خبرة ملاك الصني الجديدة مع ارتفاع العربية

[grumby78]

اقرا كلامي الأول قبل ما ترد !
انا مقولتش فاشله اساسا
بس الشعب بيشتري عربيات مفهاش ايرباجز ولا abs ولا ebd ولا اي وسائل امان . وفالأخر يقولك العربيه منتشره !
بعدين احنا اتفقنا انك متردش علي تعليقاتي ولا نسيت
بالنسبه للتطاول والانتقاد احب اقولك خليك فنفسك للمره التالته

حضرتك كنت بتتكلم عن جودة الفيرنا وافتقارها لعوامل الامان فانا حبيت اقولك انها ناجحه في فئتها السعرية .. المشتري في مصر مش مغيب أو ناقص مفهومية .. بالعكس هو فاهم بس ناقصه فلوس في ظل سوق اسعاره خزعبلية وعربيات محملة بجمارك وضرايب مبيعات وارباح تجار وأوفر برايس وسعر دولار متقلب .. احنا بنتكلم في ضوء اسعار السوق المصري اللي حضرتك اكيد عندك فكره عنها ولو عندك فكره عنها حتعرف ان الصني بامكانياتها وسعرها جذبت شريحة من متوسطي الدخل اللي بيدوروا على عربية عائلية للمدينة توكيلها كويس وسعرها معقول الان بمواصفات جيدة جدا .. برضو في حدود سعرها
تعليقي سيستمر ومااتفقتش مع حضرتك على حاجة ومش حتكمم افواه الناس .. انا وبعد قرائتي لتعليقات حضرتك مش عارف اصلا انت عاوز ايه ؟ يعني ايه هيا وجهة نظرك اللي حضرتك لاتكل ولاتمل من طرحها برغم عدم امتلاكك للسيارة .. !!

[Adnfalcon]

grumpy78
طالما حابب تفهم وجهه نظري انا هفهمك .. اولا انا دخلت افيد صاحب الموضوع وقلت ان الصني عاليه عن الأرض .
ثانيا قولتله ابعد عنها . راح داخل واحد شوف اسمه فأول الموضوع يخبط فالكلام فيا و فعضو تاني بدون ما نكلمه . بعدين انا رديت عليه وانت جاي تلومني انا فالأخر ! اعتقد محدش شتكالك مني فبلاش تنتقدني لحد ما تفهم وجهه نظري
انا بنتقد اصحاب العربيه اللي بيشكروا فيها بدون ذكر عيوبها . يعني هتلاقي واحد بيقول النيسان ثباتها عالي ! طب بذمتك اقوله ايه ده ؟ بسببه واحد هيشتري العربيه عشان ثباتها اللي هو مش موجود اصلا

انت جيت و دخلت فيا شمال وأنا صبرت عليك عشان حاسك مش فاهمني لا اكثر . بس اعتقد انك محترم ودا اللي مخليني احترمك وارد عليك . انت بس دخلت سخن بدون ما تشوف النقاش من الأول

الصني "فنظري" و "فنظر كتير من ملاكها" بيقولوا انها مش ثابته ودي حاجه طبيعيه نظرا لارتفاع العربيه عن الأرض . والعفشه الغير مجهزه للثبات اصلا . والنقطه دي غير قابله للنقاش

العيب التاني . تيل الفرامل الردئ نفس فكره بيجو 301 ! نفس العيب
ودا كلام تقريبا جميع ملاك صني و بيجو 301

انا مش هتكلم عن الصاج الضعيف ولا هنتقد التقفيل بتاعها . بس لازم انتقد اي حاجه تخص الفرامل والثبات .

[Adnfalcon]

انا بنتقد سكودا فالفتيس ال dsg الفاشل وبنتقد ارتوك نفسه لأنه بيستعبط فحل مشاكل الفتيس
بس لما تشوف ملاك الصني زي حضرتك بيقولوا :

https://www.nilemotors.net/Nile/430694-a.html

https://www.nilemotors.net/Nile/429179-a.html

https://www.nilemotors.net/Nile/429801-a.html

https://www.nilemotors.net/Nile/425098-a.html

https://www.nilemotors.net/Nile/428794-a.html

https://www.nilemotors.net/Nile/365196-2013.html

https://www.nilemotors.net/Nile/111731-a.html

https://www.nilemotors.net/Nile/303597-2013.html

https://www.nilemotors.net/Nile/305361-2013.html

اكيد لازم احذر صاحب الموضوع و هو حر فالأخر
أعتقد وجهه نظري وصلت مع اقتناعي التام ان الصني سيتي كار بس معلش يعني سيتي كار علي عيني بس امشي اخري 120 عشان سيتي كار ! وابقي خايف من الثبات ؟ ليه الرعب دا !
انا بالنسبالي العربيه traction و stability واهم حاجه ال 2 دول فالمناورات عشان دا اللي بيفرق العربيات عن بعض
كده وصلت الرساله ؟

[grumby78]

grumpy78
طالما حابب تفهم وجهه نظري انا هفهمك .. اولا انا دخلت افيد صاحب الموضوع وقلت ان الصني عاليه عن الأرض .
ثانيا قولتله ابعد عنها . راح داخل واحد شوف اسمه فأول الموضوع يخبط فالكلام فيا و فعضو تاني بدون ما نكلمه . بعدين انا رديت عليه وانت جاي تلومني انا فالأخر ! اعتقد محدش شتكالك مني فبلاش تنتقدني لحد ما تفهم وجهه نظري
انا بنتقد اصحاب العربيه اللي بيشكروا فيها بدون ذكر عيوبها . يعني هتلاقي واحد بيقول النيسان ثباتها عالي ! طب بذمتك اقوله ايه ده ؟ بسببه واحد هيشتري العربيه عشان ثباتها اللي هو مش موجود اصلا

