رينو مصر تطلق السياره رينو سكالا ( صني الشكل الجديد)

[mzda]

Driver Airbag is standard in all models
ABS+EBD+2Airbag +Multifunchion wheel in high line

[Ahmed.TV]

كمان مالتى فنكشن فى الدريكسيون , والله حلو بجد دى حتكسر الدنيا على كدا

[Egy_fan]

يا جماعه . هو ده نفس موتور النيسان و لا موتور رينو؟

[mzda]

علي فكره انا قارنت المواصفات بتاعت الصني والسكالا ولقيت حاجه غريبه البعاد مش زي بعض الاسكالا اكبر شويه في الطول والعرض

سكالا




صني

[mmffor]

قاعدة العجلات واحده و الفرق في البودي! النيسان صني الموجوده في مصر كان اخرها 2005 في اليابان و احنا اشترينا خطوط التجميع الياباني مباشرة و بسبب ده احنا لسه بنجمع اخر الشكل الياباني بس الموتور و الميكانيكا بتستورد من اليابان انما الشكل الجديد اساسا خطوط انتاجه في مصنع سامسونج في كوريا يعنى الشكل ده عمره ما نزل منه ياباني! و هوا ده الشكل الجديد و موجود في الخليج من اكتر من 3 سنين و صناعه كوري بالكامل! للعلم انه توجد شراكه بين سامسونج و نيسان و كلنا نفتكر السامسونج xq 5 اللي هيا اصلا نيسان ماكسيما!! عموما في شراكه بين رينو و نيسان برضه و هوا بموجبه اعتقد ان توكيل رينو عمل اللعبه دي! بس انا عايز اعرف رد فعل نيسان ايجيبت حيكون ايه علشان هوا كده حرق الموديل الوحيد المعتمدين عليه يعني بالعربي بيحاربهم!!! و اكيد هما كانوا ناويين ينزلوا الشكل ده بعد سنه و اللا حاجه!

[د.محمود صلاح]

الموتور بتاعها هيبقى ياباني ولا كوري ولا فرنسي ؟!

[Egy_fan]

اعتقد انه نفس موتور الصنى . بس السؤال المهم فى قطع الغيار . لأن رينو قطع غيارها اغلى بكتير من النيسان و ممكن الوكيل يقلك العربيه رينو و مش نيسان و يغلى قطع الغيار . عايزين نعرف

[AhmadKamal]

YouTube - Renault Scala 2010

[Hosam_Optrawy]

مش اوى كده انا شايف انها كويسه يس الصنى الحاليه تتفوق عليه بالموتور اليابانى والفتيس برضوا لكن دى على ما اعتقد كوروى 100% المهم بالتوفيق لتحالف نيسان ورينو واللى الامام دايما فى انتاج الافضل لينا

الموتور بتاعها هيبقى ياباني ولا كوري ولا فرنسي ؟!

اعتقد انه نفس موتور الصنى . بس السؤال المهم فى قطع الغيار . لأن رينو قطع غيارها اغلى بكتير من النيسان و ممكن الوكيل يقلك العربيه رينو و مش نيسان و يغلى قطع الغيار . عايزين نعرف

السلام عليكم

المفروض ان الرينو سكالا موتورها cvtc qg16de قوته 110 او 107 حصان مش متأكد بالظبط

لو نازله فعلا بالموتور دا فهو يابانى لان دا من مواتير نيسان

ولكن مش هو دا موتور الصنى اللى عندنا لان الصنى اللى عندنا موتورها vtc qg16de

[mzda]

السلام عليكم

المفروض ان الرينو سكالا موتورها cvtc qg16de قوته 110 او 107 حصان مش متأكد بالظبط

لو نازله فعلا بالموتور دا فهو يابانى لان دا من مواتير نيسان

ولكن مش هو دا موتور الصنى اللى عندنا لان الصنى اللى عندنا موتورها vtc qg16de

موتور الاسكالا 117 حصان وصافي 107 حصان





الصني 118 حصان gross يعني برضه 107 صافي







ا

[A. Ibrahim]

التوكيل بتاع رينو هيعمل شغل جامد

[sab3aawy]

