رابطة مالكي الكريستالة..لانسر 1996 - 2000

[FunnyMickey]

حيران بسبب الكريستاله

احلي سلام علي احلي ناس في المنتدي
انا اخوكم صبحي
من القاهره
وواقع في حيره شديده جدا
بسبب اسعار الكريستاله في السوق
بجد زهقت من الناس المبالغه في سعرها اوي اوي
يعني انا من خلال الحاجات اللي قريتها هنا معاكو
لاحظت ان افضل كريستاله تتجاب glx 2000 او 1999
طيب اوكي
دورت
لقيت اقل حاجه مثلا بنتكلم في 47 والمفروض ان دي حاله تعبانه
علي كونتاكت كار وسوق السيارات يوم الجمعه الاسعار دي
ولاحظت ان الناس اللي علي كونتاكت اغلبهم هما هما بتوع السوق
وطالبين بقي اسعار خرافيه
50 51 كده
والله اعلم بحاله العربيه وصراحه بقي انا شفت عربيات من اللي معروضه دي وبصيت فيها وانا مدفعش فيها اكتر من 40 وده بالعين المجرده كده مجرد بصه وانا مبفهمش اصلا في العربيات ما بالك بقي اما تتترفع
وناس بقي حاطه اسعار عجيبه 66 و58
ومش قادر افهم يعني علي ايه
كل ده عشان العربيه فابريقه بره وجوه
مهما كان العربيه موديلها من 10 سنين
يعني قديمه
ازاي طالبين الاسعار دي مهما كانت الحاله
انا بجد مش عارف اوصل لكريستاله حلوه بسعر كويس
علي فكره انا كلمت همام اللي في صقر قريش امبارح وقاللي ال2000 تعمل في حدود 45 والراجل ده فعلا محترم جدا وتسلم ايد اللي دلني عليه
مش عارف ازاي
مع اني شايف ال2000 كله مش اقل من 50
وممكن تبقي حالات تعبانه
انا بجد مش عارف اعمل ايه
انا فعلا ابتديت اكنسل الموضوع وادور علي عربيه تانيه بالفلوس الي معايا
انا مقدرش ازود عن 50
وخايف اجيب كريستاله وادفع ال50 وتيجي تحتاج مصاريف مش حقدر اعمل فيها حاجه فعلا وحركنها
يبقي حرام ابقي جايب عربيه جديده واركنها
تاني حاجه بقي انا خايف من موتور العربيه
لانه 1300 وطبعا لو متهان ولا ضعيف ولا ماشي كتير مش حيدي كفاءه للتكييف
سؤالي بقي
لو ملقيتش كريستاله بالسعر اللي انا عاوزه
اجيب ايه
انا فكرت اجيب كيا سيفيا 99 او 2000تجميع كوري وحتبقي كويسه
وحاله وكبيرها اوي 48
انا بعشق حاجه اسمها كريستاله
وبحب شكلها جدا
بس ما باليد حيله في الاسعار المبالغ فيها دي

ياريت اقتراحتكم كده وفكروا معايا تعملوا ايه لو معاكو 50000 الف اقصي تقدير وده بالعافيه كمان
تجيبوا ايه
ملحوظه
معروض عليا كريستاله 97 ب43 وخايف تكون حالتها بقي تعبانه واعاني من اللي خايف منه واقعد اصرف عليها وبتاع
ده غير انها مش كامله ناقصها ازاز كهربا
انا رغيت كتير وصدعتكو معايا بس انا فعلا في حيره كبيره ومش عارف اعمل ايه

[FunnyMickey]

ايه ياجماعه رحتو فين ياكرستالاويه
مختفيين ليه

[HeMa_LanCeR]

استني شويه ودور تاني اكيد هتلاقي حاجه كويسه وبسعر معقول
وطيب ماتشوف الكريستاله ال 97 دي
انا معايا واحده والحمد لله نضيفه شوفها وبالنسبه للكماليات سهله تتركب

[FunnyMickey]

بصراحه كانت متهانه من جوه شويه والفرش مقطع كده والجلد اللي في البيبان مقطع
فيبقي اكيد ما خفي كان اعظم وبعدين اما طلبت ارفعها حسيت انه بيزوغ كده

[HeMa_LanCeR]

بصراحه كانت متهانه من جوه شويه والفرش مقطع كده والجلد اللي في البيبان مقطع
فيبقي اكيد ما خفي كان اعظم وبعدين اما طلبت ارفعها حسيت انه بيزوغ كده

حضرتك ساكن فين ؟

[FunnyMickey]

انا في مدينه نصر
عند الحديقه الدوليه كده

[shrifelmasry]

شـــــباب حد بيعمل أكصدامات عمولة ؟ و ممكن الواحد يجيب الفوجات و يسقطها فيها علي مزاجة ؟

[HeMa_LanCeR]

شـــــباب حد بيعمل أكصدامات عمولة ؟ و ممكن الواحد يجيب الفوجات و يسقطها فيها علي مزاجة ؟

طبعا في ناس كتير بتعملها عموله
بس ابعد عن الحوار ده علشان الخامات بتكون سيئه جدا ومن اقل حاجه بيتكسر
وانا مش فاهم يعني ايه تسقط فوجات علي مزاجك !!!! برجاء توضيح المقصود للأفاده :)

