ثلاثة شهور مع البوما الزيرو وثلاثة الاف كيلو وعذاااااااااااااااااااب

[monamize4]

دة الكرستااله لما نزلت صيني كانت بنص التمن ....

دا مربط الفرس ,,
ان البومة مش نازلة صينى ,, دى لحد دلوقتى بتنزل يابانى 100% من مصانع متسوبيشى اللى ف اليابان (ميزة جميلة)عكس عربيات تانية وقف انتاجها من المصانع الرئيسية و التوكيل بيجمعها هنا ف مصر و رغم كدة ,, برضة بينزلها باسعار عاليه

و بعدين العربية عاملة مبيعات كويسة ف بلاد زى مصر و الهند ودا مكسب لمتسوبيشى ,, و بعدين الناس مبسوطين منها زى ما قال الاخ الفاضل corolladestroyer ((عربيه ياباني سعرها في المتناول وقطع غيارها معقوله واعطالها مفيش تقريبا ,, انتشار قطع الغيار والصنايعيه اتعودو عليها وبيعها حلو وبتمسك فلوس ودي كلها مزايا محدش يقدر يتكلم فيها ))
يعنى الشركة كسبانه و المواطن كسبان ,, يبقى يوقفوها ليه ؟!!!!!!!!!!!!!!!!!!!!!!!!!!!!!

[شاهين - بنز]

أنا عايزكوا تفهموا قصدي ياجماعة
ممكن دريكسىون الشاهين ميكونش شارب زي اللانسر بس أنا بتكلم في حتة التعوييييييييييم
إقرص شوية بسيطة عاللانسر في أي ملف حتلاقيها سابت الأرض وخيشت في أقرب سور وهات الشاهين في نفس الملف وبنفس السرعة حتلاقيها أخدته من غير مشكلة
يعني ال g-force في الشاهين أعلى من اللانسر
أما عن الفرامل فالتجربة خير برهان بكرة إن شاءالله حاخد العربيتين وحصور فراملهم جمب بعض من سرعة مية إلى الثبات وحتشوفوا النتيجة بنفسكم والفيديو حيتصور من اللانسر عشان تتأكدوا نفسكم من كركرة ال abs وإني جايب دواسة الفرامل لآخرها
بس ساعتها الفيديو حيتحط في موضوع منفصل بره عشان الناس تيجي تتفرج وتشوف المهزلة
وأوعدكوا حتى لو فرامل اللانسر تقوقت على الشاهين ححط الفيديو هنا برضه وحسحب ساعتها كلمتي بخصوص مقارنة فراملهم ببعض

[amrico]

يا نهار ابيض :)))

هو الموضوع ده لسة شغال :)))

بالمناسبة انا كنت عند مركز عفشة في المنصورة بعمل ضبط زوايا، وطبعا لقيت عنده 3 بومة واقفين في الدور وللعلم تعداد العربيات البومة (خصوصا الفضي) اكتر من تعداد سكان المنصورة :)))

المهم سألت الراجل الفني ايه رأيك في العربية البومة

لقيته بيقولي كويسة لحد 2009 او 2010 بس وبعد كدا كله نصب على الناس، العفشة مستواها بقى اقل خصوصا في ال 1600 سي سي.

والله العظيم الهدف من كلام معظم المعارضين هو كشف السياسة التسويقية الحقيرة للشركة اللي فاهمة عقلية الشعب المصري كويس جدا وبيستغلوا دا اسوأ استغلال

كل شوية اشوف موضوع ان كان في حاجة بتركب زمان في البومة ودلوقت اتشالت، ميزان، شبكة، عتب، ... إلخ واللي بيغيظ انهم بيشيلوا الحاجات دي ويزودوا في السعر.

لكن المشكلة في اعضاء بمجرد ماتجيب سيرة عربيات بيملكوها يروحوا مهاجمينك ويعتبروا الموضوع شخصي والله مش عارف ليه، لكن هانقول ايه فعلا صدق القائل "من السهل خداع الناس ولكن من الصعب اقناعهم انهم تم خداعهم"

بشكر الأستاذ شاهين بنز اللي نزل موضوع قديم بيشرح فيه الإيجابيات والسلبيات في العربية من زمان ايام ما كانت العربية لسة جديدة، ودي صفة نادر تلاقيها في ناس كتير. وبرضه الناس ايامها هاجموه

من الاخر كتير من الأعضاء اصحاب الثقل في المنتدى بيأكدوا ان فعلا العربية دي مش هاقول وحشة، لكن مش هي الخيار الأمثل وخصوصا للمقبل على الشراء وهذا للنصيحة

واللي عنده العربيه ومريحاه ربنا يباركله فيها بس ياريت بلاش يحجر على رأي اي واحد عاوز ينصح المقبلين على الشراء

