طلب مساعده ضروري - التوكيل خبط العربيه

[m_love4me]

السلام عليكم ورحمه الله وبركاته
يا جماعه الخير و الاخوه الافاضل , طلب استشاره عاجله
صديقي بيتصل بيا حالا
حجز صيانه في توكيل نيسان فرع السويس - يعمل صيانه للتيدا

ال حصل ان العامل بعد ما غير تييل الفرامل , نسي يكارك الفرامل تقريبا
وشغل العربيه وبيطلع من خانه الصيانه
دمر العربيه بمعني الكلمه , جابت جنب كامل , باب و رفر وفانوس خلفي و جزء من الشنطه

وكانوا بيعرضوا عليه صيانه وتغيير اجزاء للعربيه و سمكره الباقي عندهم
ولما صاحبي زعق معاهم وعلي صوته
طلعوا العربيه بره التوكيل , وسابوها ف الشارع وقالوله مالكش حاجه عندنا خالص

وهو اتصل بالنجده حاليا , بس مش عارف يتصرف ازاي
وايه الوضع القانوني دلوقتى
وايه الاثبتات ال يقدر يعملها علشان ياخد حقه

مستني مشورتكم

[horas3000]

طالما معاه امر الشغل يبقي يخرب بيتهم
و لو النجده مجتش يطلع علي القسم و يستحسن بمحامي
و بلغه ميتنازلش عن حقه ابدا ابدا

[m_love4me]

للاسف سألته علي الورق
بيقول مش معاه امر شغل ولا اي ورق خالص
و قفلوا التوكيل و مشيوا

هو اتصل بالنجده حاليا بس مش عارف ايه الوضع

[horas3000]

ازاي بس
اومال استلموا العربيه بايه
للاسف بدون الورقه دي مش هيعرف يعمل حاجه

[Abo-Yousef]

حسبي الله ونعم الوكيل

[medosalah]

علي العموم التوكيل في السليم ولو بلغت مش هتقدر تثبت حاجه والتوكيل هيرد يقول انك جايب العربيه مخبوطه علشان تصلحها وحصل خلاف علي المصنعيه او التكلبف

طب ايه الحل؟؟

حضرتك تروح تعمل محضر وتحاول ما تعرفش التوكيل وتطلب ازن نيابه بالتصوير يعني تنزل تجيب قلم اللي في كاميرا بتصور وتطلع علي التوكيل بكره وتشغل الكاميرا بس ماتكونش باينه وتقابل المسؤوول بلطافه وتقوله انك موافق تخلص الموضوع ودي انشاله تقوله انك ممكن تتحمل نصف التكلفه بس حاول تجره في الكلام ويسبت بكلامه ان العربيه اتخبطط فعلا حتي لو بالخطا وكلام من ده ,,

وبعد كده تقدم الفيديو مع ازن النيابه مع المحضر وتعمل قضيه .. وتروح تجيب محامي ب20 جنيه من امام اي محكمه وهيخلصلك القضيه في اول جلسه
وهتاخد تعويييض محترم
او لو طلبوا التصالح مقابل التنازل يبقي تطلب اللي انت عايه

ملحوظه... حاول تشوفلك اي معرفه في الشرطه او الجيش او القضاء يجبلك الازن بسرعه

والفيديو من غير ازن لا قيمه له


لوكل ده فشل... انا لو مكانك ادفع 1000 جنيه ل3 بلطجيه يجيبو الراجل اللي خبطلك العربيه ويطلعوا تيييييييييييييييييت ابوه لحدما يعترف

[m_love4me]

الف شكر يا باشا علي ردك الجميل و المقنع جدا بصراحه

انا بعت لصديقي الرد دا ، علشان يشوف هيعمل ايه

وربنا يقدر الخير

للاسف مافيش حاجه تتقال فعلا خير حسبي الله و نعم الوكيل

الواحد مش قادر يتخيل اصلا ازاي الاداره تسمح بكدا
وازاي يحصل كدا ف فرع صيانه
شيئ خيالي بصراحه

[Abo_Mazen]

علي العموم التوكيل في السليم ولو بلغت مش هتقدر تثبت حاجه والتوكيل هيرد يقول انك جايب العربيه مخبوطه علشان تصلحها وحصل خلاف علي المصنعيه او التكلبف

طب ايه الحل؟؟

حضرتك تروح تعمل محضر وتحاول ما تعرفش التوكيل وتطلب ازن نيابه بالتصوير يعني تنزل تجيب قلم اللي في كاميرا بتصور وتطلع علي التوكيل بكره وتشغل الكاميرا بس ماتكونش باينه وتقابل المسؤوول بلطافه وتقوله انك موافق تخلص الموضوع ودي انشاله تقوله انك ممكن تتحمل نصف التكلفه بس حاول تجره في الكلام ويسبت بكلامه ان العربيه اتخبطط فعلا حتي لو بالخطا وكلام من ده ,,

