ثلاثة شهور مع البوما الزيرو وثلاثة الاف كيلو وعذاااااااااااااااااااب

[khaled_afandy]

صديقي المواطن
من سنوات طويلة وأنا أنادي وبقول يا إخواننا الميتسوبيشي لانسر إحنه نافخينها بما لا بستحق وهي مش عربية عليها العين يعني وشكلها مش حلو يمكن الطبلوه بس حلو غير كده لا أمان ولا إتزان ولا أي حاجة غير إنها بتتباع بسرعة وفشلت في كل الدول اللي راحتها كل الدول العربية
أما عن مشاكلك فبسيطة وممكن حلها
العزل ب 1000 جنيه تحل الصالون والبيبان وتعزلها بالكامل
التكييف يا إما عندك فيه نقصان يا فيه زيادة الفريون فكل شوية بيفصل
نشوفية العفشة تنزل ظغط الهواء ل 30 وتحط نتروجين ولو لزمت تجيب كاوتش طري زي لاسسا أو يوكوهاما ولو مرتحتش غير نظام المساعدين لنوع زيت فقط
كل مشاكلك بسيطة ولكن الغلط من عندك وحرام وإزاي طاوعك قلبك تجيب عربية بقالها 10 سنين بنفس الشكل وتدفع فيها فلوس عشان كده مش مطاوعني قلبي أقلك إصرف عليها ولكن مشاكلك بسيطة فحلها
ومن غير زعل من ملاك لانسر لكن العربية دي إنتشرت في مصر بسبب مثل عربي قديم بيقول
من قلة الخيل ركبوا للكلاب سروج
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

أستاذ صدام، اود الإستعانى يخبرتك فى قرار الشراء، انا حاليا مختار بين الشارك الفئة الثانية او الثالثة و البيجو 301 الهاى لاين، يا ترى رأيك كده فى الشارك برضه و الا ايه؟؟؟ و دمتم للنضال

[تامر.محمد]

بالنسبة لسؤال انا اشتريتها ليه رغم وجودها في السوق بقالها اكتر من عشر سنين هقولك بسبب اني سمعت كلام المبالغين على المنتديات في وصف العربية وللاسف اتعلمت درس اني ماخدش معلومة من النت ابدا مدى الحياة والحمد لله

المشكلة فينا كافراد مش في النت

[hossam_elwani]

لا الكلام ده مش بيتحسب بالطريقه دي في شركات بتعمل كده وكده وعلى حسب ال coil spring وعلى حسب وعلى حسب لسته طويله حجات كتير ممكن مثلا تلاقي عربيتين تورشن واحده ناعمه جدا والتانيه. ناشفه حجر كل الشركه ليها طريقتها ومبادئها

وصلت المعلومه شكرا على التوضيح

[hossam_elwani]

بالنسبة لسؤال انا اشتريتها ليه رغم وجودها في السوق بقالها اكتر من عشر سنين هقولك بسبب اني سمعت كلام المبالغين على المنتديات في وصف العربية وللاسف اتعلمت درس اني ماخدش معلومة من النت ابدا مدى الحياة والحمد لله

وهيا المنتديات بس انت لو نزلت الشارع وشاورت لاى حد حيقلك برضه لانسر كلمه واحده اسطمبه

[hossam_elwani]

المشكلة فينا كافراد مش في النت

بس بجد ياتامر احيانا تلاقى راى عام على النت يضللك بقول احيانا

[vip74]

أنا شايف ان الناس محملة اللانسر بومة اكتر من طاقتها وعمالين يقارنوها بعربيات نزلت بعدها بعشر سنين في حين ان المفروض نقارنها بالحاجات اللي كانت بتنزل معاها زي الكورولا القديمة والنوبيرا والحاجات دي... وهي افضل من كل دول على الطريق عن تجارب... اه الكورولا القديمة كانت عفشتها مية بمعنى الكلمة وتجميعها اسرع وموفرة اكتر في البنزين... انما عدي بيها الـ120 كده واتفرج على المراجيح بقى واظن اغلب الناس اللي ساقتها هتتفق معايا...