انا شخصيا ماقدرش اني اتكلم فنيا على العربية لأني مجربتهاش اوي، لكن اقدر اقول ان حرام واحد راكب عربية 2014 يبقى زيه زي واحد راكب عربية 2003 مع فارق الخامات الأجود في 2003

والمعذرة للإطالة عليكم

[amro0000]

يا نهار ابيض :)))

هو الموضوع ده لسة شغال :)))

بالمناسبة انا كنت عند مركز عفشة في المنصورة بعمل ضبط زوايا، وطبعا لقيت عنده 3 بومة واقفين في الدور وللعلم تعداد العربيات البومة (خصوصا الفضي) اكتر من تعداد سكان المنصورة :)))

المهم سألت الراجل الفني ايه رأيك في العربية البومة

لقيته بيقولي كويسة لحد 2009 او 2010 بس وبعد كدا كله نصب على الناس، العفشة مستواها بقى اقل خصوصا في ال 1600 سي سي.

والله العظيم الهدف من كلام معظم المعارضين هو كشف السياسة التسويقية الحقيرة للشركة اللي فاهمة عقلية الشعب المصري كويس جدا وبيستغلوا دا اسوأ استغلال

كل شوية اشوف موضوع ان كان في حاجة بتركب زمان في البومة ودلوقت اتشالت، ميزان، شبكة، عتب، ... إلخ واللي بيغيظ انهم بيشيلوا الحاجات دي ويزودوا في السعر.

لكن المشكلة في اعضاء بمجرد ماتجيب سيرة عربيات بيملكوها يروحوا مهاجمينك ويعتبروا الموضوع شخصي والله مش عارف ليه، لكن هانقول ايه فعلا صدق القائل "من السهل خداع الناس ولكن من الصعب اقناعهم انهم تم خداعهم"

بشكر الأستاذ شاهين بنز اللي نزل موضوع قديم بيشرح فيه الإيجابيات والسلبيات في العربية من زمان ايام ما كانت العربية لسة جديدة، ودي صفة نادر تلاقيها في ناس كتير. وبرضه الناس ايامها هاجموه

من الاخر كتير من الأعضاء اصحاب الثقل في المنتدى بيأكدوا ان فعلا العربية دي مش هاقول وحشة، لكن مش هي الخيار الأمثل وخصوصا للمقبل على الشراء وهذا للنصيحة

واللي عنده العربيه ومريحاه ربنا يباركله فيها بس ياريبت بلاش يحجر على رأي اي واحد عاوز ينصح المقبلين على الشراء

والمعذرة للإطالة عليكم

طب ياريت حضرتك تقولنا رأيك في العربية الشخصي مش رأي الاعضاء قول رأيك بصراحة كدة عشان نعرف برضو الاستاذ شاهين بنز تقريبا عاوز يقول او قال ان الشاهين احسن من الانسر في حجات فرامل وثبات اتفضل حضرتك قولنا عيوب الانسر ؟؟؟؟؟؟

[amrico]

طب ياريت حضرتك تقولنا رأيك في العربية الشخصي مش رأي الاعضاء قول رأيك بصراحة كدة عشان نعرف برضو الاستاذ شاهين بنز تقريبا عاوز يقول او قال ان الشاهين احسن من الانسر في حجات فرامل وثبات اتفضل حضرتك قولنا عيوب الانسر ؟؟؟؟؟؟

انا قلت وجهة نظري قبل كدا، انا شخصيا معترض على سياسة تسويقية (مستغلة) واضحة جدا اكتر من حكم فني ماقدرش افيد فيه لأني مجربتهاش كتير.

انا شخصيا ماقدرش اني اتكلم فنيا على العربية لأني مجربتهاش اوي، لكن اقدر اقول ان حرام واحد راكب عربية 2014 يبقى زيه زي واحد راكب عربية 2003 مع فارق الخامات الأجود في 2003

[horas3000]

ياااااااااه
14 صفحه عشان اللانسر البومه
لا و ايه خناقات و وقف كمان

احنا جبنا البومه دي لاختي اول ما نزلت 2004 و كانت الهاي لاين اللي فيها كل حاجه مش فاكر اسمها هنا في مصر ايه
و العربيه قعدت معانا 5 سنين تقريبا بدون اي مشاكل
و طبعا سقتها كتير و قعدت معايا شخصيا شهرين قبل ما اجيب الكايين
و بصراحه مستغرب جدا من الكلام اللي بيتقال علي ثباتها ده
العربيه ده كانت من اثبت العربيات في فئتها وقتها و كانت بعد السيفيك و المازدا 3 في الموضوع ده
و عمري ما اشتكيت من الموضوع ده خالص
اللي كان مضايقني منها الفتيس ال cvt و ان عزلها مش كافي بالفعل
غير كده هي عربيه محترمه جدا جدا بس علي وقتها
و مقتنع ان مينفعش نقارنها بموديلات احدث لاننا كده بنظلمها

