نصيحة لوجه الله

[ahmed_magdy_shaaban]

نصيحة من أخوكم في الله.أنا ركبت لانسر 2007 و صني 2006 والعربيتين ما شاء الله حلوين و كنت مستريحلهم.ولكن..منذ حوالي 4 شهور غيرت إلي أوبل فيكترا 97 2000cc. و هي اللي راكبها حاليا.العربية دي أنا مش هفكر في بيعها نهائي.لعدة أسباب.أولا ولو كان الكلام ده ممكن يضايق ناس مني.بس أنا هقول الصراحة.1- لا مجال للمقارنة بينها و بين اللانسر والصني.
2-صاج العربية يفكرك بالمرسيدس القديم اللي لو دخل في قطار هيقلبه.
3-موتور العربية كأنك راكب طيارة بمعني الكلمة.
4-مساحة الصالون والله يكفي اني أقول ان اللي قاعد في الكنبة والكرسي راجع.مش هيلمس رجليه إطلاقا(هندسة الصالون فعلا اللي مصممها فاهم)
5-فرامل جبارة.العربية من 160 إلي حالة السكون في 4 ثواني(عن تجربة)
6-تكييف جبار.
7-الثبات..والله باخد بيها غرس علي 160 في طريق العين السخنة.مفيش أي مشكلة.وتحس إن قلبك مطمن مهما كانت السرعة اللي ماشي بيها طبعا بعد ستر ربنا سبحانه وتعالي.السرعة القصوي للعربية مع التكييف 220.بدون تكييف 240.
8-إستهلاك البنزين 250 في الصفيحة.
9-بسم الله ماشاء الله الله أكبر عربية زي كدة و سعرها 60-65 ألف.

يبقي العقل بيقول نركب مين في الثلاث عربيات.حبيت بس أنصح الناس.علما بأني ركبت لانسر وصني.وشكرا

[Dr Ahmed]

ما شاء الله ربنا يحفظها لك

[sab3aawy]

هذة مدرسة وتلك اخرى

انت بتتكلم عن عربية الجديد منها ثمنه 170 ألف جنيه، يعنى تقريبا ضعف ثمن الصنى واللانسر، اما العربية اللى انت راكبها فعمرها 11 سنة، فيه ناس بتحب تركب عربية مستعملة من ماركة مرتفعة الثمن، وتضحى بحداثة السيارة وتتقبل قدم آلياتها واحتمالات المشاكل فيها مقابل انه بيركب ذات اسم غالى ويتمتع بميزات تلك الماركة، مع ملاحظة انه بيتمتع بميزات وكماليات عشرة سنوات فاتت، وفيه واحد تانى بيفضل انه يدفع نفس الثمن فى عربية زيرو من ماركة اقل، وبالتالى فدى اذواق

[Rsarabia]

فعلا حضرتك صح بس كل واحد و دماغه فى واحد بيحب يبقى راكب عربية جديدة و شكلها حلوة و منتشرة لانه ميهموش اوى موضوع الجرى و الفرامل و الغرز و الكلام دا لان بطبيعته سواقته هادية او بسيطة او مفيهاش لعب و فى واحد يحب يركب عربية كفاءة فى الحركات و اقدم مش مهم عنده قديمة و هو يقدر يجيب الجديدة بس عاوز عربية امكانياتها احسن

[ahmed_magdy_shaaban]

من حيث إمكانيات الأوبل : زجاج كهرباء,تكييف,باور,سنتر,مرايات كهرباء,سبورت درايف سيستم,تراكشن كنترول,مرايات ضم كهرباء,ثلاجة تخزين...أظن مفيش بعد كدة إمكانيات ورفاهية وقوة.وفي الآخر..الإسم,بلد المنشأ.أتمني الناس تفهمني..ومتنسوش يا جماعة أنا كنت راكب لانسر وصني..والعربيتين تماااام.وربنا يبارك للراكبينهم.

[semsem8100]

كلامك مظبوط مانقدرش نشكك فيه بس فى حاجه لازم تاخد بالك منها أنت راكب عربيه بقالها 11 سنه ماشيه على الطريق يعنى المفروض انها هتبدى تطلب منك مشاوير كتير للصيانه والميكانيكيه وما أدراك بتكاليف صيانه الالمانى وأسعار قطع الغيار يعنى من الاخر اللى هيركب المانى مستعمل لازم يكون عنده أمكانيات ماديه كويسه يقدر يصرف على قطع الغيار وصيانتها .. أما فى واحد يقول أنا عايز أركب زيرو علشان على الاقل العربيه تقعدلها 5 أو 6 سنين ما تقولش ودينى للميكانيكى الا الصيانه الدوريه العاديه وده رأى والموضوع فى الاخر أمكانيات ماديه مش أكتر

[حماده المصري]

فعلا ده الفرق

عربيه زيرو تبقى مطمن انك ماشي وبعد ستر ربنا العربيه مش هتقل معاك في حاجه مش اقل من 3 سنين