دعنا نلخص الأمور حتى تتضح الصورة

1- نيسان ورينو شركة واحدة حاليا ،و كمثال على ذلك فأن رينو لوجان مبنية اصلا على شاسيه الجيل السابق من صنى b12 كما انها تباع باسم نيسان أبريو فى المكسيك
2- هناك شراكة تكنولوجية بين مجموعة نيسان رينو وبين سامسونج بموجبها تحصل سامسونج على شاسيهات ومحركات من نيسان كما ان بعض سيارات سامسونج تباع باسم نيسان فى بعض الاسواق مثل السيارة سامسونج اس ام ثرى (اللى هى الصنى الخليجى) تباع فى اسواق الخليج باسم صنى، بالمناسبة نفس السيارة اتى نتحدث عنها هنا تباع فى ليبيا باسمها الأصلى(ٍامسونج اس ام ثرى)
4- رينو لم تطرح فى مصر الاس ام ثرى التى نعرفها فقط، وانما طرحت موديلين من سامسونج اس ام ثرى، الموديل الأول هو الشكل الجديد 2010 من سامونج اس ام ثرى والذى تبيعة رينو مصر حاليا باسم فليونس، والشكل القديم والذى تم الاتفاق عى طرحه باسم سكالا وطبعا فى فئتين سعريتين مختلفتين الى حد كبير
5- سامسنوج اس ام ثرى القديمة (رينو سكالا)ليست احدث ولا اكثر تطورا عن الصنى المصرية ولا اى شئ، نفس الشاسيه n16ونفس المحرك QG16DEونفس الجير بوكس ونفس كل شئ ، فقط هى ذات شكل خارجى مختلف قليلا، هو مجرد face lift من الشكل الخاص بالصنى المصرى ، يعنى فوانيس واكصدامات مختلفة وما يستتبع ذلك من تعديلات طفيف فى الشطنة والكبوت، ولكن البدن الأساسى للسيارة كما هو، بمعنى ان الحوض والأبواب والقوائم وقواعد العجلات كلها نفس الأبعاد ، بالنسبة لل 15 مللى متر(1.5 سم) الفرق فى طول السيارة فهذة من السهل جدا حدوثها مع تغيير بسيط فى ابعاد الاكصدامات البلاستيكية

6- الانطباعات عن صنى الخليجية فى الخليج لم تكن رائعة ولم تكن مرعبة، بمعنى انها كان فيه منها بعض شكاوى مثلها مثل كثير من السيارات الاقتصادية

الخلاصة: انا مش شايف اى ميزة لرينو سكالا سوى جذب الزبون اللى عاجباه الصنى لكن اما ان شكلها مش عاجبه او انتشارها مش عاجبه وعايز يركب حاجة مميزة، أو ان كلمة "تجميع مصرى" تقيله على قلبه، لكن فى النهاية هى نفسها الصنى بنفس السعر وبفانوس وشبكة مختلفين

[azhk]

أنا اعمل فى الخليج وهذه السيارة هى نيسان صنى الشكل الجديد وهى بدأت فى الخليج من سنة 2008 على مااتذكر وهى صناعة كورية 100% على لسان العاملين بمركز خدمة نيسان دبى وبالمناسبة سعرها ارخص بشكل واضح عن سعر نيسان صنى الشكل القديم(حتى 2006 او 2007 هنا فى الخليج) ولايوجد اقبال عليها رغم ان سعرها اول مانزلت كان 45000 درهم نزل بعد ذلك الفئة sg الاوتو وهى غير مرغوبة هنا تماما انما كله يتوجه الى التيدا -لمن يريد نيسان-فانا ارى انها نيسان صنى تماما يعيبها ان مكوناتها-فيما اعلم- ليست يابانية مثل الشكل القديم بل كورية وبها نفس عيب الفتيس الاوتو المتمثل فى الشعور بالنقلة من الاول والثانى بالمناسبة انا كان معى نيسان صنى 2004 اوتو فى دبى وركبت الموديل الجديد وهو مايسمى سكالا فى مصر وهى هى نفس الصالون والتابلوه ماعدا شكل مجرى الفتيس فهو عبارة عن حارات والشكل الامامى للفوانيس والشبكة والفوانيس الخلفية وبالمناسبة فيها شئ فى نظرى يعنبر عيبا وهو عدم التمكن من فتح الشنطة الخلفية الا عن طريق الريموت او من الداخل فليس لها قفل شنطة فان كانت ال سكالا كذلك فهى نيسان صنى الكورى 100% فاذا كانت النيسان المصرى بمكونات ميكانيكية يابانية فهى فى نظرى افضل ومايحدث فهو تلاعب بالناس وخداع لهم فلم نسمع فى الخليج عن رينو سكالا او هونداى فيرنا اوفيفا او مثل هذه المسميات العجيبة

