ثلاثة شهور مع البوما الزيرو وثلاثة الاف كيلو وعذاااااااااااااااااااب

[manfromegy]

والله عندي فكره تحبوا نجربها عملي و هي إن اللي معاه لانسر حاله ممتازه و قرفان منها يعرضها للبدل أو البيع و نشوف
أنا مش منهم و الحمد لله راضي تماما عن عربيتي و الحمد لله و ربنا يباركلي فيها و يحفظهالي و عربيتي كمان تاني فئه جنوط 2013 و ماعنديش إستعداد أفرط فيها

[Anxs111]

باشا بغض النظر عن كفائة العربيه ...فكن إن الموديل بينزل من ٢٠٠٣ فده في سوق العربيات بيعكس خلل وإستغلال من المصنع للمستهلك ....طب سؤال لما ينزل اللانسر الجديد هيوقفو دي ولا هيفضلو ينتجوها ويكفوا الشارك ولا هيخلو الأتنين وينزل عليهم موديل جديد ....صدقني الموضوع تحس إنه مش ماشي خالص ...وبعدين طيب ليه تويوتا ما نزلتش الموديل بتا ٩٣ تاني ماهو داه إنجح واحد لحد دلوقتي (تويوتا الملكة ) أو السيفيك تنزل بالشيب الثوري بتاع ٩٥ ... وأنا متأكد لو الكلام داه حصل هتلقي طلبات الحجز عليهم للصبح ...
داه بيعكس خلل في ثقافة المستهلك إنه موستعد يشتري عربيه قديمة علي أنها جديدة وبسعر غالي ...
يعني لو البومة كانت ب-١٠٠ ألف حقول ماشي ...أو صنعوها في الصين ونزلت متسوبيشي صيني وسموها حاجة غير لانسر هقول ممكن تتبلع ...
أما تنزل ٢٠١٤ وبسعر عالي وأسمها لانسر فداه نصب علني وإستغلال للناس ما بعده إستغلال ....
زي ما الناس نفسهم بيجو ترجع تنتج إل ٥٠٤ تاني .... بالذمه داه كلام ...

[magued2001]

باشا بغض النظر عن كفائة العربيه ...فكن إن الموديل بينزل من ٢٠٠٣ فده في سوق العربيات بيعكس خلل وإستغلال من المصنع للمستهلك ....طب سؤال لما ينزل اللانسر الجديد هيوقفو دي ولا هيفضلو ينتجوها ويكفوا الشارك ولا هيخلو الأتنين وينزل عليهم موديل جديد ....صدقني الموضوع تحس إنه مش ماشي خالص ...وبعدين طيب ليه تويوتا ما نزلتش الموديل بتا ٩٣ تاني ماهو داه إنجح واحد لحد دلوقتي (تويوتا الملكة ) أو السيفيك تنزل بالشيب الثوري بتاع ٩٥ ... وأنا متأكد لو الكلام داه حصل هتلقي طلبات الحجز عليهم للصبح ...
داه بيعكس خلل في ثقافة المستهلك إنه موستعد يشتري عربيه قديمة علي أنها جديدة وبسعر غالي ...
يعني لو البومة كانت ب-١٠٠ ألف حقول ماشي ...أو صنعوها في الصين ونزلت متسوبيشي صيني وسموها حاجة غير لانسر هقول ممكن تتبلع ...
أما تنزل ٢٠١٤ وبسعر عالي وأسمها لانسر فداه نصب علني وإستغلال للناس ما بعده إستغلال ....
زي ما الناس نفسهم بيجو ترجع تنتج إل ٥٠٤ تاني .... بالذمه داه كلام ...

يا عزيزي عندك بديل "اعتمادي" في فئة ال 100-130 ألف جنيه؟ غير البيجو 301 اللي عمالين تتكلموا عنها؟

لو ماعندكش يبقى التزم الصمت لو سمحت وراعي مشاعر الناس اللي جايباها جديد أو بتفكر تجيبها.

