خبرة ملاك الصني الجديدة مع ارتفاع العربية

[grumby78]

انا مش عارف ليه واخد الكلام على قلبك اوي كدة

او يمكن معندكش كلام ترد بيه .. بردو حضرتك محسسني ان شركة بروتون دي من بقيت عيلتي وانا مش واخد بالي .. كدة كدة هيا لاتعنيني في شيء عشان اموت نفسي دفاعاً عنها

وبعدين الاحصائات اللي حضرتك بتتريق عليها دي مبنية على تجارب واراء ناس كتير جداً مش مجرد واحد ولا اتنين ولا حتى تلاتة عملو مواضيع هجومية ... تحياتي .. وواضح مدى الاسى اللي حضرتك وصلتلو لما معرفتش ترد لان حضرتك اصلاً اللي مدخلني في الموضوع مش انا

شوف يافندم انا بقالي فترة منقطع وبتفرج بس على مواضيع عن الصني لا اساس لها من الصحة وكلها مبالغة وتجني وكأن مصر البلد الوحيدة في العالم اللي باعت فيها نيسان صني !! بس في اوقات بتحس ان الامور زيادة وده سبب احجام كثير من ملاكها عن المشاركة والتعليق عشان احنا منبهرين منكم بصراحة ومن نظرياتكم اللي مبنية على مواضع المنتدى .. !! وبتكذبوا ملاكها اللي هما ايديهم في الموضوع وبيركبوا العربية كل يوم ولما نعلق نبقى مغرضين ومحامين ومدفوع لنا فلوس ومحموقين على عربياتنا .. وحضرتك ضيفتلي كمان --- كلي أسى ---- ومش عارف ارد عشان احصائيات حضرتك ابهرتني وجعلتني speechless

[eng.m7md.ali]

شوف يافندم انا بقالي فترة منقطع وبتفرج بس على مواضيع عن الصني لا اساس لها من الصحة وكلها مبالغة وتجني وكأن مصر البلد الوحيدة في العالم اللي باعت فيها نيسان صني !! بس في اوقات بتحس ان الامور زيادة وده سبب احجام كثير من ملاكها عن المشاركة والتعليق عشان احنا منبهرين منكم بصراحة ومن نظرياتكم اللي مبنية على مواضع المنتدى .. !! وبتكذبوا ملاكها اللي هما ايديهم في الموضوع وبيركبوا العربية كل يوم ولما نعلق نبقى مغرضين ومحامين ومدفوع لنا فلوس ومحموقين على عربياتنا .. وحضرتك ضيفتلي كمان --- كلي أسى ---- ومش عارف ارد عشان احصائيات حضرتك ابهرتني وجعلتني speechless

طبيعي جداً حضرتك تنبهر مني .. انا بحسد صحابي انهم يعرفوني :)

المشكلة ان حضرتك كمالك للصني الجديدة بتكدب بردو مالك الصني الجديدة في كلامه لما يقول عيوب العربية

اعتبرني ياسيدي الفاضل بقول اي كلام وبكدب .. طب بالنسبة للملاك اللي بيشتموا العربية حضرتك هتقدر تقول عليهم كدابين !!

اكيد برضوا حضرتك عارف ان الايد المصرية لما تدخل في صناعة بتقضي عليها وده باين في الفرق بين الصني المصري والصني الامريكي مثلاً او الخليجي

[grumby78]

طبيعي جداً حضرتك تنبهر مني .. انا بحسد صحابي انهم يعرفوني :)

المشكلة ان حضرتك كمالك للصني الجديدة بتكدب بردو مالك الصني الجديدة في كلامه لما يقول عيوب العربية

اعتبرني ياسيدي الفاضل بقول اي كلام وبكدب .. طب بالنسبة للملاك اللي بيشتموا العربية حضرتك هتقدر تقول عليهم كدابين !!