انت جيت و دخلت فيا شمال وأنا صبرت عليك عشان حاسك مش فاهمني لا اكثر . بس اعتقد انك محترم ودا اللي مخليني احترمك وارد عليك . انت بس دخلت سخن بدون ما تشوف النقاش من الأول

الصني "فنظري" و "فنظر كتير من ملاكها" بيقولوا انها مش ثابته ودي حاجه طبيعيه نظرا لارتفاع العربيه عن الأرض . والعفشه الغير مجهزه للثبات اصلا . والنقطه دي غير قابله للنقاش

العيب التاني . تيل الفرامل الردئ نفس فكره بيجو 301 ! نفس العيب
ودا كلام تقريبا جميع ملاك صني و بيجو 301

انا مش هتكلم عن الصاج الضعيف ولا هنتقد التقفيل بتاعها . بس لازم انتقد اي حاجه تخص الفرامل والثبات .

اولا احب اشكر حضرتك للرد المهذب .. دي نقطة مهمة جدا . ممكن نختلف في العربيات وننتقد بشده بس بلاش الموضوع يوصل لتهكم واستفزاز
شوف ياسيدي العربية معايا بقالها سنه ونصف تقريبا . وحقولك رأيي فيها بكل حيادية مااستطعت :
العربية مزاياها هي : ارتفاعها عن الارض ودي كانت نقطة مهمة بالنسبه ليا في اسكندرية عشان شوارع ومزلقانات القطر مهزلة .. ولو معاك عربية واطية حتتبهدل . عمرها ماحكت حتى مع تحميل 5 افراد بالغين - بالسائق-
مساحة داخليه ملفتة للنظر فعلا خصوصا الكنبة الخلفية كل اللي بيقعد فيها بيكون مستريح ومساحة الارجل ممتازه .
موتور وجير بوكس مجرب في موديلات سابقة لنيسان بدون اي مشكلة تذكر واعتمادي جدا ودي نقطة مهمة يعني في تقديري دول اهم نقطه في العربية ووجود مشكلة فيهم بمثابة كارثة
تحكم سلس جدا بفضل باور الكهرباء . شنطة واسعة وبتشيل اوزان برضو بدون حك . فرق معايا جدا تغيير كاوتش العربية الصيني -ماكسيس- لبريدجستون بنفس المقاس .. الفرق ملحوظ جدا في اداء الفرامل للافضل وكذلك نعومة العفشة بالنيتروجين .. حاسس كمان ان ارتباط العربية بالارض بقى افضل . عفشه ناعمة . اضاءة كويسة جدا انا ببقى شايف كل حاجه خصوصا في السفر ليلا . عجبني ان التوكيل اتصل بيا من كذا شهر وطلب العربية وغير ماستر الفرامل وشيك على الفرامل بدون مااشتكي وده كوني عميل عندهم من صيانة ال 1000 -مودرن موتورز اسكندرية - . نظام صوتي نقي ومش محتاج اكتر . تسارع مقبول من عربية اتوماتيك واتحسن جدا بعد 5000 . عربية هادية جدا وصوت الموتور غير مسموع . فيها كل مواصفات الامان من 2 ايرباج و ba و ebd و absوغلق الابواب مع التحرك وايموبولايزر ..
يعيبها ضعف الصاج وخصوصا الكابوت وتدعيماته غير مفهومة . التكييف ادائه مش مبهر خصوصا في الحر الشديد .. مش تويوتا كورولا يعني ولا فيرنا . الثبات بعد ال 130 في السفر ضعيف ودي نقطة انا متقبلها عشان دي عربية مدينة وكمان عالية ومش منتظر باسات او اوكتافيا عشان انا لازم ازود فلوس للموضوع ده . عربية المدينه اقتصادية في كل شيء وهيا دي الصني عاوز حاجه تخليك متطمن في المناورات والسرعات جيب حاجه فوق ال 180 الف . انا في سواقتي متزن عموما ويمكن دي نقطة مهمة يعني انا مالاحظتش مشكلة الفرامل بخلاف صفير بيظهر مع الفرامل الخفيفة . اخيرا لو رجع بيا الزمن حجيب صني برضو .. الحمد لله معايا فلوس اجيب اعلى بس انا اساسا مش مقتنع اني محتاج اكتر واغلى من كده خصوصا في مصر وشوارعها .. دمت بصحة ورمضان كريم

[Adnfalcon]

grumpy78
كده في اتفاق علي عدم الثبات و مشكله تيل الفرامل و ضعف الصاج
حابب اوضح ان تجهيزات الأمان تختلف من سياره لأخري . يعني مش اي abs فعربيه bmw هيبقي زي اللي فالصني خلي بالك مع اعتبار فارق السعر . abs ف bmw تقريبا 12 - 20 فرمله / الثانيه ! ودي قمه الاعجاز العلمي و مش كل multi-link زي بعضه و مش كل esp زي بعضه
بالمناسبه اسلوبي كان ناشف بس مش متجاوز وكان لحد تاني بعينه مش لحضرتك اصلا
رمضان كريم

[eng.m7md.ali]