عربيه مستعمله اكيد مهما كانت نضيفه هتبقى خايف منها حتى لو معملتش معاك حاجه

عموما ربنا يباركلك في العربيه ويديك خيرها ويحفظك من شرها

[dr_3eshoo]

على فكره انا معايا بسات و بابا معاه صني
قطع الغيار للاتنين تقريبا واحده كمان البسات تكسب
الصاج متين
تسارع العربيه معقول
استهلاك البنزين 300 كيلو للصفيحه
البسات قطع غيارها اكثر عمرا و ده بيحلي ارتفاع السعر
الالماني عموما خاماته اعلى جودة و السياره اكثر قيمه و زات عمر طويل
الصني اسعار قطع الغيار قريبه للبسات على فكره بسات 99
الصني اقل في السرعه عن البسات الصاج ضعيف اضيق
هيا مدارس في الاول و في الاخر بس انا مدرستي هيا اشتري حياتك باي تمن و مش مهم فلوس الصيانه مدام بتديك الامان

[MOHAMED ABD EL SHAFY]

على فكره انا معايا بسات و بابا معاه صني
قطع الغيار للاتنين تقريبا واحده كمان البسات تكسب
الصاج متين
تسارع العربيه معقول
استهلاك البنزين 300 كيلو للصفيحه
البسات قطع غيارها اكثر عمرا و ده بيحلي ارتفاع السعر
الالماني عموما خاماته اعلى جودة و السياره اكثر قيمه و زات عمر طويل
الصني اسعار قطع الغيار قريبه للبسات على فكره بسات 99
الصني اقل في السرعه عن البسات الصاج ضعيف اضيق
هيا مدارس في الاول و في الاخر بس انا مدرستي هيا اشتري حياتك باي تمن و مش مهم فلوس الصيانه مدام بتديك الامان

+11111111111111111111

[M.Mokhtar]

8-إستهلاك البنزين 250 في الصفيحة.

انا معايا الموتور الجديد ايكوتك
2 كامة 16 صمام 136 حصان
استهلاك البنزين بيوصل ل 300 كم / الصفيحة

العربية محترمه جدا بس فى مصر مش واخده حقها وطالع عليها اشاعات مغرضه :)

[M.Mokhtar]

من حيث إمكانيات الأوبل : زجاج كهرباء,تكييف,باور,سنتر,مرايات كهرباء,سبورت درايف سيستم,تراكشن كنترول,مرايات ضم كهرباء,ثلاجة تخزين...أظن مفيش بعد كدة إمكانيات ورفاهية وقوة.وفي الآخر..الإسم,بلد المنشأ.أتمني الناس تفهمني..ومتنسوش يا جماعة أنا كنت راكب لانسر وصني..والعربيتين تماااام.وربنا يبارك للراكبينهم.

لا الكماليات بتاعت ال CDX الاوتوماتك لو عايز تقارن الكماليات صح

-اوتوماتك 5 نقلات به خاصية تقليل العزم (زرار * فى الفتيس) ونظام القيادة الرياضية (زرار S فى الفتيس)
-فرامل اسطوانات ورا وقدام بها نظام ABS
-تكييف تاتش
– باور
- 4 زجاج كهربا اوتوماتك(يفتح ويقفل بلمسه واحده) وبه خاصيه التوقف لو اعترضه اى شئ(حماية لايد الاطفال)
– وحده رفع مع السنتر ( يعنى فى سنتر :))
-مرايات كهربا وضم كهربا مع السنتر او من الزرار الداخلى بها سخانات لازاله الشبورة
- ساخان للزجاج الخلفى
-فوانيس شابورة امامى وخلفى
- امكانية التحكم فى ارتفاع النور الامامى ب5 مستويات من الداخل
- امكانية التحكم فىقوة اضاءة التابلوه والعدادات
- كراسى كهرباء جلد طبيعى
-2 مفتاح مشفر بريموت
- انذار بكاميرا داخليه(اى حاجة تتحرك جوه العربيه حتى لو دبانه الانذار يشتغل) وممكن التحكم فى تشغيل او ابطال عمل الكاميرا الداخليه
- deadlock يمنع فتح السياره حتى من الداخل الا بمفتاحها الاصلى او الريموت
-. شاشة اعطال تعرض اى عطل فى الماتور او كهرباء السيارة او نقص الزيت او المياة
- تراكشن كنترول
-ثلاجة تبريد
- كمبيوتر رحلات يعرض استهلاك البنزين الحالى وكم تقريبا المسافه اللى ممكن تمشيها بكمية البنزين الحالى ومواعيد تغير الزيت والسرعه المتوسطه ومتوسط استهلاك البنزين وساعة ايقاف واشياء اخرى
- طارة متحركة( ترتفع وتنخفض) بها تحكم فى الكاسيت وفى ال CD Changer والراديو
- كاسيت باناسونك اوبل به خاصية ارتفاع مستوى الصوت مع زياده السرعة
- CD changer اوديو 6 اسطوانات
- مثبت سرعة مع امكانية زياده وتقليل السرعه بالزراير(كورزر كنترول)
- مخدع امامى للسائق
- زينون
- عازل حرارى (لباد) تحت غطاء الكابوت
- جنوط اسبور