بس لي كام استفسار بصراحة -وانا هنا مش بدافع عن العربية لأني مش من ملاكها:

1. هو الأخ الفاضل صاحب الموضوع اشترى البومة ليه طالما هية بالسوء ده؟؟ معقولة مجربهاش ولا مرة واحدة وراح على طول اشتراها؟؟ ده العربية مغرقة البلد من 2003 وتقريبا كل اللي بيسوق جربها بنفسه او ركبها مع قريبه او صاحبه الخ يعني عنصر المفاجأة ده مش موجود...

2. الناس عمالة تشتم في العربية لمجرد انها من 2003 في السوق وكأن ده ذنبها هي سبحان الله... على فكرة انا من اكتر الناس اللي مخنوقة من استمرارها لأنها وقفت سوق الشارك بسبب فرق السعر الكبير وتعود الناس والتجار والصنايعية عليها وغيره من الأسباب... بس يعني نفسي اشوف حد زعلان قوي كدة من استمرار اللانوس ولا الفيرنا مثلا وشغال هجوم زي ما بيعملوا مع البومة... والاوبترا كمان ما هي من 2006 يعني السنة دي تامن موديل ليها ومفيهاش اي نوع من انواع الأمان ولا الرفاهية ولا اي حاجة ورغم ذلك متلاقيش حد بيشتم فيها ولا في وكيلها اللي كان لسة بينزلها لحد سنتين فاتوا بكاسيت شرايط!!! وفيه امثلة كتير زي الجين2 برضه اللي من 2006 وغيرها...

3. انا ركبت الماتريكس مع زميل لي قبل كده ومشفتش فيها حاجة مميزة يعني... هي ناعمة وجراية جدا جدا بصراحة بس عادي يعني عربية عادية جدا وخاماتها وتقفيلها اقل من العادي... بصراحة ما اتوقعش اني ممكن أكره البومة بالشكل ده بعد ما اكون راكب ماتريكس!!!

4. عفشة البومة مالتي لينك وناشفة -كعادة المالتي لينك- بس مش للدرجة الرهيبة دي إلا لو الواحد فعلا كان راكب عربية مية زي ما تفضل أحد الزملاء... فمش عارف بصراحة ازاي برضه صاحب الموضوع اتفاجيء قوي كده من كل الحاجات دي رغم وجود العربية من 10 سنين في السوق؟؟؟ ومش قادر افهم برضه موضوع انها بتعوم بالطريقة دي!!! طيب ما بركبها مع زميلي مرتين تلاتة اسبوعيا والراجل بيجيب الـ170 عادي يعني مفيش الكلام ده... الـ1300 منها ثباتها مش قد كده فعلا في الملفات بس الـ1600 كويسة مش وحشة... انما اللي عايز يعرف يعني ايه تعويم يركب عربية زي الالنترا القديمة (الشكل قبل الاخير) ويبقى يقولنا عاملة ازاي في الملفات ومطبات الهوا وحتى في الطرق المستقيمة فوق الـ130 أو الـ140 ويا سلام لو نقل تقيل معدي من جنبه!!!

في النهاية: البومة عربية ياباني قدمت جدا ولكنها تظل ج
عيدة مقارنة بالموجود حاليا وكانت ممتازة مقارنة باللي كانلي بينزل معاها في نفس الوقت... فبلاش نحقر منها للدرجة دي ولا نديها اكتر من حقها... هي عربية معقولة جدا بأسعار اليومين دول ومن منطلق انها ياباني واعتماديتها عالية، واللي بيشتري بيبقى عارف كده كويس... وللعلم بس... اعرف واحد معاه بومة 2007 شغال بيها مشاوير مخصوص من القصير للقاهرة اقسم بالله العربية عاملة فوق الـ700 ألف كم لحد دلوقتي ولسة ما شاء الله فيها خير كتير... وما اعتقدش اي حاجة كوري تقدر على الرقم ده...

