سبب ارتفاع الحرارة بعد 120 كم/س

[Fadi Ezzat]

ياريت صاحب الموضوع يطمنا اية الاخبار

[waelsafty]

تسلييك ريداتير

[Fo1Fo]

السخونه على السرعه .. رادياتير

السخونه على البطيئ .. مراوح

خير الكلام ماقل ودل . وعلى فكره كل رادياتير ليه عمر أفتراضى وبعدها لاينفع معاه تنظيف ولا تسليك

[seri0us]

شكرا لمرورك وافادتك وانا هعمل كدة ان شاء الله .. بس انا كنت دايما بستعمل مياه توتال ارخص من موبيل ويقال انها مستوردة الجركن ب 35 ولا رايك ايه ؟

انا استعملت ماية موبيل مرتين في العربيتين بتوعي .. فكان الاداء عالي و فعلا المايه مكوناتها ممتازة جدا ما بتخليش المايه تغلي عند اقل درجة ارتفاع في الحرارة .. و كمان مقللة جدا معدل تشغيل المروحة .. و معنى كده انها قايمة بدورها في التبريد على اكمل وجه مع طبعا كفاءة الريدياتير و نظافة قنواته لمرور الماء بسلاسة ..
بس الصراحة ما عنديش معلومات عن توتال ..

[د.محمود صلاح]

الريداتير هو السبب - سيارتي فيرنا اوتو نفس المشكلة - . التسليك علي الواقف كده بضخ مياه ومواد تنظيف ما بينفعش والمشكلة ستظل مستمرة .. انا فكيت الريداتير بالكامل عند فني ريداتير وفك العمة البلاستيكية بالكامل وسلك المواسير ماسورة ماسورة بإدخال سيح حديد وكانت المواسير مليانة طحالب وصدأ ومسدودة بصورة جزئية بالفعل ... والأفضل تغير الريداتير .. التسليك + الماء الاخضر كلفني 100 جنيه والريداتير الجديد صيني كان ب 450 جنيه

[ramadanshehatt]

معلش يا شباب انا اسف على التأخير بس على ما لاقيت وقت فاضى علشان اروح اعمل الردياتير واجرب وارد عليكم .. تم عمل غسيل للردياتير وتسليك وتنظيف وتجربته قبل التركيب بضغط مياه عالى على كمبورسيور والحمد لله تمام بس كان راى الصنياعيى ان الردياتير من الافضل اننا نغيره مع انا مش مقتنع بس دة رايه وعموما هو عمل الصح من حيث الشغل فيه وغسل سربنتيتة التكيف ونزلنا المياه اللى فى الموتور كلها وغسلنا الدورة و حطيت مياه خضرا والدنيا تمام ...

بعد القصة دى ... لا جديد مازالت المشكلة قائمة العربية بردو بتسخن عن العادى وانا بجرى ومشغل التكيف ( بس انا مجربتش سرعة فوق ال 120 من غير تكيف ) وكمان مع التكيف فى الزحمة بردو بتعلى وبترجع تانى تظبط لما اطفى التكيف ... المرواحة جربتها لاقيتها بتشتغل على السرعة العالية مع التكيف.
بالمناسبة انا كنت شاكك فى ترموثتات الكوعة .... فكيتها وانا شغال فى الردياتير ولسة مركبتش واحدة تانية ( المفروض ان دى لو اتشالت العربية تبرد اكتر من الطبيعى ولا ايه ؟ )

انا بصراحة مش عارف اعمل ايه تانى .... رايكم ايه ؟

[عﻻء سالمان]

اﻻقى فين ريداتير ومراوح استيراد حالة جيدة بسعر كويس؟

[Fadi Ezzat]

المشكلة مش فى ترموستات الكوعة

[د.محمود صلاح]

تغيير الريداتير هو الحل .. المواسير مسدودة من الداخل بكتل الصدأ زي ما شوفت بعيني في سيلرتي الفيرنا

[ramadanshehatt]

تغيير الريداتير هو الحل .. المواسير مسدودة من الداخل بكتل الصدأ زي ما شوفت بعيني في سيلرتي الفيرنا

شكرا لاهتماماك يا دكتور ... انا ان شاء الله اغير الردياتير بواحد جديد بس شوية كدة ... انا سألت ولاقيت نوع اماراتى ب 550 ج .. هركبه وربنا يسهل او هشوف نوع تانى افضل

عموما انا متشكر لكل الناس اللى فى المنتدى اللى اهتمت وان شاء الله اول ما يكون فى جديد فى الموضوع هبلغكم .

[ahmed9003]

متابع باهتمام جدااااااااااااااا

متابع باهتمام جدااااااااااااااا

عشان عندى نفس المشكلة بالظبط فى عربيتى الفيرنا بتخسن على الطرق السريعة بس بعد 100 كم او 120 كم بلاقى مؤشر الحرارة بيعلى وعملت كل الخطوات اللى حضرتك عملتها نضفت الراداتير وحطيت ميه خضرا اسبانى من توتال ب 45 جنيه وكمان حسيت ان صوت المروحة مش كويس رحت مغير مروحة الراداتير بواحدة كورى وطلعت على الطريق السريع وبرده نفس المشكلة

المشكلة ديه حتجننى واحتمال تبقى سبب فى بيع العربية

الله يكرمكم اللى يعرف حل للمشكلة ديه يقولنا عليه

ملحوظة : كان فيه واحد على المنتدى عنده نفس المشكلة فى عربيته الفيرنا و لاقها فى الاخر خاجة اسمها ارضى التابلوه كان مش راكب كويس !!!

