اشمعني السيفيك

[som3aa]

بعيد عن الجوده وقلة الأعطال البتتمييز بيهم هوندا لتحتل المركز الأول او الثانى كااام سنه أكيد مش من فراغ .... حضرتك شوف فرق السعه الليتريه بين السياريات الذكرتها هتلاقى ان أقل سعه السفيك فى الخارج 1.8 مش بعيد عن ال1.6 للدرجه

قارن اصغر سى سى بعد كده هتلاقيه للالأنترا 2.0 ولاحظ المواتير التانيه أكبر بالنسبه للجيتا و الكرولا .

بالنسبة للمقارنة , المقارنة بقوة الحصان لان الcc دا حجم الموتور مش اكتر , يعنى المرسيدس الe-250 الجديدة 1800cc و قوتها 204 حصان و الbmw ال523 الجديدة 3000cc و برده 204 حصان و الاتنين بنفس التمن (الbmw ارخص من 30 الف الى نفس التمن علشان فى فئتين منها).

بالنسبة للعربيات دى , الكورولا 138 حصان و برده 1800 , الهوندا 140 حصان , الالنترا 140 حصان و الجيتا اقوى 170 حصان دا اول موتور فيها فى امريكا.

[SaberMan]

يعنى الجيتا ال 170 حصان أغلى من السيفيك 140 حصان ب 2000 دولار تمام يقبى أزاى الجيتا 100 حصان فى مصر مش مبالغ فى سعرها !!!!!!!!!! و السيفيك موتور 125 .

و بعدين مع أحترامى للأكتافيا A5 تساوى الارقام البتدفع فيها العربيه الناس طالعه بيها السما لأنها مناسبه لشوارع مصر هتصدق أنى شوفت أكتر من أوكتافيا فى حوادث على الطرق السريعه محروقين عربيات متفحمه تقدر تقول حصلهم (أنفجار) معلومه كمان أن الفانازيا أضيف ليها من عوامل الأمان جديده فصل الوقود عند الحوادث لسه مضافه فى الشكل الجديد تفسر ده بأيه !!!!!!!
و بعدين سيفيك و أكورد فى اميريكا من أكثر السيارات مبيعا شوف كام سنه متتاليه للأكورد بلاش كل سنه JD power بيختار هوندا من اول 3 شركات فى معايير الجوده كاكل لو مش الأولى السنه دى غيرو أختارو فورد فوكس الناس زهقت من هوندا حسسونا أنهم حافظين .
الفرق ال37 الف البين الهوندا وبين تويوتا ده طبعا معروف أيه سببه (المشاكل الجديده) غير أنها جنوب أفريقى أعتقد لو يابانى مش هيكون الفرق ده .

[som3aa]

يعنى الجيتا ال 170 حصان أغلى من السيفيك 140 حصان ب 2000 دولار تمام يقبى أزاى الجيتا 100 حصان فى مصر مش مبالغ فى سعرها !!!!!!!!!! و السيفيك موتور 125 .

و بعدين مع أحترامى للأكتافيا A5 تساوى الارقام البتدفع فيها العربيه الناس طالعه بيها السما لأنها مناسبه لشوارع مصر هتصدق أنى شوفت أكتر من أوكتافيا فى حوادث على الطرق السريعه محروقين عربيات متفحمه تقدر تقول حصلهم (أنفجار) معلومه كمان أن الفانازيا أضيف ليها من عوامل الأمان جديده فصل الوقود عند الحوادث لسه مضافه فى الشكل الجديد تفسر ده بأيه !!!!!!!
و بعدين سيفيك و أكورد فى اميريكا من أكثر السيارات مبيعا شوف كام سنه متتاليه للأكورد بلاش كل سنه JD power بيختار هوندا من اول 3 شركات فى معايير الجوده كاكل لو مش الأولى السنه دى غيرو أختارو فورد فوكس الناس زهقت من هوندا حسسونا أنهم حافظين .
الفرق ال37 الف البين الهوندا وبين تويوتا ده طبعا معروف أيه سببه (المشاكل الجديده) غير أنها جنوب أفريقى أعتقد لو يابانى مش هيكون الفرق ده .

