رابطة مالكي الكريستالة..لانسر 1996 - 2000

[hotskull]

الاخ upnemo
مجهود رائع جزاك الله خير
معلش انا عاطول عليك انا عايز اشترى لانسر بس امامى الكريساتلة و الشكل الى بعده2001،2002 و انا محتار اجيب اه و فى ناس بتقول ان موتور الانسر 2001 مش اد كده و اضعف من موتور الكريستالة فهل هذا صحيح ؟؟؟ و اه اخبار قطع الغيار الخاصة بموديل 2001 و اخيرا ما عو الفرق بين كربيراتير الكريستالة مو 98 و كربيراتير الكريستالة 99 شكرا و اسف على الاطالة

[HeMa_LanCeR]

الاخ upnemo
مجهود رائع جزاك الله خير
معلش انا عاطول عليك انا عايز اشترى لانسر بس امامى الكريساتلة و الشكل الى بعده2001،2002 و انا محتار اجيب اه و فى ناس بتقول ان موتور الانسر 2001 مش اد كده و اضعف من موتور الكريستالة فهل هذا صحيح ؟؟؟ و اه اخبار قطع الغيار الخاصة بموديل 2001 و اخيرا ما عو الفرق بين كربيراتير الكريستالة مو 98 و كربيراتير الكريستالة 99 شكرا و اسف على الاطالة

بالنسبه للكريستاله :
الكربراتير لو الأتنين كربراتير يبقي الأتنين واحد لكن ممكن تكون ال 99 انجيكشن وليس كربراتير
وبالنسبه للشكل اللي بعدها ما يسمي (بالمكواه)
انا اعرف ان قطع غيارها غاليه معرفش ليه لكن بالنسبه للموتور بصراحه مش عارف بس فعلا موتور الكريستاله قوي جدا مش هتحس ابدا انه 1300
لكن انا هعرفلك لأن في واحد هنا كان معاه كريستاله وجاب المكواه بس مش فاكر اسمه فا هدور عليه وأسألهولك وارد عليك

[HeMa_LanCeR]

عايز اجيب بوجيهات اجيب ايه؟
و اغير ايه و انا لسه شارى العربية
كريستاله 98
هل اغير طقم كهرباء
ايه اللى بيزود السحب جداًًًًًًًًااااااااا

غير جميع السيور
غير جميع الفلاتر ( هواء - بنزين - زيت)
وياسلام لو لقيت فلتر اسبور كربراتير
غير البوجيهات يفضل تجيب NKG الياباني
اكشف علي تيل الفرامل
غير زيت الموتور وأكشف علي زيت الفتيس وزيت الباور
ظبط الأنوار تأكد ان كلها شغال (اشارات - استوب - خلفي - النور الأمامي)

[ahmedsmg]

شكرا الف شكر لك upnemo على اعادة فتح الموضوع الجديد ولك كل أحترامنا


بالنسبة للمصابيح الامامية الاصلية التى تجدها مع السيارة بها لمبات ضعبفة جدا 55/60 وات وهى لاتكفى للقيادة الليلية الا فى داخل المدن الرئيسية حيث أعمدة الانارة وعدم وجود سيارات بالطريق المقابل يعميك أغلبها بالضوء العالى بمناسبة وبغير مناسبة , أما على الطرق السريعة فالقيادة الليلية خطيرة للغاية بهذة اللمبات

انا غيرت بلمبات اخرى 120/200 وازلت العواكس من امام اللمبات الجديدة وذلك يستلزم تركيب كتاووت .... ودلوقت أخاف ان اضئ النور الامامى داخل المدن حتى لاأوذى قائد السيارة التى امامى من شدة وقوة الضوء الجديد.

وبالنسبة للمبات الزنيون فهى مخالفة فى قانون المرور الجديد نظرا لانها ليست من المواصفات الاصلية للكرستالة .

واخيرا هناك لمبات زرقاء تعطى اضاءة قوية بيضاء شبيهه بالزينون ولكنها لاتوضح الاشياء التى امام السيارة جيدا وخصوصا على الطرق السريعة لذلك لااوصى بها .

ارجوا ان تجد مايفيدك فيما سبق ,,, وتقبلوا تحياتى

[islamaboelnaga]

حد يعرف الفوجات الاصليه للكريستاله بتتباع فين فى المنصوره و فى حدود كام ؟؟

[mazagnge]

حد يعرف الفوجات الاصليه للكريستاله بتتباع فين فى المنصوره و فى حدود كام ؟؟

سعر الفوجات في التوكيل للانسر 98 حوالي 4000 جنيه
بره في السوق من 300 الى 500 جنيه

و اغلب الناس قالولى جيبها مع اكصدام عربية وارد الخارج ارخص لك .... و الصراحة حتى تاريخة ما خلصتش الموضوع دة :D

[moonport]

السلام عليكم ورحمة الله وبركاته
انا معايا كريستاله 99 اتوماتيك 1300cc اما بدورها بتدور معايا بس بترجع تبطل تانى مش عارف ليه وبتعملها كذا مرة ورا بعض مع انى قبل ما ادورها بديها دوستين بنزين ياريت حد يفيدنى وشكرا جزيلا

[HeMa_LanCeR]

السلام عليكم ورحمة الله وبركاته
انا معايا كريستاله 99 اتوماتيك 1300cc اما بدورها بتدور معايا بس بترجع تبطل تانى مش عارف ليه وبتعملها كذا مرة ورا بعض مع انى قبل ما ادورها بديها دوستين بنزين ياريت حد يفيدنى وشكرا جزيلا