لايافندم العفو .. حضرتك راكب اسطورة ماليزية .. بروتون
احكيلك قصة واحد معايا في الشغل . اشترى بروتون جين 2 الاسطورة , وهو بيركن على الرصيف فتحت منه ايرباج .. لما طلع كان مذهول وحكالنا نزلنا شوفنا العربية وايرباج السواق مفتوح بدون اي صدمات !! ناهيك عن اني شفت كذا واحدة صدر العربية محروق نتيجة مشكلة في الكهرباء وده عند ميكانيكي فاتح ورشة في السيوف الاسكندرية وشغال في توكيل عز العرب اللي قالي انها فيها مشكلة كهرباء . ده غير التوكيل الزبالة والاسعار الغريبة لعربية مالهاش وجود في الاسواق المحترمة ولا في حد يسمع عن بروتون دي اصلا .. ناهيك طبعا عن استهلاك البنزين غير الطبيعي وزراير التابلوه اللي شبه لعب الاطفال .. يعني ياريت كل واحد يشوف نفسه قبل ماينتقد عربيه ماركبهاش من اساسه .. !!

ايه اللي دخل البروتون في الموضوع اصلا !!!

مش هتكلم عن عيوب لاني عارف مشاكلها ايه وعيوبها ايه وبردو متقبلها .. مفيش عربية في الدنيا مفيهاش عيوب واحتمال 1% مثلا ان يبقى فيها عيب صناعة

وبعدين حضرتك مسمعتش عن بروتون دي مش مشكلتي انا الصراحة :))

وحاجة كمان .. مش معنى انها مش منتشرة او مش موجودة في بعض البلاد ده راجع ل 3 حاجات :

-ان الشركة انتاجها للعربيات محدود بعكس شركة محترمة زي نيسان
-ان العربية انتاجها الرئيسي دريكسيون يمين مش شمال
-ان العربية مش هتنزل في بلد فيها 1000 عربية مختلفة في نفس الفئة السعرية بتاعتها .. كدة اكيد الناس هتفضل العربيات المشهورة عنها

حاجة بردو يمكن تكون مفهمتهاش مني .. الخامات والتقفيل مش كل حاجة .. في حاجات كتير مهمة زي الفرامل والامان والصاج القوي والاعتمادية وكفائة المواتير والعفشة .. اعتقد الكلام ده بعيداً تماماً عن نيسان صني

ولو مسمعتش بردو عن شركة lotus اعتقد محتاج تقرى شوية كمان :)

تحياتي ليك

[eng.m7md.ali]

حضرتك طبعا عارف ان الفولفو لاتنتمي الى الفئه دي - اقتصادية - لامن قريب اوبعيد وان ثمن اقل فولفو s60 298000 جنيه ده غير سعر اعادة بيع ضعيف وتوكيل سياسته التسويقية فاشلة وده واضح من المبيعات في فئته و قطع غيار غالية جدا .. اما البونتو ايفو اللي سعرها اغلى من الصني برضو مع مشاكل في الجيربوكس وسعر اعادة بيع ضعيف وتوكيل سيء - أوماترا - مش عارف الجديد اخباره ايه ؟ وقطع غيار غالية في حين ان فيات علامة اقتصادية في اوروبا اصلا ... هنا في مصر بيتعاملوا معاها انها حاجه عالية !!! اما فورد فيستا ذات ال 158000 جنيه لاقل فئة اتوماتيك وعربية بالحجم ده وقطع غيارها غالية وتوكيلها عايش في كوكب تاني عشان متوقع مبيعات منها بالسعر ده .. فلا تعليق

دي سياسة سوق مش سياسة توكيل

السوق المصري العقيم بيفرض عليك عربيات تانية او محدودة زي الباسات او الجيتا او بي ام دابليو في فئة الفولفو .. هل ده معناه ان العربية وحشة؟؟ مش هنضحك علي نفسنا ونقول ان المشكلة في قطع غيار غاليا او توكيل زبالة .. قطع غيار الباسات والجيتا والاوكتافيا والعربيات دي كلها غاليا جدا وسعرها قريب من الفولفو

نفس الكلام علي الفيات البونتو اللي كانت في يوم من الايام ب ١٠٠ الف ومكانتش بتنافس في فئتها السعرية

والفيستا فينها دلوقتي بين العربيات؟؟؟

دي ثقافة شعب وسوق حافظ مش فاهم

توضيح بسيط :
انتشار نيسان في مصر ده لثقة الناس في اسم نيسان "قديماً" مش عشان جمالها مثلاً
المفروض الشركات بتتقدم يوم بعد يوم الا نيسان اعتقد انها وقعت بسبب الصني

[grumby78]

دي سياسة سوق مش سياسة توكيل

السوق المصري العقيم بيفرض عليك عربيات تانية او محدودة زي الباسات او الجيتا او بي ام دابليو في فئة الفولفو .. هل ده معناه ان العربية وحشة؟؟ مش هنضحك علي نفسنا ونقول ان المشكلة في قطع غيار غاليا او توكيل زبالة .. قطع غيار الباسات والجيتا والاوكتافيا والعربيات دي كلها غاليا جدا وسعرها قريب من الفولفو

نفس الكلام علي الفيات البونتو اللي كانت في يوم من الايام ب ١٠٠ الف ومكانتش بتنافس في فئتها السعرية