طبعا ده اللى فاكره حاليا
تخيل انت بقى كل الكماليات دى فى العربيه دى

على فكره انا سنة 2002 سألت على CDX زيرو كانت عامله 180 الف
شوف بقى اللانسر والصنى وحتى الكورولا كان سعرهم كام فى السنه دى :)

[M_HaFeZ]

تمام اللى معاه فلوس اما يجيب جديد او امكانيات اعلى فى المستعمل
واحد صاحبى احترافى عربيات
قالى لو معايا 250 الف هشترى بى ام الفئه الخامسه مستعمله مش فاكر موديل كام ..

[M_HaFeZ]

لا الكماليات بتاعت ال CDX الاوتوماتك لو عايز تقارن الكماليات صح

-اوتوماتك 5 نقلات به خاصية تقليل العزم (زرار * فى الفتيس) ونظام القيادة الرياضية (زرار S فى الفتيس)
-فرامل اسطوانات ورا وقدام بها نظام ABS
-تكييف تاتش
– باور
- 4 زجاج كهربا اوتوماتك(يفتح ويقفل بلمسه واحده) وبه خاصيه التوقف لو اعترضه اى شئ(حماية لايد الاطفال)
– وحده رفع مع السنتر ( يعنى فى سنتر :))
-مرايات كهربا وضم كهربا مع السنتر او من الزرار الداخلى بها سخانات لازاله الشبورة
- ساخان للزجاج الخلفى
-فوانيس شابورة امامى وخلفى
- امكانية التحكم فى ارتفاع النور الامامى ب5 مستويات من الداخل
- امكانية التحكم فىقوة اضاءة التابلوه والعدادات
- كراسى كهرباء جلد طبيعى
-2 مفتاح مشفر بريموت
- انذار بكاميرا داخليه(اى حاجة تتحرك جوه العربيه حتى لو دبانه الانذار يشتغل) وممكن التحكم فى تشغيل او ابطال عمل الكاميرا الداخليه
- deadlock يمنع فتح السياره حتى من الداخل الا بمفتاحها الاصلى او الريموت
-. شاشة اعطال تعرض اى عطل فى الماتور او كهرباء السيارة او نقص الزيت او المياة
- تراكشن كنترول
-ثلاجة تبريد
- كمبيوتر رحلات يعرض استهلاك البنزين الحالى وكم تقريبا المسافه اللى ممكن تمشيها بكمية البنزين الحالى ومواعيد تغير الزيت والسرعه المتوسطه ومتوسط استهلاك البنزين وساعة ايقاف واشياء اخرى
- طارة متحركة( ترتفع وتنخفض) بها تحكم فى الكاسيت وفى ال CD Changer والراديو
- كاسيت باناسونك اوبل به خاصية ارتفاع مستوى الصوت مع زياده السرعة
- CD changer اوديو 6 اسطوانات
- مثبت سرعة مع امكانية زياده وتقليل السرعه بالزراير(كورزر كنترول)
- مخدع امامى للسائق
- زينون
- عازل حرارى (لباد) تحت غطاء الكابوت
- جنوط اسبور

طبعا ده اللى فاكره حاليا
تخيل انت بقى كل الكماليات دى فى العربيه دى

على فكره انا سنة 2002 سألت على CDX زيرو كانت عامله 180 الف
شوف بقى اللانسر والصنى وحتى الكورولا كان سعرهم كام فى السنه دى :)

ال CDX فيها كماليات خرافيه
اعتقد كمان فيها تكييف للكراسى على مأعتقد

[M.Mokhtar]

ال CDX فيها كماليات خرافيه
اعتقد كمان فيها تكييف للكراسى على مأعتقد

بالظبط يا باشا
سخانات فى الكراسى الاماميه فقط

[ENG\AHMED]

لا


-ثلاجة تبريد

قصدك على درج التابلوة المبرد ولا اية تلاجة التبريد دى ؟؟!!


بشكل عام الفكترا كفئة عربيات اعلى من الكورولا والصنى واللانسر وبغض النظر عن الكماليات لأن لو قارنا بين فكترا 96 ولانسر او صنى زيرو مش هتلاقى فرق اذا مكانش الفرق لصالح الفكترا , حتى الشكل الخارجى بالرغم من فرق العمر
خامات وجودة التصنيع من اول الصاج الخارجى للبلاستيك اللى فى الصالون الالمانى عموما انضف .
طبعا الامان والثبات والموتور والكلام دة ماشاء الله مش هنتكلم فية زى اسعار الصيانة بردو .. بس طبعا مفيش حاجة ببلاش كلة بتمنة
بالنسببة للاوشاعات فالرد عليها فى قسم اوبل :D

وفى الاول والاخر دى اذواق ولولا اختلاف الاذواق لبارت السلع