فرق الاسعار بين المواتير بره مصر بيبقى قليل جدااا لان المواتير بره رخيصة اساسا , دا فرق بين الكورولا الفاضية و الكامرى الفاضية اقل من 4000 دولار , تخيل بين العربية دى بالكامل بموتورها و كل حاجة و بين الكامرى اللى هى فئة اعلى منها 4000$ بس , 2000$ دا كتييير جدا فرق فى امريكا.
بعدين سعر الجيتا و الاوكتافيا فى مصر مبالغ فيهم بدليل فرق السعر الكبير اوى بين الوكيل و الخليجى , سعر الجيتا الخليجى اللى هو 185 بالكاسيت التاتش و الزينون و الجنط ال17 و سنسورز قدام و ورا دا هو السعر العادل و علشان كدا معظم الجيتا اللى بنشوفها فى الشارع خليجى.

معلش برده الموضوع مش بالشوف , يعنى انا فى حياتى ما شوفت اوكتافيا محروقة , بعدين حرق العربية دا حسب الحادثة
هنا مثلا
YouTube - lamborghini on FIRE (Part 1)
YouTube - LAMBORGHINI CRASHES

دى فيديوهات لامبورجينى محروقة كذا عربية , عربية تمنها منغير جمرك مليون جنيه , عادى سبب الحرق ممكن يكون الحادث نفسه , بالنسبة لموضوع مفيش فصل البنزين اول مرة اعرف المعلومة دى مش عارف صحيحة و لا لأ بس العربية بتتباع جامد فى اوروبا و العربية عاملاها فولكس فاجن يعنى اكيد مش اى كلام.

على فكرة ان كل دا مش بعيب اطلاقا فى السيفيك لانها عربية مينفعش يتعاب فيها صعب اوى , انا بعيب على سعر البيع المبالغ فيه جدااا , 190 الف الصراحة انا مشوفتش كدا فى حياتى و اللى مستفزنى اكتر التوكيل اللى ماسك اوى فى موضوع الvsa .
الكورولا اليابانى سعرها خليجى نفس سعر الجنوب افريقى او ارخص سنة تزيد فتحة سقف و حساسات ركن و spoiler و (ممكن فرش جلد) و تقل زينون و smart key و الموتور 1600 برده بس اضعف من الجنوب افريقى (على فكرة التوكيل جايبها جنوب افريقى عاشان يكسب زيادة , دا السبب).

فعلا الاكورد و الكامرى و الكورولا و السيفيك من اكتر العربيات مبيعا فى امريكا .

[Horsepower]

و عليكم السلام و رحمة الله و بركاته

بالنسبة لانها واخدة افضل قيمة و الكلام دا كله كلام فارغ, بس خدت الجوايز دى لان العربية ممتازة ثانيا لان اساسا فى امريكا فى مؤسسات بالهبللل بقيم العربيات و بتدع جوايز و كدا فلو دخلت على اى عربية هتلاقيها واخدة جوايز بالهبل يعنى دى مش حاجة زيادة فى السيفيك عن بقية العربيات , بالعكس خش شوف الجوايز اللى واخداها الكورولا هتلاقيها اكتر بكتير اوى من السيفيك
هنا الكورولا فى امريكا : toyota corolla awards & press
و هنا السيفيك فى امريكا : 2010 honda civic sedan - awards, accolades & ratings - official honda web site

االكورولا برده واخدة نفس اللى السيفيك واخداه top safety pick (افضل اختيار امن) !! و سبحان الله واخدة برده بفس الجايزة التانية اللى هى
toyota has the best resale value of all brands for 2010 according to kelley blue book's kbb.com
ال resale ده حاجة تانية وكمان بتختلف من دولة لأخرى يعني طبيعي إن العربية إللي تكون قيمة إعادة البيع ليها في بلد كويسة وبلد لأ ... عادي جدا ... يعني دي جايزة محلي ... مش زي أفضل قيمة value vs. Money

و واخدة جوايز كتير اوى اكتير بكتير من السيفيك.

