ربنا يصبرك بس أنا مبسوط إنك لطشتو بالألم شجيع إنت برده
X
-
الله يكون في عونك
موقف صعب جداً
أنك تحس بالقهر
وأكيد معرفتش تنام من ساعتها ولا يرتاح لك بال من كتر التفكير
فهون على نفسك شوية
وأتأكد أنك ما كنتش غلطان
أولاً : لأنك أديته إشاره ( فعملت اللي عليك )
ثانياً : هو اللي ورا ( اللي ورا دايماً هو اللي غلطان )
ثالثاً : أنك ما بدأتش بالشر ( البادي أظلم )
رابعاً : إن كان ممكن يحصل أكثر من كدة لو حاولت تاخد حقك بدراعك ( خسائر أكتر في العربية وفيك أنت شخصياً ) - حمد الله على سلامتك وسلامة والادك
خامساً : كنت ممكن تاخد قرارات أجرأ من كدة لو ما كنش باباك معاك ( لأن الواحد لوحده أجرأ من إن لو حد من أهله معاه في رد فعله وفي سواقته كمان )
أنا حصلي موقف قريب من كدة رغم إني واحدة ست ( سواقه ) ، إديت إشارة علشان أدخل في الحارة الشمال لأن فيه عربية أمامي بطيئة فلاقيت عربية نقل بتنور النور العالي من بعيد في عيني ، فكنت داخلت الحارة خلاص فقررت أكمل التعدية بسرعة وبعدين أدي أشارة يمين أوسع له ، داخل لي بأقصى سرعته وكسر عليا وجرح العربية ، دا غير الخضة ، فأنا ضربت على الكلاكس بأقصى عزم فيا ( فإتضح أن دي شتيمة ) فقرر ينتقم مني - فأنا مشيت بأسرع ما عندي وهو بيحاول يقفل عليا ويضرب النور العالي في عيني علشان يولبخني - أنا كنت هموت من الرعب ( وأعتقد إن دا عادي ) وخصوصاً إن أبني الصغير نايم في العربية ورا .
والحمد لله مشيت بأسرع ما عندي لاغية من هربت ، وحمدت ربنا - لأني مش عارفة كان ممكن يحصل أيه ؟ رغم إن الستات فيها ميزة خطيرة والحمد لله لم أستخدمها حتى الآن ، والميزة هي الصويت
- ومعرفش في حالة البلد الأمنية دلوقتي - هل هتجيب نتيجة ؟ ولا الناس هطنش برضوا ! - بس لاغية دلوقتي مضايقة أني ما أخدتش حقي ( وبحمد ربنا أنه كان فاكرني بشتمه ) - وأنا ما أقصدتش
[CENTER][SIGPIC]http://www.nilemotors.net/Nile/signaturepics/sigpic115286_2.gif[/SIGPIC][/CENTER]
Comment
-
مبدأيا من الاول كده حضرتك غلطان محدش بيتنطنط من حارة لحارة كده لمجرد انه ادى اشارة
مش شايف انها هتجيبك متعديش الاشاة معناها انك فيه نيه انة هتغير حارتك مش بتديك اولوية
وفيما بعد ذلك كان الموضوع ممكن يتحل انك تررفع ايدك وتعتذر لكن الموقف لو معكوس وواحد خبطنى بغرزة ومشى ومعبرش اكيد ضغطى هيرتفع ومش هعرف اتحكم فى نتيجة تصرفي فيما بعد
ده مش معناه ان اللى عمله معاك ف التعدى انا موافق عليه وخصوصا ان معاك والدك او حد كبيرفى السرعه الهلاك و بيعلى الاستهلاك و يا فتى كفياك انك بتتنفس هواك
و ربك هداك للبعد عن الهلاك و اللى مش شايفاه عنيك الهى رب العرش يحميك<!-- google_ad_section_end -->
Comment
-
