رينو مصر تطلق السياره رينو سكالا ( صني الشكل الجديد)

[Hosam_Optrawy]

دعنا نلخص الأمور حتى تتضح الصورة

1- نيسان ورينو شركة واحدة حاليا ،و كمثال على ذلك فأن رينو لوجان مبنية اصلا على شاسيه الجيل السابق من صنى b12 كما انها تباع باسم نيسان أبريو فى المكسيك
2- هناك شراكة تكنولوجية بين مجموعة نيسان رينو وبين سامسونج بموجبها تحصل سامسونج على شاسيهات ومحركات من نيسان كما ان بعض سيارات سامسونج تباع باسم نيسان فى بعض الاسواق مثل السيارة سامسونج اس ام ثرى (اللى هى الصنى الخليجى) تباع فى اسواق الخليج باسم صنى، بالمناسبة نفس السيارة اتى نتحدث عنها هنا تباع فى ليبيا باسمها الأصلى(ٍامسونج اس ام ثرى)
4- رينو لم تطرح فى مصر الاس ام ثرى التى نعرفها فقط، وانما طرحت موديلين من سامسونج اس ام ثرى، الموديل الأول هو الشكل الجديد 2010 من سامونج اس ام ثرى والذى تبيعة رينو مصر حاليا باسم فليونس، والشكل القديم والذى تم الاتفاق عى طرحه باسم سكالا وطبعا فى فئتين سعريتين مختلفتين الى حد كبير
5- سامسنوج اس ام ثرى القديمة (رينو سكالا)ليست احدث ولا اكثر تطورا عن الصنى المصرية ولا اى شئ، نفس الشاسيه n16ونفس المحرك QG16DEونفس الجير بوكس ونفس كل شئ ، فقط هى ذات شكل خارجى مختلف قليلا، هو مجرد face lift من الشكل الخاص بالصنى المصرى ، يعنى فوانيس واكصدامات مختلفة وما يستتبع ذلك من تعديلات طفيف فى الشطنة والكبوت، ولكن البدن الأساسى للسيارة كما هو، بمعنى ان الحوض والأبواب والقوائم وقواعد العجلات كلها نفس الأبعاد ، بالنسبة لل 15 مللى متر(1.5 سم) الفرق فى طول السيارة فهذة من السهل جدا حدوثها مع تغيير بسيط فى ابعاد الاكصدامات البلاستيكية

6- الانطباعات عن صنى الخليجية فى الخليج لم تكن رائعة ولم تكن مرعبة، بمعنى انها كان فيه منها بعض شكاوى مثلها مثل كثير من السيارات الاقتصادية

الخلاصة: انا مش شايف اى ميزة لرينو سكالا سوى جذب الزبون اللى عاجباه الصنى لكن اما ان شكلها مش عاجبه او انتشارها مش عاجبه وعايز يركب حاجة مميزة، أو ان كلمة "تجميع مصرى" تقيله على قلبه، لكن فى النهاية هى نفسها الصنى بنفس السعر وبفانوس وشبكة مختلفين

إزيك يا استاذ سبعاوى

انا قولت استغل وجود حضرتك واسألك عن بعض النقاط :)

انا دورت امبارح كتير على معلومات عن الرينو سكالا او سامسونج اس ام 3 كلاسيك او نيسان الميرا كلاسيك

لقيت ان كود موتورها نفس كود موتور الصنى QG16DE ولكن بنظام CVTC system

ولكن الصنى الحاليه بنظام VTC

وطبعا كل واحد ليه هورس باور وعزم محتلف

هل هما نفس الموتورين ولا كدا مختلفين ؟

ثانى نقطه

اللى فهمته برضه عن العفشه ان الرينو سكالا مبنيه على N16 ودى عفشة البلوبيرد سيلفى مش الصنى اللى عندنا

طيب حتى لو كانت الصنى اللى عندنا N16

ازاى الرينو سكالا تعليقها الخلفى Multi Link والصنى اللى عندنا على وصله واحده ؟

وأسف على ازعاجك

[mohamedhamam]

الشركات الكبرى فى العالم اليوم مقتنعة تماماً بأهمية التحالفات التجارية و المهم فى أخر الموضوع أن كل شركة تبحث عن تحقيق أعلى أرباح ممكنة و لكن فى النهاية العربية تطرح تحت إسم رينو و تحت مظلة و سقف الصناعة الفرنسية

[sab3aawy]

إزيك يا استاذ سبعاوى

انا قولت استغل وجود حضرتك واسألك عن بعض النقاط :)

انا دورت امبارح كتير على معلومات عن الرينو سكالا او سامسونج اس ام 3 كلاسيك او نيسان الميرا كلاسيك

لقيت ان كود موتورها نفس كود موتور الصنى QG16DE ولكن بنظام CVTC system

ولكن الصنى الحاليه بنظام VTC

وطبعا كل واحد ليه هورس باور وعزم محتلف

هل هما نفس الموتورين ولا كدا مختلفين ؟

ثانى نقطه

اللى فهمته برضه عن العفشه ان الرينو سكالا مبنيه على N16 ودى عفشة البلوبيرد سيلفى مش الصنى اللى عندنا