والفيستا فينها دلوقتي بين العربيات؟؟؟

دي ثقافة شعب وسوق حافظ مش فاهم

توضيح بسيط :
انتشار نيسان في مصر ده لثقة الناس في اسم نيسان "قديماً" مش عشان جمالها مثلاً
المفروض الشركات بتتقدم يوم بعد يوم الا نيسان اعتقد انها وقعت بسبب الصني

يعني حضرتك زعلت وكتبت كلام كتير اوي عن بروتون وكل ده عشان قولتلك قبل ماتنتفد غيرك على اختياره ياريت تبص لاختيارك !! الغريب جدا ان حضرتك بتنظر على سلوك المستهلك المصري اللي انا شايفه طبيعي جدا في ظل غلاء الاسعار وفي نفس الوقت حضرتك راكب عربيه لاليها اسم ولاتوكيل محترم ولاقطع غيار متوفره ورخيصة ولا سعر منخفض يناسب انخفاض مستواها .. بروتون دي ممكن اقارنها بالصيني النضيف شويه وده اخر المنتج ده عندي .. يعني ايه الاغراء للمستهلك المصري انه يجازف ب 116 الف عشان عربيه ماليزي شكلها حلو .. ؟!!
في الوقت اللي حضرتك مستغرب من السوق المصري انا شايفه مفهوم جدا في ظل اسعار عالية جدا لعربيات متواضعة - زي بروتون كده - وتوكيلات تتعامل مع صاحب العربيه انه منجم دهب لازم تقلبه بغض النظر عن جودة الخدمة .. المصري بيشتري حاجه معمرة ليها سمعة سعرها كويس مصاريف تشغيلها مقبولة وسعر اعادة بيع مرتفع ..
اخيرا قالوا كده برضو عن نيسان لما ابتدوا يجمعوها في مصر وقالوا كده عن n16 اللي دلوقتي حليت للناس وانا ركبت الاتنين وال n17 افضل منها بكتييييير في كل حاجه . الاشاعات حاجه وتجريب العربيه في الاستعمال اليومي حاجه تانية . نيسان ماركة محترمة وتوكيل محترم جداااا مقارنة بباقي التوكيلات . ومازالت مبيعات نيسان تتزايد وده واضح جدا في شوارع اسكندرية عندي . دمت بصحة

[eng.m7md.ali]

يعني حضرتك زعلت وكتبت كلام كتير اوي عن بروتون وكل ده عشان قولتلك قبل ماتنتفد غيرك على اختياره ياريت تبص لاختيارك !! الغريب جدا ان حضرتك بتنظر على سلوك المستهلك المصري اللي انا شايفه طبيعي جدا في ظل غلاء الاسعار وفي نفس الوقت حضرتك راكب عربيه لاليها اسم ولاتوكيل محترم ولاقطع غيار متوفره ورخيصة ولا سعر منخفض يناسب انخفاض مستواها .. بروتون دي ممكن اقارنها بالصيني النضيف شويه وده اخر المنتج ده عندي .. يعني ايه الاغراء للمستهلك المصري انه يجازف ب 116 الف عشان عربيه ماليزي شكلها حلو .. ؟!!
في الوقت اللي حضرتك مستغرب من السوق المصري انا شايفه مفهوم جدا في ظل اسعار عالية جدا لعربيات متواضعة - زي بروتون كده - وتوكيلات تتعامل مع صاحب العربيه انه منجم دهب لازم تقلبه بغض النظر عن جودة الخدمة .. المصري بيشتري حاجه معمرة ليها سمعة سعرها كويس مصاريف تشغيلها مقبولة وسعر اعادة بيع مرتفع ..
اخيرا قالوا كده برضو عن نيسان لما ابتدوا يجمعوها في مصر وقالوا كده عن n16 اللي دلوقتي حليت للناس وانا ركبت الاتنين وال n17 افضل منها بكتييييير في كل حاجه . الاشاعات حاجه وتجريب العربيه في الاستعمال اليومي حاجه تانية . نيسان ماركة محترمة وتوكيل محترم جداااا مقارنة بباقي التوكيلات . ومازالت مبيعات نيسان تتزايد وده واضح جدا في شوارع اسكندرية عندي . دمت بصحة

ماهو حضرتك اللي جبت سيرة بروتون عشان كدة اتكلمت عنها

كل واحد حر في عربيته وكل واحد يختار اللي هيختاره .. بس قبل ماايختار لازم يعرف العيوب والمميزات لكل عربية .. لكن حضراتكم مصممين ان العربية ملهاش عيوب وده بعيد تماماً عن الصحة
محدش قال لحضرتك بردو اني بقارن البروتون بعربيات تانية .. كفاية انها من بلد مسلمة ده اللي شجعني اني اجيبها .. اداء العربية كمان من المميزات اللي خلتني اجيبها وده شيء بردو بعيداً عن النيسان صني
وقطع الغيار انا مش عارف ليه الاشاعة دي منتشرة اوي كدة .. قطع الغيار رخيصة مش غالية .. ارخص من البومة "خلي بالك انا بتكلم عن البودي" لكن اسعار الاجزاء الميكانيكية زيها زي البوما تقريباً .. يعني معرفش الناس بتقول عليها حاجتها غالية ليه .. الفتي لادين له .. مفيش عربية في الفئة السعرية دي قطع غيارها ارخص من الجين2 .. حتى الصني اللي مفروض انها منتشرة :)