علي فكره أنا معايه 2014 ومشيه حوالي 7000 ك
وما شاء الله تمام
وبالنسبة للثبات أنا كنت السبت اللي فات في سيناء
وكنت ماشي 180 والثبات زي الفل

[amro0000]

انا هقول الكلمتين دول ودي لوحدها تكفي انا ركبت اوبل استرا 2013 وسوقتها اقسم بلله محستش بفرق شاسع عن الانسر وعن عربيتي الا في العزل الاوبل تتفوق 30 بلمية والموتور اسرع وانعم شوية عن الانسر غير كدة مفيش فروقات شاسعة بجد والله حرام عليكو ظلمتو الانسر اوي انا اما نزلت من سواقة الاوبل احترمت الانسر لاني محستش بفرق شاسع عن عربيتي اة فية فرق بس مش للدرجة الي انتو بتتكلمو فيها في عيوب العربية ياجماعة فيةا ية بجد

[Dawns_Mist]

خلاص يا جماعة الخير .. صاحب الموضوع زعلان من البومه ، و الموضوع في النهاية آراء .. المفروض إحنا هنا علشان نحاول نساعده و نفيده ، و طالما هو قرر إنها مش عاجباه و هيغيرها فده قراره و لازم نحترمه و نشكر كل واحد حاول يساعد ... لكننا هنا مش علشان نقول مين العربية الأفضل أو كل واحد يتحيز لعربيته ... مش عايزين الموضوع يوسع مننا الله يكرمكم ..
أنا عربيتي بومه .. و كمان موديل 2005 يعني عفا عليها الزمن .. و أنا شايف إنها مكفيه احتياجاتي و الحمد لله .. و عارف إن فيها عيوب و عارف إن ليها مشاكل ، لكني متأقلم مع الوضع و مش زعلان .. و الناس لازم تختلف في آرائها .. و بالتوفيق للجميع :)

[corolladestroyer]

انا هقول الكلمتين دول ودي لوحدها تكفي انا ركبت اوبل استرا 2013 وسوقتها اقسم بلله محستش بفرق شاسع عن الانسر وعن عربيتي الا في العزل الاوبل تتفوق 30 بلمية والموتور اسرع وانعم شوية عن الانسر غير كدة مفيش فروقات شاسعة بجد والله حرام عليكو ظلمتو الانسر اوي انا اما نزلت من سواقة الاوبل احترمت الانسر لاني محستش بفرق شاسع عن عربيتي اة فية فرق بس مش للدرجة الي انتو بتتكلمو فيها في عيوب العربية ياجماعة فيةا ية بجد

والله ده يعيب الاسترا مش يميز اللانسر.....عيب لما عربيه زي الاسترا مايبقاش بينها وبين اللانسر الحقيره فرق شاسع....ده المفروض الفرق المفروض يبقه ملايين السنين الضوئيه وفي كل حاجه من قعدت الكراسي لموتور العربيه....انا مركبتش في حياتي اسوء من البومه.....

[amro0000]

والله ده يعيب الاسترا مش يميز اللانسر.....عيب لما عربيه زي الاسترا مايبقاش بينها وبين اللانسر الحقيره فرق شاسع....ده المفروض الفرق المفروض يبقه ملايين السنين الضوئيه وفي كل حاجه من قعدت الكراسي لموتور العربيه....انا مركبتش في حياتي اسوء من البومه.....

لو العربية وحشة زي مانتة بتقول من البداية اشتريتها لية مانتة اكيد قبل ماتشتري جربتها او سمعت اراء الناس عنها وتاني حاجة لانسر مش حقيرة لانسر عربية في نظر ناس كتير عربية كويسة جدا وانا اتعاملت معاها عربية جميله جدا جدا انا مش فاهم هوة حضرتك بتتكلم عن انهي عربية انا مش فاهم حضرتك بتتكلم علي انهي اساس وبتحكم ماتقول عيوب العربية الي مخلياك تقول انها اسوء عربية ولا حضرتك بتقول كلام وخلاص قول اسوء من ناحية اية بلزبط من وجهة نظرك ؟؟؟؟؟

[mahmoud85]

ياجماعه اختلاف الراي في العربيات ده ليه اساس وليه بنخليه سبب للخناق ؟
لا احنا هنكسب لو العربيه اتباعت ولاهنخسر لو العربيه وقف سوقها
كل واحد بيبقا ليه مزاج معين في السواقه لو مالقهوش في العربيه بيكرهها ... ممكن غيره يلاقيه في نفس العربيه ويحبها
فيه ناس بتحب الفيرنا وتكره التويوتا عادي جدا
هدو الامور شويه

