نصيحة لوجه الله

[M.Mokhtar]

قصدك على درج التابلوة المبرد ولا اية تلاجة التبريد دى ؟؟!!


بشكل عام الفكترا كفئة عربيات اعلى من الكورولا والصنى واللانسر وبغض النظر عن الكماليات لأن لو قارنا بين فكترا 96 ولانسر او صنى زيرو مش هتلاقى فرق اذا مكانش الفرق لصالح الفكترا , حتى الشكل الخارجى بالرغم من فرق العمر
خامات وجودة التصنيع من اول الصاج الخارجى للبلاستيك اللى فى الصالون الالمانى عموما انضف .
طبعا الامان والثبات والموتور والكلام دة ماشاء الله مش هنتكلم فية زى اسعار الصيانة بردو .. بس طبعا مفيش حاجة ببلاش كلة بتمنة
بالنسببة للاوشاعات فالرد عليها فى قسم اوبل :D

وفى الاول والاخر دى اذواق ولولا اختلاف الاذواق لبارت السلع

+10000000000

[ENG\AHMED]

مقولتليش بردو موضوع التلاجة دة اية تقصد درج التابلوة ولا اية :d

[M.Mokhtar]

يا احمد انا صدقت على كلامك كله
يعنى انت صح
انا فعلا اقصد التابلوه المبرد

[brown-eyes]

بصراحة العربية دي عقدتني انا كان معايا واخدة 97 2000سي سي فعلا فعلا عربية محترمة ومينفعش تقارن بالانسر ولا التويوتا خالص كفاية بس صوت الموتور اللي ماتسمعوش غير لو دوست كيك دون و يا سلام علي ده صوت تحس ان زئير اسد اقولكو علي حاجة مش هتصدقهوا انا بهدلة واحد بعربية هامر علي طريق مصر اسكندرية بس الطريق كان زحمة شوية في شوية ملفات وده اللي كان بيخليني اطلع منه . انا بصراحة زعلت جدا لما بعت العربية دي وماكنش بمزاجي اصلي عملت بيها حادثة اول ماجيبتها بعد ماجيبتها باسبوع وغيرت نص وراني وقعدت تتصلح شهرين بعد ماصلحتها قعدت معايا 6 شهور وبعد كده بعتها من بعد الحادثة دي كنت بتشائم منها اوي ومن مشاكلها معايا بردو التكييف انا صلحته 3 مرات في الصيف بس المشكلة في العربية دي فعلا مشاكل الصيانة كتير مقارنة بالياباني والميكانيكيا اللي هنا مش بيعرفو يتعملو معاها كويس بس هي عربية تستاهل الاحترام ومتخبل عليها باي مصاريف لانها تستاهل يتصرف عليه وربنا يباركلك فيها

[ENG\AHMED]

يا احمد انا صدقت على كلامك كله
يعنى انت صح
انا فعلا اقصد التابلوه المبرد

معلش ياباشا اصل اليومين دول مهيس ومش مجمع حاجة خالص :D

[brown-eyes]

انا والله بفكر لو لاقيت واحد نضيفة تاني اشتريها ونفسي اركب السي دي اكس بس محدش يعرف ال 2003 ضريبتها هتبقي كام

[M.Mokhtar]

انا والله بفكر لو لاقيت واحد نضيفة تاني اشتريها ونفسي اركب السي دي اكس بس محدش يعرف ال 2003 ضريبتها هتبقي كام

حوالى 750 جنيه

[فادى]

ده الفرق بين السيارات الأسيوية و السيارات الأوروبية عموما,
و فيه حاجة لازم ناخد بالنا منها انو اوبل ليست من شركات الصف الاول فى اوروبا (مرسيدس, بى ام, الفاروميو), فاذا كانت شركات الصف الثانى أو الثالث بهذا المستوى المتألق فما بالك بسيارات مثل مرسيدس و الفاروميو من حيث الاداء و القوة و الثبات و الاعتمادية.

[ENG\AHMED]

بومن مشاكلها معايا بردو التكييف انا صلحته 3 مرات في الصيف بس المشكلة في العربية دي فعلا مشاكل الصيانة كتير مقارنة بالياباني والميكانيكيا اللي هنا مش بيعرفو يتعملو معاها كويس بس هي عربية تستاهل الاحترام ومتخبل عليها باي مصاريف لانها تستاهل يتصرف عليه وربنا يباركلك فيها

مشاكل الصيانة لو العربية بيعك فيها ميكانيكية كتير مش فاهمين لازم اللى يمد ايدة يبقى بتاع اوبل ااو قطع غيار مضروبة مش اصلى ودة مرطرط فى السوق لأن الاصلى سعرة غالى والناس بتسترخص
مشكلة التكييف بالصورة اللى بتقولها دى حالة فردية عندك

[ENG\AHMED]

ده الفرق بين السيارات الأسيوية و السيارات الأوروبية عموما,
و فيه حاجة لازم ناخد بالنا منها انو اوبل ليست من شركات الصف الاول فى اوروبا (مرسيدس, بى ام, الفاروميو), فاذا كانت شركات الصف الثانى أو الثالث بهذا المستوى المتألق فما بالك بسيارات مثل مرسيدس و الفاروميو من حيث الاداء و القوة و الثبات و الاعتمادية.