وحاجة اخيرة احب اوجه نظر حضرتك ليها .. مش معنى ان العربية منشرة او مبيعاتها كتير تبقى تحفة ومفيش زيها .. انا لو معايا نيسان صني n16 وعايز اغير هجيب ال n17 وهندم على كدة .. تقريباً 80% من اللي جابو نيو صني ندمانين علي كدة ومنهم اللي تقبل العيوب ومنهم اللي عايز يخلص منها ومنهم اللي مش طايقها .. ال20% الباقيين عايزين عربية فيها تكييف كويس وواسعة وخلاص .. مش مهتمين بجري ولا بأمان ولا اي حاجة .. وممكن يكونو عارفين عيوبها ايه وعايشين معاها عادي .. او ممكن يكونوا بيحبو العربية لمجرد انها عربيتهم .. واللي عربيته مفيهاش مشاكل اتمنى ان ربنا يباركله فيها ويبعد عنه المشاكل

تحياتي ليك

[eng.m7md.ali]

حاجة كمان نسيت اقولها لحضرتك

الشركات حول العالم بتطور نفسها وبتدي موديل احسن وامكانيات احسن بعد الموديل اللي قبله وده واضح في بروتون مع ان انتاجها قليل بس بردو موديلاتها الجديدة احسن من القديمة زي الجين2 والبيرسونا

اما شركة نيسان .. لا تعليق الصراحة عليها .. دمرت سمعتها بالنيو صني بعيوبها وشكلها وادائها .. وفي الاخر حضرتك بتتريق عالبروتون انها "ماليزي" .. الصني هندي تقفيل مصري :))

[د.هشام]

انا معايا بروتون وصني والإثنين لهم ميزات وعيوب والإثنين يعتبروا في المجمل صفقة رابحة، ولا تزعلوا نفسكم الموضوع مش مستاهل وكل عام وأنتم بخير.

[grumby78]

ماهو حضرتك اللي جبت سيرة بروتون عشان كدة اتكلمت عنها

كل واحد حر في عربيته وكل واحد يختار اللي هيختاره .. بس قبل ماايختار لازم يعرف العيوب والمميزات لكل عربية .. لكن حضراتكم مصممين ان العربية ملهاش عيوب وده بعيد تماماً عن الصحة
محدش قال لحضرتك بردو اني بقارن البروتون بعربيات تانية .. كفاية انها من بلد مسلمة ده اللي شجعني اني اجيبها .. اداء العربية كمان من المميزات اللي خلتني اجيبها وده شيء بردو بعيداً عن النيسان صني
وقطع الغيار انا مش عارف ليه الاشاعة دي منتشرة اوي كدة .. قطع الغيار رخيصة مش غالية .. ارخص من البومة "خلي بالك انا بتكلم عن البودي" لكن اسعار الاجزاء الميكانيكية زيها زي البوما تقريباً .. يعني معرفش الناس بتقول عليها حاجتها غالية ليه .. الفتي لادين له .. مفيش عربية في الفئة السعرية دي قطع غيارها ارخص من الجين2 .. حتى الصني اللي مفروض انها منتشرة :)


وحاجة اخيرة احب اوجه نظر حضرتك ليها .. مش معنى ان العربية منشرة او مبيعاتها كتير تبقى تحفة ومفيش زيها .. انا لو معايا نيسان صني n16 وعايز اغير هجيب ال n17 وهندم على كدة .. تقريباً 80% من اللي جابو نيو صني ندمانين علي كدة ومنهم اللي تقبل العيوب ومنهم اللي عايز يخلص منها ومنهم اللي مش طايقها .. ال20% الباقيين عايزين عربية فيها تكييف كويس وواسعة وخلاص .. مش مهتمين بجري ولا بأمان ولا اي حاجة .. وممكن يكونو عارفين عيوبها ايه وعايشين معاها عادي .. او ممكن يكونوا بيحبو العربية لمجرد انها عربيتهم .. واللي عربيته مفيهاش مشاكل اتمنى ان ربنا يباركله فيها ويبعد عنه المشاكل

تحياتي ليك

يعني حضرتك وقت عيوب البروتون بتقولي انا عارفها ومتعايش معاها .. اما النيسان صني اللي انت مش مالكها قاعد بتعملها احصائيات ؟؟!!! 80% قرفانين و 20% متعايشين ؟؟!! بذمتك ده كلام يترد عليه ؟ يعني حضرتك قاعد تنظر وتعمل احصائيات وانت قاعد قدام جهازك ومش مالك للعربية ومعاك عربيه ماركة مجهولة وبتقولي كفاية انها من بلد اسلامي !!! طب ارد عليك اقولك ايه ؟ يعني حوار اللامنطق والارتجال و السوق المصري اللي حضرتك بتتمسخر عليه انت غلبته بصراحة بالكلام بدون اي سند وكمان احصائيات جاهزه !
العربيه مش عاجباك حقك وخلاص عرفنا انها مش مريحاك ونيسان الغلبانه ضيعت نفسها وبتتوارى عن الانظار وملاك العربيه وانا منهم متعايشين .. الرسالة وصلت وكلامك في النهاية لايمت للحقيقة بصلة .. شكرا

[maghnom]

يا جماعة انا فتحت الموضوع لاستفسار عن ارتفاع العربية لاني ليا غرض في العربية اللي هشتريها مش أكتر

يعز عليا ان الموضوع يتقلب لمشادات وزعل بين الأعضاء


بس أنا بإذن الله هخليكم تضحكوا على فكرة المقارنة بين العربيات والماركات في حد ذاتها، و الكلام على ان العربية دي معيوبة ودي عربية ما تتركبش

