طلب مساعده ضروري - التوكيل خبط العربيه

[amr011111]

اخبار الموضوع ايه
واعتقد انه لو عمل شكوى فى شركه نيسان هيعرفوا يتابعوا الموضوع من كاميرات المراقبه
كان فيه موضوع هنا برضه وكانت تيدا برضه وكانوا خبطوها فى التوكيل بس مش فاكر ايه اللى تم فى نهاية الموضوع
حاول تبحث عنه

[adel_edrees]

الواقع بيقول أن العربية أتخبطت و خلاص الحل سمكرة ودوكو و كل حاجة في العربية تتعمل على حسابهم حتى لو ما كنتش معمولة قبل كده و بعدين
كوبونات صيانة مدى الحياة للعربية
و خصم 20 -25 % على قطع الغيار طول ما العربية موجودة على قيد الحياة و خصم 20-25% من ثمن عربية واحدة فقط جديدة موديل السنة لصاحب العربية ممكن تحديد نوع السيارة بألا يزيد ثمنها عن 150 ألف جنيه أرقم الخصومات ممكن التفاوض بشأنها
وده ـأخركلام ممكن يأخده منهم

[ibrahimsaad]

مشش قادر اقول غير حسبنا الله ونعم الوكيل

وربنا يعوض عليك

حاول تتصل بنيسان فورا وتقول لهم اللى حصل

وطبعا خروج السياره بره التوكيل بهذا الوضع ضيع حقك ماكنتش مفروض تسيبهم يعملوا كده

حاول بقى تروح لهم وتخليهم يصلحوها وامرك لله الا بقى لو فيه حل تانى

[ibrahimsaad]

بالشكل ده الواحد ابتدى يخاف من مراكز الصيانه

انا عايز اعرف علشان محدش تانى يحصل معاه زى كده

هو مفروض يحصل ايه اول ماتدخل العربيه

يعنى مثلا انا اول مااروح باسلم العربيه وكتاب الضمان والرخصه وبانتظر فوق فى قاعه الانتظار لغايه ماتخلص وبعدين ادفع واستلم العربيه

مابيبقاش معايا اى ورق زى مابتقولوا غير فاتوره الدفع بس فى الاخر

فياريت تعرفونا ايه الصح بالضبط لان كثير منا ليس لديه اى خبره فى النواحى دى

[2CODE]

متابع جداً

[adel_edrees]

بالشكل ده الواحد ابتدى يخاف من مراكز الصيانه

انا عايز اعرف علشان محدش تانى يحصل معاه زى كده

هو مفروض يحصل ايه اول ماتدخل العربيه

يعنى مثلا انا اول مااروح باسلم العربيه وكتاب الضمان والرخصه وبانتظر فوق فى قاعه الانتظار لغايه ماتخلص وبعدين ادفع واستلم العربيه

مابيبقاش معايا اى ورق زى مابتقولوا غير فاتوره الدفع بس فى الاخر

فياريت تعرفونا ايه الصح بالضبط لان كثير منا ليس لديه اى خبره فى النواحى دى

المفروض أن كل عربية لما حضرتك بتتصل تحجز يطلع رقم أمر الصيانة و بيبلغ حضرتك بالتليفون و بعدين لما حضرتك بتروح هناك بيطلع للعربية أمر شغل مسلسل المفروض أمر الشغل عليه رقم الحجز و بيكون معاك صورة منه لحد ما العربية تخلص و بيديلك امر الشغل + الفاتورة بتروح تدفع و في الخزينة لما بتدفع بيديك أذن خروج

[ibrahimsaad]

المفروض أن كل عربية لما حضرتك بتتصل تحجز يطلع رقم أمر الصيانة و بيبلغ حضرتك بالتليفون و بعدين لما حضرتك بتروح هناك بيطلع للعربية أمر شغل مسلسل المفروض أمر الشغل عليه رقم الحجز و بيكون معاك صورة منه لحد ما العربية تخلص و بيديلك امر الشغل + الفاتورة بتروح تدفع و في الخزينة لما بتدفع بيديك أذن خروج

للاسف ده مش بيحصل معايا على الاقل
انا بروح باسيب العربيه والمفتاح والرخصه وانتظر فوق لغايه ماينادونى اروح ادفع واستلم العربيه

لا شفت امر شغل ولا ادونى اى ورق

تنصحنى وتنصح الناس تعمل ايه بقى تطلب امر الشغل لما تسلم العربيه وتصر عليه ولا ايه ؟

[احمد فهمى]

للأسف حصل موقف مشابه مع مقار بس دخلو العربيه وصلحو الخبطه منغير كلام بس كانت بسيطه لكن موضوعك كارثه ونهايتو فضيحه اخلاقيه من وكيل المفروض انو محترم والقصه دى الخسران فيها الوكيل بكل الاشكال يعنى ببساطه مالك العربيه كان ممكن العربيه تتخبط منو تحت البيت عادى او وهو ماشى وده وارد اي وقت لكن الوكيل معرض لمصيبه انتقاميه من صاحب العربيه واحكي لكم واقعه مشابهه صديق لى كان معاه عربيه ماركه مش هقولها ولا الوكيل حفاظاً على الخصوصيه بس التوكيل عمل معاه نفس الوضع ورجع لهم اتبلطجو عليه وقلو ادبهم وبرضو رمو عربيتو بره وايه كانت النتيجه؟؟؟