نيجى للالنترا هتلاقيها واخدة
u.s. News and world report, best compact car for the money
autopacific, ideal vehicle awards

من الاخر الجوايز دى فى امريكا اى كلام
في فرق كبير بين الجوايز إللي تصلح لكل الدول والجوايز المحلية إللي لا تصلح إللا للمكان إللي إتاخدت فيه.
نيجى للاسعار :
سعر الالنترا فى امريكا يبدا من : 14145$ لاول واحدة الفاضية خالص
الكورولا اول واحدة الفاضية : 15450$
السيفيك : $15,655
الجيتا : 17735$ يعنى اغلى من السيفيك ب حوالى 12 الف يعنى حوالى 18 مثلا بعد الجمارك و كدا , ازاى دى تتباع زيها او اغلى فى مصر؟ ازاى السيفيك ب 190 الف
يعنى السيفيك مفروض تكون اغلى من الكورولا ب200 دولار يعنى الف او 2000 جنيه مش 37000 لنفس الكماليات و الالنترا ارخص ب7500 جنيه من الكورولا قول 10 بعد الجمرك و المازدا بين الالنترا و الكورولا فى السعر.
إييييييييه دااااااااااااااااااااا؟؟؟؟؟
إنت بتقارن الجيتا ال base line إللي بتقول إنها ب 17ألف وشوية دولار بالسيفيك ال top line إللي بتقول إنها ب 190 ألف جنيه؟؟؟
إنت متلخبط في المقارنة بالأسعار.
الجيتا (170,000 - 185,000 - 217,000)
السيفيك (158,000 - 180,000 - 188,000)
دي أسعار الثلاث فئات لكل سيارة في مصر ... إنت بتقارن مين بمين؟
الكورولا إللي حضرتك بتتكلم عنها دي في أمريكا دي ياباني مش جنوب أفريقي.
وأكيد السيفيك الياباني مش هاتبقى أغلى من الكورولا الجنوب إفريقي ب200 دولار بس؟ ماحدش يقول كدة.


نيجى هنا فى مصر فرق بالهبل بين العربيات , يعنى فرق غير طبيعى.

تانى موضوع موضوع الground clearance محتاج ادور على الارقام بكرة ان شاء الله ارد على حضرتك لان الموضوع دا مش انا بس اللى مستحيل اصدقه , اى حد مستحيل يصدقه ابدا ان السيفيك اعلى من الاوكتافيا , دى حاجة خيالية مستحييل.
دور الأول زي ما إنت بتقول قبل ما تقول مستحيل ... لأن مع هوندا مافيش مستحيل.

ثالث موضوع النصبة الكبرى بتاعت التوكيل موضوع الvsa , التوكيل هنا محسس الناس انه اعجاز و اختراع و حاجة متعملتش قبل كدا مع انه بينزل فى عربيات كتيييير اوى باسامى مختلفة , اسمه المتداول esp (electronic stability program بس هوندا مسمينه vehicle stability assist دا الاختلاف , الesp موجود فى تقريبا كل العربيات اللى فوق ال200 الف و كتير من العربيات اللى بين ال100 و ال200 زى السكودا الفابيا اللى ب 100 الف فيها esp و اساسا الesp مش غالى و مبزودش كتير فى سعر العربية بس التوكيلات مبتنزلوش علشان ناس كتير متسمعش عنه اساسا فلمهاش لزمة التكلفة , يزودوا زينون و لا فتحة سقف و كاسيت تاتش و لا سنسور قدام و ورا و لا اى حاجة بالنسبالهم احسن و لا smart key و على فكرة بينزل فى السيراتو كوبيه الخليجى اللى ب126 الف جنيه!!! , دا موجود فى الi20 اللى واقفة عند غبور (بس مش للبيع) و فى انجلترا بينزل فى الi10 اللى ب 55 الف فى مصر!!!!
الموضوع مش اعجاز و لا اختراع و لا اى تكنولوجيا و لا اى حاجة .
ال vsa مش إختراع ولا إعجاز ولا تكنولوجيا ولا أي حاجة؟!!!!!!!!!!!!
طبعا لا تعليق على الرأي ده.
و إللي في السيراتو ده حاجة تانية أقل من ال vsa ... السيراتو أساسا مافيهاش ebd.
vsa = abs + tcs + side slip control
و حضرتك بتقول إنه موجود في ال i10 إللي في إنجلترا ... وهي ال i10 إللي في مصر إللي ب 55 ألف فيها esp واللا vsa زي بتاعت إنجلترا إللي حضرتك بتقول عليها؟؟؟

حضرتك مدخل الدنيا في بعض و بتقارن بين حاجات مختلفة.
السيفيك سعرها مبالغع فيه جدااااااااا بس الصراحة العربية ممتازة جدا بس 190 الف دا هبل و 155 الفاضية هبل اكتر .
منافسينها ارخص بكتير بس لان فى ناس بتحب السيفيك اوى بسبب شكلها و امكانياتها و كدا و سمعتها بالذات,فبتدفع مبالغ زى دى فبها مش اكتر.