أنا عايش في دبي، وبمشيئة الله راجع مصر نهائي على العيد وعلشان كده بسأل على عربية اهم حاجة فيها تكون عالية لان ليا ذكريات سيئة مع المطبات في مصر

المهم انا كان حصلي موقف في دبي مع حتة الحكم على عربية وانتقاد عيوبها، خلاني اغير نظرتي شوية للأمور

اول شهر في شغلي مديري طلب مني اروح معاه اجتماع خارجي بعربيته، و نزلت معاه الباركينج بتاع المبنى و ركبت عربيته اللي كان شكلها مش مألوف ليا وما دققتش في ماركتها او موديلها. أول ما دخلتها لقيت نفسي داخل مساحة ضيقة جدا و مضطر اتني ضهري علشان اعرف اقعد. وحسيت اني قاعد على ارض الباركينج بس جوة عربية من كتر انخفاضها. العربية اتحركت وطلعنا على الطريق السريع لقيته كبس بنزين وطار بسرعة جنونية، الموتور كان صوته فظيع و مزعج بس العربية سريعة جدا وبتاخد الملفات على نفس السرعة بدون ما تتهز ولا تميل شعرة، ويمكن هي دي الميزة الوحيدة اللي شفتها فيها.

خلصنا الاجتماع و رجعنا ونفس السيناريو. المهم طلعت من العربية قرفان منها ومن مديري، و حاسس انها كانت تجربة زبالة لركوب عربية سيئة عمري ما افكر اني اركبها تاني واستحالة افكر اشتريها ولو هاخد فوقيها مليون جنيه.

رجعت الشغل ونسيت الموضوع، وعدت 3 ايام قبل ما اكتشف بالصدفة من واحد زميلي اني كنت راكب عربية بورش

العربية كانت بورش تارجا S4 موديل 2014، عربية تمنها في مصر [OVERLINE]2 مليون و 110 الف جنيه[/OVERLINE] على حسب كونتاكت كارز (مع اني معرفش هي بتتباع في مصر ازاي وليه ولمين وازاي عربية بالانخفاض ده هتعرف تمشي 10 متر في الطرق المصرية)


عربية ب 2 مليون جنيه والعبد لله شافها معيوبة وعليها ملاحظات ومارضاش اني اركبها او اتعامل معاها. ومحدش يضربني، بس التريوس في ذمتي احسن منها خصوصا في مصر!!


يا جماعة, كل عربية وليها غرضها وناسها. واللي اشوفه حلو بعنيا غيري يشوفه مش حلو والعكس صحيح
بس المهم اكون راكب ومبسوط وواخد غرضي من العربية، وهو راكب ومبسوط وواخد غرضه من العربية.
في واحد غرضه سرعة وثبات لما يجري ويحرق على سرعات عالية اوي، هات عربية تحققلك غرضك وربنا يحفظك بس افتكر (ولا تلقوا بأيديكم الى التهلكة)

واحد تاني زي حالاتي غرضه ارتفاع عن الارض وبعد عن المطبات والحك واعتمادية واحتياج اقل للميكانيكية والصيانة وآخري في السرعة 140، هاخد غرضي من عربية زي التريوس ومش هدي ودني مع اللي بيقول ثباتها وحش ولا غيره ما هو طبيعي الثبات بيقل مع الارتفاع مش عيب في الماركة نفسها وانا مش بتاع سرعات اصلا

لولا اختلاف الأذواق لبارت السلع

تخيل لو الناس اجتمعت على حب عربية واحدة ونزلت الشارع ما لقتش غير الموديل ده هو اللي ماشي في كل حتة


انا رأيي ان كل العربيات والموديلات اللي جت سيرتها في الموضوع ده عربيات محترمة وبتأدي الغرض منها في النهاية و مفيش عربية منهم حلوة في المطلق او وحشة في المطلق

النيسان صني عربية محترمة ، قد يكون فيها بعض العيوب زي اي عربية، بس مش كوارث تخليها ما تتجابش وفي الأخر بتأدي غرضها بكفاءة في مقابل سعر لا ينافس وكل العربيات فيها عيوب والكمال لله وحده

البروتون عربية محترمة واثبتت نفسها وبرضه فيها عيوب بس في نهاية اليوم بتأدي غرضها على احسن وجه

كل العربيات اللي بنتكلم فيها عربيات حلوة جدا وفي ناس كتير مش طايلة تجيبها

مش معنى كده اني بكدب كلام الاخوة اللي بيهاجموها بشراسة او اي حد بيهاجم عربية من اي نوع وطلع من تجربة مريرة مع موديل عربية معينة نصيبه جه وحش فيها وطلع عينه فلوس ومشاوير وحماية مستهلك واحباط او حتى حادثة لا قدر الله، بس للأسف احيانا الكلام في المنتدى هنا بيبقى مبالغ فيه ومش عقلاني وفيه درجة كبيرة من التعميم وعن دون تجربة ولسوء فهم، زي مثلا اللي يقارن ثبات عربية على السرعات العالية من فئة SUV بثبات عربية سيدان ويبني كلامه على ان ال SUV وحشة وهي المقارنة اصلا غلط لان دي ليها غرضها وناسها ودي ليها غرضها وناسها

كل ده كوم، والمشاكل الفردية اللي بتظهر في العربيات كوم تاني - بس مش معنى كده انها مشكلة عامة في الماركة او الموديل، دي بتبقى نصيب