طيب حتى لو كانت الصنى اللى عندنا N16

ازاى الرينو سكالا تعليقها الخلفى Multi Link والصنى اللى عندنا على وصله واحده ؟

وأسف على ازعاجك

خلينى ارد على حاجة حاجة
بالنسبة للشاسيه فانا متأكد تماما ان شاسيه الصنى الموجودة عندنا هو N16 ،لأنها مكتوبة على دليل المستخدم الذى يباع مع اصنى فى مصر، كما لأن الصنى بشكلها الموجود عندنا كانت تباع باسم بلوبير سيفى فى بعض الأسواق

افتح اللينك ده وبص على شكل العربية الموجودة فى آخر فقرة والتى تحمل شاسيه N16 كما هو موضح فى الفقرة، واقرا الفقرة كلها هتلاقى فى الأخر ان اسماء بلو بيرد سيلفى وصنى وبالسار تشكل نوع من انواع سلطة الخضار عند نيسان كل شوية تبدل الأسماء بتاعتها على الشاسيهات المختلفة فى الأسواق المختلفة

Nissan Pulsar - Wikipedia, the free encyclopedia


أما البلو بيرد سيلفى المباعة فى مصر فهى على شاسيه آخر اسمه G11

راجع الفقرة الاخيرة فى اللينك ده
Nissan Bluebird - Wikipedia, the free encyclopedia

ولنا عوده

[sab3aawy]

أما بالنسبة للمحرك فبدن المحرك هو نفسه ، مسألة الأجيال المختلفة للcvt لا تستلزم سوى تعديل ميكانيكى بسيط فى عمود الكامة دون تعديل فى شكل المحرك، عادة فان المحرك الناحج يخضع لتعديلات كثيرة تجعله انسب للزمن دون تعديل فى شكله لسنوات طويلة ، ولدينا مثال للمحرك الذى طرحته فيات للعمل مع ال 128 سنة 1969 وحمل نفس اسم السيارة ، يعنى كان اسمه 128 ، هذا المحرك خضع لتعديلات عديدة تبعا للزمن والسيارات التى خدم فيها فقد خدم فى الريتمو والريجاتا والتمبرال واللانشيا ديدرا والسيينا ووالشاهين والدوجان، حصل هذا المحرك على كابراتير متعدد الأبواب ثم حصل على اشعال الكترونى ثم حصل على حقن الكترونى احادى ومتعدد وظهرت منه سعات من اول 1100 وحتى 1600، وقدرات حصانية من أول 55 حصان وحتى 100 حصانن كل ذلك بدون تعديل جوهرى لا في شكله ولا رقمه الكودىن لذلك لا يوجد شئ غريب فى وجود محرك واحد بفئتين مختلفتين لتوقيت الصبابات تؤديان بالطبع الى قدرات حصانية مختلفة

[sab3aawy]

اما بالنسبة للعفضة فكل الى هقولهولك هو خلينا لما نشوف السيارة على الطبيعة ن لسبب بسيط جدا، ان كلمة multi-link حاليا كل الناس بتوصف بيها اى عفشة خلفية، 99% من السيارات التى رأيت مكتوبا فى كتالوجاتها multilink لم يكن لعفشتها الفعلية اى علاقة بموضوع التعليق الخلفى متعدد الوصلات الخماسى الذى تصفه المراجع بكلمة multilink ،لكن التجار بيعتبرو وجود مساعد وسوسوست وشداد او مقص هو تعدد وصلات يسمح بوصف السياراة بأناها ذات multilink لذلك استنى لما العربية تظهر ونشوفها علشان مانعملش زى اللى عملوا مقارنات فنية ضخمة بين الشيفروليه لانوس والدايو لانوس

[Hosam_Optrawy]

شكرا يا استاذ سبعاوى على اهتمامك وردك

يعنى موتور رينو سكالا هو موتور نيسان صنى ولكن معدل

فى رأى حضرتك ايهما افضل

الموتور المعدل cvtc اللى بيطلع قدره حصانيه أقل

ولا الموتور الأقدم vtc اللى بيطلع قدره أكبر ؟

وبالنسبه لنظام التعليق الخلفى هاحاول اجيب صور ليها واجيبها لحضرتك عشان نتأكد

[Youssef.Awad]

العربية ده للناس اللي عايزة صني وخايفة م التقفيل المصري

تسلم يا باشا ع الخبر

فعلا يا باشا معاك حق
خصوصا ان الاسعار قريبة من اسعار الصنى التقفيل المصرى
يبقى على ايه بقى أخاطر مع المصرى
اهو اركب المستورد احسن بتاعت بلدها

[sameh200005]

الموتور نسخة موتور النيسان صني اللي بتتقفل في مصر

[sameh200005]

على فكره رايي الشخصي في السيارة دي بصراحة انها مجرد مسخ !!! سيارة مهجنة
السيارة بصراحة نيسان صني المصنعة في مصنعها الكوري وموتور الصني ليه يلطعوا عليها علامة الرينو مش فاهم !!!!
السيارة نازلة ب3 موديلات تقريبا زي الصني تمام
موديل القمة زي السوبر صالون من حيث الامكانات تماما مع الإضافات التالية :
2 مخدع في الكنبة الخلفية متحركين - كاسيت فابريقة - زراير بالدركسيون
وباقي المكونات داخل السيارة عدا الموتور الياباني طبعا ما تضمنش ايه بلدها
كل اللي متأكد منه ان رينو مالها مسمار في العربية دي الا العلامات المميزة لرينو الملطوعة على السيارة بس !!!!!!!!!!