[FunnyMickey]

هوا فيه حاجه اسمها لانسر كريستاله موديل 99
1500 cc
وهل الفرق في الموتور بس ولا في حاجه كمان
وقطع غيارها موجوده ولا لا ؟؟

[shrifelmasry]

طبعا في ناس كتير بتعملها عموله
بس ابعد عن الحوار ده علشان الخامات بتكون سيئه جدا ومن اقل حاجه بيتكسر
وانا مش فاهم يعني ايه تسقط فوجات علي مزاجك !!!! برجاء توضيح المقصود للأفاده :)

أولاً شكرا علي اهتمامك

الموضوع ببساطة انى عايز اركب فوجات في اكصدام الانسر لتحسين الاضاءة + الشبورة

اللى بيتركب مكان الطبة و بحجمها ( الفانوس المستطيل) بيبقى بارز و شكلة مش ولابد ( كأنك حاطط حاجة غصب )

و اللى بيتركب و بيكون لمبة مدورة ( اسبوت ) بتبقى الاضائة ضعيفة و مش عملية

و لما سألت عن الاكصدام + الفوجات استيراد .... ملاقتش
و لما سألت في التوكيل ...قالوا يجي مخصوص ب 4000 ج ، قلت و الله ما هو قايم خلية مطرحة في بلدة معزز مكرم وبلاغوا تحياتي .

فقلت أن لو فى اسطمبات بتتعمل للاكصدام ، ممكن الواحد يشتري الفوجات اللى تعجبة و بعدين يظبط المكان بتاعها في الاكصدام بحيث لما تدخل تبقى كأنها بتاعتها و جزء منها و يبقى حققت الاتي :
- عالجت مشكلة الاضائة .
- غيرت من شكل العربية بأكصدام جديد .
- الاكصدام الحالي من مطابتك يا مصر حالتة مش ولابد ، و يبقى دلعنا العربة شوية .

دى القصة و اللي أنا بفكر فية .... يا تري حد عندة افكار ، أو يقدر يقولنا حل

[shady333]

يا جماعة حد يعرف حد بتاع قطع غيار كويس فى منطقة مصر الجدبدة و ما حولها

و ايه رايكم فى المساعديين ال kyb ,و المساعديين الاستيراد و لو فى حاجة احسن من الاثنين يا ريت حد يفدنا نجيبها منين و بكام تقريبا

و يا سلام بقى فى عفشجى كويس لانى عندى مشاكل كتيير فى العفشسة و مش لاقى حد كويس


شكرا و فى انتظار ردكم

[HeMa_LanCeR]

يا جماعة حد يعرف حد بتاع قطع غيار كويس فى منطقة مصر الجدبدة و ما حولها

و ايه رايكم فى المساعديين ال kyb ,و المساعديين الاستيراد و لو فى حاجة احسن من الاثنين يا ريت حد يفدنا نجيبها منين و بكام تقريبا

و يا سلام بقى فى عفشجى كويس لانى عندى مشاكل كتيير فى العفشسة و مش لاقى حد كويس


شكرا و فى انتظار ردكم

kyb افضل انواع وانا كلها يومين بالكتير هنزل اجيب 2 امامي هما بيعملو 620 تقريبا بس انا هجيبهم ب 550 ولو معاك امكانيه طبعا هات جديد وسيبك من الاستيراد

[FunnyMickey]

ياجماعه انا احترت وزهقت من التدوير
انا فلوس العربيه حتخلص عالرفع
:)
رافع لحد دلوقتي 3 عربيات وكلهم شرم برم
هوا الناس كلها بتعمل زيي كده ولا انا اللي عبيط
العربيات من بره فل الفل
ومن جوه شوربه
حوادث ورش دواخل
كل ده عشان بدور علي لون فيراني
هوا العيب في اللون ولا ايه؟؟؟؟

[HeMa_LanCeR]

ياجماعه انا احترت وزهقت من التدوير
انا فلوس العربيه حتخلص عالرفع
:)
رافع لحد دلوقتي 3 عربيات وكلهم شرم برم
هوا الناس كلها بتعمل زيي كده ولا انا اللي عبيط
العربيات من بره فل الفل
ومن جوه شوربه
حوادث ورش دواخل
كل ده عشان بدور علي لون فيراني
هوا العيب في اللون ولا ايه؟؟؟؟

المشكله فعلا انك بتدور علي لون معين
فا ده هيغلبك شويه
حاول تشوف واحده نضيفه وتبقي اي لون وخلاص

[FunnyMickey]

مممممممم زيتي مثلا ياهيما
هههههههههههههه
حبيب قلبي انتا والله
والله ياهيما المشكله اني مش طايق اي لون غيره
اعمل ايه بس
ده انا قربت اعمل اعلان في الجرايد وادور في الاقسام والمستشفيات ياراجل
ادعولي بس وربنا يكرم ان شاء الله
ولو اي حد هنا قدامه حاله كويسه فيراني ميبخلش عليا
وكان الله في عون العبد ما كان العبد في عون اخيه