محسسني إن العربية تدبيسة!

هو إيه التكنولوجيا الجديدة غير فرامل abs وبلوتوث وشوية رفاهيات !!!

[corolladestroyer]

انت بتقول : (انك تجيب سرعه ملهاش علاقه اوي بالثبات) مع احترامي ليك بس ده كلام واحد مايفهمش حاجه في العربيات أصلا , ليه ياباشا انت مش ماشي على كاوتش والكاوتش ده مليان هواء .. ومعروف ان مع السرعات العاليه أي عربيه بيخف وزنها لدرجة ان لو جت زلطه تحت فردة عجل ممكن لاقدر الله تقلب العربيه .. أو على الأقل تخل بتوازنها .

وبعدين حضرتك بتقولي انت بتقارن فرامل اللانسر بإيه عشان تقولي حلوه ؟

هو أنا عشان أحكم على الفرامل انها كويسه أو لأ .. لازم أجرب أجانس عربيات بحاله ولا ايه .. أنا ليا طالما بامشي بالعربيه وأفرمل وقت مااحب والعربيه بتقف وحتى في الأوقات الخطر لو حد زنق عليا .. او حد معدي قدامي أو لاقدر الله حادثه , طالما الفرامل بتسعفني في كل الأوقات دي تبقى فرامل كويسه.
مايهمنيش بقى اذا كانت فرامل التويوتا أجمد ولا فرامل البي ام دبليو بتقف لوحدها .. أو فرامل المرسيدس بتوقف العربيه بمجرد التفكير في الوقوف .
أنا ليا بركوبتي أنا واحتياجاتي من عربيتي .. وسبق وقولتلك قبل كده أنا مش داخل سباق بالعربيه .. هاروح أجربها في تراك عشان اعرف اذا كانت فراملها حلوه أو لأ .

وحضرتك بتقول كمان انك لما ركبت لانسر وبتاخد بيها ملف العربيه عومت منك أو نطت أو فلتت منك .. الكلام ده ياباشا عيب سواقه .. معروف انك لو راكب أي عربيه حتى لو فيراري .. الواحد بيهدي شويه في الملفات أو على الأقل لو في ملف جامد شويه بتريح رجلك من على البنزين (حضرتك عايز تتمرن على السواقه .. أنصحك تلعب نيد فور سبيد شويه)

وهانروح بعيد ليه .. ما عندك ياما حوادث بتحصل بعربيات احنا أصلا ماشوفنهاش في مصر لسه .. وعندك الممثل الأجنبي ده بتاع فيلم فاست آند فيريس لسه ميت في حادثة عربيه (وماسمعتش انه كان راكب بومه في الحادثه)

آخر حاجه هاقولهالك بتقول عايزين تبيعوا اللانسر وتجيبوا إلانترا !!! ( لاتعليق )

عشان تعرف قد ايه فرامل اللانسر ضعيفه لازم تشوف باقي العربيات ودي مش هناقشها كتير ثانيا في الملفات لو معاك فيراري لازم تهدي ماشي انا مش معايا فيراري
وبالجولف ولا الفنتازيا ولا الجيتا مش بتضطر اهدي على ملفات بهدي عليها بلانسر خوفا من العومان ومش بقول اي كلام تعالى نعمل تجربه عمليه وهات عربيتك واركب معايا وهاخدلك ملف 180 متقدرش تاخده بلانسر ب 140.....اه اكيد حضرتك ابيع لانسر بومه واشتري النترا جديده اكيد او شارك او مازدا بس طبعا المازدا والشارك احسن.....

[corolladestroyer]

لأ ياسيدي .. متشكرين ليك جدا ... أنا متأكد ان كل اللي معاه لانسر بومه يعرف مميزاتها كويس مش مستني معاليك تيجي تقولهاله .. والا ماكانش راح اشتراها من الأول .