موضوع انها تبطل فا ده ليه اسباب متعدده
بس عموما دور العربيه من غير ماتدوس علي حاجه
انا بدورها كده سواء صبح او ليل وهي الحمد لله بتدور من اول مره
طيب ممكن نعرف سحب العربيه معاك ايه ؟

[moonport]

سحب العربية الحمد لله زى الفل طبعا مبمشيش بيها الا اما تسخن لكن قبل ما تسخن بتبطل لو مدوستلهاش بنزين
انا لسه منضف الكربراتير والرادياتير وشيلت تيرموستات طلمبة المية عشان باظ

[karim_m]

عندي لانسر كريستالة موديل 1998 عايز اعدلها لميراج
يعني اكصدامات ميراج وفوانيس وشنطة ميراج وكده

ممكن حد يفيدني الحكاية دي تتكلف كام

وشكرا

[Ayman2007]

ألف شكر لك يا upnemo على إعادة فتح موضوع "كل من يمتلك لانسر كريستالة"

معايا لانسر كريستالة 99 مانوال كاربيراتير شاريها بقى لي حوالي 6 شهور
عندي مشكلتين الأولى العربية كانت بتحدف شمال رحت يوم السبت الماضي ضبط زوايا و جربت لقيت نفس المشكلة بدلت الكاوتشتين إللي قدام مكان بعض و جربت لقيت الحدفة بقت يمين!!

هل ده عيب كاوتش و إلا عايزة زرجينة و إلا بتاع الزوايا شغله مش أد كده ؟؟؟؟

على فكرة الكاوتش هو بريدجستون و حالته مش بطالة شغال يعني

المشكلة الثانية لما آجي أسخن العربية بيطلع من الشكمان دخنة سوداء و رائحة فظيعة تحس إنك ها تتخنق و بعدين كنت حاسس إن كهربتها عالية شوية رحت لكهربائي ضبط حاجة كده غالبا" الإسبراتير (بس مش متأكد) و بعدين حكيتله على مشكلة الدخنة السودة قاللي ده عشان كهربتها كانت عالية و مع الوقت ها تختفي (بس أنا مش مقتنع قوي بالكلام ده) و نصحني إن ما أخليش حد يلعب في الكاربراتير فهل الكلام ده صحيح و إيه رآي الاخوة الأعضاء ؟؟

[bido]

أولا أشكر الجميع على المنتدى الرائع والرقى فى الحوار والمعلومات المفيدة وطبعا لازم أشكر المهندس طارق مصراوى جدا بشكل خاص على المجهود الرائع و الغير مسبوق:k49::k49::k49:.

كنت بسأل عن إستهلاك الوقود كام كيلو فى الصفيحة فى السفريات ؟ مع العلم إن العربية 99أوتو كربراتير ولو مشغل التكيف يكون كام ؟ ولو مشغل التكيف ومعايا 4 أفراد وشنط يكون الفرق أد إية ؟

[mazagnge]

عندي لانسر كريستالة موديل 1998 عايز اعدلها لميراج
يعني اكصدامات ميراج وفوانيس وشنطة ميراج وكده

ممكن حد يفيدني الحكاية دي تتكلف كام

وشكرا

مش عارف يا كريم بس عشان تعمل اللى انت بتقولة هاتدخل فى مبلغ و الموضوع مش قاسي قووى او الفارق كبير .

انت ممكن تعمل تعديل فى الجنوط فى الاكصدامات ، تعمل فاتحة سقف و يبقي اسمك دلعت العربية و حتى لو فى يوم حبيت تبيع العربية سعرها هيختلف شوى .... هى وجهات نظر بس انا مش مقتنع باللى انت بتقولة ، حاول تعيد نظر .

[mazagnge]

مشـاركة بالرأى

يا جماعه عايز أغير فرش العربية ... خلاص أنهار :ack2:

العربية لونها الخارجي أبيض
التابلوة رصاصي بالاضافة لجوانب الابواب
وش التابلوة و مفاتيح التكيف بني ابانوس + ذراع الفتيس

تقترحوا لون اية او تفصيلة معينة للكراسي

كنت بفكر انى اعملة لونين ( رصاصي منغمش أسود ) لكن حسيت انة هيبقي كئيب .
و فكرت فى البيجات لكن التابلوة و الابواب رصاصي فهيبقي نشاذ
و حاولت ادخل لون الابناوس مع اللون الرصاصي مش لايقين على بعض

أى اقتراح او صورة لتفصيلة فرش بلون مناسب ..... دبرني يا وزير

[karim_m]

[quote=mazagnge;451016]مش عارف يا كريم بس عشان تعمل اللى انت بتقولة هاتدخل فى مبلغ و الموضوع مش قاسي قووى او الفارق كبير .

انت ممكن تعمل تعديل فى الجنوط فى الاكصدامات ، تعمل فاتحة سقف و يبقي اسمك دلعت العربية و حتى لو فى يوم حبيت تبيع العربية سعرها هيختلف شوى .... هى وجهات نظر بس انا مش مقتنع باللى انت بتقولة ، حاول تعيد نظر .[quote]

مش فاهم يعني اية الموضوع مش قاسي قوي
وبعدين اعيد نظر في اية؟؟؟؟

انا باقول عايز اعرف سعر اكصدامات ميراج بكام وسعر شنطة ميراج بكام
و انا فعلا معدل الجنوط

وبعدين بتنصحنى اعمل فتحة سقف واصرف نظر عن اللي انا باقوله وانته مش مقتنع بيه؟ بالرغم من ان اللي انا قولته اسهل كتير من عمل فتحة السقف اللي انته بتقترحها

انته ردك كان بعيد شوية عن سؤالي
وعموما شكرا على ردك