هختم كلامي بمعلومة غريبة سمعتها وبتأكد الحتة الاخيرة

العربيات في الاول ولا في الآخر بتتصنع بأيدين بني آدمين مش معصومين من الخطأ
والشعب الأمريكي مثلا عارف الموضوع ده، بيعمل ايه؟
العربية الجديدة بيكون ليها تاريخ للتجميع
معظم الامريكان بيفضلوا يشتروا عربية متجمعة يوم التلات أو الأربع أو الخميس، ودي بتبقى من وجهة نظرهم اقل ايام ممكن العربيات المتجمعة خلالها تظهر فيها مشاكل أو عيوب صناعة
ليه؟
وجهة نظرهم
الاتنين (بداية الاسبوع) بيكون لسة العمال راجعين من آخر الاسبوع وما سخنوش!
التلات بداية التألق
الأربعاء وصلوا للفورمة
الخميس المنحنى ابتدى يقل بس برضه كفاءة
الجمعة النشاط قل وكله بيفكر في نهاية الاسبوع اللي قربت
السبت والأحد أجازة!

كل عام وانتم بخير وربنا يبارك في عربية اي واحد من اي ماركة وياخد منها غرضه واكتر
وربنا يعوض على اي واحد مر بتجربة وحشة مع عربية و ينوله الاحسن منها

[eng.m7md.ali]

يعني حضرتك وقت عيوب البروتون بتقولي انا عارفها ومتعايش معاها .. اما النيسان صني اللي انت مش مالكها قاعد بتعملها احصائيات ؟؟!!! 80% قرفانين و 20% متعايشين ؟؟!! بذمتك ده كلام يترد عليه ؟ يعني حضرتك قاعد تنظر وتعمل احصائيات وانت قاعد قدام جهازك ومش مالك للعربية ومعاك عربيه ماركة مجهولة وبتقولي كفاية انها من بلد اسلامي !!! طب ارد عليك اقولك ايه ؟ يعني حوار اللامنطق والارتجال و السوق المصري اللي حضرتك بتتمسخر عليه انت غلبته بصراحة بالكلام بدون اي سند وكمان احصائيات جاهزه !
العربيه مش عاجباك حقك وخلاص عرفنا انها مش مريحاك ونيسان الغلبانه ضيعت نفسها وبتتوارى عن الانظار وملاك العربيه وانا منهم متعايشين .. الرسالة وصلت وكلامك في النهاية لايمت للحقيقة بصلة .. شكرا

انا مش عارف ليه واخد الكلام على قلبك اوي كدة

او يمكن معندكش كلام ترد بيه .. بردو حضرتك محسسني ان شركة بروتون دي من بقيت عيلتي وانا مش واخد بالي .. كدة كدة هيا لاتعنيني في شيء عشان اموت نفسي دفاعاً عنها

وبعدين الاحصائات اللي حضرتك بتتريق عليها دي مبنية على تجارب واراء ناس كتير جداً مش مجرد واحد ولا اتنين ولا حتى تلاتة عملو مواضيع هجومية ... تحياتي .. وواضح مدى الاسى اللي حضرتك وصلتلو لما معرفتش ترد لان حضرتك اصلاً اللي مدخلني في الموضوع مش انا

[eng.m7md.ali]

يا جماعة انا فتحت الموضوع لاستفسار عن ارتفاع العربية لاني ليا غرض في العربية اللي هشتريها مش أكتر

يعز عليا ان الموضوع يتقلب لمشادات وزعل بين الأعضاء


بس أنا بإذن الله هخليكم تضحكوا على فكرة المقارنة بين العربيات والماركات في حد ذاتها، و الكلام على ان العربية دي معيوبة ودي عربية ما تتركبش

أنا عايش في دبي، وبمشيئة الله راجع مصر نهائي على العيد وعلشان كده بسأل على عربية اهم حاجة فيها تكون عالية لان ليا ذكريات سيئة مع المطبات في مصر

المهم انا كان حصلي موقف في دبي مع حتة الحكم على عربية وانتقاد عيوبها، خلاني اغير نظرتي شوية للأمور

اول شهر في شغلي مديري طلب مني اروح معاه اجتماع خارجي بعربيته، و نزلت معاه الباركينج بتاع المبنى و ركبت عربيته اللي كان شكلها مش مألوف ليا وما دققتش في ماركتها او موديلها. أول ما دخلتها لقيت نفسي داخل مساحة ضيقة جدا و مضطر اتني ضهري علشان اعرف اقعد. وحسيت اني قاعد على ارض الباركينج بس جوة عربية من كتر انخفاضها. العربية اتحركت وطلعنا على الطريق السريع لقيته كبس بنزين وطار بسرعة جنونية، الموتور كان صوته فظيع و مزعج بس العربية سريعة جدا وبتاخد الملفات على نفس السرعة بدون ما تتهز ولا تميل شعرة، ويمكن هي دي الميزة الوحيدة اللي شفتها فيها.

خلصنا الاجتماع و رجعنا ونفس السيناريو. المهم طلعت من العربية قرفان منها ومن مديري، و حاسس انها كانت تجربة زبالة لركوب عربية سيئة عمري ما افكر اني اركبها تاني واستحالة افكر اشتريها ولو هاخد فوقيها مليون جنيه.