ومن الآخر بقى عشان الموضوع بدأ يبقى سخيف .. حضرتك مش من ملاك العربيه فبلاش تتكلم عليها أكتر من كده .. سيب ملاكها يتكلموا ويقولوا آرائهم ومشاكلهم ويفيدوا بعض .. حتى لو أخوك معاه العربيه .. خليه هو اللي يدخل يقول رأيه ومشاكله وأكيد هايلاقي أعضاء كتير تفيده في المشاكل اللي مضايقاه من العربيه ويحلوهاله .

لكن انك تفضل عمال على بطال كده تذم فيها .. لأ .. أنصحك الأحسن تروح قسم الفولكس بتاعك .. او شوف انت معاك عربيه ايه وروح القسم بتاعها

وشكرا لكل اللي شارك في الموضوع

بص ياباشا انا رديت على كل رد. ليك على حده هقولك على حاجه فعلا عشان الموضوع بقه سخيف اولا انا لما كتبت مزايا مكتبتهاش عشان حد يشكر ويتريق انا كتبتها عشان في اللي سال وعايز يسمع مني مزايا قلتله المزايا بكل صدق ثانيا البومه مع اخويا بس احنا كل واحد مننا مع مفاتيح عربية التاني وانا عامل بالبومه مالايقل عن 30 الف كيلو ف اعرف احكم عليها كويس واخيرا ياخي المحترم المنتدى للجميع مش كل عضو في قسمه وقفلنا على كده.... كله بيفيد الكل في كل الاقسام بواقع خبراته ولعلمك اخويا فعلا كان في المنتدى وناس نصحته بكذا حاجه ف من الاخر ملوش لازمه الكلام بهذه الطريقه والعدوانيه عليا بشكل شخصي انا لما اتكلمت اتكلمت على عربيه وهاجمت سياره بعينها مش شخص ولا اجرا ابدا اني اهاجم احد مش من طريقتي ولا عادتي....والف شكر ليك.......

[Waleed_zayan]

مع احترامى للجميع الموضوع أخد اكتر من حجمه ما بين مؤيد ومعارض ، والحكاية بسيطه ، المقارنه تتم على أساس الفئه والسعه اللتريه والسعر ، غير كده مينفعش وتبقى مقارنه غير عادله ،،، وعموما اللى مش عاجباه العربيه ميجيبهاش او يبيعها وخلاص ، واللى عاجباه ربنا يباركله فيها ويكفيه شرها ، وكفى الله المؤمنين شر القتال ،، وشكرا

[corolladestroyer]

انت بتقول : (انك تجيب سرعه ملهاش علاقه اوي بالثبات) مع احترامي ليك بس ده كلام واحد مايفهمش حاجه في العربيات أصلا , ليه ياباشا انت مش ماشي على كاوتش والكاوتش ده مليان هواء .. ومعروف ان مع السرعات العاليه أي عربيه بيخف وزنها لدرجة ان لو جت زلطه تحت فردة عجل ممكن لاقدر الله تقلب العربيه .. أو على الأقل تخل بتوازنها .

وبعدين حضرتك بتقولي انت بتقارن فرامل اللانسر بإيه عشان تقولي حلوه ؟

هو أنا عشان أحكم على الفرامل انها كويسه أو لأ .. لازم أجرب أجانس عربيات بحاله ولا ايه .. أنا ليا طالما بامشي بالعربيه وأفرمل وقت مااحب والعربيه بتقف وحتى في الأوقات الخطر لو حد زنق عليا .. او حد معدي قدامي أو لاقدر الله حادثه , طالما الفرامل بتسعفني في كل الأوقات دي تبقى فرامل كويسه.
مايهمنيش بقى اذا كانت فرامل التويوتا أجمد ولا فرامل البي ام دبليو بتقف لوحدها .. أو فرامل المرسيدس بتوقف العربيه بمجرد التفكير في الوقوف .
أنا ليا بركوبتي أنا واحتياجاتي من عربيتي .. وسبق وقولتلك قبل كده أنا مش داخل سباق بالعربيه .. هاروح أجربها في تراك عشان اعرف اذا كانت فراملها حلوه أو لأ .