كلامك مظبوط بس مينفعش نعممة على شركات اوروبا كلها

احنا بنتكلم على الالمانى فى الحالة دى , متنساش ان التصميم مدارس يعنى كل صناعة هتلاقيلها روح او طعم مميز ليها بغض النظر عن الماركة صحيح هيبقى فية فروق بس عموما الروح او الطابع متشابة .
من ناحية الاعتمادية ممكن تلاقى فروق بس اعتقد الاداء والقوة والثبات مش هتلاقى فروق كبيرة وخصوصا ان فى حاجات فى التصميم متشابها اذا مكانش نفس التصميم , يعنى مثلا فكترا B "96~2003" و BMW الفئة الثالثة نفس الموديل نفس تصميم العفشة (الكلام دة قريتة على النت بس مش فاكر كان العفشة كلها قدام وورا ولا واحدة منهم ) حتى روح او طابع العربية انا شخصيا بحس ان الاتنين متقاربين فى حاجات

[Ahmed Selim]

أنا كان معايا Cd مو 2007 قعدت معايا سنة ونص أو سنتين العربية هايلة بمعنى الكلمة بس مشكلتها فى قطع الغيار المضروبة الكتيرة اللى فى السوق
يعنى أنا مرة غيرتلها كل الجلب والبيض اللى فى العفشة ورا وقدام وبعد أقل من سنة كانو أبتدت حاجات منهم تبوظ تانى
كنت جايب بيها 200 أو 210 على طريق أسكندرية و مش قلقان

كان معايا قبلها Bmw E30 مو 84 كانت 320 يعنى 6 سلندر
ودلوقتى معايا ميجان 2005

أحسن ال 3 من حيت متعة السواقة هية ال Bm من غير تحيز لحد
وبعد كده الفيكترا وبعد كده الميجان

[ENG\AHMED]

أنا كان معايا Cd مو 2007 قعدت معايا سنة ونص أو سنتين العربية هايلة بمعنى الكلمة بس مشكلتها فى قطع الغيار المضروبة الكتيرة اللى فى السوق
يعنى أنا مرة غيرتلها كل الجلب والبيض اللى فى العفشة ورا وقدام وبعد أقل من سنة كانو أبتدت حاجات منهم تبوظ تانى
كنت جايب بيها 200 أو 210 على طريق أسكندرية و مش قلقان

كان معايا قبلها Bmw E30 مو 84 كانت 320 يعنى 6 سلندر
ودلوقتى معايا ميجان 2005

أحسن ال 3 من حيت متعة السواقة هية ال Bm من غير تحيز لحد
وبعد كده الفيكترا وبعد كده الميجان

انت قصدك 97 ؟؟
ياريت تعمل مقارنة بين الفكترا والميجان مدام كان معاك الاتنين

[Ahmed Selim]

انت قصدك 97 ؟؟
ياريت تعمل مقارنة بين الفكترا والميجان مدام كان معاك الاتنين

بالظبط يا باشا
معلش على التهييس :)

مقارنة بين عربية 97 والتانية 2005 هيبقى فيها ظلم للفيكترا شوية بصراحة

الكماليات مختلفة كتييير وكمان التكنولوجى

[ENG\AHMED]

بالظبط يا باشا
معلش على التهييس :)

مقارنة بين عربية 97 والتانية 2005 هيبقى فيها ظلم للفيكترا شوية بصراحة

الكماليات مختلفة كتييير وكمان التكنولوجى

ياباشا ولا يهمك :)

ياباشا عادى هو اة منصور منفض العربية بس مش 128 يعنى :)
االى اقصدة انت كان معاك العربيتين يعنى تفدر تقول مميزات وعيوب الاتنين وتقارن بينهم انت مثلا كنت بتقول من حيث متعة السواقة الفكترا اكتر قول لية وكدا يعنى , انا مبتكلمش علشان حاجة احنا مش هنعملهم مسابقة ولا حاجة بس مثلا انا من فترة كنت بفكر اجيب ميجان بدل الفكترا فا عايز اعرف الفرق بينهم واية الاحسن واية الاسوأ واسعار الصيانة وقطع الغيار "فى التوكيل".. بس كدة :)

[theking2690]

انا معايا الموتور الجديد ايكوتك
2 كامة 16 صمام 136 حصان
استهلاك البنزين بيوصل ل 300 كم / الصفيحة

العربية محترمه جدا بس فى مصر مش واخده حقها وطالع عليها اشاعات مغرضه :)

يا جماعه هو الاستهلاك ده جوا البلد و لا على طرق السفر