[تامر.محمد]

اهم حاجة بس في الموضوع ان اللي يقول رأيه في عربية يكون ركب غيرها على الاقل و هو بيقارن قبل ما يشتري

ده منعا للفتي يعني سواء بالسلب او الايجاب :)

[تامر.محمد]

والله ده يعيب الاسترا مش يميز اللانسر.....عيب لما عربيه زي الاسترا مايبقاش بينها وبين اللانسر الحقيره فرق شاسع....ده المفروض الفرق المفروض يبقه ملايين السنين الضوئيه وفي كل حاجه من قعدت الكراسي لموتور العربيه....انا مركبتش في حياتي اسوء من البومه.....

انا مش من محبي اللانسر البومة خالص , بس الكلام ده بالصورة دي غير موضوعي بالمرة

[limo]

انا راكب بومه من 6 سنوات ولحد دلوقتى وعامل بيها 80 الف كم
ومبسوط منها جدا جدا الحمد لله بس فى النهايه ان شايف العربيه مش بالسوء الى الناس بتحكى عليه ده انا مشكلتى معاها فقط كان نفسى فى الفرامل تكون قويه شويه وبالباور كهرباء لاكن العزل والثبات والعفشه مفيش فيهم اى مشكله معايا
وبصراحه كل ما افكر اغير بتصعب عليه العربيه لانها بفضل الله مريحانى جدا مغيرتش فيها مسمار من ساعه ما جبتها وشايف الحديث شكل وكماليات بس وممكن يكون مضمون فارق قليل جدا و مش بالدرجه الى تخلينى ازود 100 الف بعد ما ابيع وبعدين لو قارنا البومه بالعربيات الى نفس الفئه السعريه بتاعتها عايز حد يجبلى عربيه منهم ممكن تصمد لغايه 100 الف كم من غير ما تغير فيها مسمار
فى النهايه كل عربيه ليها مميزات وعيوب لازم تكون عارفها قبل ما تشترى ومجربها كمان
يعنى انا ليه واحد صاحبى بيكره البومه بالرغم من انه ركبها معايا كتير جدا وعجباه فى المشى والتكيف والثبات بس برضو بيكرها

[corolladestroyer]

انا مش من محبي اللانسر البومة خالص , بس الكلام ده بالصورة دي غير موضوعي بالمرة

لا بقه موضوعي وموضوعي جداا كمان العربيه معانا من 2007 والكورولا 93 احسن منها ك فرامل وثبات ونعومه وقعده يعني الكورولا من 13 موديل فاتو احسن منها ف طبيعي لما تقولي الماني وموديل السنه كمان هقولك احسن وبمراحل ده اذا كان الكريستاله في زمنها سياره رائعه وانا شايفها احسن من البومه كمان لو افترضنا ان العربيتين زيرو....الموضوع عن تجربه اللانسر دي كانت هتموتني انا واخويا كدا مره بسبب الفرامل المعدومه والثبات منقطع النظير بتاعها لحد اما اتعودنا على العربيه وبقينا بنهدي قبل العربيه اللي قدامك بكيلوات عشان التيريلا اللي اسمها لانسر تقف ده مخترع فرامل البومه عايز جايزه في الاعجاز ازاي قدر يعمل فرامل زباله كده....والله تيل الكورولا بجيبه ب 70 جنيه ايه العربيه فراملها رهيبه وبيقعد وعمرها ما بتحدف وباخد بيها غرز كمان اللانسر حاليا اتعلمنا سواقتها امشي جنب الحيط متلف الدريكسون فجاه ابدا فوق ال 140 ربنا معاك ويرجعك لاهلك بالسلامه الفرامل اعمل حسابك انها ضعيفه جدا وكده ان شاء الله مفيش حوادث والدنيا هتمشي لطيفه.....ف عايزني اقولك انها قريبه من الاسترا ده كلام ده الاسترا عربيه بمعنى الكلمه انا شفتها بتاخد غرز على المحور ايه سهم ماشي بسم الله ماشاء الله ثبات ممتاز....قريبين من انهي اتجاه يعني......