وحضرتك بتقول كمان انك لما ركبت لانسر وبتاخد بيها ملف العربيه عومت منك أو نطت أو فلتت منك .. الكلام ده ياباشا عيب سواقه .. معروف انك لو راكب أي عربيه حتى لو فيراري .. الواحد بيهدي شويه في الملفات أو على الأقل لو في ملف جامد شويه بتريح رجلك من على البنزين (حضرتك عايز تتمرن على السواقه .. أنصحك تلعب نيد فور سبيد شويه)

وهانروح بعيد ليه .. ما عندك ياما حوادث بتحصل بعربيات احنا أصلا ماشوفنهاش في مصر لسه .. وعندك الممثل الأجنبي ده بتاع فيلم فاست آند فيريس لسه ميت في حادثة عربيه (وماسمعتش انه كان راكب بومه في الحادثه)

آخر حاجه هاقولهالك بتقول عايزين تبيعوا اللانسر وتجيبوا إلانترا !!! ( لاتعليق )

اه نسيت ارد على اول نقطه بتاعت الثبات حضرتك نتشت اول الكلام بتاعي فقط ورديت على اساسه ونسيت ان للكلام بقيه انا قلت بالحرف ملوش علاقه بالثبات طالما ايه ركز طالما راكب عربيه كويسه كويسه مرتين اهو عرييه مدفوع فيها 100 الف جنيه اكيد هتجري بيها وتجيب 170 اي نعم ساعتها العربيه بتبقى في الضياع بس مش انتحار زي اللادا او ال 128 لو جبت بيهم 150 وده كان كلامي مش اللي انت قلته ده.........وطبعا حضرتك تفننت في الردود السابقه في الهجوم عليا شخصيا ك كلام مثال مايفهمش في السواقه وعيب سواقه والعب نيد فور سبيد وروح قسمك وكلام من هذا القبيل ودورلي في اي مشاركه من مشاركاتي هاجمت احد الاعضاء شخصيا..
انا بهاجم سياره بموديل معين لانها مش عجباني واضحت الاسباب اللي انا مقتنع بيها وعن تجربه مررت بها.......ياريت تكون وضحت الصورة.....

[Anxs111]

لو ماعندكش يبقى التزم الصمت لو سمحت وراعي مشاعر الناس اللي جايباها جديد أو بتفكر تجيبها.


هو إيه التكنولوجيا الجديدة غير فرامل abs وبلوتوث وشوية رفاهيات !!!

أنصحك ما تخدش الحوار علي صدرك عشان صحتك ...أما كوني إلتزم الصمت فهو أمر شخصي لأني لم أتخطي بالأساس حدود الأدب دة غير أني بقول رأيي اللي ممكن يفوق ناس كتير أو يساعدهم يستوعبوا حقيقة اللي بيحصل ..
لو أنت من ملاك العربيه فالمفروض إنك مقتنع بيها (ولا أنت ابتديت تغير رأيك )....
عموما أنا لما بشتري عربيه بشتريها وأول حاجة اعملها أني أكون مقتنع إن دة كان أنسب إختيار لاحتياجاتي وإمكانياتي فمش هتفرق معايا أراء الناس ...
أنا جبت الكرولا العيون زيرو علي سمعت الكرولا الملكه اللي قبليها ...
العربيه ما نجحتش في السوق وما حدش شاكر فيها وتويوتا قلبت الموديل بعد سنتين ومع ذلك أنا ما بعثاش لحد إليوم رغم إن والدي عايز يبعها بقالو سنتين وكل أصحابي بيتريكو عليها ومع ذالك أنا بحبها جدا ومش بزعل وكمان حطيت فيها فرش جلد طبيعي وساوند سيستم روش ...
بلاش ثقافتة إن العربيه دي مقياس الرجولة وإلا هيبقي مصر أصلا مفيهاش رجالة لأن تسعين في الميه من عربياتها خيبانه بس بسبب الجمارك وقلت الدخل بتفرض علينا ...فمش كل واحد غايب عربيه عايز يحس إنه راكب فراري ...
تاني نقطة بالنسبا لشوية الكماليات فال-abs مهم والراحة مهمة ....والأمان مهم ...
هي بس دايما لو الحوار مش علي هوي بعض الناس بنبتدي نسخن علي بعض ...
المبسوط بالبومة قشطة ويمكن في ٢٠٢٠ يجبها تاني وهو مقتنع بس وأنا كمان رأي ثابت مش المفروض أقوله عشان اكيف ملاك الماركة ...