رجعت الشغل ونسيت الموضوع، وعدت 3 ايام قبل ما اكتشف بالصدفة من واحد زميلي اني كنت راكب عربية بورش

العربية كانت بورش تارجا S4 موديل 2014، عربية تمنها في مصر [OVERLINE]2 مليون و 110 الف جنيه[/OVERLINE] على حسب كونتاكت كارز (مع اني معرفش هي بتتباع في مصر ازاي وليه ولمين وازاي عربية بالانخفاض ده هتعرف تمشي 10 متر في الطرق المصرية)


عربية ب 2 مليون جنيه والعبد لله شافها معيوبة وعليها ملاحظات ومارضاش اني اركبها او اتعامل معاها. ومحدش يضربني، بس التريوس في ذمتي احسن منها خصوصا في مصر!!


يا جماعة, كل عربية وليها غرضها وناسها. واللي اشوفه حلو بعنيا غيري يشوفه مش حلو والعكس صحيح
بس المهم اكون راكب ومبسوط وواخد غرضي من العربية، وهو راكب ومبسوط وواخد غرضه من العربية.
في واحد غرضه سرعة وثبات لما يجري ويحرق على سرعات عالية اوي، هات عربية تحققلك غرضك وربنا يحفظك بس افتكر (ولا تلقوا بأيديكم الى التهلكة)

واحد تاني زي حالاتي غرضه ارتفاع عن الارض وبعد عن المطبات والحك واعتمادية واحتياج اقل للميكانيكية والصيانة وآخري في السرعة 140، هاخد غرضي من عربية زي التريوس ومش هدي ودني مع اللي بيقول ثباتها وحش ولا غيره ما هو طبيعي الثبات بيقل مع الارتفاع مش عيب في الماركة نفسها وانا مش بتاع سرعات اصلا

لولا اختلاف الأذواق لبارت السلع

تخيل لو الناس اجتمعت على حب عربية واحدة ونزلت الشارع ما لقتش غير الموديل ده هو اللي ماشي في كل حتة


انا رأيي ان كل العربيات والموديلات اللي جت سيرتها في الموضوع ده عربيات محترمة وبتأدي الغرض منها في النهاية و مفيش عربية منهم حلوة في المطلق او وحشة في المطلق

النيسان صني عربية محترمة ، قد يكون فيها بعض العيوب زي اي عربية، بس مش كوارث تخليها ما تتجابش وفي الأخر بتأدي غرضها بكفاءة في مقابل سعر لا ينافس وكل العربيات فيها عيوب والكمال لله وحده

البروتون عربية محترمة واثبتت نفسها وبرضه فيها عيوب بس في نهاية اليوم بتأدي غرضها على احسن وجه

كل العربيات اللي بنتكلم فيها عربيات حلوة جدا وفي ناس كتير مش طايلة تجيبها

مش معنى كده اني بكدب كلام الاخوة اللي بيهاجموها بشراسة او اي حد بيهاجم عربية من اي نوع وطلع من تجربة مريرة مع موديل عربية معينة نصيبه جه وحش فيها وطلع عينه فلوس ومشاوير وحماية مستهلك واحباط او حتى حادثة لا قدر الله، بس للأسف احيانا الكلام في المنتدى هنا بيبقى مبالغ فيه ومش عقلاني وفيه درجة كبيرة من التعميم وعن دون تجربة ولسوء فهم، زي مثلا اللي يقارن ثبات عربية على السرعات العالية من فئة SUV بثبات عربية سيدان ويبني كلامه على ان ال SUV وحشة وهي المقارنة اصلا غلط لان دي ليها غرضها وناسها ودي ليها غرضها وناسها

كل ده كوم، والمشاكل الفردية اللي بتظهر في العربيات كوم تاني - بس مش معنى كده انها مشكلة عامة في الماركة او الموديل، دي بتبقى نصيب

هختم كلامي بمعلومة غريبة سمعتها وبتأكد الحتة الاخيرة

العربيات في الاول ولا في الآخر بتتصنع بأيدين بني آدمين مش معصومين من الخطأ
والشعب الأمريكي مثلا عارف الموضوع ده، بيعمل ايه؟
العربية الجديدة بيكون ليها تاريخ للتجميع
معظم الامريكان بيفضلوا يشتروا عربية متجمعة يوم التلات أو الأربع أو الخميس، ودي بتبقى من وجهة نظرهم اقل ايام ممكن العربيات المتجمعة خلالها تظهر فيها مشاكل أو عيوب صناعة
ليه؟
وجهة نظرهم
الاتنين (بداية الاسبوع) بيكون لسة العمال راجعين من آخر الاسبوع وما سخنوش!
التلات بداية التألق
الأربعاء وصلوا للفورمة
الخميس المنحنى ابتدى يقل بس برضه كفاءة
الجمعة النشاط قل وكله بيفكر في نهاية الاسبوع اللي قربت
السبت والأحد أجازة!

كل عام وانتم بخير وربنا يبارك في عربية اي واحد من اي ماركة وياخد منها غرضه واكتر
وربنا يعوض على اي واحد مر بتجربة وحشة مع عربية و ينوله الاحسن منها

ربنا ما يجيب زعل كلها نقاشات عادية لمحاولة توصيل وجهة النظر واكيد الاستاذ grumby78 عارف كدة .. وبردو محدش هيقتنع بنظرية الاخر

توصل بالسلامة حضرتك ولو اني مش عايز ادخل الموضوع ده في اتجاه تاني واقول لحضرتك بلاش تفكر في الرجوع دلوقتي بس اكيد حضرتك شايف حاجة صح من كدة

وان شاء الله يتم اختيار السيارة المناسبة على خير ويطلع كلامي وكلام الاعضاء غير صحيح عن بعض العيوب في العربية