وبعد كده تقدم الفيديو مع ازن النيابه مع المحضر وتعمل قضيه .. وتروح تجيب محامي ب20 جنيه من امام اي محكمه وهيخلصلك القضيه في اول جلسه
وهتاخد تعويييض محترم
او لو طلبوا التصالح مقابل التنازل يبقي تطلب اللي انت عايه

ملحوظه... حاول تشوفلك اي معرفه في الشرطه او الجيش او القضاء يجبلك الازن بسرعه

والفيديو من غير ازن لا قيمه له


لوكل ده فشل... انا لو مكانك ادفع 1000 جنيه ل3 بلطجيه يجيبو الراجل اللي خبطلك العربيه ويطلعوا تيييييييييييييييييت ابوه لحدما يعترف

حضرتك بتتكلم عن إذن النيابه بالتسجيل كأنه إذن موظف من مديره ..أنا أعرف إن إذن النيابه بالتسجيل ده ..في حدود معلوماتي يعني ..بيكون في قضايا رشوه كبيره ..في قضية فساد ..حاجه كده تكون النيابه متأكده إن هي فعلا جريمه ..بصراحه ..حضرتك تشكر على الرأي ده ..بس المشكله مييييين يعرف ينفذه غير بالطريقه اللي حضرتك قلت عليها ..إن يكون ليك واسطه في النيابه تعملك الموضوع ده ..بس هو لو ليه واسطه في النيابه كان إتحير كده

[Dr\Mohamed]

ممكن يحاول يستشهد في المحضر بأي واحد كان جاي يصلح عربيته في التوكيل في الوقت ده وسمع الحوار إللي حضرتك ذكرته أو حتى لو حد من المنطقة

ولو ملقيش حد يشهد معاه وده غالبا إللي هيحصل ...... يروح ومعاه واحد صنايعي وواحد أو اتنين من معارفه بحجة إن الصنايعي مثلا هيتابع معاهم عملية التصليح لغاية ما بتوع التوكيل يقولوا الكلام ده تاني ويستشهد بيهم

وأولا وأخيرا ربنا يعوضه هو يعني لو أخد فلوس أو هما صلحوها له هيعمله إيه لو فكر يبيع في يوم من الأيام في بلد العرف فيها في البيع والشراء الصاج والدهان

"اللهم انتقم من كل ظالم حتى لا يتجرأ أحد على ظلم عبادك"

[medosalah]

حضرتك بتتكلم عن إذن النيابه بالتسجيل كأنه إذن موظف من مديره ..أنا أعرف إن إذن النيابه بالتسجيل ده ..في حدود معلوماتي يعني ..بيكون في قضايا رشوه كبيره ..في قضية فساد ..حاجه كده تكون النيابه متأكده إن هي فعلا جريمه ..بصراحه ..حضرتك تشكر على الرأي ده ..بس المشكله مييييين يعرف ينفذه غير بالطريقه اللي حضرتك قلت عليها ..إن يكون ليك واسطه في النيابه تعملك الموضوع ده ..بس هو لو ليه واسطه في النيابه كان إتحير كده

علي العموم انا حاولت اشوف فكره نثبت بيها الواقعه .. والكلام اللي قولته ممكن يكون صعب وبياخد وقت بس مش مستحيل وممكن ما يخدش اكتر من ساعه زمن لو ليه حد يعرفه انشالله يكون ظابط صغير


في نقطه تانيه برده افتكرتها .. ان لو موضوع ازن النيابه فشل.. فممكن تمشي قانوني عادي والشرطه تيجي تعاين موقع الحادثه (اللي هو مركز الصيانه) وهتلاقي اثار الاحتكاك علي احدي جدران المركز واكيد هيبقي عليها لون العربيه .. بس المشكله لو هم اخفوا تلك الاثار


من الاخر كده لو فشلت كل المحاولات .. اقسم بالله انا لو مكان صاحب العربيه وكل شيء فشل سواء ودي او قانوني.. هطلع علي مدير مركز الصيانه واخليه يشوفله حل ولو لقيته ماشي باسلوب(

( اعلي ما في خيلك اركبه)

هفرغ نفسي تماما يومين واراقب مدير المركز واعرف عربيته ايه وامشي وراه واعرف بيركنها فين
واروح ااجر عربيه جامبو او نقل تقيل ب 200 جنيه واروح علي عربيته في وقت متاخر واجيبله جنب عربيته افرتكه

انا اسف لوكلامي عنيف شويه بس انا اكتر حاجه اكرها الظلم والبلطجه

ومن الاخر كده احنا عايشين في دوله ماشيه باسلوب ... (حقق تاخده بواسطه او بدراعك)