[amrico]

أنا مش هارد عليك لأن ده ماتزعلش مني .. كلام ناس مجانين .

برجاء من الإدارة اتخاذ اللازم تجاه شخصنة الحوار واتهام الأعضاء بالجنون

كل الأعضاء المعارضين لرأيه كانوا بينتقدوا سواء امكانيات فنية او سياسة تسويقية للشركة ومحدش اتكلم عن شخص بعينه. لكن يبدو ان الموضوع بدأ ياخد اتجاه تاني من الهجوم على الأشخاص
ومش عارف بصراحة اللي يقولك مش هرد عليك ويروح شاتم، مش عارف لو كان رد كان هايعمل ايه بصراحة

[magued2001]

أنصحك ما تخدش الحوار علي صدرك عشان صحتك ...أما كوني إلتزم الصمت فهو أمر شخصي لأني لم أتخطي بالأساس حدود الأدب دة غير أني بقول رأيي اللي ممكن يفوق ناس كتير أو يساعدهم يستوعبوا حقيقة اللي بيحصل ..
لو أنت من ملاك العربيه فالمفروض إنك مقتنع بيها (ولا أنت ابتديت تغير رأيك )....
عموما أنا لما بشتري عربيه بشتريها وأول حاجة اعملها أني أكون مقتنع إن دة كان أنسب إختيار لاحتياجاتي وإمكانياتي فمش هتفرق معايا أراء الناس ...
أنا جبت الكرولا العيون زيرو علي سمعت الكرولا الملكه اللي قبليها ...
العربيه ما نجحتش في السوق وما حدش شاكر فيها وتويوتا قلبت الموديل بعد سنتين ومع ذلك أنا ما بعثاش لحد إليوم رغم إن والدي عايز يبعها بقالو سنتين وكل أصحابي بيتريكو عليها ومع ذالك أنا بحبها جدا ومش بزعل وكمان حطيت فيها فرش جلد طبيعي وساوند سيستم روش ...
بلاش ثقافتة إن العربيه دي مقياس الرجولة وإلا هيبقي مصر أصلا مفيهاش رجالة لأن تسعين في الميه من عربياتها خيبانه بس بسبب الجمارك وقلت الدخل بتفرض علينا ...فمش كل واحد غايب عربيه عايز يحس إنه راكب فراري ...
تاني نقطة بالنسبا لشوية الكماليات فال-abs مهم والراحة مهمة ....والأمان مهم ...
هي بس دايما لو الحوار مش علي هوي بعض الناس بنبتدي نسخن علي بعض ...
المبسوط بالبومة قشطة ويمكن في ٢٠٢٠ يجبها تاني وهو مقتنع بس وأنا كمان رأي ثابت مش المفروض أقوله عشان اكيف ملاك الماركة ...

أنت أبعد ما تكون عن الاحترافية في النقد. بس غالباً إنت أسلوبك كدة في تفنيد السيارات، فكّرتني بأيام ثانوي لما ماتعجبناش عربية نقول "دي عربية معفنة واللي يجيبها مابيفهمش" لكن طبعاً نخاف نقول كدة لصاحب العربية.