بصراحة العربية لو كان سعرها معقول شويتين كانت باعت بالهبل اكتر من كدا بكتير اوى.

أهلا بحضرتك,
تعليقي بالأزرق.

[som3aa]

في فرق كبير بين الجوايز إللي تصلح لكل الدول والجوايز المحلية إللي لا تصلح إللا للمكان إللي إتاخدت فيه.

كل الجوايز اللى فى مجال العربيات جوايز محلية يعنى مفيش احسن عربية فى العالم مثلا ل2010 او حاجة من الكلام دا , اى جايزة بتبقى فى الدولة بتاعتها و اى تقييم بيبقى فى الدولة بتاعتها برده , يعنى العربيات الكورى و اليابانى مش ماشيين كويس فى اوروبا خالص و هتلاقى تقييماتهم قليلة بالمقارنة باسيا و امريكا و كدا فى اوروبا, ثانيا فعلا جايزة هوندا best value فعلا معلش مكنتش قريت كويس من كتر الجوايز اللى تويوتا واخداها بس دى جايزة محلية برده فى امريكا بس , اى كلام كل الحاجات دى صدقنى , خش شوف جوايز تويوتا و اى عربية هتلاقيهم كلهم واخدين جوايز كدا لان فى مليون جهة بتقييم (كل المجلات بتقييم و بتدى جوايز ) و كدا , الهوندا السيفيك اللى بتنزل اوروبا مثلا مختلفة عن بتاعت امريكا فمفيش جايزة دولية لاى عربية اساسا.

إنت بتقارن الجيتا ال base line إللي بتقول إنها ب 17ألف وشوية دولار بالسيفيك ال top line إللي بتقول إنها ب 190 ألف جنيه؟؟؟
إنت متلخبط في المقارنة بالأسعار.
الجيتا (170,000 - 185,000 - 217,000)
السيفيك (158,000 - 180,000 - 188,000)

انا مقارنتش خالص الجيتا الفاضية بالسيفيك اللى 190 , انا كنت بقارن الكورولا الكاملة بالهوندا الكاملة و بقول فرق 37000 جنيه .
معلش انا كنت فاكر السيفيك ب 197 مكنتش اعرف انها ب188 يعنى الفرق 28 الف, الكورولا الجنوب أفريقى بتتباع بنفس تمن الكورولا اليابانى الخليجى بس طبعا الفرق ان مكسب الوكيل (اللى هو نفس وكيل هوندا) اكتر بكتير فى الجنوب افريقى علشان كدا جابها و مجابش اليابانى , الجيتا دى اسعارها صحيح بس بتتباع ارخص من كدا بكتير و خصوصا الخليجى و علشان كدا برده قولت نفس الكلام الوكيل مبالغ جداا فى مكسبه .
أزاى السيفيك الفاضية تتباع بنفس سعر الكورولا الهاى لاين.

ل vsa مش إختراع ولا إعجاز ولا تكنولوجيا ولا أي حاجة؟!!!!!!!!!!!!
طبعا لا تعليق على الرأي ده.
و إللي في السيراتو ده حاجة تانية أقل من ال vsa ... السيراتو أساسا مافيهاش ebd.
vsa = abs + tcs + side slip control
و حضرتك بتقول إنه موجود في ال i10 إللي في إنجلترا ... وهي ال i10 إللي في مصر إللي ب 55 ألف فيها esp واللا vsa زي بتاعت إنجلترا إللي حضرتك بتقول عليها؟؟؟

حضرتك مدخل الدنيا في بعض و بتقارن بين حاجات مختلفة.

