سبب ارتفاع الحرارة بعد 120 كم/س

[ramadanshehatt]

السلام عليكم ياشباب ..

الاسبوع اللى فات وانا مسافر بالعربية من مطروح للقاهرة لاحظت ارتفاع مؤشر الحرارة عن العادى بتاعه لما السرعة تزيد عن 120 كم/س وغالبا انا كنت بمشى 140 لان ارتفاع المؤشر مكانش بفرق كبير وبهدى شوية لل 120 ينزل فى الوضع الطبيعى ... الموضوع دة حصل معايا من القاهرة لمطروح ونفس الكلام وانا راجع مع العلم ان المؤشر مش بيزيد خالص جوة البلد و الميه مش بتنقص ... اعتقد كدة ان ثرموثتات الكوعة مش شغال مظبوط صح ؟؟؟ ياريت لو حد يفيدنى ويقولى الاصلى بكام ومنين ؟ ولا رايكم ايه ؟
- الكلام دة كله وانا مش بشغل التكييف .. مع ان جوة البلد بشغله وعادى

العربية بوما 2006 1300 اوتو

[Abo_Mazen]

مبدأيا كده ..دي ثرموستات كوع ..

توقعك صح

[monamize4]

الراديتر نضيف و متسلك و الريش بتاعته سليمه ?

[ramadanshehatt]

الراديتر نضيف و متسلك و الريش بتاعته سليمه ?

هو الحمد لله الميه مش بتنقص ولو على التنضيف والتسليك بسيطة انا ممكن اروح انضف واسلك بس اعتقد لو كان الردياتير هو السبب كانت تسخن فى الزحمة ولا انت شايف ايه ؟ انت ليه بدأت بالردياتير ( انا بفكر معاك بصوت عالى ) ..

[HeRo_LaNCeR]

متابع

[tasaka]

السخونه على السرعه .. رادياتير

السخونه على البطيئ .. مراوح

[miam0502788391]

الموضوع على حد علمى ليس له علاقة بترمستات الكوعه لأن لو الترموستات قافش كان تسخن بره وجوه البلد
بل بالعكس تسخن اكتر جوه البلد لأن سرعة الهواء على السرعات العالية كفيلة بتبريد الموتور
اعتقد ان ذالك من ان السرعة العالية مع التكييف حمل على الموتور + مشاكل فى سريان المياه داخل دورة التبريد فى الغالب ممكن طرمبة الياه او مشاكل فى الراديتيير او المواسير
تقبل مرورى

[eng_amg]

المشكلة دي حصلت معايا في اليوم الي كانت الحرارة فيه 46.
لما أحاول أطلع من حد من 120 إلي 140 مثلا الحرارة تعلى ولما أهدي الحرارة تنزل.
والنتيجة إني غيرت ريداتير والمشكلة راحت.

ممكن متحتاجش تغير ريداتير لو كان حالته جيدة - ممكن يحتاج تنظيف وتسليك فقط.
علي فكرة الكلام دا بلانسر 2007 1600

[monamize4]

هو الحمد لله الميه مش بتنقص ولو على التنضيف والتسليك بسيطة انا ممكن اروح انضف واسلك بس اعتقد لو كان الردياتير هو السبب كانت تسخن فى الزحمة ولا انت شايف ايه ؟ انت ليه بدأت بالردياتير ( انا بفكر معاك بصوت عالى ) ..

نفكر مع بعض ياباشا بصوت عالى ,,
الموتور على السرعات العالية بيطلع حرارة اكبر و لو الراديتير حالته نص نص
مش هيقدر يبدد كمية الحرارة الكبيرة دى لكنه لسه قادر يبدد كمية الحرارة الاقل اللى
بتطلع نتيجة السرعات البطيئة و المية كمان عندك مش بتنقص و دا بينفى اسباب تانية للسخونة
عشان كدا بفكر ف الراديتير اول حاجة و دا مايمنعش ان ممكن يكون فى سبب تانى ,, بس الراديتير هو الاقرب

[ramadanshehatt]

شكرا يا شباب على سرعة الرد والمشاورة ... عموما من كلامكم والاسهل هو انى ابدأ بتنظيف دورة المياه وتسليك الردياتير واجرب واشوف الاخبار .... بس هى المشكلة انى مش مسافر تانى قريب وعلشان اجرب لازم اطلع طريق سفر ولمدة طويلة 1/2 ساعة على سرعة 140 او 150 بس فى كل الاحوال تنظيف وتسليك الردياتير مش هيخسر هروح اظبطه واغير الميه وربنا يسهل فى الباقى ... ياريت بقى لو حد عارف اجيب منين ثرموثتات اصلى لانى سألت عند واحد فى فيصل جنبى وقالى اللى موجود فى كل المحلات كورى ب 55 جنيه ومفيش اصلى للاسف

[Abo_Mazen]

شكرا يا شباب على سرعة الرد والمشاورة ... عموما من كلامكم والاسهل هو انى ابدأ بتنظيف دورة المياه وتسليك الردياتير واجرب واشوف الاخبار .... بس هى المشكلة انى مش مسافر تانى قريب وعلشان اجرب لازم اطلع طريق سفر ولمدة طويلة 1/2 ساعة على سرعة 140 او 150 بس فى كل الاحوال تنظيف وتسليك الردياتير مش هيخسر هروح اظبطه واغير الميه وربنا يسهل فى الباقى ... ياريت بقى لو حد عارف اجيب منين ثرموثتات اصلى لانى سألت عند واحد فى فيصل جنبى وقالى اللى موجود فى كل المحلات كورى ب 55 جنيه ومفيش اصلى للاسف

الثرموستات بالذات تجيبها من التوكيلات

ده مبدأ عندي

قفشتها بوش سلندر عدل ..

[ramadanshehatt]

الثرموستات بالذات تجيبها من التوكيلات

ده مبدأ عندي

قفشتها بوش سلندر عدل ..

مفيش مشكلة ان شاء الله ... هشوف موزع معتمد ربنا يسهل

[seri0us]

السخونه على السرعه .. رادياتير

السخونه على البطيئ .. مراوح

دي الاجابة الصح بدون اي نقاش .. لان انا معايا شارك 2008 و كانت بتمسك حرارة بعد ال 100 .. رحت فكيت الريدياتير علشان اسلكه لقينا ربعه من تحت مسدود طين تقريبا بسبب ماية الحنفية !!
لو بعرف ارفع صور هنا كنت وريت لحضرتك المنظر .!!!
فماتغيرش اي حاجة و اعمل دورة غسيل و تسليك للريدياتير و هات جركن ماية خضراء موبيل ب 80 ج روعة و اكثر من رائع .. و ان شاء الله تظبط معاك الامور ..

[ramadanshehatt]

دي الاجابة الصح بدون اي نقاش .. لان انا معايا شارك 2008 و كانت بتمسك حرارة بعد ال 100 .. رحت فكيت الريدياتير علشان اسلكه لقينا ربعه من تحت مسدود طين تقريبا بسبب ماية الحنفية !!
لو بعرف ارفع صور هنا كنت وريت لحضرتك المنظر .!!!
فماتغيرش اي حاجة و اعمل دورة غسيل و تسليك للريدياتير و هات جركن ماية خضراء موبيل ب 80 ج روعة و اكثر من رائع .. و ان شاء الله تظبط معاك الامور ..

شكرا لمرورك وافادتك وانا هعمل كدة ان شاء الله .. بس انا كنت دايما بستعمل مياه توتال ارخص من موبيل ويقال انها مستوردة الجركن ب 35 ولا رايك ايه ؟

[abou-yahia]

الاغلب شكمان