاعها ..

كل العيوب اللي حضرتك بتشتكي منها دي أنا متوقع إنها مش عيوب لكن للأسف حضرتك ممكن تكون نازل من عربية ناعمه أوي و اللانسر للأسف مش ناعمة ... التكييف طبيعي يفصل و يشتغل و هو أصلا في الطبيعي بتاعه صوته عالي شوية لإن عزل العربية الطبيعي بتاعه إنه مش قد كده و صوت الموتور برضه الطبيعي بتاعه عالي .......... في النهاية هقولك انت معاك عربية زيرو ماتلعبش فيها .. تابع مع التوكيل كل مشاكلك دي بس لو فضلت زي ماهي بالنسبة ليك يبقى هي دي فبريكة العربية ... لكن كل ده ليه حلول بس خارج التوكيل و غالبا هتخرج عربيتك من الضمان كمان لو لعبت في المساعدين أو فكيت التابلوه و الصالون أو غيره ...

أنا عربيتي 2005 عفشتها أنشف نسبيا من الكورولا لكن مش سيئة زي ماحضرتك بتحكي ، و العزل صحيح مش قد كده بس برضه مش للدرجة دي ، و الآر بي إم كان بيلعب لكن مع تنضيف الإنجكشن كامل و تغير البوجيهات و عمل سيرفس محترمه بقى أفضل !!!

كل ده طبيعى والعربيه منتشره كده وغاليه
السوق المصرى له قوانينه الخاصه جدا

[محمد هاني]

والله العربيات الكوري برقبتها
هبيعها ان شاء الله

[mahmoud85]

معاك في كل المشاكل انها عيوب طبيعيه في الانسر مالهاش حل تقريبا الا اذا صرفت وعدلت
انما العفشه مش ناشفه زي مانت متخيل الا اذا كنت راكب عربيه مياه قبلها
يعني تويوتا مثلا
انما هي للاسف لازم تبقا كده عشان تستحمل طرقنا الجميله ... انا معايا 2008 وان شاء الله لو ربنا قدرني هركب تويوتا او استرا

[amro0000]

والله غريبة حضرتك كارة العربية بطريقة غريبة اوي معليش يعني بتقول الكوري احسن منها واضح انك معلش مجربتش الاتنين اقسم بلله اقسم بلله انا ركبت فيرنا بتاعة واحد صاحبي اقسم بلله بقيت اقول اللهم لك الحمد علي اني جبت لانسر وكانو ناس بينصحوني اجيب فيرنا قطع غيار رخيصة والموتولا ومش عارف اية محدش ينكر ان الكوري مواتيرة عفية بس باقي العربية تروح في داهيه ومتتحملش البهدله والخبطات والمطبات ياراجل جاي تقارن كوري ماتريكس بلانسر مينفعش يعني انا من يومين وانا ماشي كنت بجري مبكملش حتي سرعة 40 وكان جمبي تاكسي فيرنا المراية بتاعتي خبطت في المراية بتعتو شرختهاله وكسرتهاله طبعا كان غصب عني بس دة يدل ان الكوري ورقة يعني مش حاجة حلوة اوي هقولك حاجة هات الماني بقا بس ابقي قابلني لو استحملك زي الياباني ولو فتحت في قطع غيار يا وووويلك ياويلك انا عاوز اقولك حاجة انا كمان زيك بشتكي من العفشة مش عجباني ومنكرش دا بس انتة محسسني ان العربية كلها زباله ورايحة في داهيه مش للدرجادي يعني بس خلي بالك قبل ماتجيب الماني واعمل حسابك لان اي قطعة غيار هتوجعك اوووووووي وعربيات حراقة مع انها ممتازة اوي وصدقني عفشة الانسر معمرة انا اخدت حفر ومطبات لو عربية تانيه كانت راحت مني يكفيني اني وانا راجع من اسكندرية الصحراوي تقريبا اخدت حفرة تكسر اي عربية وممكن تقلبها يكفي اني روحت وكشفت علي العفشة ملقتش حاجة لانها عربية محترمة مش ورقة واراهنك لو هونداي او كوري مش هيتحملك زي الياباني عموما سواء كانت لانسر او كرولا او غيرة الياباني يكسب اة مش رفاهية لاكبر درجة بس يستحملك وعملي احسن ماتجيب رفاهية بس مع اول قطعة غيار تخرب بيتك نصيحة احسبها صح قبل ما تبيع وعربيتك هتتباع في يومين بس مش هتعرف تعوضها وصدقني الالماني مشاكله كتير اللهم بلغت .....

[hossam_elwani]

ونسيت اقول ان العزل اسوأ ما يكون وصوت الموتور عالي جدا

ده شىء متفق عليه