يا باشا سيبك من الإشارة مع أنى مديها من بدرى لما الأسعاف كانت جنبى بالظبط يعنى نيتي باينة من بدرى جدا وانا والله كنت شايف المراية كويس جدا وتعدينى مرتاح اوى وعملت قبل كدة اللى اصعب منها 100 مره وكمان والله انا منطتش مره واحدة من حارتى لأ خدتها بالتدريج بس مش بطئ بحيث يبقى اللى جاى واخد باله وكمان انا حطيت نفسى مكانه انا لو مكانه هابين نيتى قبل الاسعاف مايعدى على طول وادى كلاكس او اقلب نور علشان احذر اللى قدامى غير كده كمان هابقى متوقع انه ممكن يكسر عليا فجأة مع ان ده ماحصلش منى ده غير انا أنا متأكد 100000000% انه كان يقدر يفرمل لكنه مافرملش غير لم بدأ يحك فيا ومفرملش جامد كمان هنقول ممعوش فرامل خلاص يبقى كده هو غلطان اكنر ده هو زود بنزين اكتر كمانالمشاركة الأصلية كتبت بواسطة ahmed1718 مشاهدة المشاركةمبدأيا من الاول كده حضرتك غلطان محدش بيتنطنط من حارة لحارة كده لمجرد انه ادى اشارة
مش شايف انها هتجيبك متعديش الاشاة معناها انك فيه نيه انة هتغير حارتك مش بتديك اولوية
وفيما بعد ذلك كان الموضوع ممكن يتحل انك تررفع ايدك وتعتذر لكن الموقف لو معكوس وواحد خبطنى بغرزة ومشى ومعبرش اكيد ضغطى هيرتفع ومش هعرف اتحكم فى نتيجة تصرفي فيما بعد
ده مش معناه ان اللى عمله معاك ف التعدى انا موافق عليه وخصوصا ان معاك والدك او حد كبير
أنا ياما اتكسر عليا كسرات فظيعة والله والواحد كان رد فعله جاهزالحمد لله ده غير ان دى ماتعتبرش غرزه لأن الطريق مكانش سريع خالص وكانت واسعه مش يدوبك على اد العربيه
سيك بأه من الكلام ده كله الواحد ياما اتخبط من الناس وكانوا غلطنانين وعمرى ما فكرت انى اتخانق او اضرب اللى عمل كده ده غير أنا ركبت مع ناس قبل كده كان الغلط راكبهم من ساسهم لراسهم وخبطو عربيات خبطات غبية وفوانيس اتكسرت ومحدش كان رد فعله بعد الخبطه كده خالص مع ان ما حدش اعتذر كمان
Comment
-
أولا الحمد لله على سلامة الوالد وسلامتك
ثانيا اعمل حسابك دايما بعد الإشارة عد لغاية خمسة بالراحة وبعدين غير الحارة وكذلك في إشارة المرور اللي موجودة في مفارق عشان الموتسيكلات الصيني والعربيات الهربانة من الإشارة
ثالثا اوعى بعد كده في اي ظرف من الظروف تقف لأي سبب من الأسباب طالما انك تقدر تتحرك وتناور بعربيتك وتفلت من اي حد بيزنق عليك خصوصا في اليومين دول
رابعا الحمد لله انها جت على قد كده
خامسا لوعارف وحافظ بيانات السيارة التانية روح القسم وأعمل محضر احتياطي ربما يطلع الراجل التاني مش تمام ويظبطك
Comment
-
الدرس اللى كلنا لازم نتعلمه محدش يقف لحد خالص , و لو حد كسر عليك ارجع بضهرك و اخلع منه حتى لو حتخبط عربيتك فى عربيته لان ممكن يكون عايز يثبتك او ينزل يتخانق معاك وممكن فى الخناقة يكسرلك عربيتك يبقى مش مشكلة لو خبطت عربيتى خبطة بسيطة عشان أنفد بجلدى , اليومين دول سواد و العربية مبقتش ميزة لأ عيب وعبء كمان على صاحبها ......