[beshoyyy]

كلم شركة نيسان و عارفها اللي حصل
و بعدين في ولاقة انت بتكون موقع ليها بتسليم السيارة و مرسوم فيها السيارة و لو فيها اي خبطات بيكونو معلمين مكانها و انت بتوقع عليها و لو مافيش سهل اوي من رقم قطعه الغيار او البار كود بتاع قطعة الغيار انك تعرف اتصرف منين و دة اكبر دليل انك ماغيره عندهم و كمان يوم الحجز دة مثبت عن توكيل نيسان الشركة الام
اتصل بيهم و اسالهم

[moumen_hs]

بص ياباشا فى حل هنحاول نعملة علشان تثبت الواقعة وطبعا محتاج زقة شرطة اكيد حضرتك تروح على التوكيل وتتفق على انهم هيصلحواا العربية وخلاص وتدخال العربية تانى عندهم علشات تتصلح وبدون ماتمضى على تعهد او اى حاجة وفورا على القسم محضر اثبات حالة انك رحت تصلح العربية امبارح وتاخرت فى الاستلام ولما رحت اليوم وجت العربة مدمرة والتوكيل رفض يسلم العربية واعتدوا عليك كمان واطلب معينة للعربية واثبات حالة كمان ولو معرفة الدنيا هتتحرك وهيروح معاك امين شرطة اظرفة 100-200 جم يظبتلك المحضر ولو فى محامى افضل يقولك يكتب اية علشان هو يشتغل علية بعد كدة فى التعويض طبعا ثم اجراءات التعويض وخلافة وربنا يعوض عليك

[medosalah]

بص ياباشا فى حل هنحاول نعملة علشان تثبت الواقعة وطبعا محتاج زقة شرطة اكيد حضرتك تروح على التوكيل وتتفق على انهم هيصلحواا العربية وخلاص وتدخال العربية تانى عندهم علشات تتصلح وبدون ماتمضى على تعهد او اى حاجة وفورا على القسم محضر اثبات حالة انك رحت تصلح العربية امبارح وتاخرت فى الاستلام ولما رحت اليوم وجت العربة مدمرة والتوكيل رفض يسلم العربية واعتدوا عليك كمان واطلب معينة للعربية واثبات حالة كمان ولو معرفة الدنيا هتتحرك وهيروح معاك امين شرطة اظرفة 100-200 جم يظبتلك المحضر ولو فى محامى افضل يقولك يكتب اية علشان هو يشتغل علية بعد كدة فى التعويض طبعا ثم اجراءات التعويض وخلافة وربنا يعوض عليك

بس بسهوله جدا التوكيل هيقول انه جاب العربيه مخبوطه للمركز وعايز يصلحها عندهم

[Abo_Mazen]

علي العموم انا حاولت اشوف فكره نثبت بيها الواقعه .. والكلام اللي قولته ممكن يكون صعب وبياخد وقت بس مش مستحيل وممكن ما يخدش اكتر من ساعه زمن لو ليه حد يعرفه انشالله يكون ظابط صغير


في نقطه تانيه برده افتكرتها .. ان لو موضوع ازن النيابه فشل.. فممكن تمشي قانوني عادي والشرطه تيجي تعاين موقع الحادثه (اللي هو مركز الصيانه) وهتلاقي اثار الاحتكاك علي احدي جدران المركز واكيد هيبقي عليها لون العربيه .. بس المشكله لو هم اخفوا تلك الاثار


من الاخر كده لو فشلت كل المحاولات .. اقسم بالله انا لو مكان صاحب العربيه وكل شيء فشل سواء ودي او قانوني.. هطلع علي مدير مركز الصيانه واخليه يشوفله حل ولو لقيته ماشي باسلوب(

( اعلي ما في خيلك اركبه)

هفرغ نفسي تماما يومين واراقب مدير المركز واعرف عربيته ايه وامشي وراه واعرف بيركنها فين
واروح ااجر عربيه جامبو او نقل تقيل ب 200 جنيه واروح علي عربيته في وقت متاخر واجيبله جنب عربيته افرتكه

انا اسف لوكلامي عنيف شويه بس انا اكتر حاجه اكرها الظلم والبلطجه

ومن الاخر كده احنا عايشين في دوله ماشيه باسلوب ... (حقق تاخده بواسطه او بدراعك)

لأ مش أسلوب حضرتك مش عنيف ولا حاجه ..باين من كلامك إنك متغاظ من التوكيل ومن اللي عمله ..وأنا زيك والله ..رغم إني مش صاحب المشكله أصلا بس غيظي مقلش عن غيظ حضرتك خالص ..بس هنعمل إيه بس في بلد غابه مفيهاش غير قانون الفتونه والمال

[beshoyyy]

في اي اخبار عن الموضوع
يا ريت نطمن