استمر سنه تقريبآ يكسر كل عربيات الوكيل الزيرو اودام اي معرض له وبقي يدخل التوكيل بعربيات اصدقاء له وياخد ورق الدخول وكل حاجه ويعملهم محاضر سرقه ويبوظ عربيات ناس تانيه داخل التوكيل واقدر اقولكم ان التوكيل لو كان اشتري له عربيه جديده زيرو موديل السنه كان هيوفر على نفسو كوارث لأنو خرب بيتهم وده القهر ما يولد الانفجار ومش عايز اقولكم اني مقدر خسارة الوكيل ده بملايين لدرجة ان الموضوع انتشر والمعارض نفسها بقت بترفض تعرض عربيات الماركه دى..

اتمني لموضوع يخلص على خير وصاحب الموضوع يبعت شكوي للشركه الام نفسها يشرح لهم بلطجة الوكيل ..

[adel_edrees]

للاسف ده مش بيحصل معايا على الاقل
انا بروح باسيب العربيه والمفتاح والرخصه وانتظر فوق لغايه ماينادونى اروح ادفع واستلم العربيه

لا شفت امر شغل ولا ادونى اى ورق

تنصحنى وتنصح الناس تعمل ايه بقى تطلب امر الشغل لما تسلم العربيه وتصر عليه ولا ايه ؟

هوه حضرتك ممكن نعمل حاجة ممكن نسيب لهم العربية و نقوللهم في حد تانى حييجى يستلم العربية فممكن أي أيصال يثبت أن العربية عندكوا وشوف كده لو أدولك الأيصال ده يبقى كده ده كسل و أستعباط من مهندس الصيانة لو قالوا لك لأ يبقى ده سوء نية من مركز الصيانة

[horas3000]

للاسف ده مش بيحصل معايا على الاقل
انا بروح باسيب العربيه والمفتاح والرخصه وانتظر فوق لغايه ماينادونى اروح ادفع واستلم العربيه

لا شفت امر شغل ولا ادونى اى ورق

تنصحنى وتنصح الناس تعمل ايه بقى تطلب امر الشغل لما تسلم العربيه وتصر عليه ولا ايه ؟

يعني ايه مبيحصلش
هو انت بتوديها التوكيل و لا ورشه و لا ايه
امر الشغل ده اساسي في اي مركز صيانه

[beshoyyy]

اين شركة نيسان من كل هذاااا

[lamada]

ايه اخر الاخبار احنا متابعين و نفسنا نعرف

[ibrahimsaad]

يعني ايه مبيحصلش
هو انت بتوديها التوكيل و لا ورشه و لا ايه
امر الشغل ده اساسي في اي مركز صيانه

يمكن علشان انا ماطلبتش مثلا

عموما المره الجايه انا هاطلب امر الشغل لكن فرضا مثلا ماوافقش يبقى ايه العمل ساعتها تقترح اتصرف ازاى ؟

[horas3000]

يمكن علشان انا ماطلبتش مثلا

عموما المره الجايه انا هاطلب امر الشغل لكن فرضا مثلا ماوافقش يبقى ايه العمل ساعتها تقترح اتصرف ازاى ؟

مفيش حاجه اسمها مطلبتش
ده الزام علي كل التوكيلات و المراكز
و الدليل انهم استلموا العربيه بالحاله الفلانيه و مسئولين عنها لحد ما تستلمها

لو توكيل نيسان مش كده يبقي يؤسفني اقول لك انه لا يستحق يبقي توكيل اصلا
امر الشغل دي اساسي و من صميم الشغل مش حاجه رفاهيه

و لو مفيش امر شغل تسيب المركز ده خالص و تشوف حاجه محترمه

[adel_edrees]

مفيش حاجه اسمها مطلبتش
ده الزام علي كل التوكيلات و المراكز
و الدليل انهم استلموا العربيه بالحاله الفلانيه و مسئولين عنها لحد ما تستلمها

لو توكيل نيسان مش كده يبقي يؤسفني اقول لك انه لا يستحق يبقي توكيل اصلا
امر الشغل دي اساسي و من صميم الشغل مش حاجه رفاهيه

و لو مفيش امر شغل تسيب المركز ده خالص و تشوف حاجه محترمه

المفروض أن العربية في أمر الشغل بتبقى مرسومة و المهندس بيعاين لو لقى عربية مخبوطة في أي جنب من جوانبها و بيبقى فيها موافقة العميل على الأصلاح و الشكوى بتاعة العميل و بيديلك نسحة وهو معاه نسخة تانية بيدخل العربية بيها الورشة و ده اللى بيحصل في توكيل رينو العبور