انا مش مدخل الدنيا فى بعض , انا بدى امثلة للتوضيح بس , يعنى الi10 اللى فيها ESP مبتنزلش مصر اساسا و انا عارف كدا و لو نزلت مستحيل سعرها يكون 55 الف , اللى انا بقوله ان دى مش تكنولوجيا و اختراع , دى حاجة عادية بتنزل فى ارخص العربيات زى الi10 اللى هى من ارخص العربيات اللى فى العالم (انا قولت تمنها فى مصر علشان اوضح هى رخيصة قد ايه) ,
و معلش على فكرة هى غلطة منى برده الi10 مبينزلش فيها ESP , اخرها ABS + EBD , الi20 هى اللى بينزل فيها ESP بره مصر و طبعا كل العربيات اللى اعلى منها.
لأ الi20 اللى غبور منزلها مفيهاش الESP و لا فيها اى حاجة , انا بتكلم على فئة العربية بينزل فيها الحاجات دى علشان الكلام دا عادى مش اعجاز.
الabs بينزل فى كل العربيات الصينى اللى ب 40-50 الف , الESP بينزل (بره مصر) فى اصغر و ارخص عربيات كمان زى الi20 (دا طبعا جنب الabs + Ebd) , الموضوع كله مسميات مش اكتر و مفيهوش تكنولوجيا معدية مثلا ,دى حاجات standard فى عربيات رخيصة جدا بره , اصل التوكيل بيتكلم عن الVSA كانه مثلا ركبوا جناحات للعربية.
Hyundai | New Cars | I20
العربية تمنها من £9,220 - £9,680 بالضريبة اللى هى 19% , يعنى تمنها فى انجلترا ميكملش 70 الف جنيه مصرى و فيها ABS - EBD , ESP , الكلام دا بقى عادى دلوقتى مش تكنولوجيا يعنى.


تقبل تحياتى

[zegna]

يعني مستسخسر في السيفك 158 ومش مستخسر في السيراتو الكوبية 148

[hondaman]

يعني مستسخسر في السيفك 158 ومش مستخسر في السيراتو الكوبية 148

اصلى يا مان الكومينت دة

[Moustafa_Kamel]

السيفيك عربية ممتازة جدا و عربية رهيبة بس للاسف فى رايى متنفعش لمصر و كمان سعرها مبالغ فيه جداااا فى مصر.

دى هنا اول فئة ب 158 و الهاى لاين ب 190 الف!! يعنى اغلى من الجيتا و الجيتا فيها كماليات اكتير منها بكتير و اغلى منها اساسا بره فى العالم كله , ب190 اجيب فانتازيا و لا جيتا مجيبش سيفيك ابدا .

متنفعش لمصر علشان العربية مش معمولة علشان تمشى فى طرق غير ممهدة بالمرة زى طرق مصر و تعدى فى كماين (اللى هى المطبات) لان العربية واطية جدااا و دا طبعا بيديها ثبات فظيع بس للاسف شوارع مصر كلها مطبات و قرف فانا فى رايى متنفعش لمصر.
بعدين التوكيل بيستهبل اوى فى تسعيرها , 190 الف و لا 154 مش ممكن , دى المازدا 3 الكاملة ب 153 يعنى فرق 37 الف (صحيح السيفيك فيها كام حاجة زيادة) بس بردة مش 37 الف و الكورولا ب160 و اساسا فى رايى سعر الكورولا مبالغ فيه فى الاصل.

السفيك شبابية جداااا و مش بتعجب كل الناس ( يعنى انا الصراحة متعجبنيش اوى ) شكلا و خصوصا من جوه , مع ان فى ناس كتير منهم اصحابى شايفينها طيارة بعكس الجيتا مثلا اللى مفيش 2 اختلفوا عليها.

الخلاصة العربية فظيعة بس بسبب سعرها و شوارع مصر متنفعش هنا للاسف (الجيتا واطية برده و موتورها ضعيف عليها بس مش واطية زى السيفيك)