اكيد برضوا حضرتك عارف ان الايد المصرية لما تدخل في صناعة بتقضي عليها وده باين في الفرق بين الصني المصري والصني الامريكي مثلاً او الخليجي

باين ازاي يعني ؟ يعني هما المصريين بيصنعوا حاجة اصلا في العربية ؟ موتور بتاع نيسان ومتجرب في تيدا وجيوك قبل كده .. جيربوكس شرحه .. طب الامريكي بتنزل بجير بوكس cvt وموتور 1.6 والباقي واحد تقريبا واصلا لايوجد اي عيب او شكوى من الموتور والجيربوكس من اساسه الى الان !! يعني المصري وحشه والامريكاني والخليجي حلوه ولا العربية كلها سيئه .. احتارنا صراحة ..
بعيد عن اي حاجه احب اقول لحضرتك تعليقا على استغرابك مني انا بحس اني مينفعش اعلق على اي عربية الا لما امتلكها او على الاقل اجربها لمده طويلة ..ومبعرفش اخش اقسام تانية احط عربية في دماغي برغم كرهي لها ..يعني ملاكها دايما اصدق مني
حطوا الياريس قبل كده في دماغهم وطلعوها مشرحة وهيا من احسن عربيات المدينه في رأيي وجاري يمتلكها وبيقولي فيها شعر عن اعتماديتها وانها عربيه قطع غيارها معمرة جدا .وهيا في النهاية عربية مدينه ولازم نقيمها في الاطار ده
ونفس الكلام اتقال على سيراتو اللي قبل الحاليه وطلعوها بتقتل صحابها وبتتقلب لوحدها .. وباعت وملت البلد .. كله كلام لاقيمة له في النهاية ويفتقر لاي موضوعية غير ان ناس بتحط عربية في دماغها .. شكرا

[Adnfalcon]

يا جماعه خلاصه الكلام عشان نخلص من الجدال دا .. بعد شهاده كل واحيانا معظم الملاك .. وبالنظر و بمعرفه نوع العفشه و ارتفاع الصني ..
ثابته ؟؟ لأ
حصل منها مشاكل بسبب الفرامل و عدم الثبات ؟؟ أه
صاج ضعيف ؟؟ أه
تكيف كويس وارتفاع ملحوظ عن الأرض و واسعه ؟؟ اه

دي نقاط الضعف و القوه .. بالنسبالي عربيه ارخص من الصني بس اكتر فالثبات هتملي عيني بصراحه لأن الثبات اهم حاجه فالعربيه وعن تجربه

في ناس هتشتريها عشان عاليه او عشان واسعه ومش هامه نقطه الثبات .. دي حريات شخصيه .. بس متجيش بعدين تكتب موضوع تسب وتلعن فيها .. لأن دا اختيارك

[Omar Mahmoud]

ايه اللي دخل البروتون في الموضوع اصلا !!!

مش هتكلم عن عيوب لاني عارف مشاكلها ايه وعيوبها ايه وبردو متقبلها .. مفيش عربية في الدنيا مفيهاش عيوب واحتمال 1% مثلا ان يبقى فيها عيب صناعة

وبعدين حضرتك مسمعتش عن بروتون دي مش مشكلتي انا الصراحة :))

وحاجة كمان .. مش معنى انها مش منتشرة او مش موجودة في بعض البلاد ده راجع ل 3 حاجات :

-ان الشركة انتاجها للعربيات محدود بعكس شركة محترمة زي نيسان
-ان العربية انتاجها الرئيسي دريكسيون يمين مش شمال
-ان العربية مش هتنزل في بلد فيها 1000 عربية مختلفة في نفس الفئة السعرية بتاعتها .. كدة اكيد الناس هتفضل العربيات المشهورة عنها

حاجة بردو يمكن تكون مفهمتهاش مني .. الخامات والتقفيل مش كل حاجة .. في حاجات كتير مهمة زي الفرامل والامان والصاج القوي والاعتمادية وكفائة المواتير والعفشة .. اعتقد الكلام ده بعيداً تماماً عن نيسان صني

ولو مسمعتش بردو عن شركة lotus اعتقد محتاج تقرى شوية كمان :)