[sab3aawy]

ومايحدث فهو تلاعب بالناس وخداع لهم فلم نسمع فى الخليج عن رينو سكالا او هونداى فيرنا اوفيفا او مثل هذه المسميات العجيبة

اخى العزيز ، المسألة لا هى تلاعب ولا خداع، كل شركات السيارات تبيع السيارة الواحدة بالعديد من الاسماء فى كل بقاع العالم، فمثلا اسم فيرنا الذى تحمله هيونداى اكسنت 2004 فى مصر، تحمله الشكل الأحدث من الهيونداى اكسنت (2007) فى الهند، والسيارة التى تباع فى الخليج باسم شيفروليه لومينا تباع فى استراليا بلد انتاجها باسم هولدن كومودور، والسيارة سوزوكى سويفت كانت تباع فى امريكا باسم بونتياك رالى، والكيا برايد فى التسعينات كانت تباع فى امريكا باسم فورد فيستا وفى اليابان باسم مازدا 121، والفيات 127 كانت تباع فى اسبنايا فى الثمانينات باسم سيات فيورا، والداتشيا لوجان تباع فى اوروبا باسم رينو لوجان وفى المكسيك باسم نيسان أبريو، والشيفروليه كورسا البرازيلية بيعت فى مصر تحت اسم اوبل كورسا، والسيارة دايهاتسو أفانزا تباع فى الشرق الأوسط باسم تويوتا أفانزا ، والسيارة سامسونج إس إم 3 تباع فى الخليج تحت اسم نيسان صنى مع انها تباع فى فى ليبيا مثلا باسمها الأصى سامسونج،الميتوسبشى لانسر تباع فى امريكا باسم ميتسوبيشى ميراج،الأمر ليس فيه اى خداع يا صديقى ، كل شركة من الشركات العملاقة التى تعمل فى مجال السيارات تمتلك العديد من المصانع فى كل انحاء العالم وتمتلك العديد من الماركات، وبيع اى سيارة فى أى سوق تحت اى ماركة يخضع لحسابات تسويقية عديدة منها انه فى كثير من الاحيان يكون لكل ماركة توكيل، فمثلا فى مصر وكيل تويوتا ليس هو وكيل دايهاتسو فى حين ان شركة تويوتا تملك العلامتين، لذلك فانها تتيح بعض موديلات دايهاتسو باسم تويوتا (ألأفانزا مثلا) حتى تخضع لمظلة الدعم الخاصة بوكيل تويوتا والتى يثق فيها المستهلك المصرى اكثر، والحال هو نفسه بالنسبة لنيسان رينو فوكيل نيسان ليس هو وكيل رينو، وبالتالى طرح موديلات فى نفس الفئة لدى كل من الوكيلين يتيح للشركة الأم (نيسان رينو) شريحة اكبر من السوق، واحيانا يكون الأمر متعلقا بتقدير المستهلك للماركة، فحينما كانت جنرال موتورز تطرح سيارت دايو فى الخليج احتقرها تماما المستهلك الخليجى وانصرف عنها دون تجربة، لكن حينما قامت الشركة بطرح نفس السيارات تحت علامة شيفروليه التى يحبها الخليجيون، حققت مبيعات جيدة واكتشف المستهلك الخليجى انها سيارات جيدة بعد ان جربها، الشركات العالمية دائما ما تتيح المعلومات الخاصة بمنشأ السيارة ولا تكذب فيما يتعلق ببلد تصميمها وتصنيعها، اما بالنسبة لختلاف تسمية السيارة بحسب السوق فهذا ليس خداع ولكنها مسألة تتعلق بالبيزنس والتسويق

[Hosam_Optrawy]

موتور الاسكالا 117 حصان وصافي 107 حصان





الصني 118 حصان gross يعني برضه 107 صافي







ا

حضرتك جبت المواصفات دى منين لانى بصراحه لا اثق فى مواقع عربيه لان دايما بيبقى فيها اخطاء

وموقع رينو سامسونج كاتب ان العربيه 107 حصان مذكرش بقى اذا كان Net ولا Gross

لكن الارقام اللى فى المواصفات اللى حضرتك جايبها كاتبه ارقام تانيه كاتبه 116 و 105

عموما دا شكل موتور السامسونج









ومكتوب عليه CVTC

ياريت صوره لموتور الصنى اللى عندنا

لان انا معلوماتى ان الصنى اللى عندنا موتور VTC

مش CVTC