خبرة ملاك الصني الجديدة مع ارتفاع العربية

[maghnom]

السلام عليكم

أنا كنت ناوي اشتري تريوس بعد نزولي مصر قريبا لسبب وحيد وهو ارتفاعها عن الارض

بس انا من كتر ترددي على قسم النيسان لاني كنت ببص على القاشقاي والجوك اللي سعرهم عالي على ميزانيتي لفت نظري جدا ظاهرة النيسان صني الجديدة و اعجاب ملاكها بيها

والمشكلة اني معجب بالصني من ايام الشكل القديم ولكن لما ركبتها كذا مرة (الشكل القديم) كانت بتحك في المطبات بشكل شنيع حتى وجود 2 بس في السيارة

وعايز اقولكم اني متعقد من موضوع الحك والمطبات ده جدا لدرجة انه بقى العامل الاهم عندي في قرار الشراء قبل اي حاجة تانية

ولاحظت ان في ناس بتشكر لحد ما في ارتفاع الصني الجديدة وبعدها عن المطبات، لدرجة خلتني بالفعل اعيد حساباتي واغير اتجاهي 180 درجة من ماركة لماركة و فئة لفئة، في حالة واحدة بس اني اتأكد بما لا يدعو للشك من موضوع الارتفاع ده ومن خبرة ملاكها بيها


هل النيسان صني الجديدة مرتفعة عن الارض بشكل يدعو للاحساس التام بالامان من مطبات مصر؟ هل حد خاض تجربة سيئة من الناحية دي خصوصا مع التحميل في العربية؟ لو الإجابات مطمئنة اعتبروني من ملاك الصني الجداد خلال شهر على الأرجح بمشيئة الله

[Adnfalcon]

العربيه عاليه عن الأرض بس نصيحتي ابعد عنها

[eng.m7md.ali]

هل هيا دي الميزة اللي حضرتك شايفها؟ .. هيا ميزة في مصر عشان المطبات بس انا مش هرمي طموحي في العربية عشان خاطر عالية وخلاص .. معنى كدة انك هتستغنى عن حاجات كتير مقابل الميزة دي

[ibrahimsaad]

العربيه فعلا عاليه وبتاخد اى مطب براحه جدا
انا شخصيا كنت باعانى من الموضوع ده قبل النيوصنى لكن الان مفيش اى معاناه
هذه نقطه نيجى بقى لبعض المشاكل الخاصه بالصنى الا وهى تتركز معظمها فى
الثبات فاذا كنت مثلى ممن لايحبون التهور والسرعات القاتله فتوكل على الله اما ان كنت ممن تحب الجرى والغرز فلا انصحك

مشكله تيل الفرامل من نوعيه سيئه بتخلص بسرعه وحتى الان تقريبا لم تحل

تجربتى انا الشخصيه بيها عامل 4000 ك

لم اجد اى مشاكل لا فى الفرامل ولا الثبات

الخلاصه لان هتلاقى كلام كثير وهجوم غير مبرر

لو ميزانيتك فى حدود العربيه دى ومش هتقدر تزود ولو انت سواقتك هاديه ومش بتاع جرى وغرز وعايز عربيه واسعه وعاليه عن المطبات توكل على الله

وصلى الاستخاره

[Hanytoto12]

توكل علي الله

اخي العزيز..من واقع تجربتي مع النيوصني وعامل ١٦٥٠٠ لحد دلوقت.
الارتفاع ممتاز حتي لو محمل ركاب.. وخد بالك عشان زي ماقاا الدكتور فيه ناس بتهري وخلاص وبتبوظ شكل العربية.
بالنسبة للسرعة انا اظن اني شوية باجري يعني متوسط سواقتي ١٣٠ وعملت غرز علي ١٦٠ وزيادة سنة.. طبيعي الثبات مش زي البي ام او المرسيدس..لكن تمام بالنسبة ليا ومتحكم كويس.
التيل والحمد لله عندي مافيهوش حاجة لحد دلوقت وربنا يستر بقي :)
التكييف هايل والعزل مقبول جدا وموضوع البلوتوث ده حلو قوي خصوصا مع قوانين المرور دلوقت.
مش عاوز اطول لكني اؤكد كلام الدكتور برضه في موضوع الهدوء وعموما الموضوع نسبي.
اخيرا.. العربية كويسة قوي وتوكل علي الله وماتخليش حد يبوظ فرحتك.

[Adnfalcon]

يعني مش ثابته والفرامل فيها مشكله والناس بتدور علي علو العربيه !
هات جين 2 احسنلك

[ashrafwolf]

لو اهتمامك الاول هو علو العربيه هات التريوس لان ديه ارتفاعها 20 سم عن الارض http://newcar-specification.blogspot.com/2013/02/daihatsu-terios-specification.html
اما النيو صني ارتفاعها 15.5 سم عن الارض

[maghnom]

شكرا لكل ردودكم يا جماعة

أنا كده اطمنت على ارتفاع العربية


وقلقت على كل حاجة تانية فيها!!!


هل فعلا فيها كل العيوب دي؟

[Adnfalcon]

شكرا لكل ردودكم يا جماعة

أنا كده اطمنت على ارتفاع العربية


وقلقت على كل حاجة تانية فيها!!!


هل فعلا فيها كل العيوب دي؟

ثبات فالمراجيح
تيل فرامل ردئ
صاج ضعيف
لو استعمالك داخلي هاتها لكن طريق و سفر لأ دي نصيحتي والناس جربت وشافت

[J A G U A R]

هيا تبقى كويسه لداخل المدينه وللسفر مع سرعه بطيئه نسبيا وبالنسبه للعلو فهى عاليه جدا

[مجدى على]

العربيه عاليه عن الأرض بس نصيحتي ابعد عنها

فعلاً السيارة عالية عن الارض ولكن اضم صوتی لهذا الرأي فأنا استلمت السوبر صالون منذ 5 اشهر ونادم علی ذلك لسوء التقفيل والخامات والأهم من ذلك سوء المعاملة من قبل الشركة وعدم احترامها لعملائها .
والله على ما أقول شهيد
د/ مجدى

[medo-312]

العربية ارتفاعها ممتاز وانسي موضوع المطبات نهائى .. العربية معايا من سنة ونص مافيش اى شكوي والحمد لله وسافرت بيها اسكندرية 4 مرات متوسط سرعة من 130ك ل 150 ك وموضوع الشكاوى منها قارن عدد الشكاوى بمعدل انتشارها هاتلاقيه طبيعى جدا .. زائد عضوين 3 مش من ملاكها هاتلاقيهم مأجرين بدروم ولازقين فى قسم نيسان كده لله ف لله وشوف مواضيع الهجوم على العربية هاتعرفهم علي طول

[Adnfalcon]

واضح ان المحاماه اجرها مجدي ف شركه نيسان

[MUSTFA]

لو عايز تبقى ف الامان هات داستر .. عربية ممتازة ع الطرق بتاعتنا و off road انما لو عاليه عن ميزانيتك هات صنى وتوكل على الله .. وسيبك من الناس اللى بتكرهك فيها .. شوف انتشار العربيه عامل ازاى واحكم بنفسك :)

[eng.m7md.ali]

انتشار العربية عمره ماكان سبب انها تبقي كويسة