تحياتي ليك

المشكلة إن بروتون اللي مش عاجباه دي تفوقت علي الصني الاسطورة في كل حاجة ماعدا الوسع الداخلي و الارتفاع عن الارض
لو البروتون زرايرها لعب اطفال بلاش نتكلم عن الصني احسن.
يبقوللك غير معروفة عالميا،عالميا بالنسباله ايه؟؟دخلت اوروبا من التسعينات و استراليا و بتتباع في جنوب افريقيا و عربيات شرطة في انجلترا غير الناس اللي بتشتري و مبسوطين منها في مصر و إنجلترا و تاكسي في كذا دولة و يقوللك مش معروفة.
اللي ميعرفهوش إن whatcar مقارنة الجين2 بالاودي A3 و شيفروليه فولت.
ايه العربيات مجهولة الهوية دي؟؟؟؟

[مجدى على]

صنى سوبر صالون 2014

العربية عالية و واسعة جدا ومنظر وفقط ...... أنا عامل حوالی 3000 كم وحتی الآن والعربية بتعمل حاجات غريبة وطبعا وهی فی الشهر الاول وقبل صيانة الألف تم كسر الزجاج وفتح الباب وسرقة محتوياتها ولم يعمل الإنذار وتقدمت بشكوی للشركة فلم تعيرها ای اهتمام. الجديد ان شنطة العربية بتفتح لوحدها واكثر من مرة جاءني الجيران لتنبيهی من أن الشنطة مفتوحة وفی اوقات مختلفة ؟؟؟؟؟؟؟؟؟؟؟ ايضا الإنذار يعمل فجأة وبدون داع ؟؟؟؟؟؟ ومش عارف اعمل ايه ؟؟؟؟ وخايف ان الشنطة تفتح ويكون فيها اشياء مهمة وغالية ويتم سرقتها كما حدث مع الباب هل اذهب الی كهربائي لمعرفة السبب وحل المشكلة ؟ لان مركز صيانة مودرن موتورز الهايكستب عندما ذهبت إليهم فی حالة الإنذار قالو ان كل شئ تمام ولم يفعلوا شيء .... فارجو المساعدة

د/مجدى

[مجدى على]

تم رفض المشاركة التی تم كتابتها منذ 5 دقائق ؟؟؟؟؟؟؟ لماذا
د/مجدى

[Adnfalcon]

اتفضلوا موضوع فريش عشان محدش يفضل يجادل وخلاص

https://www.nilemotors.net/Nile/432193-a.html

[MUSTFA]

الانتشار ف مصر للأسف لا يدل علي جوده العربيه . بدليل انتشار عربيات كتير لا تحتوي علي اي وسائل امان . هو في انتشار زي الفيرنا ؟؟ بس الناس بتجيبها عشان رخيصه

تمام بس على الاقل احسن الوحشين هتنتشر :)

[MUSTFA]

معلش

يمكن تكون الصني الجديدة احسن من الفولفو مثلاً .. او الفيات بونتو ايفو .. او الفورد فيستا

ايه ده هيا العربيات دي مش منتشرة ليه؟!! اكيد عشان عربيات تعبانة

لا ده كدة فعلاً الصني احسن طبعا

الكلام ده ملوش اى لازمه اساسا .. انت بتقارن العربيات اللى فى فئة سعريه واحده او متقاربة

[MUSTFA]

لايافندم العفو .. حضرتك راكب اسطورة ماليزية .. بروتون
احكيلك قصة واحد معايا في الشغل . اشترى بروتون جين 2 الاسطورة , وهو بيركن على الرصيف فتحت منه ايرباج .. لما طلع كان مذهول وحكالنا نزلنا شوفنا العربية وايرباج السواق مفتوح بدون اي صدمات !! ناهيك عن اني شفت كذا واحدة صدر العربية محروق نتيجة مشكلة في الكهرباء وده عند ميكانيكي فاتح ورشة في السيوف الاسكندرية وشغال في توكيل عز العرب اللي قالي انها فيها مشكلة كهرباء . ده غير التوكيل الزبالة والاسعار الغريبة لعربية مالهاش وجود في الاسواق المحترمة ولا في حد يسمع عن بروتون دي اصلا .. ناهيك طبعا عن استهلاك البنزين غير الطبيعي وزراير التابلوه اللي شبه لعب الاطفال .. يعني ياريت كل واحد يشوف نفسه قبل ماينتقد عربيه ماركبهاش من اساسه .. !!