[miam0502788391]

متابع باهتمام جدااااااااااااااا

ملحوظة : كان فيه واحد على المنتدى عنده نفس المشكلة فى عربيته الفيرنا و لاقها فى الاخر خاجة اسمها ارضى التابلوه كان مش راكب كويس !!!

هو مش أرضى التابلوه ده ارضى البطارية بيكون مش راكب كويس او محتاج سلك اكثر سمكا او البطارية نفسها محتاجة تتغير وهذا الارتفاع فى الحرارة بيكون ارتفاع كاذب يعنى المؤشر بيعلى فوق النص والحرارة عادية والمراوح مش شغالة وفى الغالب بيكون داخل البلد

[ahmed9003]

هو مش أرضى التابلوه ده ارضى البطارية بيكون مش راكب كويس او محتاج سلك اكثر سمكا او البطارية نفسها محتاجة تتغير وهذا الارتفاع فى الحرارة بيكون ارتفاع كاذب يعنى المؤشر بيعلى فوق النص والحرارة عادية والمراوح مش شغالة وفى الغالب بيكون داخل البلد

7

انا للاسف ماعنديش فكرة كبيرة بكهربة العربية بس انا المراوح عندى شغالة كويس اوى
ياريت حد عنده خبرة يحللنا المشكلة ديه
وجزاكم الله كل خير

[ramadanshehatt]

متابع باهتمام جدااااااااااااااا

عشان عندى نفس المشكلة بالظبط فى عربيتى الفيرنا بتخسن على الطرق السريعة بس بعد 100 كم او 120 كم بلاقى مؤشر الحرارة بيعلى وعملت كل الخطوات اللى حضرتك عملتها نضفت الراداتير وحطيت ميه خضرا اسبانى من توتال ب 45 جنيه وكمان حسيت ان صوت المروحة مش كويس رحت مغير مروحة الراداتير بواحدة كورى وطلعت على الطريق السريع وبرده نفس المشكلة

المشكلة ديه حتجننى واحتمال تبقى سبب فى بيع العربية

الله يكرمكم اللى يعرف حل للمشكلة ديه يقولنا عليه

ملحوظة : كان فيه واحد على المنتدى عنده نفس المشكلة فى عربيته الفيرنا و لاقها فى الاخر خاجة اسمها ارضى التابلوه كان مش راكب كويس !!!

والله يا ا/ أحمد انا بردو مش عارف هعمل ايه ومستبعد انى لما اغير الردياتير المشكلة هتتحل ... لان حالته كويسة وافضل من الجديد كصناعة ... انا شاكك ان الشكمان ممكن يكون السبب بس اتأكد ازاى ( يعنى ايه اعراض تأثير الشكمان على ارتفاع الحرارة ؟)
- وشاكك بردو انها من الفتيس مش عارف هل دة ممكن ولا لاء .... بس اانا عربيتى اتوماتيك واعتقد الفيرنا مانيوال .. يعنى الفتس نستبعده ولا ؟

- موضوع ارضى البطارية وتهيس العداد انه يقرا غلط اعتقد مش مظبوط لان المؤشر عندى ثابت طول الوقت ماعدا الحالات اللى ذكرتها قبل كدة فانا استبعد موضوع القراية الغلط ...

عموما كل مشكلة وليها حل وادينا بنفكر سوا وربنا يسهل

[ahmed9003]

والله يا ا/ أحمد انا بردو مش عارف هعمل ايه ومستبعد انى لما اغير الردياتير المشكلة هتتحل ... لان حالته كويسة وافضل من الجديد كصناعة ... انا شاكك ان الشكمان ممكن يكون السبب بس اتأكد ازاى ( يعنى ايه اعراض تأثير الشكمان على ارتفاع الحرارة ؟)
- وشاكك بردو انها من الفتيس مش عارف هل دة ممكن ولا لاء .... بس اانا عربيتى اتوماتيك واعتقد الفيرنا مانيوال .. يعنى الفتس نستبعده ولا ؟

- موضوع ارضى البطارية وتهيس العداد انه يقرا غلط اعتقد مش مظبوط لان المؤشر عندى ثابت طول الوقت ماعدا الحالات اللى ذكرتها قبل كدة فانا استبعد موضوع القراية الغلط ...

عموما كل مشكلة وليها حل وادينا بنفكر سوا وربنا يسهل

حضرتك كأنك بتتكلم على عربيتى بالظبط .. المنطق يقول كدا ان ارضى التابلوه لو فيه مشكلة فالمؤشر حيهيس فى الحالتين سواء جوا البلد او بره على الطرق السريعة ودا مابيحصلش

السخونية بنشوفها على الطرق السريعة بس

يارب الحل من عندك