يا باشا انا قلت قبل كده انى قبل ما اجيب السيفيك التوب لاين جربتها هى و الجيتا و الفانتازيا على الطريق
و لو كانت اغلى من كده كنت مش هاستخسر فيها لانها فعلا تستاهل مع انى كنت عارف كل عيوبها قبل ما اجيبها كالطقطقه اللى فى الطاره و اللى الحمد لله ما حصلش معايا و ضعف دهان الاكصدام و مع ذلك ما ترددتش و انا بشتريها
و اذا شفت التوبلاين من جوه هاتعرف قد ايه هى جميله و ما تقلش عن الجيتا كا خامات داخليه فيما عدا ان التابلوه بلاستيك بس ما فيش عربيه من وجهة نظرى تابلوها يضاهى السيفيك من ناحيه التصمييم
اما من ناحيه انها واطيه انا ما حسيتش بالفرق ده اوى و ده مقارنه بالكرولا اللى ظاهريا هى اعلى
العربيه الحمد لله ممتازه و تستاهل كل جنيه اتدفع فيها

[som3aa]

يعني مستسخسر في السيفك 158 ومش مستخسر في السيراتو الكوبية 148

ايوه طبعا مستخسر لسببين اولا السيراتو الكوبيه ب 136 مش 148 (اول فئة ب 120) و فى منها خليجى كماليات زيادة ب 126 بدل 136 زى الESP و 6-cd .
ثانيا فيها كماليات مش موجودة فى السيفيك اللى ب 190 الف زى الsmart key .
يعنى فرق من 64 ل 54 الف طبعا فرق كبييير جدا
شوف قرق السعر فى امريكا كام و احكم

http://autos.yahoo.com/2010_kia_forte_koup/

http://autos.yahoo.com/2010_honda_civic_sedan/

و شوف مين اغلى فى اى فئة

[zegna]

يا باشا العربيات الصيني مليانة كماليات مش دي النظرية المهم العربية ومعروف عن السيفك انها من احسن العربيات المعمرة في العالم يعني تشتريها وتشتري دماغك فانت في الاول والاخر بتشتري عربية مش مهم الكماليات انت عايز في العربية اية القيادة في حد زاتها متعة بغض النظر عن الكماليات واظن السيفك بتحقق دة

[SAMEH_FOUAD]

المكشلة ان ساعات الشركات بتزغلل عين المستهلك باضافة احدث ماتوصلت الية التكنولوجيا بس بيبقى على حساب حاجات تانية كتير والناس بتفرح انها عندها سمارت كى , وامكانيات لا حصر لها وكل دة بكام بتمن خرافى , يعنى الفول اوبشن من السيارات دية تمنها مايجيش اول فئة من سيارة يابانى زى السيفيك والكورولا مثلا وفى الاخر حاجة تخرب بعد كام الف كيلو ويجى يصلحها ياخد اضعاف اضعاف تمنها
هتقولوا ماهية دية الاسعار الحقيقة اللى المفروض تنزل بيها هرد عليكوا واقول اشمعنا العربية دية دون عن العربيات دية كلها ,وبعدين ماحنا متعودين طول عمرنا على كدة اية اللى جد

يبقى الكل يبقى عارف ان السيفيك اة فاضية ب158 الف بس انت بتركب عربية صح

[som3aa]

يا باشا العربيات الصيني مليانة كماليات مش دي النظرية المهم العربية ومعروف عن السيفك انها من احسن العربيات المعمرة في العالم يعني تشتريها وتشتري دماغك فانت في الاول والاخر بتشتري عربية مش مهم الكماليات انت عايز في العربية اية القيادة في حد زاتها متعة بغض النظر عن الكماليات واظن السيفك بتحقق دة

ايوه انا عارف بس انا بتكلم على سعر العربية مبالغ فيه و لا لأ.
فحد بيقول السيراتو الكوبيه فبقول قارن كدا بين اسعارهم بره
مش علشان عربية كويسة التوكيل يستهبل و يبيعها ب 158 ل 190 الف
دى المازدا 3 بقت ب 151 الف دلوقتى.

[amrseba]

يا جماعه والله لو مفيش جمارك هيبقى الشيفورليه كامرو و الفورد موتسنج بتمن التيوتا كورولا و الكامرى هتبقى سعرها 100 الف

و الكورولا سعرها 77 الف تقريبا

بس لو مفيش جمارك فى مصر محدش هيشترى الكورى اصلا خاااااااااالص

هتلاقى فرارى و مزراتى و مررسيدس و بى ام و فورد فكل حته

ديه الالفا روميو brera ب 42 الف دولار تقريبا ياعنى بتمن الباسات ولا حاجه

[NoRmAl]