و احقاقا للحق معنديش فكره عن الموديلات الاخيره منها عشان ابقي محدد و دقيق

اما الناس اللي مش مقتنعه انها بتنزل لحد دلوقتي او مستكتره سعرها عليها
هقول قارنوا اسعارها دلوقتي باسعارها اول ما نزلت و انتم تعرفوا انها مزادتش كتير
خصوصا و انها ياباني بالكامل لحد دلوقتي
و الكلام ده حتي مع الغاء بعض الكماليات و المواصفات

و لو اني شايف ان ده شغل توكيل لانها في الكويت بتنزل برضه لحد دلوقتي و من غير اي تعديل اللهم الا في الفئات

و من الاخر برضه
محدش بيضرب حد علي ايده
العربيه بقالها 10 سنين اهو و عيوبها و مميزاتها اتهرسوا
فاللي بيجيبها من غير ميعمل الواجب بتاعه ميرجعش و يشتكي بقي
و اللي مش مقتنع بالعربيه فليقل خيرا او ليصمت

[شاهين - بنز]

أهلا بيك ياأستاذ amrico أنا طبعا فاكرك من أياميها خصوصا لما حضرتك عملت موضوع ساعتها عن اللانسر الفضي ، ياه السنين جريت بسرعة أوي :)

. العربيه ده كانت من اثبت العربيات في فئتها وقتها و كانت بعد السيفيك و المازدا 3 في الموضوع ده

يعني إللي أوحش كمان من ثبات العربية السيء إن عفشتها الناشفة ودريكسيونها الدقيق بتدي إيحاء كاذب وخادع إنها ثابتة ومبتعرفش حقيقة الثبات إلى بعد فوات الأوان زي ماحصل معايا ومع أخويا ومع واحد صاحبنا
العربية مابتديش أي إنذار أبدا قبل مابتعوم كصرير الكوتشات أو خلافه بتلاقيها سابت الأسفلت وقتي وراحت تتدورلها على أقرب سور أو عمود تلبس فيه
بس ميزة الموضوع ده إنها أحسن عربية تسحب بيها هاندات العربية مابتسدق ترفع الهاند عشان تجيب وشها على طول ومن غير حتى ماتاخد سرعة

[شاهين - بنز]

ده كفايه إن العربية بتقعد تتنطط من ورا ساعتين بعد أي مطب هوا بتاخده على سرعة فوق ال ١٠٠
ولو عديت على أي حفرة وإنت ماشي فوق ال ٧٠-٨٠ بتلاقي الدريكسيون إتلوح في إيدك لو مكنتش ماسكة كويس ساعتها

[horas3000]

يعني إللي أوحش كمان من ثبات العربية السيء إن عفشتها الناشفة ودريكسيونها الدقيق بتدي إيحاء كاذب وخادع إنها ثابتة ومبتعرفش حقيقة الثبات إلى بعد فوات الأوان زي ماحصل معايا ومع أخويا ومع واحد صاحبنا
العربية مابتديش أي إنذار أبدا قبل مابتعوم كصرير الكوتشات أو خلافه بتلاقيها سابت الأسفلت وقتي وراحت تتدورلها على أقرب سور أو عمود تلبس فيه
بس ميزة الموضوع ده إنها أحسن عربية تسحب بيها هاندات العربية مابتسدق ترفع الهاند عشان تجيب وشها على طول ومن غير حتى ماتاخد سرعة

يا زعيم مفيش حاجه اسمها ايحاء كاذب في الثبات
و ازاي عفشه ناشفه و دريكسيون دقيق و في نفس الوقت ثبات سيئ
اللانسر انا كنت بجري بيها و باخد غرز و ملفات ضيقه و العربيه قالت في حدود امكانياتها طبعا
و ده اللي الواحد لازم يعرفه في اي عربيه
ايه هي حدود امكانيات عربيتك اللي مينفعش تتخطاها
و اللانسر زي ما عضو قبلي قال كويسه جدا لحد سرعه 160 زيها زي اي عربيه في فئتنا
اكتر من كده لازم تكون سواق محترف عشان تقدر تتحكم في العربيه بشكل مرضي

عموما العربيه موجوده و مرطرطه و اللي ناوي عليها يستحسن يجرب و يحكم بنفسه

[Waleed_zayan]

انا متابع الحوار ده من أوله ، والحقيقة مش عارف ايه الهدف من الموضوع بالظبط ، تكريهنا فى العربيه ولا ايه ؟؟؟ بمنتهى البساطه اللى معاه العربيه الله يباركله واللى مش عاجباه يبقى أهو قال رأيه وشكرا ليه وعلى كده ،، وافتكر عيوب ومميزات العربيه اتهرست واتحفظت من زمااان وكلنا عارفينها وكفى الله المؤمنين شر القتال وشكرا .