قبل الثورة كان يقولك الجرى نص الجدعنة , دلوقتى انا بقولكم الجرى بقى الجدعنة كلها[SIGPIC][/SIGPIC]
M.Khalil سابقا
Comment
-
اولا الحمد لله انها جت على قد كده
بس انا مستغرب جدا مفيش اى رجوله فى ان 3 يتلموا على 1 و يضربوه كده و كمان معاك والدك رجل كبير حاجه تحزن
حسبى الله و نعم الوكيلم / محمد سعد
[img2]http://img846.imageshack.us/img846/197/63588414414249233311774.jpg[/img2]
Comment
-
معلش يا باشا .. حصل خير
بس هقول لك علي حاجه لازم تعرفها
لما تيجي تنقل من حارة لحارة بإشارة حتي و لاقيت اللي ورا في نفس الحارة بيزود بنزين .. ياريت ترجع حارتك تاني لأن دا اكيد واحد قليل الأدب انه علي الاقل مش مديك فرصة انك تنقل علي الحارة التانية
[CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]
[CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]
Comment
-
السلام عليكم ورحمه الله
انا كنت متردد انى ارد بس الواحد لازيم يفيد غيره ان شاء الله
اولا حضرتك من حسن حظك انك طلعت سليم وطبعا زي ماباقى الاعضاء وضحو انك متقفش لحد طول ما انت مش مظبط حالك وخصوصا لومعاك والدك او والدتك او زوجتك واسرتك
ثانيا بقى والاهم من حسن حظك ان الموضوع وصل للشرطه بس لسوء الحط حضرتك معرفتش تتعامل معاه كويس
برغم انك تعرضت للضرب ومعاك فرد شرطه شاهد والكدمات واضحه جدا
المفروض مكنش يهمك وكنت عملت محضر ولو اكبر تخين فى القسم عارضك وقعد يلعب بيك نط فى كرشه
انا دمي محروق من الى حصل طبعا بعض النظر عن المخطئ مين الى كسر على التاني
حضرتك تعرضت للضرب المبرح والاهانه والسب والقذف
طبعا انا عارف انك اسأت التصرف فى انك تاخد حقك وانا اسف انى اقولك ده حال معظم الشعب المصرى جهله بالقوانين وحقوقه وما له وماعليه
بس لازم تعرف ان كل موقف وله التصرف القانوني ليه حتى لو اكبر ظابط هناك اعترضك ممكن تاخد منه حقك تالت ومتلت بالقانون
فى النهايه ارجو انك تكون استفدت من الموقف وقدر الله وماشاء فعل[CENTER][SIZE=4]ان لدي الهندوس معابد تخشع لها القلوب وهي تقدس الهراء[/SIZE][/CENTER]
Comment
-
مع كامل احترامي لحضرتك انا شايف ان انت الغلطان ................ اولا مش معني انك مدي اشاره انك تدخل علي في طريقي افرض انا معييش فرامل اوسرحان ..الاشاره معناها انك بتنبه اللي وراك مش اللي جنبك .......... ثانيا ده معدش زمن الخناق لانك في جميع الحالات بتقل من كرامتك سواء غالب او مغلوب ...............واسف جدا للاطاله
Comment
-
ياباشا مفيش داعى للتردد خالص وللأسف أنا عارف انى فرطت فى حقى لأن والدى كان معايا ولأنى أول مره اتعرض لموقف بالشكل ده وفعلا مكنتش فاهم ايه اللى بيحصلالمشاركة الأصلية كتبت بواسطة zambarota مشاهدة المشاركةالسلام عليكم ورحمه الله
انا كنت متردد انى ارد بس الواحد لازيم يفيد غيره ان شاء الله
اولا حضرتك من حسن حظك انك طلعت سليم وطبعا زي ماباقى الاعضاء وضحو انك متقفش لحد طول ما انت مش مظبط حالك وخصوصا لومعاك والدك او والدتك او زوجتك واسرتك
ثانيا بقى والاهم من حسن حظك ان الموضوع وصل للشرطه بس لسوء الحط حضرتك معرفتش تتعامل معاه كويس
برغم انك تعرضت للضرب ومعاك فرد شرطه شاهد والكدمات واضحه جدا
المفروض مكنش يهمك وكنت عملت محضر ولو اكبر تخين فى القسم عارضك وقعد يلعب بيك نط فى كرشه
انا دمي محروق من الى حصل طبعا بعض النظر عن المخطئ مين الى كسر على التاني
حضرتك تعرضت للضرب المبرح والاهانه والسب والقذف
طبعا انا عارف انك اسأت التصرف فى انك تاخد حقك وانا اسف انى اقولك ده حال معظم الشعب المصرى جهله بالقوانين وحقوقه وما له وماعليه
بس لازم تعرف ان كل موقف وله التصرف القانوني ليه حتى لو اكبر ظابط هناك اعترضك ممكن تاخد منه حقك تالت ومتلت بالقانون
فى النهايه ارجو انك تكون استفدت من الموقف وقدر الله وماشاء فعل
والحمد لله استفدت من الموقف وأفدت غيرى بأنى اقولهم عليه ويمكن ربنا يكون جعلنى سبب انى ابعد حد عن موقف زى ده بأنى احكيه
Comment

Comment