إنت بقا عشان ورا شاشة فابتكرر نفس الأسلوب.

ويا سيدي أنا هاستلم عربيتي بومة 2014 ودي أنسب سيارة لاحتياجي وماعنديش أي مانع من حد يذم في العربية (ماهي أذواق) بس يا ريت مايكونش بطريقة ثانوي دي. وشكراً.

[Dragon78]

أنا مش هارد على كلام أي حد لأن فعلا الموضوع بقى سخيف جدا

ومستغرب بين اللي داخل يشتم ويسب في العربيه وفي الناس اللي بيشتروها وفي الآخر يقول ان كلامي في عدائيه

ع العموم ياريت الموضوع يتقفل على كده فعلا وكل صاحب عربيه يروح القسم بتاعه .. المنتدى معمول عشان الناس تستفيد من تجارب بعض .. مش عشان تدخل تشتم وتنتقد في عربيات بعض .

وشكرا لكل اللي ساهم في تشويه سمعة البومه .. بس برضه انا بحبها وهافضل معتز بيها .. أنا وكل ملاكها .

[Ahmed TRAVCO]

يا جماعة الخير صلوا على النبي عليه الصلاة والسلام ويا ريت نهدى شوية... انا كنت سبت الموضوع بس لاحظت زيادة عدد المشاركات فيه بشكل كبير ولما قريت المشاركات اللي فاتتني لقيت الموضوع دخل في حارة سد... ببساطة شديدة طريقة الانتقاد للعربية من بعض الناس هنا كانت مستفزة جدا لملاك العربية وعدد ممن لا يمتلكونها (زيي) وده اللي وصلنا لكده... يعني لما الواحد يقول العربية ليست على المستوى المطلوب وان فيه بدائل افضل منها بنفس السعر محدش هيزعل... انما نقعد نشتم ونقول دي فراملها زبالة وثباتها مراجيح وزحاليق وعفشتها حقيرة وكلام من النوعية دي ونلاقي كمان اصرار على الرد بنفس القسوة على اي حد من ملاك العربية بيحاول يدافع عنها ويقول انها مش بالصورة السيئة دي... ده بصراحة كان شيء ملفت جدا وغير مقبول...

وانا في النهاية اتمنى غلق الموضوع واحنا حبايب ومش زعلانين من بعض...

[Anxs111]

أنت أبعد ما تكون عن الاحترافية في النقد. بس غالباً إنت أسلوبك كدة في تفنيد السيارات، فكّرتني بأيام ثانوي لما ماتعجبناش عربية نقول "دي عربية معفنة واللي يجيبها مابيفهمش" لكن طبعاً نخاف نقول كدة لصاحب العربية.

إنت بقا عشان ورا شاشة فابتكرر نفس الأسلوب.

ويا سيدي أنا هاستلم عربيتي بومة 2014 ودي أنسب سيارة لاحتياجي وماعنديش أي مانع من حد يذم في العربية (ماهي أذواق) بس يا ريت مايكونش بطريقة ثانوي دي. وشكراً.

يا ريت توريني الجملا اللي أنا قلتها رجعتك لأيام ثانوي . ..

[Anxs111]

مبروك الإيقاف للأستاذ dragon78 ...
أظن كدا واضح مين اللي بيغلط ...

[Mahmoud.hamedm]

ويا سيدي أنا هاستلم عربيتي بومة 2014 ودي أنسب سيارة لاحتياجي وماعنديش أي مانع من حد يذم في العربية (ماهي أذواق) بس يا ريت مايكونش بطريقة ثانوي دي. وشكراً.[/QUOTE]

الف مبروك مقدما والحمدلله ربنا اكرمنى واستلمت من يومين بس كنت كنت عايز اعرف جبتها منين وبكام لانى جبتها بسعر اعلى من اللى بسمع عنه وثانيا العربية فيها رعشة وانا واقف على p فلو عندك فكرة