+1

[eng.m7md.ali]

الكلام ده ملوش اى لازمه اساسا .. انت بتقارن العربيات اللى فى فئة سعريه واحده او متقاربة

طيب ماتشوف كدة اللي في فئة الفورد فيستا هتلاقي الهوندا سيتي والياريس .. لو بصيت هتلاقي الياريس والسيتي اكتر من الفيستا والبونتو ايفو

طب لو جينا لفئة الفولفو s60 هتلاقي عربيات زي الباسات والسيتروين c5 والبيجو 508 .. شوف ايه الاكتر انتشار بالرغم من مشاكل الفتيس

هل الباسات مثلاً احسن من الفولفو او السيتروين او البيجو؟؟

هل السيتي والياريس احسن من الفيستا او البونتو ايفوا؟؟

هيا بتتقاس كدة

[محمد 2014]

لازم نكون واقعيين مفيش عربيه ودا اولا مش فيها عيوب
كل انسان بيحصر اختيارته بناء علي طلباته يعني حضرتك عايز ايه من العربيه

عايز تجري علي الطريق وتاخد غرز طبعا نصيحه واضحه وصريحه ما تجبش نيسان صني مش محتاجه اي كلام لان الثبات مش هيساعدك
صاج ضعيف معلش في دي كل الناس عارفه كويس صاج العربيات عامله حاليا ازاي واي خبطه بتعمل ايه في العربيه
فرامل موضوع تيل الفرامل اكتر من واحد صاحبي قالي وصاحب المعرض زات نفسه تعمل حسابك كل 10 الاف كيلو
بتجيب تيل جديد و نقول نجيب الاصلي ب 550 بالنسبه لصيانتك و العربيه اكيد مش خساره فيها

العربيه واسعه ما شاء الله جدا ودا بشهاده الجميع و عاليه عن الارض لو حركتك كلها مطبات او خلافه مش هتحس ان شاء الله باي مشكله التكييف ما شاء الله كويس جدا والفتيس والموتور ياباني ومش عليهم اي مشاكل
استهلاك البنزين حسب ما سمعت من صحابي انه بيتحسن بعد 5000 ولو انه عالي معايا حبيتن عشان انا في التليين :d

دا رأيي بكل صراحه حضرتك تشوف انت طالب ايه من العربيه وامكانياتك والاختيارات قدامك وتحدد انما هجوم علي اي عربيه بصراحه في وجهه نظري لازم يكون معاه دلائل وانا جبتلك مشاكلها وميزاتها والاختيار بيبقي اختيار الشخص دي مسأله زوقيات ولا هي اول ولا اخر عربيه في الدنيـا والاهم من دا كله

لاي حد مقبل علي شراء عربيه اي كانت نوعها اعمل استخاره وربنا هيديلك ال فيها خيرك ان شاء الله حتي لو كانت 128

[Yosef_azab]

العربية معايا عاملة 20000 وغيرت التيل والطنابر عند el-5000 ضمن الضمان
الحمدلله العربية مفيهاش أي مشاكل والثبات لحد 140 كويس والفرامل مش الميزة في العربية بس هي بتؤدي الغرض يعني طول ما أنت ماشي في حدود السرعة القانونية هتوقف هتوقف
إنما بقى اللي عايز يجري أكتر من 140 وعايز العربية تقف في مكانها لحظة ماتشعر فرامل يبقى تجيب bmw أو مرسيدس أو vw العربية سعرها 110000 عايز منها إيه بالضبط ؟
أنا الحمدلله مقتنع قوي بالعربية بالنسبة ل سعرها

[MUSTFA]

طيب ماتشوف كدة اللي في فئة الفورد فيستا هتلاقي الهوندا سيتي والياريس .. لو بصيت هتلاقي الياريس والسيتي اكتر من الفيستا والبونتو ايفو

طب لو جينا لفئة الفولفو s60 هتلاقي عربيات زي الباسات والسيتروين c5 والبيجو 508 .. شوف ايه الاكتر انتشار بالرغم من مشاكل الفتيس

هل الباسات مثلاً احسن من الفولفو او السيتروين او البيجو؟؟

هل السيتي والياريس احسن من الفيستا او البونتو ايفوا؟؟

هيا بتتقاس كدة

يا باشا اللى تعرفه احسن من اللى متعرفوش :)