المكشلة ان ساعات الشركات بتزغلل عين المستهلك باضافة احدث ماتوصلت الية التكنولوجيا بس بيبقى على حساب حاجات تانية كتير والناس بتفرح انها عندها سمارت كى , وامكانيات لا حصر لها وكل دة بكام بتمن خرافى , يعنى الفول اوبشن من السيارات دية تمنها مايجيش اول فئة من سيارة يابانى زى السيفيك والكورولا مثلا وفى الاخر حاجة تخرب بعد كام الف كيلو ويجى يصلحها ياخد اضعاف اضعاف تمنها
هتقولوا ماهية دية الاسعار الحقيقة اللى المفروض تنزل بيها هرد عليكوا واقول اشمعنا العربية دية دون عن العربيات دية كلها ,وبعدين ماحنا متعودين طول عمرنا على كدة اية اللى جد

يبقى الكل يبقى عارف ان السيفيك اة فاضية ب158 الف بس انت بتركب عربية صح

هى عمليه نسبيه
جوده جت من تكلفه وعليه أتحط السعر
لكن لو العربيه الى بتلمحلها دى :) الى بسمارت كى :) كانت ب 160 ألف كانت الناس هتقتنع بيها؟
أنا كنت عملت موضوع عن القصه دى قبل كدا
لو زادت جودتها زى منت تحب يا سمسم
وبقت بال160 ألف هتشتريها
أنا بقلك لأ
وهتقول مدفعش 160 ألف فى عربيه كورى
وساعتها مش هتبص لجودتها تستاهل ولا لا

[Horsepower]

هى عمليه نسبيه
جوده جت من تكلفه وعليه أتحط السعر
لكن لو العربيه الى بتلمحلها دى :) الى بسمارت كى :) كانت ب 160 ألف كانت الناس هتقتنع بيها؟
أنا كنت عملت موضوع عن القصه دى قبل كدا
لو زادت جودتها زى منت تحب يا سمسم
وبقت بال160 ألف هتشتريها
أنا بقلك لأ
وهتقول مدفعش 160 ألف فى عربيه كورى
وساعتها مش هتبص لجودتها تستاهل ولا لا

باشا ... عارف ليه؟
علشان تاريخ من ثقة العملاء.
من 50 سنة تقريبا كانت الناس بتتكلم عن العربيات الياباني زي ما دلوقتي بيتكلمو عن الصيني ... ليييييه؟ ... علشان ماكانش ليها تاريخ .... لحد ما فيه ناس راهنت على العربيات دي و الشركات الياباني كانت عند حسن ظن المراهنين دول و ماخيبتش ظنهم لحد اليوم ... بقى الياباني صاحب تاريخ يشهدله زيه زي الألماني و فيه ياباني دلوقتي يتفوق على الألماني.

الموضوع في رأيي تاريخ من ثقة العملاء .... الكوري فقد ثقة العملاء على مدار تاريخه ... لما تكون شركة زي كيا بدأت من 1944 و هوندا بدأت من 1948 ... يعني بعديها ب 4 سنين ... وتاريخ الإثنين معروف وأعمالهم معروفه ... يبقى الفرق واضح إن ده طالب شاطر وده طالب بليد.

ما فيش شركة في العالم عندها تاريخ تيجي تروح عاملة منتج بسعر مبالغ فيه ... ماينفعش ... كدة تبقى عملية إنتحار ...وتعمل كدة ليه؟ علشان تكسب زيادة النهاردة ... وبكرة تكون إنهارت بعد ما الناس تفهم! ... وهاتروح فين من المنافسين؟

الكلام ده ممكن يطبق على الشركات الجديدة زي الصيني و خلافه ... لما يكون لسة داخل المنافسة و يحط سعر زيه زي باقي الشركات الكبار وهو معندوش منتج منافس في أمان + جودة + تكنولوجي + إعتمادية + سعر منافس + أداء + أقل تلوث + شكل.

ماينفعش يجي حد يقولك دلوقتي على شركة زي هوندا عندها أكتر من 50 سنة تاريخ مشرف في عالم السيارات و أكتر من 60 سنة تاريخ مشرف في عالم الدراجات النارية و جميع أنواع المحركات بصفة عامة و في وجود حرب المنافسة بين الشركات إنها دلوقتي بتبالغ في السعر ... يبقى تهريج.