بكيت بعد ما بعت الصني حبيبتي

[ahmed197319]

بكيت بعد ما بعت الصني حبيبتي
ماحدش بيسيب حبيبته وانا سبت حبيبتي
اول عربية في حياتي و كنت مستريح معاها جدا و كل حاجه فيها تمااااام بس المدام بقي الله يسامحها قعدت تزن علي دماغي عايزين نعير و نجيب كارينز كبيرة عشان العيال كبروا .......... وكده
لقيت نفسي بابيع و الغريب انها اتباعت تاني يوم الاعلان مباشرة حسيت اني غدرت بيها
و دعوت الله ان يردها الي في الجنة
ربي اجرني في مصيبتي و ارزقني خيرا منها

[borio1704]

معلش... أول مرة بتبقى كده...

كان عندي تويوتا كريسيدا 82.. وكانت بتاعت والدي (كنا جايبينها زيرو) وفضلت معانا لحد ما كبرنا .. ومن شدة تعلقي بيها أخدتها من والدي (هو اشترى عربية تانية)...

ولما بعتها في 2009 عملت زيك كده... فعلا بكيت وقعدت كذا يوم متنكّد... بعد كده ما بقاش فارق معايا كتير إيه العربية اللي معايا...

ربنا يعوضك خير بإذن الله.. وعسى أن تكرهوا شيئا ويجعل الله فيه خيرا كثيرا.

...

[ahmed197319]

والله يا اخي اشكرك علي ردك و تعليقك الكريم و الله يبارك لك و بالمناسبه انا رايح دلوقت حالا اسجل عربيتي الجديدة سيتوين جراند بيكاسو 2011

[reda elgohary]

ربنا يعوضك بخير منها و يبارك لك

[borio1704]

والله يا اخي اشكرك علي ردك و تعليقك الكريم و الله يبارك لك و بالمناسبه انا رايح دلوقت حالا اسجل عربيتي الجديدة سيتوين جراند بيكاسو 2011

ربنا يبارك فيها ويعطيك خيرها ويكفيك شرها...


ولا تنس دعاء شراء الجديد:

قبل ما تركب العربية... حط إيدك على السقف وقول الدعاء ده زي ما قالنا رسول الله عليه الصلاة والسلام:

"بِسْمِ اللهِ، اللّهُمَّ بارِكْ لَنا فِيها، اللَّهُمَّ إِنِّي أَسْأَلُكَ خَيْرَهَا، وَخَيْرَ مَا جَبَلْتَهَا عَلَيْهِ، وَأَعُوذُ بِكَ مِنْ شَرِّهَا، وَشَرِّ مَا جَبَلْتَهَا عَلَيْهِ".


قال رسول الله صلى الله عليه وسلم: "إِذَا تَزَوَّجَ أَحَدُكُمُ امْرَأَةً، أَوْ إِذَا اشْتَرَى خَادِماً، فَلْيَأْخُذْ بِنَاصِيَتِهَا, وَلْيُسَمِّ اللهَ -عَزَّ وَجَلَّ- وَلْيَدْعُ بِالْبَرَكَةِ، ولْيَقُلْ: اللَّهُمَّ إِنِّي أَسْأَلُكَ خَيْرَهَا، وَخَيْرَ مَا جَبَلْتَهَا عَلَيْهِ، وَأَعُوذُ بِكَ مِنْ شَرِّهَا، وَشَرِّ مَا جَبَلْتَهَا عَلَيْهِ، وَإِذَا اشْتَرَى بَعِيراً فَلْيَأْخُذْ بِذِرْوَةِ سَنَامِهِ وَلْيَقُلْ مِثْلَ ذَلِكَ"
أبو داود 2/248 وابن ماجه 1/617 وانظر صحيح ابن ماجه 1/324



مَا جَبَلْتَهَا عَلَيْهِ: أي ما خلقتها عليه من صفات.


وعدي على الموضوع ده بالمرة... مفيد جدا..

https://www.nilemotors.net/Nile/244408-a.html

والموضوع ده كمان:

https://www.nilemotors.net/Nile/434256-a.html

...

[ahmed197319]

بارك الله فيكم و علي اهتمامكم و الحمد لله اشتريت الجميلة جدا جدا فوق الوصف ستروين جراند بيكاسو 2011 و بسعر مميز و حالتها ممتازه مشكلتها الوحيده انها رشه خارجي بالكامل عدا السقف
اللهم لك الحمد